2 و أَلِّ أَيَمَّظلَب سَڨ إِوخِيلَن، يَلزَم أَمَّفَن ذ أَثِّيقَث عَرفِنسَن.
يَر فَلَّس سَيَّدنَ يَسُوع: «ذ وِين نَتَّ أَوكِيل أَثِّيقَث دَلعاقَل أَلِّ إِحُطِّ سِيدِيس باش أَ يُش يِخَدَّمنَس أَتشَنسَن ڨ أَلوَقث أَلّازَم؟
يَلزَم أَخَنَّحسبَن لَعباذ ذ إِخَدّامَن ن أَلمَسِيح و ذ إِوخِيلَن ف لَسرار ن أَرَّب.
و واه أَيَندَغ أَسبَب أَلِّ يَدجايِ أَخَنَّزنَ مَمِّ أَثِّيقَث أَلِّ أَخسَخثِ تِيمُوثاوُس. و نَتَّ أَخَنِفَكَّر س أَسِّرثِيو ڨ أَلمَسِيح أَمّاخ إِ سَّقرِيغ ذِيس ڨ أَلكنايَس أَلكُل و ڨ كُل بلاسَ.
أَمَّ نَتش، أَيَّتهَمش أَيَثحَسبَم خَنيُم زِيغ ذ تِمَحكَمت ن لَعباذ. نَتش زادَ أَتحَسِبَخش إِمَنِيو.
أَمَّ أَلِّ أَلُّغِنش، أَلغرِيش ي نِهنِن أَلوصَيَّث سَڨ أَلمَسِيح. أَمَّ أَخَنُّشَ أَرّاي علَخاطَر س أَنَّعمَث ن رَبِّ تَذوَل غَرِ.