Luke 7:16 - Karen Paku

¹⁶ ဘၠီၣ်ကိးဂၤဒ့းပှဲၤလါ တၢ်ပျံၤတၢ်ဖုးဘျီး စံးထီၣ်ပတြၢၤကစၢ်ယွၤဘျီး စံးဝဲ, ‘ဝံဖးဒွိၣ်တဂၤ ဟဲဖျိထီၣ်လိ ပကဆူးပကတ့ၤပူၤလ့. ဘျီးကစၢ်ယွၤဟဲဝဲဒ်သိး အကအုၣ်က့ၤခီၣ်က့ၤ ဘၠီၣ်ထီဖူၣ်ထီခၠၢလ့.’

Luke 7:16 Iomraidhean Croise

Luke 1:65

ကယဲၢ်ဘၠီၣ်အိၣ်ဆိးလိ အကပိၤကပၤတလိၣ် သးပလံၤတၢ်ဖးဒွိၣ်လိတၢ်ကစီၣ်ဘၣ်ဃး တၢ်နံၤတလိၣ်အံၤ အဂ့ၢ်ဟူထီသါလီၤဝဲ တုၤနီၢ်လိကီၢ်ယူဒၤ အတၢ်လူၢ်တၢ်တြီၤတၢ်လီၢ်တၢ်ကျဲၣ်တလိၣ်လိ.

Luke 1:68

မ်ပကစံးထီၣ်ပတြၢၤပကိးကစၢ်, အံၣ်စရ့လးအကစၢ်ယွၤနဲၢ်တကဲၢ်.အဝဲဒၣ်ဟဲဒ်သိး အကမၤစၢၤအပှၤထီဖူၣ်ထီခၠၢဘျီး ပူၤဖျဲးထီၣ်ကွံၤအဝဲဝီၤလိ.

Luke 19:44

အဝဲဝီၤကမၤဟးဝီၤကွံၤနၤခဲလုၤခဲဆ့ ဂူၤလါ ဘၠီၣ်ထီဖူၣ်ထီခၠၢအိၣ်ဝဲလိနခွိၣ်ဒူၣ်အပူၤတလိၣ်လိ. အဝဲဝီၤတပၤလီၤတ့ၤထီၢ်လၢၢ်လိအလီၢ်နီတဖျၢၣ်ဘၣ်. တၢ်ဂ့ၢ်မဲၢ်လိ နတပၤသူၣ်ပၤသးတၢ်ဆၢကတီၢ်ဝဲယွၤဟဲပၤစၢၤဝဲဒ်သိး အကအုၣ်က့ၤနၤဘၣ်အဃိနဲၢ်လိ.

Luke 2:20

ဘၠီၣ်ကွၢ်သိ တလိၣ် က့ၤခိၣ်ခံဂ့ၤဝဲ အိၣ်လါ တၢ်သးဝံၣ် စံးထီၣ်ပတြၢၤကစၢ်ယွၤလိ တၢ်လိ အဝဲဝီၤ တလိၣ် အနၢ်ဟူဘၣ် ပၤစၢၤ ဝဲဘျီး ထ့ၣ်ဘၣ် ပၤစၢၤဝဲ ခဲလုၤ အဃိလိ. တၢ်မၤအသးနဲၢ်, မဲၢ်ဝဲဒ် ကလူးတဂၤနဲၢ် စံးဘၣ် ပၤစၢၤအဝဲဝီၤအသိးနဲၢ်လိ.

Luke 24:19

တၢ်သ့းကွၢ်ဝဲ, ‘တၢ်မနီၢ်တလိၣ်လဲၣ်.’ အဝဲဝီၤစံးဆၢဝဲ, ‘တၢ်လိ အမၤပၤစၢၤအသးလါဘၠီၣ်နစၤရ့းဖိ ယ့ၣ်ရှူးအဂ့ၢ်တလိၣ်လိ. ဘၠီၣ်တဂၤအံၤမဲၢ်ဝဲဝံတဂၤဘျီး ကစၢ်ယွၤလါဘၠီၣ်ထီဖူၣ်ထီခၠၢခဲလုၤပၤအီၤဒ်, အအိၣ်လါတၢ်စိတၢ်ကမီၤလိ တၢ်စံးတၢ်ကတိၤဘျီး တၢ်ဖံးတၢ်မၤနဲၢ်လိ.

Luke 5:26

အဝဲဝီၤ ကိးဂၤဒ့း ကမၢကမၣ်ဝဲနီဘျီးလိတၢ်ပျံၤတၢ်ဖုး အဒွိၣ်အအါအပူၤ, အဝဲဝီၤ စံးထီၣ်ပတြၢၤကစၢ်ယွၤဘျီး စံးဝဲ, ‘မုၢ်တနံၤအံၤ, ပထံၣ်ဘၣ်တၢ်လိ အလီၤလိၢ်လီၤလၣ်တလိၣ်လိ.’

Luke 5:8

စီၤရှံမိၣ်ပ့းတရူးထ့ၣ်တၢ်လိ ယ့ၣ်ရှူးအမံၤညါဘျီး စံးဝဲ, ‘ဟးထီၣ်ကွံၤလိ ယအိၣ်တကဲၢ်. ကစၢ်ဧိ, ယမဲၢ်ဘၠီၣ်တၢ်ဒဲးဘးဖွိတဂၤလိ.’

Luke 7:15

ဘၠီၣ်သံတဂၤနဲၢ် ဆ့နီၤဝဲဘျီးကတိၤထီၣ်တၢ်, ဘျီးယ့ၣ်ရှူးဟ့လီၤဂ့ၤအီၤလိ အမွိၢ်အစုၣ်ပူၤနဲၢ်လိ.

Luke 7:39

ဘၠီၣ်ဖၤရံၤရှဲလိ အကွဲယ့ၣ်ရှူးတဂၤ ထ့ၣ်တၢ်တမံၤအံၤနဲၢ်, အဝဲဒၣ်ဆိကမိၣ်ဝဲလိ အသးပူၤ, ‘ဘၠီၣ်တဂၤအံၤမဲၢ်မဲၢ်ဝဲဒၣ်ဝံတဂၤနဲၢ်, အဝဲဒၣ်ကသံညါဘၠီၣ်မ့ၣ်ပှၢ်လိ အထွိးအီၤတဂၤအံၤမဲၢ်မတဂၤလဲၣ်နဲၢ်လိ. ဘၠီၣ်မ့ၣ်ပှၤတဂၤဒၣ် အိၣ်မူပၤစၢၤဝဲလ့ တၢ်ဒဲးဘးအတၢ်အိၣ်မူဒ်လဲၣ်တကလုာ်နဲၢ်အဝဲဒၣ်ကသံညါဝဲလိ.’

Luke 8:37

တုၤနုၤတဘျီးဘၠီၣ်ထီဖူၣ်ထီခၠၢလိ အအိၣ်ဖဲကီၢ်ကဒါရၤကပွိၤကပၤတလိၣ်ခဲလုၤ မၢယ့ၣ်ရှူးဟးထီၣ်ကွံၤ, တၢ်ဂ့ၢ်မဲၢ်လိအဝဲဝီၤ သးပလံၤနီၢ်သးပလံၤသ့းတၢ်အဃိလိ. သတးဘျီးယ့ၣ်ရှူးနုၤလီၤဆူချံပူၤဘျီး ဟးထီၣ်ကွံၤဝဲဒၣ်လိ.

Luke 9:19

အဝဲဝီၤစံးဆၢဝဲ, ‘ဘၠီၣ်တနီၤစံးလိ နမဲၢ်ဘၠီၣ်ဘျၢတၢ်စီၤယိၤဟၣ်, တနီၤစံးလိ နမဲၢ်စီၤအ့ၤလံယၤ, ဘျီး အဂၤတနီၤစံးလိ နမဲၢ်ဝံလိ ပျၢၤအကျၣ်တဂၤလိ အဂ့ၤထ့ထီၣ်က့ၤဝဲနဲၢ်လိ.