လံာ်စဖါနယၤ 3:8 - Sgaw Karen Common Bible

⁸ ယွၤစံးဝဲဒၣ်, “အိၣ်ခိး, ခိးတုၤမုၢ်တနံၤလၢယဂဲၤဆၢထၢၣ် အုၣ်ယသးထီဒါပှၤကလုာ်တဖၣ်န့ၣ်တက့ၢ်. ယပာ်လီၤယသးလၢယကပာ်ဖှိၣ်ပှၤကလုာ်တဖၣ်ဒီးဘီမုၢ် တဖၣ်ဒ်သိးယကပျဲအဝဲသ့ၣ်ကလၢၢ်ဘၣ်ယတၢ်သးထီၣ် အသဟီၣ်လီၤ. ဟီၣ်ခိၣ်ဒီဘ့ၣ်ကဘၣ်တၢ်မၤဟးဂီၤကွံာ်အီၤလၢယတၢ်သးကဲၤထီၣ် အမ့ၣ်အူန့ၣ်လီၤ.

လံာ်စဖါနယၤ 3:8 Iomraidhean Croise

စံးထီၣ်ပတြၢၤ 12:5

“ဘၣ်ဆၣ်ခဲကနံၣ်အံၤယကဟဲ” ယွၤစံးဝဲဒၣ်, “အဂ့ၢ်မ့ၢ်လၢပှၤဖှီၣ်ဖိယာ်ဖိတဖၣ် ဘၣ်တၢ်ဆီၣ်ဘံၣ်ဆီၣ်ဘၢအီၤ, ဒီးပှၤလၢအလိၣ်ဘၣ်တၢ်မၤစၢၤတဖၣ် ကအုကစွါထီၣ်ဝဲအဃိလီၤ. ယကဟ့ၣ်အဝဲသ့ၣ်တၢ်ပူၤဖျဲးလၢ အဆၢဒိးန့ၢ်ဘၣ်ဝဲန့ၣ်လီၤ.”

စံးထီၣ်ပတြၢၤ 123:2

ကွၢ်ကွၢ်, ဒ်ကုၢ်ပိာ်ခွါအမဲာ်ကွၢ်တၢ်ဆူ အကစၢ်အစုအသိးဒီး ဒ်အခ့အပှၤပိာ်မုၣ်အမဲာ်ကွၢ်တၢ်ဆူ အကစၢ်မုၣ်အစုအသိးန့ၣ်, ပမဲာ်ကွၢ်တၢ်ဆူယွၤပကစၢ်အအိၣ်တုၤ အသူၣ်ကညီၤသးကညီၤပှၤတစုလီၤ.

စံးထီၣ်ပတြၢၤ 27:14

မုၢ်လၢ်တၢ်လၢယွၤတက့ၢ်. ပာ်ဆူၣ်နသးတက့ၢ်. အိၣ်ဒီးတၢ်သူၣ်ဒူသးဒူတက့ၢ်. မုၢ်လၢ်တၢ်လၢယွၤတက့ၢ်.

စံးထီၣ်ပတြၢၤ 37:34

မုၢ်လၢ်တၢ်လၢယွၤအပူၤဒီး ဒိကနၣ်အတၢ်မၤလိာ်တဖၣ်န့ၣ်တက့ၢ်. အဝဲဒၣ်ကမၤလၤကပီၤနၤခီဖျိ တၢ်ဟ့ၣ်လီၤနၤထံဧိၤကီၢ်ဧိၤ, ဒီးနကထံၣ်ပှၤအၢပှၤသီ ဘၣ်တၢ်ဒီၣ်တဲာ်ကွံာ်အီၤန့ၣ်လီၤ.

စံးထီၣ်ပတြၢၤ 37:7

အိၣ်ဃိကလာ်လၢယွၤအမဲာ်ညါ, ဒီးခိးအီၤလၢတၢ်ဝံသးစူၤအပူၤန့ၣ်တက့ၢ်. ဘၣ်ကိၢ်ဘၣ်ဂီၤလၢ ပှၤလၢအဘီၣ်ထီၣ်ညီထီၣ်လၢအကျဲဒၣ်ဝဲ, မ့တမ့ၢ်ပှၤလၢအမၤန့ၢ်တၢ်လၢ အတၢ်ကူၣ်အၢအဃိန့ၣ်တဂ့ၤ.

စံးထီၣ်ပတြၢၤ 62:1

ယသးအိၣ်ခိးထဲကစၢ်ယွၤတဂၤဧိၤလၢတၢ်အိၣ်ဘှ့ၣ်အိၣ်ဘှီၣ်အပူၤန့ၣ်လီၤ. တၢ်အုၣ်က့ၤခီၣ်က့ၤယၤန့ၣ်ဟဲဒၣ်ထဲလၢအအိၣ်လီၤ.

စံးထီၣ်ပတြၢၤ 62:5

အဂ့ၢ်ဒ်အံၤယသးအိၣ်ခိးထဲကစၢ်ယွၤတဂၤဧိၤ လၢတၢ်အိၣ်ဘှ့ၣ်အိၣ်ဘှီၣ်အပူၤန့ၣ်လီၤ. အဂ့ၢ်ဒ်အံၤယမုၢ်လၢ်တၢ်လၢအီၤလီၤ.

စံးထီၣ်ပတြၢၤ 79:5

ယွၤဧၢ, မ့ၢ်နကသးထီၣ်ပှၤလီၤထူလီၤယိာ်ဧါ. မ့ၢ်နတၢ်သးထီၣ်ကအီၣ်တၢ်ဒ် မ့ၣ်အူအသိးဆူညါဒံးဧါ.

စံးထီၣ်ပတြၢၤ 79:6

လူလီၤနတၢ်သးထီၣ်လၢပှၤကလုာ် တဖၣ်လၢအတသ့ၣ်ညါနၤအလိၤ ဒီးဘီမုၢ်တဖၣ်လၢအတကိးထီၣ်နမံၤအလိၤန့ၣ်တက့ၢ်.

တၢ်ကတိၤဒိ. 20:22

ဟံးန့ၢ်မူဒါဒၣ်နဲလၢနကဟ့ၣ်ကၣ်တၢ်အၢတမံၤအဂီၢ်တဂ့ၤ. သန့ၤနသးလၢယွၤဒီးအဝဲကမၤလိၤမၤဘၣ်အီၤလီၤ.

လံာ်တၢ်သးဝံၣ်တဖၣ်အတၢ်သးဝံၣ် 8:6

အိးထီၣ်နသးလၢနကအဲၣ်ယၤထဲတဂၤဧိၤ, ဒီးဖိးဟုယၤထဲတဂၤဧိၤတက့ၢ်. တၢ်အဲၣ်န့ၣ်ဆူၣ်ထဲသိးဒီးတၢ်သံ, တၢ်အဲၣ်တၢ်ကွံအဂံၢ်အဘါဆူၣ်ဒ်တၢ်သံအနီၢ်ကစၢ်န့ၣ်လီၤ. ကပျီၤထီၣ်ဝဲဒ်မ့ၣ်အူလၣ်ဒီးအီၣ်တၢ်ဒ်မ့ၣ်အူလၢအသလၣ်လီၤအသး တပျုာ်တပျီၤအသိးန့ၣ်လီၤ.

လံာ်ယၡါယၤ 14:26

အဝဲအံၤမ့ၢ်ယတၢ်ကူၣ်တၢ်ကျဲၤလၢဟီၣ်ခိၣ်ဒီဘ့ၣ်အဂီၢ်ဒီးယစု ယူာ်ထီၣ်အသးလၢကစံၣ်ညီၣ်ပှၤကလုာ်တဖၣ်အဂီၢ်လီၤ.”

လံာ်ယၡါယၤ 30:18

အန့ၣ်ဒၣ်လဲာ်, ယွၤအိၣ်ခိးသုလၢကသူၣ်ကညီၤသးကညီၤ သုအဂီၢ်လီၤ. အဝဲအိၣ်ကတဲာ်ကတီၤအသးလၢကသးကညီၤသု လီၤ. အဂ့ၢ်ဒ်အံၤ, အဝဲမၤတၢ်လၢအဘၣ်ထီဘိလီၤ. ပှၤလၢအပာ်အတၢ်နာ်လၢယွၤအပူၤတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ.

လံာ်ယၡါယၤ 34:2

ယွၤသးထီၣ်ဘၣ်ပှၤကလုာ်ခဲလၢာ်ဒီးအဝဲသ့ၣ်အသုး မုၢ်သံၣ်ဘိခဲလၢာ်လီၤ. အဝဲစံၣ်ညီၣ်ဃၣ်တ့ၢ်အဝဲသ့ၣ် ဆူတၢ်ဟးဂီၤအပူၤလံ.

လံာ်ယၡါယၤ 63:6

လၢယတၢ်သးထီၣ်အပူၤန့ၣ်, ယယီၢ်တံၢ်ကွံာ်ကယဲၢ်ပှၤကလုာ် တဖၣ်ဒီးမၤသဘှံးကွံာ်အဝဲသ့ၣ်လီၤ. ယဂၢ်လီၤကွံာ်အဝဲသ့ၣ်အတၢ်မူအသွံၣ်လၢဟီၣ်ခိၣ်လိၤလီၤ.”

လံာ်ယံးရမံယၤ 10:25

ဃၣ်ဃီၤနတၢ်သးကဲၤထီၣ်ဆူပှၤကလုာ် တဖၣ်လၢတဘူၣ်ထီၣ်ဘါထီၣ်နၤအဖီခိၣ် ဒီးဆူပှၤဂီၢ်မုၢ်တဖၣ်လၢအညိကွံာ်နၤအဖီခိၣ်တက့ၢ်. အဝဲသ့ၣ်မၤသံကွံာ်နပှၤဂီၢ်မုၢ်န့ၣ်လီၤ. အဝဲသ့ၣ်မၤဟးဂီၤကွံာ်ပှၤလၢာ်လၢာ်ဆ့ဆ့ ဒီးပာ်လီၤတဲာ်တ့ၢ်ပထံပကီၢ်လၢတၢ်ဟးဂီၤအပူၤလီၤ.

လံာ်ဟိၤၡ့ 12:6

လၢတၢ်န့ၣ်အဃိခဲကနံၣ်အံၤ, စီၤယၤကိာ်အစၢၤအသွဲၣ်သ့ၣ်ဧၢ, နာ်န့ၢ်သုကစၢ်ယွၤဒီးဃၣ်ကဒါက့ၤသုသးဆူအအိၣ်တက့ၢ်. အိၣ်ဒီးတၢ်သးတီဒီးတၢ်တီတၢ်လိၤဒီးအိၣ်ခိးစူၤသးလၢသု ကစၢ်ယွၤကမၤတၢ်အဂီၢ်တက့ၢ်.

လံာ်ယိၤအ့လး 3:2

ယကပာ်ဖှိၣ်ပှၤကလုာ်ခဲလၢာ်, ဒီးဟဲစိာ်အီၤဆူတၢ်စံၣ်ညီၣ်အတြီၤပူၤန့ၣ်လီၤ. ဖဲန့ၣ်ယကစံၣ်ညီၣ်အဝဲသ့ၣ် မ့ၢ်လၢအမၤလီၤပြံလီၤပြါယပှၤဂီၢ်မုၢ်အဃိန့ၣ်လီၤ. အဝဲသ့ၣ်မၤလီၤပြံလီၤပြါပှၤအံၣ်စရ့လးဖိလၢတခီထံတခီ ကီၢ်တဖၣ်အပူၤ, ဒီးနီၤဖးကွံာ်ယထံယကီၢ်, ကီၢ်အံၣ်စရ့လးန့ၣ်လီၤ.

လံာ်မံကၤ 7:7

မ့မ့ၢ်ယဲဒၣ်အံၤယကအိၣ်ခိးကွၢ်လၢ်ယွၤ, ယကအိၣ်ခိးကစၢ်ယွၤလၢ အကအုၣ်က့ၤခီၣ်က့ၤယၤလၢတၢ်သူၣ်ဂၢၢ်သးကျၢၤအပူၤလီၤ. ယကစၢ်ယွၤကနၢ်ဟူယကလုၢ်လီၤ.

လံာ်ဃဘးကူာ် 2:3

ကွဲးလီၤတၢ်အံၤတက့ၢ်. အဂ့ၢ်ဒ်အံၤ, အဆၢကတီၢ်တဘၣ်ဒံးလၢကလၢ ထီၣ်ပှဲၤထီၣ်အဂီၢ်ဘၣ်. ဘၣ်ဆၣ်ဒီးတၢ်ဆၢကတီၢ်ဟဲဝဲချ့သဒံးဒီးတၢ်လၢယဒုးနဲၣ်နၤ ကလၢထီၣ်ပှဲၤထီၣ်လီၤ. အတၢ်ဟဲကအိၣ်ဖျါဃၢဝဲဘၣ်ဆၣ် အိၣ်ခိးအီၤတက့ၢ်. တၢ်အံၤကမၤအသးသပှၢ်ကတၢၢ်ဒီး တသုးနံၤသုးသီဘၣ်.”

လံာ်စဖါနယၤ 1:18

လၢယွၤပာ်ဖျါအသးကဲၤထီၣ်အမုၢ်တနံၤန့ၣ်, ကယဲၢ်အဝဲသ့ၣ်အထူမ့ၢ်ဂ့ၤ, အစ့မ့ၢ်ဂ့ၤခဲလၢာ်ဒၣ်လဲာ် မၤပူၤဖျဲးအီၤတသ့ဘၣ်. ယွၤအတၢ်သးထီၣ်အမ့ၣ်အူကမၤဟးဂီၤကွံာ်ဟီၣ်ခိၣ်ဒီဘ့ၣ်ညါန့ၣ်လီၤ. အဝဲကမၤကတၢၢ်ကွံာ်ကယဲၢ်ပှၤအိၣ်မူလၢဟီၣ်ခိၣ်ချၢခဲလၢာ်လၢတၢ် မၤကတၢၢ်သတူၢ်ကလာ်အပူၤန့ၣ်လီၤ.

လံာ်ဃးကဲ 2:22

ဒီးမၤနၢၤကွံာ်ဘီမုၢ်တဖၣ်ဒီးမၤကတၢၢ်ကွံာ်အဝဲသ့ၣ်အစိအ ကမီၤလီၤ. ယကမၤလီၤတကျၢၢ်ကွံာ်လ့ၣ်ကဟၣ်သုးဒီးအပှၤနီၣ်တၢ်တဖၣ်, ကသ့ၣ်တဖၣ်ကသံဝဲ, ဒီးအပှၤဒိးအီၤတဖၣ်ကမၤသံလိာ်အသးတဂၤဒီး တဂၤလီၤ.

လံာ်မးသဲ 25:32

ဒီးပှၤကလုာ်ခဲလၢာ်ကအိၣ်ဖှိၣ်ရိဖှိၣ်လၢအဝဲအမဲာ်ညါလီၤ. တုၤနုၤတစုအဝဲကနီၤဖးလီၤအဝဲသ့ၣ်ခံဖု, ဒ်ပှၤကွၢ်သိတဂၤနီၤဖးအသိဒီးမဲာ်တဲးလဲးတဖၣ်အသိး န့ၣ်လီၤ.

၂ ပ့းတရူး 3:10

ဘၣ်ဆၣ်ဒီးကစၢ်အမုၢ်တနံၤကဟဲဝဲဒ်တၢ်ဘျၣ်တဂၤအသိး လီၤ. ဒီးလၢမုၢ်နံၤအဝဲန့ၣ်မူခိၣ်ကလီၤမၢ်ကွံာ်လၢတၢ်သီၣ် ဖးဒိၣ်, တၢ်အမိၢ်ပှၢ်လၢမူခိၣ်တဖၣ်ကကဲၤထီၣ်ဒီးဟးဂီၤ ကွံာ်, ဒီးဟီၣ်ခိၣ်ဒီးတၢ်အိၣ်လၢအပူၤခဲလၢာ်မ့ၣ်အူကအီၣ် ကွံာ်အီၤန့ၣ်လီၤ.

လံာ်လီၣ်ဖျါ 16:1

တုၤနုၤတစုယနၢ်ဟူတၢ်ကလုၢ်ဖးဒိၣ်သီၣ်ထီၣ်လၢတၢ်လုၢ်ဟံၣ် ပူၤဒီးစံးဘၣ်ကလူးနွံဂၤ “လဲၤ ဒီးဂၢ်လီၤကစၢ်ယွၤအတၢ်သးထီၣ်အသလၢနွံဖျၢၣ် လၢဟီၣ်ခိၣ်ချၢတက့ၢ်.”

လံာ်လီၣ်ဖျါ 16:14

အဝဲသ့ၣ်မ့ၢ်တၢ်ဝံတၢ်နါလၢအမၤတၢ်လီၤလးတဖၣ်အသး န့ၣ်လီၤ. သးသၢဒုအံၤလဲၤဝဲဆူဟီၣ်ခိၣ်အစီၤပၤခဲလၢာ်အအိၣ် ဒ်သိးအကဒုးအိၣ်ဖှိၣ်အဝဲသ့ၣ်တပူၤဃီလၢတၢ်ဒုးဖဲသ့တၢ် လၢာ်ကစၢ်ယွၤအမုၢ်နံၤဖးဒိၣ်တနံၤန့ၣ်အဂီၢ်လီၤ.