လံာ်စဖါနယၤ 3:3 - Sgaw Karen Common Bible

³ အပဒိၣ်ဖးဒိၣ်တဖၣ်လီၤဂာ်ဒ်ခ့ယုၢ် တဖၣ်လၢအကညီၤတၢ်အသိး, အပှၤစံၣ်ညီၣ်ကွီၢ်တဖၣ်လီၤ ဂာ်ဒ်ထွံၣ်မံၤတဖၣ်လၢအသူၣ်ဝံၤသၣ်စ့ၤဒီးသူၣ်လီသးကွံတၢ် အါတုၤအတပာ်တ့ၢ်တၢ်ဃံတဘိဒၣ်လဲာ်တုၤလၢမုၢ်ဂီၤ အကတီၢ်ဘၣ်အသိးန့ၣ်လီၤ.

လံာ်စဖါနယၤ 3:3 Iomraidhean Croise

တၢ်ကတိၤဒိ. 28:15

လၢပှၤတတီတလိၤအတၢ်ပၢအဖီလာ်န့ၣ်, ပှၤဖှီၣ်ဖိယာ်ဖိတဖၣ်မၤစၢၤလီၤက့ၤအသးတသ့နီတမံၤဘၣ်. အဝဲလီၤပျံၤလီၤဖုးဒ်ခ့ယုၢ်တဒုလၢအကညီၤထီၣ်ရုၢ်ရုၢ်အသိး ဒီးဒ်တၤသူတဒုလၢအဟးဝ့ၤဝီၤစီၤတၢ်အသိးလီၤ.

လံာ်ယၡါယၤ 1:23

နပှၤခိၣ်ပှၤနၢ်တဖၣ်န့ၣ်မ့ၢ်ပှၤပူထီၣ်တၢ်ဒီးမ့ၢ်တၢ်ဘျၣ်တဖၣ်အတံၤ သကိးလီၤ. အဝဲသ့ၣ်တူၢ်လိာ်တၢ်ဟ့ၣ်တဖၣ်ဒီးခိၣ်ဖးလာ်ဆှိးတဖၣ် ထီဘိလီၤ. အဝဲသ့ၣ်တဒီဒၣ်အိၣ်ပှိၤပှၤဖိၣ်ဃဲတဖၣ်လၢ ကွီၢ်ဘျီၣ်ပူၤမ့ၢ်ဂ့ၤ, တဒိကနၣ်ဝဲဒၣ်ဖဲမုၣ်ကမဲတဖၣ်ဆှၢထီၣ် အကွီၢ်မ့ၢ်ဂ့ၤနီတစုဘၣ်ဒီးပှၤမုၣ်ကမဲတဖၣ်အတၢ်လိာ်ကွီၢ်န့ၣ်, တဒိကနၣ်ဝဲဘၣ်.

လံာ်ယၡါယၤ 5:29

သုးဖိတဖၣ်ကညီၤထီၣ်ဝဲဒ်ခ့ယုၢ်တဖၣ်အသိး, လၢအမၤသံ ဆၣ်ဖိကီၢ်ဖိဒီးစိာ်ကွံာ်အီၤဆူတၢ်လီၢ်လၢပှၤဟံးန့ၢ်က့ၤအီၤ လၢအအိၣ်တသ့နီတဂၤဘၣ်န့ၣ်လီၤ.

လံာ်ယံးရမံယၤ 22:17

မ့မ့ၢ်နဲနထံၣ်သ့ဒၣ်ထဲနတၢ်သး စဲတဖၣ်လၢနတၢ်အဲၣ်လီၤနသးအပူၤန့ၣ်လီၤ. နမၤသံပှၤလၢအတၢ်ကမၣ်တအိၣ်တဖၣ် ဒီးမၤနးမၤဖှီၣ်ဆူၣ်နပှၤဂီၢ်မုၢ်န့ၣ်လီၤ. ယွၤကတိၤလံတၢ်လံ.”

လံာ်ယံးရမံယၤ 23:11

ယွၤစံးဝဲဒၣ်, “ဝံတဖၣ်ဒီးပှၤလုၢ်တၢ်အခိၣ်တဖၣ်န့ၣ် တယူးယီၣ်ဘၣ်ယွၤဘၣ်. ယထံၣ်ဘၣ်တ့ၢ်အဝဲသ့ၣ်မၤတၢ်အၢလၢ ယတၢ်လုၢ်ဟံၣ်အပူၤဒၣ်လဲာ်န့ၣ်လီၤ.

လံာ်ယံးရမံယၤ 34:19

ဘၣ်ဆၣ်ဒီး အဝဲသ့ၣ်မၤဟးဂီၤကွံာ်တၢ်အၢၣ်လီၤဒီး တတိၢ်န့ၢ်ဖံးဃာ်ဘၣ်အတၢ်ဂ့ၢ်လၢတၢ်ပာ်လီၤအီၤတဖၣ်န့ၣ်လီၤ. အဃိဒီး, ယကမၤ, ပှၤဂီၢ်မုၢ်သ့ၣ်တဖၣ်အံၤဒ် တၢ်လၢအဝဲသ့ၣ် မၤတ့ၢ်ကျီၢ်ဖါအသိးန့ၣ်လီၤ.

လံာ်ယံးရမံယၤ 5:6

လၢတၢ်န့ၣ်အဃိ, ခ့ယုၢ်တဖၣ်လၢသ့ၣ်ဒိၣ်ပှၢ် ထီၣ်အပူၤကမၤသံကွံာ်အဝဲသ့ၣ်, ထွံၣ်မံၤတဖၣ်လၢမဲးမုၢ်ခိၣ်ကအ့ၣ်ဖှီအဝဲသ့ၣ်ဆူ အက့အခီ, ဒီးခ့စံၣ်ပိၣ်တဖၣ်ကဟးဝ့ၤဝီၤကစုဒုသကုၤအဝဲသ့ၣ် အဝ့ၢ်တဖၣ်အပူၤန့ၣ်လီၤ. ပှၤဂီၢ်မုၢ်တဖၣ်အံၤမ့ၢ်ဟးထီၣ်ဒီး, အဝဲသ့ၣ်ကဘၣ် တၢ်အ့ၣ်ဖှီလီၤကလဲအီၤ မ့ၢ်လၢအတၢ်ဒဲးဘးတဖၣ်အိၣ်အါအါဂီၢ်ဂီၢ် ဒီးတဘျီဝံၤတဘျီ, အဝဲသ့ၣ်ဃၣ်ကွံာ်တ့ၢ်အသးလၢကစၢ်ယွၤအအိၣ်အဃိန့ၣ်လီၤ.

လံာ်ယဃ့းစက့လး 22:6

ကယဲၢ်ကီၢ်အံၣ်စရ့လးအခိၣ်အနၢ်ခဲလၢာ်နာ်န့ၢ်လီၤအဂံၢ်အဘါဒၣ် ဝဲဒီးမၤသံတၢ်န့ၣ်လီၤ.

လံာ်ယဃ့းစက့လး 33:26

သုသန့ၤထီၣ်သုသးလၢသုနးတဖၣ်န့ၣ်လီၤ. သုတၢ်ဖံးတၢ်မၤ တဖၣ်လီၤသးဘၣ်အၢန့ၣ်လီၤ. ပှၤကိးဂၤဒဲးမၤတၢ်မၤကမုၣ် ကမၣ်ခွါန့ၣ်လီၤ. တၢ်မနုၤဒုးဆိကမိၣ်သုလၢကီၢ်အံၤမ့ၢ်သု တၢ်န့ၣ်လဲၣ်.

လံာ်ဃဘးကူာ် 1:8

အကသ့ၣ်တဖၣ်ချ့န့ၢ်ဒံးခ့စံၣ်ပိၣ်တဖၣ်ဒီး လီၤပျံၤဒိၣ်န့ၢ်ဒံးထွံၣ်မံၤတဖၣ်လၢအသၣ်ဝံၤန့ၣ်လီၤ. အပှၤဒိးကသ့ၣ်တဖၣ်ဟဲဒိးကသ့ၣ်လၢကီၢ်အယံၤတဖၣ်, ဒီးအကသ့ၣ်တဖၣ်လဲၤသဖှိတၢ်လၢတၢ်ပာ်ကဖိအသးပူၤလီၤ. အဝဲသ့ၣ်လဲၤသဖှိဃီၤဒ်လံာ်ကြီကြာ်တဖၣ်ယူၤလီၤချ့ သဒံးဒီးစှီၤန့ၢ်အဆၣ်အီၣ်အသိးန့ၣ်လီၤ.