Luke 10:17 - Kanan

¹⁷ အချိန်နည်းနည်းဟာ မာပ်အာမ်စန်းနော တပည့်တော် ခုနစ်ဆယ်ကော ဆကောက်စာပ်ရယ် လီဟာမ်းဟီးကဲ့အယ် “ကိုယ်တော်၊ အလေဆူကော စိတ်ဆလားလာပ်သယ် ကိုယ်တော်ယေရှုကာ့ နာမတော်လည် သုံးနောကဲ့အယ် အမိန့်အီရာမ်စန်းနော ဟီမ်နာပ်ကော သပ်ချီးမာ့” ငေါကဲ့အယ် လျှောက်တင်နော်ဟီမာ့။

Luke 10:17 Iomraidhean Croise

Luke 10:1

စီးရာပ်သော် ကိုယ်တော်ကော အခြားတပည့်တော် ခုနစ်ဆယ်aလည် ရွေးလောစီးရာပ်သော် ကယ်ဟောတစ်တွဲစီ တွဲလောကဲ့အယ် ကိုယ်တော်ကြွလာမ်ကားကာ့ မြို့ဖူမ်၊ ထိန်ဖူမ်ပါအာ ကြိုလောကဲ့အယ် သာပ်လာမ်မာ့။

Luke 10:20

အင်းညယ်ငေါဝမ်ရီ နီမ်နယ် စိတ်ဆလားလာပ် နာခံနောမာ့ ငေါကားဟာနောက်ကော ပျော်လောကဲ့အယ် လင်းဟီးရာ့။ အင်းညယ်ငေါဝမ်ရီ နီမ်ငါနံမယ်ဖူမ် ရွှေမြို့တော်ဝါ ရေးမှတ်သောပေးကားလည် ခံနောမူကာလည်ဟာ ပျော်လောဟီးလိတ်” ငေါကဲ့အယ် မိန့်နောမာ့။

Luke 10:9

အင်းမာ့မြို့ဝါးမာ့ အဇလာကာ့တီတ်ဆာဖူမ်နယ် ကုလောကဲ့အယ် အီစီးရာပ်သော် ‘ဘုရားရှင်ငါ သာသနာတော် နီမ်ပါအာ ထုတ်အီတီမ် အချိန်ထံပီပ်’ ငေါကားလည် နီမ်နယ် ငါမီမ်းဟော်စီမ်ကာပ်မာ့ ရယ် ဟီမ်နာပ်သယ် ငေါဟီးလိတ်။

Luke 9:1

ရာပ်အာလည် ကိုယ်တော်ကော သာဝကဆယ့်နှစ်ယောက်သယ် ကော်ကဲ့အယ် စုလောစီးရန်စန်နော် စိတ်ဆလားဖူမ် အားလုံးနယ် ငါပ်ပူရင်ကွန်းနယ်နောက် ကနာဟာကား တီတ်ဆာဖူမ်နယ် မီမ်ဟာမ်းစီမ်းရင်ငါကာ အခွင့်အာဏာနောက် တန်ခိုးတော်ဖူမ်နယ် အီမာ့။