Luke 16:15 - Karen Paku

¹⁵ ယ့ၣ်ရှုးစံးဘၣ်အဝဲဝီၤ, ‘သုမဲၢ်ဘၠီၣ်တလိၣ်လိ အမၤဖျါထီၣ်အသးဒ်အမူၤအနီၢ်ဝဲအသိး, လိပှၤကညီအမံၤညါ, လၢၤဘျီးကစၢ်ယွၤသံညါသုသူၣ်သုသးလိ. တၢ်ဂ့ၢ်ဒ့းအ့ၤ, တၢ်လိပှၤကညီဆိကမိၣ်လိအအိၣ်လါအလုၢ်အပှ့ၤဖးဒိၣ်နဲၢ်, လိကစၢ်ယွၤအမံၤညါမဲၢ်တၢ်လိအလီၤသးဘၣ်အၢၣ်နဲၢ်လိ.

Luke 16:15 Iomraidhean Croise

Luke 10:29

လၢၤဘျီး ဘၠီၣ်သ့းတၢ်ဘူၣ်တၢ်ဘါအတၢ်သိၣ်တၢ်သီတဂၤအံၤသးအိၣ်, ပၤတီပၤလိၤအသး သတးဘျီသ့းကွၢ်ယ့ၣ်ရှူး, ‘ဘၠီၣ်လိယကပၤမဲၢ်မတဂၤလဲၣ်.’

Luke 11:39

လိတၢ်နံၤအဃိ, ကစၢ်ယ့ၣ်ရှူးစံးဘၣ်အီၤ, ‘ခဲနဲအံၤ, သုဝဲဘၠီၣ်ဖၤရံၤရှဲတလိၣ်သုမၤဆှီၣ်လ့ခီအချၢလိ. မဲၢ်မဲၢ်လိ သုပူၤတခိနဲၢ် သုလိပှဲၤလါ တၢ်စုၣ်ဆူၣ်ခီၣ်တကးဘျီး တၢ်အၢၣ်တၢ်သီလိ.

Luke 18:11

ဘၠီၣ်ဖၤရံရှဲတဂၤ ဆ့ထၢၣ်ဝဲလိ တၢ်လီၢ်တပူၤဒၣ်ဝဲဘျီး ဃ့ဘါထုကဖၣ် တၢ်ဘျီး စံး, ‘ယစံးဘျုးနၤလိ ကစၢ်ယွၤဧိ. ယတမဲၢ်ဘၠီၣ်ဂုာ်ဆူၣ်ပျိဆူၣ်တၢ်, ဘၠီၣ်မၤတၢ်အၢၣ်တၢ်သီ, ဘၠီၣ်အဲၣ်ဘၢတၢ်ဒ်ဘၠီၣ်အဂၤအသိးဘၣ်အဃိနဲၢ်လိ. ယစံးဘျုးနၤလိ ယတလီၤဂၤလါ ဘၠီၣ်ဃ့သွဲတဂၤနဲၢ်ဘၣ်.

Luke 18:14

ယ့ၣ်ရှူးစံးဘၣ်အဝဲဝီၤ, ‘ယစံးဘၣ်သု, ဘၠီၣ်ဃ့သွဲတဂၤအ့ၤလိအတမဲၢ်ဘၠီၣ်ဖၤရံၤရှဲတဂၤဘၣ်နဲၢ်, မဲၢ်ဘၠီၣ်နီၢ်လိကစၢ်ယွၤအမံၤညါဘျီး အဝဲဒၣ်က့ၤဂ့ၤလိ အဟံၣ်နဲၢ်လိ. တၢ်ဂ့ၢ်ဒ့းအ့ၤကယဲၢ်ဘၠီၣ်လိ အပၤထီၣ်ထီအသးတဂၤလၢ်လၢ်နဲၢ်, အဘၣ်တၢ်ဆီၣ်လီၤအီၤဘျီး ကယဲၢ်ဘၠီၣ်လိ အဆီၣ်လီၤအသးတဂၤလၢ်လၢ်နဲၢ် ကဘၣ်တၢ် ပၤထီၣ်ထီအီၤလိ.’

Luke 18:21

ဘၠီၣ်တဂၤနဲၢ်စံးဆၢဝဲ, ‘တၢ်အံၤဝီၤဒၣ်,ယတွိၢ်နီၣ်လါစူၤဝဲလိ. ယဖွိသၣ်ခွါလ့ၤလ့ၤလိ.’

Luke 18:9

ဘၠီၣ်လိ အနၤန့ၢ်လီၤအသးလိ အဂ့ၤဝဲဝၣ်ဝဲ, ဘျီးကွၢ်တလီၤဘၠီၣ်ကိးဂၤဒ့းနဲၢ်, ယ့ၣ်ရှူးစံးဘၣ်နဲၢ်နဲၢ်အဝဲဝီၤလိတၢ်ကတိၤဒိ အဝဲအံၤ.

Luke 20:20

လိတၢ်နံၤအဃိ, အဝဲဝီၤ ဟ့ဘၠီၣ်တနီၤစ့ၣ်ဒ်သိး အကပၤမၤအသးလိ အမဲၢ်ဘၠီၣ်အသးလိၤ, ဘျီး ဆှၢလီၤအဝဲဝီၤလိ အကသ့းကွၢ်သ့းဒိးယ့ၣ်ရှူးဘျီး ဖီၣ်န့ၢ်အီၤလိ အတၢ်ကတိၤဒ်သိးအဝဲဝီၤ ဟ့လီၤအီၤလိ ရိမ့ၢ်အပဒွိၣ်ဖးဒွိၣ်အတၢ်စိကမီၤအပူၤကသ့းဝဲအဂီၢ်နဲၢ်လိ.

Luke 20:47

တၢ်လီၢ်အဂ့ၤကတၢၢ် ဖဲဘူၣ်အဆၢကတီၢ်, ဘၠီၣ်လိ အဟံးန့ၢ်တၢ်အခွဲးအယၤလိ မုၣ်ကမဲတလိၣ်အဖီခွိၣ်ဘျီး ဂူၤန့ၢ်ဝၤန့ၢ်အဟံၣ်အဃီတလိၣ် ဘျီး တၢ်န့ၢ်ဝံၤအလီၢ်ခံပၤမၤအသးခီဖျိ အဃ့ဘါထုကဖၣ်တၢ်ဖးထိနဲၢ်တကဲၢ်. တၢ်စံၣ်ညီၣ်လိ အဝဲဝီၤအဂီၢ်ကမဲၢ် တၢ်အအၢၣ်ကတၢၢ်လိ.’