လံာ်စဖါနယၤ 3:9 - Sgaw Karen Common Bible

⁹ အန့ၣ်တစု, ယကလဲလိာ်ကွံာ်ပှၤကလုာ်တဖၣ်အပှၤဂီၢ်မုၢ်, ဒီးအဝဲသ့ၣ်ကဃ့ထီၣ်တၢ်ထဲဆူယၤတဂၤလီၤ. ဒီးဆူကစၢ်အဂၤတဖၣ်အအိၣ်န့ၣ်တဃ့လၢၤတၢ်ဘၣ်န့ၣ်လီၤ. အဝဲသ့ၣ်ခဲလၢာ်ကစူၢ်ယၤလီၤ.

လံာ်စဖါနယၤ 3:9 Iomraidhean Croise

လံာ်တၢ်ကဲထီၣ်အခီၣ်ထံး 11:1

လၢအခီၣ်ထံးန့ၣ်ပှၤဟီၣ်ခိၣ်ဖိခဲလၢာ်အိၣ်ဒီးအကျိာ်ထဲတခါ ဧိၤဒီးသူတၢ်ကတိၤတဖၣ်တမံၤဃီန့ၣ်လီၤ.

လံာ်တၢ်ကဲထီၣ်အခီၣ်ထံး 4:26

စီၤၡ့သးအိၣ်ဒီးအဖိခွါတဂၤလၢအယုၢ်န့ၢ်ဝဲအမံၤလၢစီၤ အနိၣ်န့ၣ်လီၤ. လၢန့ၣ်လံၤလံၤလၢတၢ်ဘူၣ်ထီၣ်ဘါထီၣ်ယွၤအပူၤယွၤအမံၤစီဆှံ ဘၣ်တၢ်သူအီၤလၢပှၤဂီၢ်မုၢ်လံန့ၣ်လီၤ.

စံးထီၣ်ပတြၢၤ 113:3

မ်ယွၤအမံၤဘၣ်တၢ်စံးထီၣ်ပတြၢၤအီၤ, လၢမုၢ်ထီၣ်တုၤဆူမုၢ်နုာ်န့ၣ်တက့ၢ်.

စံးထီၣ်ပတြၢၤ 22:27

ပှၤကိးကလုာ်ဒဲးကသ့ၣ်နီၣ်ထီၣ်ယွၤလီၤ. ပှၤလၢအအိၣ်လၢဟီၣ်ခိၣ်ချၢခဲလၢာ် ကဃၣ်က့ၤအသးဆူအအိၣ်လီၤ. ဒူၣ်ထၢခဲလၢာ်ကဘူၣ်ထီၣ်ဘါထီၣ်အီၤလီၤ.

လံာ်ယၡါယၤ 19:18

တုၤတၢ်ဆၢကတီၢ်န့ၣ်ဟဲဝဲဒီး, ပှၤဧ့ၤဘြံၤဖိအကျိာ်ကဘၣ်တၢ် ကတိၤအီၤလၢကီၢ်အဲၤကူပတူးအဝ့ၢ်ယဲၢ်ဝ့ၢ်အပူၤန့ၣ်လီၤ. ပှၤဖဲန့ၣ်တဖၣ်ကဆိၣ်လီၤအသးလၢယွၤသ့တၢ်လၢာ်ကစၢ်အမံၤ အပူၤလီၤ. ဝ့ၢ်အကျါတဝ့ၢ်ကဘၣ်တၢ်ကိးအီၤလၢ, “မုၢ်အဝ့ၢ်” န့ၣ်လီၤ.

လံာ်ယၡါယၤ 57:19

ယဟ့ၣ်တၢ်ဃူတၢ်ဖိးဆူပှၤခဲလၢာ်, ပှၤလၢအဘူးမ့ၢ်ဂ့ၤ, အယံၤမ့ၢ်ဂ့ၤလီၤ. ယကမၤဘျါယပှၤဂီၢ်မုၢ်လီၤ.

လံာ်ယၡါယၤ 6:7

အဝဲထိးယနိးဖံးလၢမ့ၣ်အူကဖးကိၢ်လိၣ်ဒီးစံးဝဲ, “တၢ်အံၤထိးဘၣ်နနိးဖံးလံဒီးအခဲအံၤနတၢ်ကမၣ်လဲၤပူၤကွံာ်လံ, ဒီးနတၢ်ဒဲးဘးတဖၣ်ဘၣ်တၢ်ပျၢ်အီၤလံ.”

လံာ်ယံးရမံယၤ 16:19

ယွၤဧၢ, နမ့ၢ်ပှၤတဂၤလၢအဒီဒၣ်အိၣ်ပှိၤယၤဒီးဟ့ၣ်ယၤတၢ်ဂံၢ် တၢ်ဘါန့ၣ်လီၤ. နမၤစၢၤယၤလၢတၢ်ကီတၢ်ခဲအဆၢကတီၢ် တဖၣ်လီၤ. ပှၤကလုာ်တဖၣ်ကဟဲဆူနအိၣ်လၢဟီၣ်ခိၣ်အကတၢၢ် တဖၣ်ဒီးစံး, “ပမိၢ်ပၢ်ဖံဖုလၢပျၢၤတဖၣ်တအိၣ်ဒီးတၢ်နီတမံၤဘၣ်. မ့မ့ၢ်တၢ်အိၣ်ဒီးအဝဲသ့ၣ်မ့ၢ်ဒၣ်ထဲကစၢ်ကဘျံးကဘျၣ်တဖၣ်ဒီး တၢ်ဂီၤတၢ်ဖီၣ်တဂိာ်တသီၣ်တဖၣ်လၢအတမၤဂ့ၤအဝဲသ့ၣ်နီတမံၤဘၣ် န့ၣ်လီၤ.

လံာ်ယဃ့းစက့လး 37:17

အန့ၣ်ဝံၤဒီးဖီၣ်ဃာ်စဲဘူးသ့ၣ်ခံဘိလၢာ်အထိးနါတပူၤဃီလၢ နစုပူၤဒ်သိးကလီၤဂာ်လၢသ့ၣ်တဘိဃီန့ၣ်တက့ၢ်.

လံာ်ဃဘးကူာ် 2:14

အဂ့ၢ်ဒ်အံၤ, ဟီၣ်ခိၣ်ကပှဲၤထီၣ်ဝဲဒီးတၢ်သ့ၣ်ညါယွၤအလၤ ကပီၤဒ်ပီၣ်လဲၣ်ဖိတဖၣ်ပှဲၤဝဲဒီးထံအသိးန့ၣ်လီၤ.

လံာ်စဖါနယၤ 2:11

ယွၤကမၤပျံၤမၤဖုးအဝဲသ့ၣ်လီၤ. အဝဲကမၤဆံးလီၤစှၤလီၤကစၢ်တဖၣ်လၢဟီၣ်ခိၣ်ချၢဒီဘ့ၣ်ဆူတၢ် နီတမံၤအပူၤန့ၣ်လီၤ. တုၤနုၤတစုပှၤကလုာ်ခဲလၢာ်ကဘူၣ်ထီၣ်ဘါထီၣ်အီၤလၢအထံအကီၢ် ဒၣ်ဝဲအပူၤန့ၣ်လီၤ.

လံာ်စကၤရယၤ 14:9

အန့ၣ်ဒီးယွၤကကဲထီၣ်စီၤပၤလၢဟီၣ်ခိၣ်ဒီဘ့ၣ်ညါအဖီခိၣ်, ဒီးပှၤကိးဂၤဒဲးကဘူၣ်ထီၣ်ဘါထီၣ်အီၤဒ်ကစၢ်ယွၤအသိးဒီး ကသ့ၣ်ညါအီၤလၢအမံၤတယုၢ်ဃီန့ၣ်လီၤ.

လံာ်စကၤရယၤ 2:11

ဖဲအဆၢကတီၢ်အဝဲန့ၣ်, ပှၤအါကလုာ်ကဟဲဆူယွၤအအိၣ်ဒီးကဲထီၣ်အပှၤဂီၢ်မုၢ်န့ၣ်လီၤ. အဝဲကအိၣ်ဆိးလၢသုကျါ, ဒီးသုကသ့ၣ်ညါလၢအဝဲမၢလီၤယၤဆူသုအိၣ်န့ၣ်လီၤ.

လံာ်မးသဲ 12:35

ပှၤအဂ့ၤန့ၣ်ဟံးထီၣ်ဟ့ၣ်ထီၣ်တၢ်အဂ့ၤလၢအဝဲအတၢ်ဂ့ၤအတၢ်ပာ် ဖှိၣ်လီၢ်အပူၤန့ၣ်လီၤ. ဒီးပှၤအအၢန့ၣ်လၢအဝဲအတၢ်အၢအတၢ်ပာ်ဖှိၣ်လီၢ်အပူၤန့ၣ်ဟံး ထီၣ်ဟ့ၣ်ထီၣ်တၢ်အၢလီၤ.

အ့းဖ့းစူး 4:29

တၢ်ကတိၤအအၢအသီန့ၣ်ဒုးထီၣ်ဖျဲးအီၤလၢသုထးခိၣ် တဂ့ၤ. ကတိၤထဲတၢ်ကတိၤအဂ့ၤလၢအမၤထီၣ်မၤထီတၢ်, လၢအဘၣ်ဘျီးဘၣ်ဒါတဖၣ်, ဒ်သိးဒီးပှၤလၢအနၢ်ဟူအီၤတဖၣ်ကန့ၢ်ဘျုးန့ၢ်ဖှိၣ်အဂီၢ်န့ၣ်တက့ၢ်.

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”