လံာ်စဖါနယၤ 3:11 - Sgaw Karen Common Bible

¹¹ ဒီးလၢအကတီၢ်အဝဲန့ၣ်, သုဝဲယပှၤဂီၢ်မုၢ်အံၤ သုမဲာ်ဆှးလၢသုပူထီၣ်ထီဒါတ့ၢ်ယၤအဃိအလီၢ်တအိၣ်လၢၤဘၣ်. ယကသုးကွံာ်ပှၤကိးဂၤဒဲးလၢအသးထီၣ်ထီဒီးအပာ် ကဖိအသးတဖၣ်ဒီးသုတပူထီၣ် ထီဒါကဒီးယၤလၢယကစၢၢ်စီဆှံအလိၤနီတစုလၢၤဘၣ်န့ၣ်လီၤ.

လံာ်စဖါနယၤ 3:11 Iomraidhean Croise

စံးထီၣ်ပတြၢၤ 131:1

ယွၤဧၢ, ယညိကွံာ်ယတၢ်ပာ်ထီၣ်ထီသးဒီး ဃၣ်ကွံာ်ယသးလၢ တၢ်ပာ်ကဖၢလၢယသးန့ၣ်လံ. ယတသးအိၣ်တၢ်ဂ့ၢ်အဒိၣ်အမုၢ်တဖၣ် မ့တမ့ၢ် တၢ်ဂ့ၢ်တၢ်ကျိၤတဖၣ်လၢ အကီ ကဲာ်ဆိးလၢယဂီၢ်န့ၣ်ဘၣ်.

စံးထီၣ်ပတြၢၤ 49:5

ယတပျံၤဘၣ်တၢ်ဖဲတၢ်ကီတၢ်ခဲအကတီၢ် ဒီးဖဲယဘၣ်တၢ်ကဝီၤဃာ်တ့ၢ်ယၤလၢ ယဒုၣ်ယဒါသ့ၣ်တဖၣ်,

စံးထီၣ်ပတြၢၤ 59:12

တၢ်ဒဲးဘးအိၣ်လၢအထးခိၣ်တဖၣ်အလိၤ, အတၢ်ကတိၤခဲလၢာ်မ့ၢ်တၢ်ဒဲးဘးန့ၣ်လီၤ. မ်အဝဲသ့ၣ်ဘၣ်တၢ်ဖီၣ်န့ၢ်အီၤလၢ အတၢ်ပာ်ထီၣ်ထီအသးဒၣ်ဝဲအပူၤန့ၣ်တက့ၢ်. အဂ့ၢ်ဒ်အံၤ, အဝဲသ့ၣ်ဆိၣ်တၢ်ဒီးလီတၢ်လီၤ.

လံာ်ယၡါယၤ 11:9

လၢစံယိၣ်, ကစၢ်ယွၤအကစၢၢ်စီဆှံအဒီခိၣ်န့ၣ်, တၢ်လၢအကမၤဘၣ်ဒိဘၣ်ထံးတၢ်, မ့တမ့ၢ်, ကမၤအၢမၤသီ တၢ်တအိၣ်ဘၣ်နီတမံၤဘၣ်. ဒ်ပီၣ်လဲၣ်တဖၣ်ပှဲၤဝဲဒီးထံအသိး, ဟီၣ်ခိၣ်ကပှဲၤဝဲဒီးတၢ်သ့ၣ်ညါ ယွၤအလၢအပှဲၤန့ၣ်လီၤ.

လံာ်ယၡါယၤ 2:12

လၢနံၤအဝဲန့ၣ်န့ၣ်, ယွၤသ့တၢ်လၢာ်ကဆီၣ် လီၤပှၤကိးဂၤဒဲးလၢအဂံၢ်ဆူၣ်ဘါဆူၣ်, ပှၤကိးဂၤဒဲးလၢအပာ် ထီၣ်ထီအသးဒီးပာ်ကဖၢလၢအသးလီၤ.

လံာ်ယၡါယၤ 45:17

မ့မ့ၢ်ကီၢ်အံၣ်စရ့လးဘၣ်တၢ်အုၣ်က့ၤခီၣ်က့ၤအီၤလၢယွၤ ဒီးအတၢ်မၤနၢၤအိၣ်လီၤထူလီၤယိာ်လီၤ. အပှၤဂီၢ်မုၢ်တဘၣ်တၢ်မၤမဲာ်ဆှးအီၤနီတစုဘၣ်.”

လံာ်ယၡါယၤ 5:15

ပှၤကိးဂၤဒဲးကဘၣ်တၢ်မၤမဲာ်ဆှးအီၤ ဒီးပှၤလၢအပာ်ထီၣ်ထီအသးကိးဂၤဒဲးကဘၣ်တၢ်ဆီၣ်လီၤအီၤလီၤ.

လံာ်ယၡါယၤ 54:4

ပျံၤတၢ်တဂ့ၤ. နတဘၣ်တၢ်မၤမဲာ်ဆှးကဒီးနၤလၢၤဘၣ်. နလၤကပီၤတဘၣ်တၢ်မၤဆံးလီၤစှၤလီၤအီၤလၢၤဘၣ်. နတၢ်သးတတီဒ်မါသးစၢ်တဂၤအသိး ဒီးနတၢ်အိၣ်သယုၢ်သညိဒ်မုၣ်က မဲတဂၤအသိးန့ၣ်နကသးပ့ၤနီၣ်ကွံာ်အီၤလီၤ.

လံာ်ယၡါယၤ 56:7

“ယကဟဲစိာ်သုဆူဝ့ၢ်စံယိၣ်, ယတၢ်လူၢ်စီဆှံ, ယကဟ့ၣ်သု တၢ်သးခုလၢယတၢ်ထုကဖၣ်အဟံၣ်ပူၤ, ဒီးတူၢ်လိာ်တၢ်လုၢ်တၢ်ပာ်တဖၣ်လၢသု လုၢ်ထီၣ်ပာ်ထီၣ်အီၤလၢယတၢ်လုၢ်လီၢ် အဖီခိၣ်န့ၣ်လီၤ. ယတၢ်လုၢ်ဟံၣ်ကဘၣ် တၢ်ကိးအီၤလၢတၢ်ထုကဖၣ်အဟံၣ်တဖျၢၣ်လၢပှၤဂီၢ်မုၢ် ကိးကလုာ်ဒဲးအဂီၢ်လီၤ.”

လံာ်ယၡါယၤ 61:7

သုတၢ်မဲာ်ဆှးဒီးတၢ်မၤမဲာ်ဆှးသုတဖၣ်ကတၢၢ်ဝဲလံ. သုကအိၣ်ကဆိးလၢသုထံသုကီၢ်ဒၣ်သုဝဲအပူၤ, ဒီးသုတၢ်ထူးတၢ်တီၤကဘၣ်တၢ်မၤအါထီၣ်အီၤခံစးလီၤ. သုတၢ်သးခုကအိၣ်ကၢအိၣ်ခိးလီၤထူလီၤယိာ်လီၤ.

လံာ်ယံးရမံယၤ 13:9

“လၢကျဲတမံၤဃီဒ်သိးအံၤန့ၣ်, ယကမၤဟးဂီၤကီၢ်ယူဒၤအတၢ်ပာ်ကဖၢလၢအသး ဒီးဝ့ၢ်ယရူၤၡလ့ၣ်အတၢ်ပာ်ကဖၢလၢအသးဒိၣ်ဒိၣ်မုၢ်မုၢ်န့ၣ်လီၤ.

လံာ်ယံးရမံယၤ 7:4

ဆိကတီၢ်သုတၢ်နာ်တၢ်လီတၢ်ဝ့ၤအတၢ်ကတိၤလီၤတၢ်တဖၣ်လၢ အစံးဝဲ, ပပူၤဖျဲးပဝဲလီၤ. အဝဲအံၤမ့ၢ်ယွၤအတၢ်လုၢ်ဟံၣ်, အဝဲအံၤမ့ၢ်ယွၤအတၢ်လုၢ်ဟံၣ်, အဝဲအံၤမ့ၢ်ယွၤအတၢ်လုၢ်ဟံၣ် လီၤ,’ န့ၣ်တက့ၢ်.

လံာ်ယဃ့းစက့လး 20:40

ဖဲန့ၣ်လၢကီၢ်ပူၤ, လၢယကစၢၢ်စီဆှံအဒီခိၣ်, ကီၢ်အံၣ်စရ့လးအကစၢၢ်ဖးထီအလိၤန့ၣ်ကယဲၢ်သုဝဲကီၢ် အံၣ်စရ့လးအပှၤဂီၢ်မုၢ်ခဲလၢာ်ကဘူၣ်ထီၣ်ဘါထီၣ်ယၤန့ၣ်လီၤ. ယကသူၣ်မံသးမုာ်လၢသုဃိဒီးယကမုၢ်လၢ်လၢသုကဟဲစိာ် န့ၢ်ယၤသုတၢ်လုၢ်တၢ်ပာ်တဖၣ်, သုတၢ်လုၢ်အဂ့ၤကတၢၢ်တဖၣ်ဒီးသုတၢ်ဟ့ၣ်စီဆှံတဖၣ်န့ၣ်လီၤ.

လံာ်ယဃ့းစက့လး 24:21

ယကဟ့ၣ်လီၤတၢ်ကစီၣ်အံၤဆူသုဝဲပှၤအံၣ်စရ့လးဖိတဖၣ် အအိၣ်န့ၣ်လီၤ. သုပာ်ထီၣ်ထီသုသးလၢယွၤအတၢ်လုၢ်ဟံၣ်အတၢ်ဂံၢ်တၢ်ဘါ အဃိလီၤ. သုအဲၣ်ဒိးကွၢ်ဃီၤအီၤဒီးလဲၤဆူအအိၣ်, ဘၣ်ဆၣ်ယွၤကမၤဘၣ်အၢကွံာ်အီၤန့ၣ်လီၤ. ဒီးသုပှၤဟံၣ်ဖိလၢ အသးစၢ်တဖၣ်လၢအအိၣ်လီၤတဲာ်လၢဝ့ၢ်ယရူၤၡလ့ၣ်အပူၤန့ၣ် ကဘၣ်တၢ်မၤသံကွံာ်အီၤလၢတၢ်ဒုးအပူၤန့ၣ်လီၤ.

လံာ်ဒၤနံးယ့လး 9:16

နအိၣ်ပှိၤတ့ၢ်ပှၤလၢပျၢၤလီၤ. မၤသးဒ်န့ၣ်ဒီးသးဒိၣ်ဝ့ၢ်ယရူၤ ၡလ့ၣ်လၢၤတဂ့ၤ. မ့ၢ်ဝဲနဝ့ၢ်, နကစၢၢ်စီဆှံလီၤ. ကယဲၢ်ပှၤ ဂီၢ်မုၢ်ခဲလၢာ်လၢအအိၣ်လၢထံကီၢ်ခိၣ်ဃၢၤတဖၣ်ကွၢ်တလီၤ ဝ့ၢ်ယရူၤၡလ့ၣ်ဒီးနပှၤဂီၢ်မုၢ်, လၢပတၢ်ဒဲးဘးတဖၣ်အဃိ, ဒီးတၢ်အၢတၢ်သီလၢမိၢ်ပၢ် ဖံဖုလၢပျၢၤတဖၣ်မၤတ့ၢ်ဝဲအဃိန့ၣ်လီၤ.

လံာ်ဒၤနံးယ့လး 9:20

ယဘါထုကဖၣ်ဆူညါ, အၢၣ်လီၤယတၢ်ဒဲးဘးဒီးယပှၤဂီၢ် မုၢ်အံၣ်စရ့လးအတၢ်ဒဲးဘးတဖၣ်ဒီးဃ့ကညးယွၤ, ယကစၢ်ယွၤလၢကမၤအိၣ်ထီၣ်က့ၤအတၢ်လုၢ်ဟံၣ်စီဆှံန့ၣ်လီၤ.

လံာ်မံကၤ 3:11

ဝ့ၢ်အပဒိၣ်တဖၣ်န့ၣ်ပၢတၢ်လၢခိၣ်ဖးလာ်ဆှိးတဖၣ်အဂီၢ်, ပှၤလုၢ်တၢ်အခိၣ်တဖၣ်ကတိၤကျိးထံတၢ်သိၣ်တၢ်သီလၢတၢ်အဘူး အလဲအဂီၢ်ဒီးဝံတဖၣ်ဖးတၢ်လၢစ့အဂီၢ်, ဒီးစံးသကိးခဲလၢာ်လၢယွၤအိၣ်ဒီးအဝဲသ့ၣ်လီၤ. ဒီးစံးဝဲဒၣ်, “တၢ်အၢတဘၣ်ဘၣ်ပှၤနီတမံၤဘၣ်. ယွၤအိၣ်ဒီးပှၤလီၤ”.

လံာ်တၢ်ဂံၢ် 16:3

အဝဲသ့ၣ်ပာ်ဖှိၣ်ထီၣ်အသးလၢစီၤမိၤၡ့ဒီးစီၤအၤဟရိၣ်အမဲာ် ညါဒီးစံးဘၣ်အဝဲသ့ၣ်, “သုမၤတၢ်နးကဲာ်ဆိးလံ. ကယဲၢ်ကရၢဖိတဖၣ်လၢတၢ်အိၣ်မူကရူၢ်ပူၤအံၤဘၣ်ဃးဒီးယွၤ, ဒီးယွၤအိၣ်ဒီးပဝဲခဲလၢာ်လီၤ. မ့ၢ်လၢတၢ်န့ၣ်အဃိ, စီၤမိၤၡ့ဧၢ, နပာ်ထီၣ်နသးဒၣ်နဲလၢယွၤအကမျၢၢ်အဖီခိၣ်န့ၣ်မ့ၢ်အဘၣ်မနုၤလဲၣ်.”

လံာ်မးသဲ 3:9

တဘၣ်ဆိကမိၣ်ဒီးစံး, ‘ယမ့ၢ်စီၤအၤဘြၤဟၣ်အဖိအလံၤအဃိ ယကပူၤဖျဲးဒီးယွၤအတၢ်စံၣ်ညီၣ်လီၤ’ န့ၣ်တဂ့ၤ. အဂ့ၢ်ဒ်အံၤလၢၢ်တဖၣ်အံၤဒၣ်လဲာ်ကစၢ်ယွၤဒုးကဲထီၣ်အီၤလၢ စီၤအၤဘြၤဟၣ်အဖိအလံၤန့ၣ်သ့ဝဲလီၤ.

ရိမ့ၤ 2:17

နဲဒၣ်တခီလဲၣ်, နကိးလီၤနသးလၢပှၤယူဒၤဖိတဂၤလီၤ. နသန့ၤနသးလၢတၢ်သိၣ်တၢ်သီဒီးနပာ်ကဖၢလၢနသးလၢခီဖျိ ယ့ၣ်ၡူးခရံာ်, ယွၤအဃိလီၤ.

ရိမ့ၤ 9:33

လၢတၢ်ကွဲးအသးစံးလၢအဂ့ၢ်, “ကွၢ်တက့ၢ်, ယပာ်လီၤလၢၢ်တဖျၢၣ်လၢစံယိၣ်အပူၤ, လၢပှၤအခီၣ်ကဘၣ်တိၢ်ဝဲအဂီၢ်, လၢၢ်တဖျၢၣ်လၢကမၤလီၤဃံၤအဝဲသ့ၣ်လီၤ. ဒီးကယဲၢ်ပှၤလၢအစူၢ်က့ၤနာ်က့ၤအီၤတဂၤလၢ်လၢ်န့ၣ် အမဲာ်တဆှးဘၣ်ဝဲဘၣ်” (ၡါ ၈:၁၄; ၂၈:၁၆).

၁ ပ့းတရူး 2:6

အဂ့ၢ်ဒ်အံၤ, တၢ်ကွဲးအသးစံးဝဲဒၣ်, “ယဃုထၢလၢၢ်လုၢ်ဒိၣ်ပှ့ၤဒိၣ်တဖျၢၣ်, လၢယပာ်လီၤအီၤဒ်လၢၢ်သနၢၣ်လၢ စံယိၣ်အပူၤလီၤ. ဒီးပှၤတဂၤလၢ်လၢ်လၢအနာ်အီၤန့ၣ် တသးဟးဂီၤဘၣ်ဝဲနီတဘျီဘၣ်” (ၡါ ၂၈:၁၆).