လံာ်စဖါနယၤ 3:4 - Sgaw Karen Common Bible

⁴ အဝံတဖၣ်တမၤအမူအဒါဘၣ်ဒီးအသူၣ်တလိၤ အသးတဘျၢဘၣ်န့ၣ်လီၤ. အပှၤလုၢ်တၢ်အခိၣ်သ့ၣ် တဖၣ်မၤဘၣ်အၢဘၣ်သီတၢ်လၢအစီအဆှံဒီးဝံၢ်ကဒံကဒါကစၢ် ယွၤအတၢ်သိၣ်တၢ်သီလၢအဝဲသ့ၣ်အတၢ်ဘၣ်ဘျုးဒၣ်ဝဲအဂီၢ်လီၤ.

လံာ်စဖါနယၤ 3:4 Iomraidhean Croise

လံာ်ယၡါယၤ 9:15

ပှၤသးပှၢ်ဒီးပှၤအိၣ်ဒီးအလၤကပီၤတဖၣ်မ့ၢ်အခိၣ်, ဒီးဝံတဖၣ်လၢအတၢ်သိၣ်လိသီလိမ့ၢ်တၢ်လီတၢ်ဝ့ၤတဖၣ်, မ့ၢ်အမဲၢ်လီၤ.

လံာ်ယံးရမံယၤ 23:32

ဒိကနၣ်တၢ်လၢယၤ, ယွၤအံၤ, စံးဝဲတက့ၢ်. ယထီဒါဝံတဖၣ်လၢအတဲအတၢ်မံမီၢ်တဖၣ်လၢ အပှဲၤဒီးတၢ်လီတၢ်ဝ့ၤတဖၣ်န့ၣ်လီၤ. အဝဲသ့ၣ်တဲတၢ်မံမီၢ်တဖၣ်အံၤဒီးဆှၢဟးဖျိးကွံာ်ယပှၤဂီၢ်မုၢ်ခီဖျိ အတၢ်လီတၢ်ဝ့ၤတဖၣ်ဒီးအတၢ်ပာ်ကဖၢလၢအသးန့ၣ်လီၤ. ယတမၢလီၤအဝဲသ့ၣ်မ့ၢ်ဂ့ၤ, ဒီးဟ့ၣ်လီၤယကလုၢ်လၢအဝဲသ့ၣ် ကလဲၤတၢ်အဂီၢ်မ့ၢ်ဂ့ၤန့ၣ်ဘၣ်. ဒီးအဝဲသ့ၣ်တကဲထီၣ်တၢ်မၤစၢၤ လၢယပှၤဂီၢ်မုၢ်အဂီၢ်နီတမံၤဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 34:19

ဘၣ်ဆၣ်ဒီး အဝဲသ့ၣ်မၤဟးဂီၤကွံာ်တၢ်အၢၣ်လီၤဒီး တတိၢ်န့ၢ်ဖံးဃာ်ဘၣ်အတၢ်ဂ့ၢ်လၢတၢ်ပာ်လီၤအီၤတဖၣ်န့ၣ်လီၤ. အဃိဒီး, ယကမၤ, ပှၤဂီၢ်မုၢ်သ့ၣ်တဖၣ်အံၤဒ် တၢ်လၢအဝဲသ့ၣ် မၤတ့ၢ်ကျီၢ်ဖါအသိးန့ၣ်လီၤ.

လံာ်ယံးရမံယၤ 5:31

ဝံတဖၣ်တကတိၤတၢ်အဂၤဘၣ်မ့ၢ်ဒၣ်ထဲတၢ်လီတၢ်ဝ့ၤ, ပှၤလုၢ်တၢ်အခိၣ်တဖၣ်ပၢတၢ်ဒ်ဝံတဖၣ်အံၤဟ့ၣ်လီၤအကလုၢ်အသိး, ဒီးယပှၤဂီၢ်မုၢ်တဒုးနဲၣ်ဘၣ်အတၢ်သးတလီၤပလိာ်လၢတၢ်ဂ့ၢ်တဖၣ် အံၤအဖီခိၣ်နီတမံၤဘၣ်. ဘၣ်ဆၣ်, ဖဲတၢ်အံၤခဲလၢာ်အကတၢၢ် ဟဲတုၤလံန့ၣ်အဝဲသ့ၣ်ကမၤတၢ်မနုၤလဲၣ်.”

လံာ်ယံးရမံယၤ 8:10

လၢတၢ်န့ၣ်အဃိ, ယကဟ့ၣ်လီၤကွံာ်အဝဲသ့ၣ်အစံာ်ဧိၤပှဲၤဧိၤ တဖၣ်ဆူအကစၢ်အသီတဖၣ်အစုပူၤဒီးအဝဲသ့ၣ်အမါတဖၣ်ဆူ ပှၤပိာ်ခွါအဂၤတဖၣ်အအိၣ်န့ၣ်လီၤ. ပှၤကိးဂၤဒဲး, ဒိၣ်မ့ၢ်ဂ့ၤဆံးမ့ၢ်ဂ့ၤ, ကျဲးစၢးမၤန့ၢ်စ့လၢတၢ်တတီတလိၤအပူၤလီၤ. ဝံတဖၣ်ဒီးပှၤလုၢ်တၢ်အခိၣ်တဖၣ်ဒၣ်လဲာ်လီအီၣ်ပှၤဂီၢ်မုၢ်န့ၣ်လီၤ.

လံာ်သးသယုၢ်တၢ် 2:14

နဝံတဖၣ်န့ၣ်ကတဲနၤတၢ်တအိၣ်ဘၣ်နီတမံၤဘၣ်. မ့မ့ၢ်အိၣ်ထဲတၢ်ကဘျံးကဘျၣ်လီၤ. လၢတၢ်တမၤဖျါထီၣ်နတၢ်ဒဲးဘးအဃိအတၢ်စံၣ်တဲၤတဲ လီၤတဖၣ်လီန့ၢ်နၤလီၤ. အဝဲသ့ၣ်မၤဝဲဒ်သိးနကဆိကမိၣ်လၢတလိၣ်လၢနကဘၣ်ပီၢ်ယၢ်လီၤက့ၤ နသးန့ၣ်ဘၣ်.

လံာ်ယဃ့းစက့လး 22:26

ပှၤလုၢ်တၢ်အခိၣ်တဖၣ်လုၢ်သ့ၣ်ခါပတာ်ယတၢ်ဘူၣ်တၢ်ဘါအတၢ်သိၣ်တၢ် သီဒီးတအိၣ်ဒီးတၢ်ပာ်ကဲတၢ်လၢအစီဆှံန့ၣ်ဘၣ်. အဝဲသ့ၣ်တပာ်လီၤဆီတၢ်လၢအစီအဆှံဒီးအတစီ တဆှံန့ၣ်ဘၣ်. အဝဲသ့ၣ်တသိၣ်လိတၢ်လီၤဆီလၢတၢ်လၢအကဆှီဒီး အတကဆှီဘၣ်အဘၢၣ်စၢၤန့ၣ်ဘၣ်. ဒီးအဝဲသ့ၣ်တကနၣ်ဃုာ်မုၢ်အိၣ်ဘှံးနံၤန့ၣ်ဘၣ်. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်တယူးယီၣ်ပာ်ကဲယၤ ဘၣ်.

လံာ်ယဃ့းစက့လး 22:6

ကယဲၢ်ကီၢ်အံၣ်စရ့လးအခိၣ်အနၢ်ခဲလၢာ်နာ်န့ၢ်လီၤအဂံၢ်အဘါဒၣ် ဝဲဒီးမၤသံတၢ်န့ၣ်လီၤ.

လံာ်ယဃ့းစက့လး 44:23

ပှၤလုၢ်တၢ်အခိၣ်တဖၣ်ကဘၣ်သိၣ်လိယပှၤဂီၢ်မုၢ်လၢတၢ်လီၤဆီ လၢတၢ်စီဆှံဒီးတၢ်လၢအတစီဆှံဘၣ်အဘၢၣ်စၢၤဒီးတၢ်လၢ အကဆှီဒ်တၢ်ဘူၣ်တၢ်ဘါအလုၢ်အလၢ်အသိးဒီးတၢ်လၢ တကဆှီဘၣ်အဘၢၣ်စၢၤန့ၣ်လီၤ.

လံာ်ဟိၤၡ့ 9:7

တၢ်ဆၢကတီၢ်လၢတၢ်စံၣ်ညီၣ်အဂီၢ်, တၢ်ဆၢကတီၢ်လၢပှၤဂီၢ်မုၢ်တဖၣ်ကဒိးန့ၢ်တၢ်လၢအကြၢးဒိးန့ၢ်ဘၣ် ဝဲန့ၣ်ဟဲတုၤလံ. ဖဲတၢ်န့ၣ်မၤအသးဒီးကီၢ်အံၣ်စရ့လးကသ့ၣ်ညါအီၤလီၤ. သုစံးလၢဝံတဂၤအံၤမ့ၢ်ပှၤဟးဂီၤဖိန့ၣ်လီၤ. ပှၤလၢယွၤဟ့ၣ်စိဟ့ၣ်ကမီၤအီၤတဂၤအံၤပျုၢ်လီၤ. သုပှၤဂီၢ်မုၢ်တဖၣ်သးဟ့ယၤနးနးကလဲာ်မ့ၢ်လၢသုတၢ်ဒဲးဘး န့ၣ်အါဝဲအဃိလီၤ.

လံာ်မံကၤ 2:11

ပှၤဂီၢ်မုၢ်တဖၣ်အံၤအဲၣ်ဒိးဝဲဒၣ်ဝံတကလုာ်လၢအလဲၤဝ့ၤဝီၤတၢ်, အိၣ်ပှဲၤဒီးတၢ်လီတၢ်ဝ့ၤဒီးတၢ်ကဘျံးကဘျၣ်ဒီးစံး, “ယကတိၤဝံအကျိာ်ဒ်သိးစပံးထံဒီးသံးကယွၤလီၤလၢသုဂီၢ် လီၤ”.

လံာ်မံကၤ 3:11

ဝ့ၢ်အပဒိၣ်တဖၣ်န့ၣ်ပၢတၢ်လၢခိၣ်ဖးလာ်ဆှိးတဖၣ်အဂီၢ်, ပှၤလုၢ်တၢ်အခိၣ်တဖၣ်ကတိၤကျိးထံတၢ်သိၣ်တၢ်သီလၢတၢ်အဘူး အလဲအဂီၢ်ဒီးဝံတဖၣ်ဖးတၢ်လၢစ့အဂီၢ်, ဒီးစံးသကိးခဲလၢာ်လၢယွၤအိၣ်ဒီးအဝဲသ့ၣ်လီၤ. ဒီးစံးဝဲဒၣ်, “တၢ်အၢတဘၣ်ဘၣ်ပှၤနီတမံၤဘၣ်. ယွၤအိၣ်ဒီးပှၤလီၤ”.

လံာ်မၤလကံ 1:6

တၢ်သုးမုၢ်ဂီၢ်မုၢ်အယွၤစံးဘၣ်ပှၤလုၢ်တၢ်အခိၣ်တဖၣ်ဒ်အံၤ, “ဖိခွါမၤလၤကပီၤအပၢ်, ဒီးတၢ်ခ့တၢ်ပှၤမၤလၤကပီၤအကစၢ်လီၤ. ယဲဒၣ်အံၤယမ့ၢ်သုပၢ်လီၤ, ဘၣ်မနုၤအဃိသုတမၤလၤကပီၤယၤလဲၣ်. ယဲဒၣ်အံၤယမ့ၢ်သုကစၢ်, ဘၣ်မနုၤအဃိသုတပာ်ကဲယၤလဲၣ်. သုမၤတရီတပါယၤဒီးသုသံကွၢ်, ပမၤတရီတပါနၤဒ်လဲၣ်.”

လံာ်မၤလကံ 2:7

တၢ်န့ၣ်မ့ၢ်ပှၤလုၢ်တၢ်အခိၣ်တဖၣ်အမူအဒါလၢ ကဘၣ်သိၣ်လိတၢ်သ့ၣ်ညါအမ့ၢ်အတီဘၣ်ဃး ဒီးကစၢ်ယွၤန့ၣ်လီၤ. ပှၤဘၣ်လဲၤဆူအဝဲသ့ၣ်အအိၣ်လၢကမၤလိယတၢ်ဘၣ်သး, မ့ၢ်လၢအဝဲသ့ၣ်မ့ၢ်ယွၤသ့တၢ်လၢာ်အပှၤစိာ်တၢ် ကစီၣ်တဖၣ်အဃိန့ၣ်လီၤ.

လံာ်မၤလကံ 2:8

မ့မ့ၢ်ခဲကနံၣ်အံၤ, သုဝဲပှၤလုၢ်တၢ်အခိၣ်တဖၣ်သုဃၣ် ကွံာ်တ့ၢ်သုသးလၢကျဲအတီအလိၤန့ၣ်လံ. သုတၢ်သိၣ်လိဆှၢပှၤအါဂၤလၢကမၤကမၣ်တၢ်န့ၣ်လီၤ. သုမၤဟးဂီၤကွံာ်တၢ်အၢၣ်လီၤအီလီၤလၢယမၤတ့ၢ်ဒီးသုလီၤ.

လံာ်မးသဲ 7:15

ပလီၢ်သုသးလၢဝံအဘျၣ်တဖၣ်တက့ၢ်. အဝဲသ့ၣ်ဟဲဆူသုအိၣ်ဖျါမၤအသးဒ်သိတဖၣ်အသိး, ဘၣ်ဆၣ်နီၢ်နီၢ်တခီလၢအကံၢ်အလဲန့ၣ်အဝဲသ့ၣ်လီၤဂာ် ဒီးထွံၣ်မံၤအအၢအသီတဖၣ်လီၤ.

၂ ကရံၣ်သူး 11:13

ပှၤသ့ၣ်တဖၣ်န့ၣ်တမ့ၢ်ပှၤတၢ်မၢဖိနီၢ်နီၢ်ဘၣ်. အဝဲသ့ၣ်မ့ၢ်ပှၤတၢ်မၢဖိအဘျၣ်တဖၣ်, လၢအကတိၤကဘျံးကဘျၣ်တၢ်ဘၣ်ဃးအတၢ်ဖံးတၢ်မၤအဂ့ၢ်, ဒီးပျိာ်လီၤဆီအသးဒ်သိးအကလီၤဂာ်ဒီးခရံာ်အတၢ်မၢဖိနီၢ် နီၢ်တဖၣ်လီၤ.

၁ ယိၤဟၣ် 4:1

ယတံၤသကိးသးဘိသ့ၣ်ဧၢ, ပှၤလၢအစံးလီၤအသးလၢအအိၣ်ဒီးယွၤအသးခဲလၢာ်န့ၣ်, နာ်အီၤတဂ့ၤ. မ့မ့ၢ်, မၤကွၢ်အီၤဒ်သိးသုကထံၣ်သ့ၣ်ညါသးလၢအအိၣ်ဒီးအဝဲသ့ၣ်, မ့ၢ်အဟဲလၢကစၢ်ယွၤအအိၣ်ကစီဒီဧါအဂီၢ်န့ၣ်တက့ၢ်. အဂ့ၢ်ဒ်လဲၣ်န့ၣ်, ဝံအဘျၣ်အါဂၤအိၣ်ထီၣ်ဝဲလၢဟီၣ်ခိၣ်ချၢလံ.

လံာ်လီၣ်ဖျါ 19:20

တၢ်ဒူတၢ်ဃိၤတဒုန့ၣ်ဘၣ်တၢ်ဖီၣ်န့ၢ်အီၤတပူၤဃီဒီးဝံ အဘျၣ်လၢအမၤတ့ၢ်တၢ်လီၤလးတဖၣ်လၢတၢ်ဒူတၢ်ဃိၤ တဒုန့ၣ်အမဲာ်ညါလီၤ. (ခီဖျိတၢ်လီၤလးတဖၣ်န့ၣ်, အဝဲဒၣ်လီန့ၢ်တ့ၢ်ပှၤသ့ၣ်တဖၣ်လၢအအိၣ်ဒီးတၢ်ဒူတၢ်ဃိၤ တဒုန့ၣ်အတၢ်ပနီၣ်, ဒီးပှၤသ့ၣ်တဖၣ်လၢအဘါတ့ၢ်တၢ်ဒူတၢ်ဃိၤတဒုန့ၣ် အက့ၢ်အဂီၤလီၤ.) တၢ်ဒူတၢ်ဃိၤဒီးဝံအဘျၣ်စ့ၢ်ကီး, ဘၣ်တၢ်တ့ၢ်လီၤမူဒံးအီၤဆူနိၣ်မ့ၣ်အူလၢအအီၣ်ဃုာ် တၢ်ဒီးကးန့ၣ်လီၤ.

လံာ်ပှၤစံၣ်ညီၣ်ကွီၢ် 9:4

ဒီးအဝဲသ့ၣ်ဟ့ၣ်လီၤစီၤအဘံၤမ့လ့းလၢစ့နီၢ်အဘ့ၣ်နွံဆံလၢ အအိၣ်ဝဲလၢတၢ်အၢၣ်လီၤအီလီၤ အဘဧၤလးအတၢ်လုၢ်ဟံၣ်အပူၤန့ၣ် လီၤ. ဒီးအဝဲဒိးလဲန့ၢ်ပှၤအၢပှၤသီတဖၣ်လၢတိၢ်စ့အဝဲန့ၣ်ဒ်သိးကပိာ်အခံအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:22

ခဲအံၤစီၤဧ့လံၤအသးပှၢ်လံ. အဝဲနၢ်ဟူဘၣ်တၢ်ဂ့ၢ်ကိးမံၤဒဲး ဘၣ်ဃးအဖိခွါတဖၣ်မၤပှၤအံၣ်စရ့လးဖိတဖၣ်ဒီးအဝဲသ့ၣ်မံ ဃုာ်ဂဲၤဃုာ်ဒၣ်လဲာ်ဒီးပှၤပိာ်မုၣ်တဖၣ်လၢအမၤတၢ်လၢ တၢ်ဘူၣ်ထီၣ်ဘါထီၣ်ယွၤအဒဲအကျဲစၢၤန့ၣ်လီၤ.