လံာ်စဖါနယၤ 3:10 - Sgaw Karen Common Bible

¹⁰ ဒီးယပှၤဂီၢ်မုၢ်လၢအအိၣ်လီၤပြံလီၤပြါ လၢကီၢ်အယံၤဒ်ကီၢ်ကူၤၡးဒၣ်လဲာ်န့ၣ်ကဟဲစိာ်တၢ်လုၢ်တၢ်ပာ်တဖၣ် ဆူယအိၣ်န့ၣ်လီၤ.

လံာ်စဖါနယၤ 3:10 Iomraidhean Croise

စံးထီၣ်ပတြၢၤ 68:31

ပဒိၣ်တဖၣ်ကဟဲထီၣ်လၢအဲၤကူပတူးအပူၤ, ကူၤၡးကယူာ်ထီၣ်အစုဆူယွၤအအိၣ် လၢတၢ်ထုကဖၣ်န့ၣ်လီၤ.

လံာ်ယၡါယၤ 11:11

ဖဲမုၢ်နံၤန့ၣ်ဟဲတုၤဝဲဒီး, ယွၤကသူကဒီးအစိကမီၤတဘျီ ဒီးဟဲက့ၤစိာ်က့ၤအပှၤဂီၢ်မုၢ်ဆူဟံၣ်အပှၤဂီၢ်မုၢ်လၢအအိၣ် လီၤတဲာ်လၢကီၢ်အၤၡူၢ်ဒီးကီၢ်အဲၤကူပတူးကလံၤထံး, ဒီးလၢကီၢ်အဲၤကူပတူးကလံၤစိးပၤသြိၣ်, ကီၢ်ကူၤၡး, ကီၢ်အံၣ်ရး, ကီၢ်ဘၤဘူလိၣ်, ကီၢ်ဆၣ်ဃမါသး, ဒီးလၢပီၣ်လဲၣ်ကၢၢ် နံၤတဖၣ်ဒီးလၢပီၣ်လဲၣ်အကီးတဖၣ်အပူၤန့ၣ်လီၤ.

လံာ်ယၡါယၤ 11:12

ယွၤကယူာ်ထီၣ်တၢ်ပနီၣ်, နီၣ်တယၢ်လၢကဒုးနဲၣ်ပှၤကလုာ်တဖၣ် လၢအဝဲပာ်ဖှိၣ်က့ၤကဒီးကီၢ်အံၣ်စရ့လးဒီးကီၢ်ယူဒၤအပှၤဂီၢ်မုၢ် လၢအလီၤပြံလီၤပြါတဖၣ်ဒီးဟဲက့ၤစိာ်ကဒါက့ၤအဝဲသ့ၣ် လၢဟီၣ်ခိၣ်အသနၢၣ်လွံၢ်နၢၣ်န့ၣ်လီၤ.

လံာ်ယၡါယၤ 18:1

လၢကီၢ်ကူၤၡးအထံကျိတဖၣ်အဝၢ်ဘးခီန့ၣ်, ကီၢ်အိၣ်ဝဲတဘ့ၣ်လၢတၢ်နၢ်ဟူဘၣ်အဒံးဆ့တဖၣ် အတၢ်သီၣ်ထီၣ်လီၤ.

လံာ်ယၡါယၤ 18:7

တၢ်ဆၢကတီၢ်ကဟဲဝဲဖဲယွၤသ့တၢ်လၢာ်ကစၢ်ကတူၢ်လိာ်တၢ် လုၢ်မၤဘူၣ်တဖၣ်လၢကီၢ်လၢအဘၣ်တၢ်နီၤဖးအီၤလၢထံ ကျိတဖၣ်, ကီၢ်လၢအဂံၢ်ဆူၣ်ဒီးအိၣ်ဒီးအစိကမီၤအံၤ, ပှၤလၢအနီၢ်ထီဒီးအဖံးဘျ့ဒီးဘၣ်တၢ်ပျံၤအီၤလၢ ဟီၣ်ခိၣ်ဒီဘ့ၣ်ညါအံၤ, အအိၣ်န့ၣ်လီၤ. အဝဲသ့ၣ်ကဟဲဆူကစၢၢ်စံယိၣ်ဖဲယွၤသ့တၢ်လၢာ်ကစၢ် ဘၣ်တၢ်ဘူၣ်ထီၣ်ဘါထီၣ်အီၤန့ၣ်လီၤ.

လံာ်မၤလကံ 1:11

ပှၤဂီၢ်မုၢ်လၢမုၢ်ထီၣ်တခီပၢၢ်တုၤလၢမုၢ်နုာ်တခီမၤလၤကပီၤယၤလီၤ. ဒီးအဝဲသ့ၣ်ကဆိၣ်ကဲၤတၢ်နၢမူလၢယဂီၢ်လၢတၢ်လီၢ်ကိးပူၤဒဲးဒီး ကလုၢ်တၢ်လုၢ်ကဆှီလၢယဂီၢ်လီၤ. အဝဲသ့ၣ်ခဲလၢာ်မၤလၤကပီၤယၤလီၤ.

လံာ်ယိၤဟၣ် 7:35

ပှၤယူဒၤဖိအခိၣ်အနၢ်တဖၣ်စံးကတိၤလိာ်သးတဂၤဒီးတဂၤ, “ပထံၣ်အီၤတသ့ဘၣ်န့ၣ်, မ့ၢ်အဝဲကလဲၤဝဲဆူလဲၣ်. မ့ၢ်အဝဲကလဲၤဆူပှၤကြံးခ် ဖိအဝ့ၢ်တဖၣ်ဖဲပပှၤကလုာ်အိၣ်ဝဲဒီး သိၣ်လိသီလိပှၤကြံးခ်ဖိတဖၣ်န့ၣ်ဧါ.

မၤတၢ် 24:17

ယဟးဖးဒီးဝ့ၢ်ယရူၤၡလ့ၣ်ယံာ်ဝဲဒၣ်စှၤနံၣ်ဝံၤအလီၢ်ခံ, ယလဲၤကဒီးဖဲန့ၣ်ဒ်သိးယကလဲၤဆှၢကျိၣ်စ့တနီၤဆူယပှၤ ကလုာ်ဒၣ်ယဲအအိၣ်ဒီးလၢယကလုၢ်ထီၣ်ပာ်ထီၣ်တၢ် အဂီၢ်လီၤ.

မၤတၢ် 8:27

အန့ၣ်ဒီးစီၤဖံလံးပူးကတီၤထီၣ်အသးဒီးလဲၤဝဲလီၤ. အကတီၢ်ဖဲန့ၣ်တၢ်မၤအသးလၢပှၤအဲၤသံအီးပးအပှၤဒ့ဒံၣ်ဖိ လၢအမ့ၢ်ကီၢ်အဲၤသံအီးပးအနီၢ်ပၤမုၣ်တဂၤအပဒိၣ်ဖးဒိၣ်, ပှၤလၢအဘၣ်ပၢၤကျိၣ်ပၢၤစ့တဂၤန့ၣ်, လဲၤတၢ်လၢကျဲန့ၣ်လီၤ. အဝဲဒၣ်လဲၤတ့ၢ်ဝဲဆူဝ့ၢ်ယရူၤၡလ့ၣ်လၢကဘူၣ်ထူဘါယွၤ အဂီၢ်,

ရိမ့ၤ 15:16

လၢယကမ့ၢ်ကစၢ်ယ့ၣ်ၡူးခရံာ်အခ့အပှၤလၢအမၤတၢ်လၢပှၤ ကလုာ်ဂၤတဖၣ်အဂီၢ်အဃိန့ၣ်လီၤ. ယမၤတၢ်ဒ်ပှၤလုၢ်တၢ်အခိၣ် တဂၤအသိးလၢတၢ်စံၣ်တဲၤတဲလီၤတၢ်သးခုကစီၣ်လၢအဟဲလၢ ကစၢ်ယွၤအအိၣ်, ဒ်သိးပှၤကလုာ်ဂၤတဖၣ်ကမ့ၢ်တၢ်လုၢ်လၢကစၢ်ယွၤ တူၢ်လိာ်အီၤသ့, ဒီးဘၣ်တၢ်ပာ်စီဆှံအီၤလၢကစၢ်ယွၤအဂီၢ် ခီဖျိသးစီဆှံန့ၣ်လီၤ.

၁ ပ့းတရူး 1:1

လၢစီၤပ့းတရူး, ယ့ၣ်ၡူးခရံာ်အပှၤတၢ်မၢဖိ, ဆူကစၢ်ယွၤအပှၤဃုထၢဖိတဖၣ်လၢအလီၤပြံလီၤပြါဝဲ သကုၤကီၢ်ပီၣ်တူး, ကီၢ်ကလၤတံ, ကီၢ်ကးပၤဒကံ, ကီၢ်အၤစံ ဒီးကီၢ်ဘံၤသူၤနံတဖၣ်အပူၤအအိၣ်န့ၣ်လီၤ.