လံာ်စဖါနယၤ 3:13 - Sgaw Karen Common Bible

¹³ အံၣ်စရ့လးအပှၤဂီၢ်မုၢ်လၢအအိၣ်မူတ့ၢ်တဖၣ်တမၤ ကမၣ်လၢၤဘၣ်ပှၤနီတဂၤ, တကတိၤလီတၢ်နီတမံၤမ့ၢ်ဂ့ၤ, တကျဲးစၢးလွဲန့ၢ်ပှၤနီတဂၤမ့ၢ်ဂ့ၤဘၣ်န့ၣ်လီၤ. အဝဲသ့ၣ်ကအီၣ်ကုးအီပှဲၤဒီးအိၣ်မုာ်ဆိးပၢၤဒီးတဘၣ် ပျံၤပှၤနီတဂၤဘၣ်န့ၣ်လီၤ.”

လံာ်စဖါနယၤ 3:13 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 20:30

လၢတၢ်န့ၣ်အဃိစီၤယဟိၡၤဖးပၢဘၣ်တၢ်မုာ်မုာ်ခုၣ်ခုၣ်ဒီးကစၢ် ယွၤဟ့ၣ်အီၤတၢ်ဘံၣ်တၢ်ဘၢလၢတၢ်ကိးကပၤဒဲးန့ၣ်လီၤ.

လံာ်စီၤယိၤဘး 11:19

နတပျံၤဘၣ်နဒုၣ်နဒါတဖၣ်လၢၤဘၣ်. ပှၤအါဂၤကဃ့နၤလၢတၢ်မၤ စၢၤန့ၣ်လီၤ.

စံးထီၣ်ပတြၢၤ 119:3

တမၤစ့ၢ်ကီးတၢ်ကမၣ်နီတမံၤဘၣ်. အဝဲသ့ၣ်လဲၤတၢ်လၢယွၤအကျဲတဖၣ်အပူၤလီၤ.

စံးထီၣ်ပတြၢၤ 120:2

ယွၤဧၢ, မၤပူၤဖျဲးယၤလၢထးခိၣ်ကဘျံးကဘျၣ် ဒီးပျ့ၤလီတၢ်န့ၣ်တက့ၢ်.

စံးထီၣ်ပတြၢၤ 120:3

သုဝဲပှၤလီတၢ်ဖိသ့ၣ်ဧၢ, ကစၢ်ယွၤကမၤသုဒ်လဲၣ်. အဝဲကစံၣ်ညီၣ်သုဒ်လဲၣ်.

စံးထီၣ်ပတြၢၤ 23:2

ဒုးကိာ်လီၤယၤလၢအီၣ်ဆၣ်အလီၢ်လါဟ့အပူၤ, ဆှၢယၤလၢထံဂၢၢ်အနံၤလီၤ.

လံာ်ယၡါယၤ 17:2

ကီၢ်စူၤရံအဝ့ၢ်တဖၣ်ကဘၣ်တၢ်ဟးသဒၣ်ကွံာ်အီၤလီၤထူလီၤယိာ် လီၤ. ကကဲထီၣ်သိဒီးကျီၢ်အီၣ်ဆၣ်အလီၢ်, ဒီးပှၤတနီၣ်ထီၣ်ဟီထီၣ်ကွံာ်အဝဲသ့ၣ်နီတဂၤဘၣ်.

လံာ်ယၡါယၤ 35:8

ကျဲမုၢ်ဖးဒိၣ်တဘိလၢအဘၣ်တၢ်ကိးအီၤလၢ, “တၢ်စီဆှံအကျဲ” ကအိၣ်ထီၣ်ဝဲလီၤ. ပှၤတၢ်ဒဲးဘးဖိတလဲၤတၢ်လၢကျဲအဝဲန့ၣ်နီတဂၤနီတစုဘၣ်. ပှၤဟးဂီၤဖိတဖၣ်လၢအကဆှၢကမၣ်ဘၣ်ပှၤတဖၣ်လၢအပိာ်ကျဲ အဝဲန့ၣ်တအိၣ်နီတဂၤဘၣ်.

လံာ်ယၡါယၤ 54:14

တၢ်စံၣ်ညီၣ်တီဒီးတၢ်အလိၤအဘၣ် ကဒုးဆူၣ်ထီၣ်နၤလီၤ. နကပူၤဖျဲးလၢတၢ်မၤအၢမၤနးဒီးတၢ်လီၤပျံၤလီၤဖုးလီၤ.

လံာ်ယၡါယၤ 6:13

လၢပှၤအဂၤတဆံအကျါပှၤမ့ၢ်အိၣ်လီၤတဲာ်တ့ၢ်ထဲတဂၤဧိၤ လၢထံကီၢ်အံၤအပူၤဒၣ်လဲာ်, အဝဲစ့ၢ်ကီးကဘၣ်တၢ်မၤဟးဂီၤ ကွံာ်အီၤလီၤ. အဝဲကလီၤဂာ်ဒ်သ့ထိးဖၣ်အခိၣ် ဆၢၣ်လၢအအိၣ်လီၤတဲာ်ဖဲတၢ်ကူၢ်လီၤအီၤဝံၤအလီၢ်ခံလီၤ.” (သ့ၣ်ခိၣ်ဆၢၣ်မ့ၢ်တၢ်ဒိလီၤတၢ်စးထီၣ်အသီတမံၤလၢယွၤ အပှၤဂီၢ်မုၢ်အဂီၢ်န့ၣ်လီၤ.)

လံာ်ယၡါယၤ 60:21

နပှၤဂီၢ်မုၢ်ခဲလၢာ်ကမၤတၢ်လၢအလိၤအဘၣ်, ဒီးကန့ၢ်သါဘၣ်ထံကီၢ်လီၤထူလီၤယိာ်လီၤ. ယသူၣ်လီၤတ့ၢ်အဝဲသ့ၣ်, ယဒုးကဲထီၣ်တ့ၢ်အဝဲသ့ၣ်, ဒ်သိးကလီၣ်ဖျါယတၢ်ဒိၣ်တၢ်မုၢ်ဆူပှၤခဲလၢာ်န့ၣ်လီၤ.

လံာ်ယၡါယၤ 63:8

ယွၤစံးဝဲဒၣ်, “အဝဲသ့ၣ်မ့ၢ်ယပှၤဂီၢ်မုၢ်, အဝဲသ့ၣ်တလီယၤဘၣ်.” လၢတၢ်န့ၣ်အဃိအဝဲဒၣ်အုၣ်က့ၤခီၣ်က့ၤအဝဲသ့ၣ်,

လံာ်ယၡါယၤ 65:10

အဝဲသ့ၣ်ကဘူၣ်ထီၣ်ဘါထီၣ်ယၤဒီးကဆှၢအသိဒီးဂီၤ ဘုၣ်ဂီၤဖံးတဖၣ်ဆူတၢ်အီၣ်ဆၣ်အလီၢ်လါဟ့ဖဲၡၤရိၣ် အပျီလၢမုၢ်နုာ်တခီဒီးဆူတၢ်ကီတၢ်ခဲအတြီၤလၢမုၢ် ထီၣ်တခီအပူၤန့ၣ်လီၤ.

လံာ်ယံးရမံယၤ 23:4

ယကဃုထၢပာ်လီၤပှၤပၢတၢ်တဖၣ်လၢကကဟုကယာ်အဝဲသ့ၣ် အဂီၢ်န့ၣ်လီၤ. ယပှၤဂီၢ်မုၢ်အံၤတပျံၤတၢ်လၢၤဘၣ်ဒီးတဘၣ်ယိၣ် ဘၣ်ဘီတၢ်လၢၤဘၣ်, ဒီးယတစံၣ်ညီၣ်ကဒီးအဝဲသ့ၣ်လၢၤဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 30:10

ယပှၤဂီၢ်မုၢ်သ့ၣ်ဧၢ, ပျံၤတၢ်ဖုးတၢ်တဂ့ၤ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, အိၣ်ဒီး တၢ်ပျံၤတၢ်ဖုးတဂ့ၤ. ယကအုၣ်က့ၤခီၣ်က့ၤသုလၢ ထံကီၢ်လၢအယံၤဝဲန့ၣ်, ထံကီၢ်ဖဲသုမ့ၢ်ပှၤဘၣ်တၢ်စိာ်မၢကဲကုၢ်တဖၣ်န့ၣ်လီၤ. သုကဟဲက့ၤကဒါက့ၤဆူ ဟံၣ်ဒီး အိၣ်မုာ်အိၣ်ခုၣ် ဘၣ်န့ၣ်လီၤ. တၢ်အၢတဘၣ်သုဘၣ်ဒီး ပှၤတမၤပျံၤမၤဖုးသု နီတဂၤဘၣ်.

လံာ်ယံးရမံယၤ 31:33

တၢ်အၢၣ်လီၤအီလီၤ အသီလၢ ယကမၤဒီး ကီၢ်အံၣ်စရ့လး အပှၤဂီၢ်မုၢ်န့ၣ် ကမ့ၢ်အအံၤလီၤ. ယကပာ်ယတၢ်သိၣ်တၢ်သီ လၢအဝဲသ့ၣ်အသးကံၢ်ပူၤဒီး ကွဲးလီၤအီၤလၢ အဝဲသ့ၣ်အသး ဘ့ၣ်ဘၣ်အလိၤန့ၣ်လီ. ယကမ့ၢ်အဝဲသ့ၣ် အကစၢ်ယွၤဒီး အဝဲသ့ၣ်ကမ့ၢ်ယပှၤဂီၢ်မုၢ်န့ၣ်လီၤ.

လံာ်ယဃ့းစက့လး 39:26

တုၤအဝဲသ့ၣ်အိၣ်ဆိးဘၣ်ကဒီးတဘျီလၢတၢ်ပူၤဖျဲးအပူၤလၢ အကီၢ်ဒၣ်ဝဲအပူၤ, တအိၣ်ဒီးပှၤလၢကမၤပျံၤမၤဖုးအီၤနီတဂၤန့ၣ်, အဝဲသ့ၣ်သးပ့ၤနီၣ်ကွံာ်ဝဲလၢအဘၣ်တၢ်မၤမဲာ် ဆှးအီၤဒ်လဲၣ်. လၢအတတီဒီးယၤအဃိသ့ဝဲလီၤ.

လံာ်ယိၤအ့လး 3:17

တုၤနုၤတစု, ပှၤအံၣ်စရ့လးဖိသ့ၣ်ဧၢ, သုကသ့ၣ်ညါလၢယမ့ၢ် ယွၤ, သုကစၢ်ယွၤန့ၣ်လီၤ. ယအိၣ်လၢကစၢၢ်စံယိၣ်, ယကစၢၢ်စီဆှံအလိၤန့ၣ်လီၤ. ဝ့ၢ်ယရူၤၡလ့ၣ်ကမ့ၢ်ဝ့ၢ်စီဆှံတဖျၢၣ် ဒီးပှၤတခီဘီမုၢ်တဖၣ်တမၤနၢၤမၤဃၣ်ကဒီး အီၤလၢၤဘၣ်.

လံာ်ယိၤအ့လး 3:21

မ့မ့ၢ်ကီၢ်ယူဒၤဒီးဝ့ၢ်ယရူၤၡလ့ၣ်န့ၣ်ကမ့ၢ်တၢ်အိၣ် တၢ်ဆိးအလီၢ်အစိၤစိၤအဃၣ်ဃၣ်, ဒီးယၤ, ယွၤကအိၣ်ဝဲဆိးဝဲလၢကစၢၢ်စံယိၣ်အလိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:6

ဒီးယကဟ့ၣ်လီၤသုလၢတၢ်ဃူတၢ်ဖိးလၢသုထံဧိၤကီၢ် ဧိၤအပူၤ, ဒီးသုကမံဒီးပှၤတမၤပျံၤမၤဖုးဘၣ်သုနီတဂၤဘၣ်. ဒီးယကဒုးဟးထီၣ်ကွံာ်ဆၣ်ဖိကီၢ်ဖိအအၢလၢသုကီၢ်ပူၤ, ဒီးတၢ်ဒုးတၢ်ယၤတအိၣ်လၢၤဘၣ်လၢသုကီၢ်ပူၤဘၣ်.

လံာ်မံကၤ 4:4

ပှၤကိးဂၤဒဲးကအိၣ်မုာ်ဆိးပၢၤလၢအစပံးလီၢ်တဖၣ်ဒီး အချၢၣ်ဒၢထူၣ်တဖၣ်ဒၣ်ဝဲအကျါ, ပှၤတမၤပျံၤအီၤနီတဂၤလၢၤဘၣ်. တၢ်သုးမုၢ်ဂီၢ်မုၢ်အယွၤအၢၣ်လီၤအီလီၤတ့ၢ်တၢ်အံၤလီၤ.

လံာ်မံကၤ 4:7

အဝဲသ့ၣ်လဲၤတၢ်တကျဲၢ်တကျဲၢ်ဒီးအိၣ်ယံၤဒီးဟံၣ်ဃီလီၤ. ဘၣ်ဆၣ်ဒီးယကမၤက့ၤတၢ်အခီၣ်ထံးအသီလၢပှၤအိၣ်လီၤ တဲာ်တ့ၢ်တဖၣ်ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်လီၤ. ယကပၢတၢ်လၢအဖီခိၣ်လၢကစၢၢ်စံယိၣ်အလိၤစးထီၣ်ဖဲန့ၣ်ဒီးဆူ ညါလီၤထူလီၤယိာ်လီၤ”.

လံာ်မံကၤ 7:14

ယွၤဧၢ, မ့ၢ်နဲပှၤကွၢ်သိတဂၤလၢနပှၤဂီၢ်မုၢ်, ပှၤဂီၢ်မုၢ်လၢနဃုထၢအီၤအဂီၢ်တက့ၢ်. မ့ၢ်အိၣ်ဒၣ်ဝဲလၢပှၢ်မုၢ်ကနၢသနာ်က့ဟီၣ်ခိၣ်ညၣ်ထ့ၣ်ဂ့ၤ အကီၢ်တဖၣ်အိၣ်ဝးတရံးအီၤလီၤ. မ်အလဲၤဒီးအီၣ်တၢ်လၢကီၢ်ဘၤၡၣ်ဒီးကီၢ်ကံးလဧးအအီၣ်ဆၣ်လီၢ် လါဟ့တဖၣ်အပူၤဒ်အဝဲသ့ၣ်မၤတ့ၢ်လၢပျၢၤအသိးန့ၣ်တက့ၢ်.

လံာ်စဖါနယၤ 2:7

ပှၤဂီၢ်မုၢ်လၢကီၢ်ယူဒၤလၢအအိၣ်မူတ့ၢ်တဖၣ်ကဟံးန့ၢ်သု တၢ်အိၣ်တၢ်ဆိးအလီၢ်န့ၣ်လီၤ. အဝဲသ့ၣ်ကဒုးကိာ်လီၤအသိ ဒီးအမဲာ်တဲးလဲးတဖၣ်ဖဲန့ၣ်ဒီးကမံဝဲလၢပှၤအၤၡကလိၣ်ဖိအ ဟံၣ်တဖၣ်အပူၤန့ၣ်လီၤ. ယွၤ, အဝဲသ့ၣ်အကစၢ်ယွၤကအိၣ်ဒီးအီၤဒီးဒုးဘီၣ်ထီၣ်ညီထီၣ် ကဒီးအီၤလီၤ.

လံာ်စဖါနယၤ 3:5

ဘၣ်ဆၣ်ယွၤအိၣ်ဒံးဝဲလၢဝ့ၢ်ပူၤ, မၤတၢ်လၢအဘၣ်ဒီးတၢ်လၢအကမၣ်န့ၣ်တမၤဝဲနီတစုဘၣ်. အဝဲဟဲစိာ်တၢ်တီတၢ်လိၤဆူအပှၤဂီၢ်မုၢ်အအိၣ်ကိးမုၢ်ဂီၤဒဲး ဒီးတလီၤတဲာ်တူာ်ဘၣ်. အန့ၣ်ဒၣ်လဲာ်ပှၤတတီတလိၤမၤဒံးတၢ် ကမၣ်ဒီးအမဲာ်တဆှးဘၣ်ဝဲဘၣ်.

လံာ်စကၤရယၤ 8:12

အဝဲသ့ၣ်ကဖှံလီၤအတၢ်ချံတဖၣ်လၢအတၢ်မုာ်တၢ်ခုၣ်အပူၤလီၤ. အဝဲသ့ၣ်အစပံးမုၢ်တဖၣ်ကသၣ်ထီၣ်စပံးသၣ်တဖၣ်, ဟီၣ်ခိၣ်ကဟ့ၣ်ထီၣ်တၤသူတၤသၣ်တဖၣ်, ဒီးတၢ်စူၤထံကအိၣ်ဝဲ အါမးလီၤ. ယကဟ့ၣ်လီၤတၢ်ဆိၣ်ဂ့ၤတဖၣ်ခဲလၢာ်အံၤဆူ ယပှၤကလုာ်အပှၤဂီၢ်မုၢ်လၢအအိၣ်လီၤတဲာ်တ့ၢ်တဖၣ်လီၤ.

လံာ်စကၤရယၤ 8:16

အအံၤမ့ၢ်တၢ်တဖၣ်လၢသုကဘၣ်မၤန့ၣ်လီၤ. ကတိၤလိာ်သုသးတဂၤဒီးတဂၤလၢတၢ်မ့ၢ်တၢ်တီတက့ၢ်. လၢကွီၢ်ဘျီၣ်တဖၣ်အပူၤန့ၣ်, မၤတၢ်စံၣ်ညီၣ်တီနီၢ်နီၢ်တကလုာ်လၢအဟဲစိာ်တၢ်ဃူတၢ်ဖိးန့ၣ်တ က့ၢ်.

လံာ်စကၤရယၤ 8:3

ယကဟဲက့ၤကဒါက့ၤဆူဝ့ၢ်ယရူၤၡလ့ၣ်, ယဝ့ၢ်စီဆှံ, ဒီးအိၣ်ဆိးဖဲန့ၣ်လီၤ. ကဘၣ်တၢ်သ့ၣ်ညါအီၤဒ်ဝ့ၢ်လၢအသူၣ်တီ သးရၤ, ဒီးသ့တၢ်လၢာ်ယွၤအကစၢၢ်ကဘၣ်တၢ်ကိးအီၤလၢကစၢၢ်စီဆှံန့ၣ် လီၤ.

လံာ်မးသဲ 13:41

ပှၤကညီအဖိခွါကဆှၢလီၤအကလူးတဖၣ်, ဒ်သိးအဝဲသ့ၣ်ကထၢဖှိၣ်ပှၤလၢအဒုးမၤပှၤဂၤလၢတၢ်ဒဲးဘး ဒီးပှၤလၢအမၤတၢ်အၢတၢ်သီတဖၣ်ခဲလၢာ် ဒီးထုးထီၣ်ကွံာ်အီၤလၢအဘီအမုၢ်အပူၤလီၤ.

လံာ်ယိၤဟၣ် 1:47

ဖဲယ့ၣ်ၡူးထံၣ်စီၤနၤသန့လးဟဲဆူအအိၣ်ဒီး အဝဲကတိၤတၢ်လၢအဂ့ၢ်ဒီးစံးဝဲ, “အဝဲမ့ၢ်ပှၤအံၣ်စရ့လးဖိနီၢ်နီၢ် တဂၤလၢတၢ်လီတၢ်ဝ့ၤတအိၣ်ဘၣ်လၢအပူၤန့ၣ်လီၤ.”

ကလီးစဲ 3:9

တဘၣ်ကတိၤလိာ်သုသးလၢတၢ်ကတိၤကဘျံးကဘျၣ်တဂ့ၤ. အဂ့ၢ်မ့ၢ်လၢသုပာ်တ့ၢ်ကွံာ်လံသုတၢ်အိၣ်မူဒီးလုၢ်လၢ် အလီၢ်လံၤတဖၣ်,

၁ ပ့းတရူး 3:14

သုမ့ၢ်ဘၣ်တူၢ်တၢ်နးတၢ်ဖှီၣ်လၢသုမၤတၢ်အဘၣ်အဃိဒၣ်လဲာ်, သုဘၣ်ဆိၣ်ဂ့ၤဝဲလီၤ. တဘၣ်ပျံၤပှၤနီတဂၤတဂ့ၤဒီးတဘၣ်သူၣ်ကိၢ်သးဂီၤတဂ့ၤ.

၁ ယိၤဟၣ် 5:18

ပသ့ၣ်ညါလၢပှၤလၢအမ့ၢ်ကစၢ်ယွၤအဖိန့ၣ်, တမၤလၢၤတၢ်ဒဲးဘးဘၣ်. အဂ့ၢ်ဒ်လဲၣ်န့ၣ်, ယွၤအဖိခွါပၢၤဃာ်အီၤဒီးတၢ်အၢတၢ်သီတဂၤန့ၣ်မၤဘၣ်ဒိဘၣ်ထံးအီၤ တသ့ဘၣ်အဃိန့ၣ်လီၤ.

လံာ်လီၣ်ဖျါ 14:5

အဝဲသ့ၣ်ဘၣ်တၢ်သ့ၣ်ညါအီၤလၢအတစံးကတိၤတၢ်ကဘျံး ကဘျၣ်နီတစုဘၣ်, အတၢ်ကမူၤကမၣ်တအိၣ်ဘၣ်.

လံာ်လီၣ်ဖျါ 21:27

ဘၣ်ဆၣ်ဒီးတၢ်လၢအတကဆှီန့ၣ်တနုာ်လီၤဘၣ်ဆူဝ့ၢ်ပူၤနီ တမံၤဘၣ်. ဒ်န့ၣ်အသိး, ပှၤတဂၤလၢ်လၢ်လၢအမၤတၢ်လၢ အလီၤမဲာ်ဆှး, မ့တမ့ၢ်လီတၢ်ဝ့ၤတၢ်န့ၣ်, တနုာ်လီၤဘၣ်ဝဲဘၣ်. ထဲဒၣ်ပှၤတဖၣ်လၢအမံၤအိၣ်ကွဲးအသးလၢသိဖိအလံာ်မူ အပူၤန့ၣ်, ကနုာ်လီၤဘၣ်ဆူဝ့ၢ်အပူၤလီၤ.

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”