လံာ်စဖါနယၤ 2:9 - Sgaw Karen Common Bible

⁹ ဒ်ယမ့ၢ်နီၢ်နီၢ်ယွၤလၢအမူဝဲ, ပှၤအံၣ်စရ့လးဖိအကစၢ်ယွၤအသိးန့ၣ်ယဆိၣ်တၢ်လၢကီၢ်မိၤအးဒီး ကီၢ်ဧၣ်မိၣ်ကဘၣ်တၢ်မၤဟးဂီၤကွံာ်အီၤဒ်ဝ့ၢ်စဒိၣ်ဒီးဝ့ၢ်ဂမိၤရၤ အသိးန့ၣ်လီၤ. အဝဲသ့ၣ်ကကဲထီၣ်အံသၣ်အပူၤတဖၣ် အလီၢ်တတီၤဒီးတၢ်ဟးဂီၤအထူအယိာ်လၢအဘၣ် တၢ်ခဲဘၢကွံာ်အီၤလၢနီၣ်ဧိၤမံၤဧိၤန့ၣ်လီၤ. ယပှၤဂီၢ်မုၢ်လၢအအိၣ်မူတ့ၢ်တဖၣ်ကဂုာ်န့ၢ်မၤဟးဂီၤဒီးဟံး န့ၢ်အကီၢ်န့ၣ်လီၤ.”

လံာ်စဖါနယၤ 2:9 Iomraidhean Croise

လံာ်ယၡါယၤ 11:14

အဝဲသ့ၣ်ကပာ်ဖှိၣ်အသးဒီးကဒုးတၢ်ထီဒါပှၤဖလ့ၡသးဖိလၢ မုၢ်နုာ်တခီဒီးဂုာ်ဆူၣ်ပျီဆူၣ်ပှၤလၢအအိၣ်လၢမုၢ်ထီၣ်တကပၤ န့ၣ်လီၤ. အဝဲသ့ၣ်ကမၤန့ၢ်မၤနၢၤပှၤအဒိၣ်ဒီးမိၤအး, ဒီးပှၤဧၣ်မိၣ်ဖိကစူၢ်အဝဲသ့ၣ်လီၤ.

လံာ်ယၡါယၤ 25:10

ကစၢ်ယွၤကဒီဒၣ်အိၣ်ပှိၤကစၢၢ်စံယိၣ်လီၤ. မ့မ့ၢ်ကီၢ်မိၤအးအပှၤဂီၢ်မုၢ်န့ၣ်ကဘၣ်တၢ်ယီၢ်လီၤတံၢ်အီၤဒ် ဘုလီၢ်ဘၣ်တၢ်ယီၢ်တံၢ်အီၤလၢတၢ်အ့ၣ်တၢ်ဆံၣ်အပူၤအသိးလီၤ.

လံာ်ယၡါယၤ 49:18

ကွၢ်တရံးတၢ်ဝးဝးဒီးထံၣ်တၢ်လၢအမၤအသး န့ၣ်တက့ၢ်. နပှၤဂီၢ်မုၢ်တဖၣ်အိၣ်ဖှိၣ်ရိဖှိၣ်ဒီးဟဲက့ၤဆူနအိၣ်လံ. ဒ်ယမ့ၢ်ကစၢ်ယွၤလၢအမူဝဲနီၢ်နီၢ်တဂၤအသိး ယစံးဘၣ်နၤ, နကပာ်ကဖၢလၢဘၣ်နသးလၢနပှၤဂီၢ်မုၢ်အဃိ, ပှဲၤသိးသိးဒီးတလးမူးပိာ်မုၣ်တဂၤပာ်ကဖၢလၢဘၣ်အသးလၢ အတၢ်မျၢ်ပလဲတဖၣ်အဃိလီၤ.

လံာ်ယံးရမံယၤ 46:18

ယၤ, ယွၤသ့တၢ်လၢာ်, ယမ့ၢ်စီၤပၤ, ယမ့ၢ်ကစၢ်ယွၤလၢ အမူဝဲလီၤ. ဒ်ကစၢၢ်တၤဘိၢ်ကစီၤထီၣ်ထီမးလၢကစၢၢ်တဖၣ်အဖီခိၣ်အသိး, ဒီးဒ်ကစၢၢ်ကၢ်မ့ၤလးအိၣ်ထီၣ်ထီဝဲလၢပီၣ်လဲၣ်အဖီခိၣ်အသိးန့ၣ်, ပှၤလၢအဒုးသုတဂၤအဂံၢ်အဘါ ကမ့ၢ်တၢ် ဒ်န့ၣ်အသိးလီၤ.

လံာ်ယံးရမံယၤ 48:1

အအံၤမ့ၢ်တၢ်လၢ ယွၤသ့တၢ်လၢာ် စံးကတိၤတၢ်ဘၣ်ဃး ကီၢ်မိၤအးအဂ့ၢ် န့ၣ်လီၤ. “သးကညီၤဘၣ် ဝ့ၢ်နဘိအပှၤဂီၢ်မုၢ်တက့ၢ်. အဝဲသ့ၣ်အဝ့ၢ်ဘၣ် တၢ်မၤဟးဂီၤကွံာ်အီၤလံ. ဝ့ၢ်ကံးရယးသံၣ်ဘၣ် တၢ်ဒုးန့ၢ်ကွံာ်အီၤလံ. အတိာ်ဖးဒိၣ်ဘၣ်တၢ်မၤလီၤပှီၢ်အီၤ ဒီးအပှၤဂီၢ်မုၢ်ဘၣ်တၢ်မၤမဲာ်ဆှးအီၤလံ.

လံာ်ယံးရမံယၤ 49:1

အအံၤမ့ၢ် တၢ်လၢယွၤစံးတ့ၢ်ဘၣ်ဃးကီၢ်ဧၣ်မိၣ်အဂ့ၢ်န့ၣ်လီၤ. “ကီၢ်အံၣ်စရ့လးအပှၤပိာ်ခွါတဖၣ် အိၣ်ဖဲလဲၣ်. ပှၤလၢ အကဟုကယာ်အကီၢ်တအိၣ်နီတဂၤလၢၤဘၣ်ဧါ. ဘၣ်မနုၤအဃိအဝဲသ့ၣ် ပျဲပှၤဂီၢ်မုၢ်လၢအဘါထီၣ် မိၤလးဟံးန့ၢ်ကွံာ်ပှၤကး အဒူၣ်အလီၢ်ကဝီၤဒီး အိၣ်ဆိးဝဲဖဲန့ၣ်, န့ၣ်လဲၣ်.

လံာ်ယံးရမံယၤ 49:18

တၢ်တမံၤဃီၤဒ်သိးအမၤတ့ၢ်လံအသးဒီး ဝ့ၢ်စဒိၣ်ဒီး ကမိရၤဒီး ဝ့ၢ်အိၣ်ဘူးအိၣ်တံၢ်တဖၣ်န့ၣ် ကလီၤဘၣ်ကီၢ်အဒိၣ်လီၤ. ဒီးဖဲအဝဲသ့ၣ်ဘၣ်တၢ်မၤဟးဂီၤအီၤအခါန့ၣ်လီၤ. ပှၤတအိၣ်ဆိးကဒီး ဖဲန့ၣ်နီတဂၤနီတစုလၢၤဘၣ်. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 49:33

ဝ့ၢ်ဃါစိၢ်ကဘၣ်တၢ်ဒုးကဲထီၣ်အီၤလၢမဲးမုၢ်ခိၣ်တတီၤလီၤထူလီၤယိာ်, တၢ်လီၢ်တတီၤဖဲ အိၣ်ဒၣ်ထဲ ထွံၣ်ဟီၣ်ခိၣ်တဖၣ်ဧိၤန့ၣ်လီၤ. ပှၤတအိၣ်ကဒီးဖဲန့ၣ်နီတဂၤနီတစုလၢၤဘၣ်.” ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 50:40

တၢ်တမံၤဃီလၢ အဘၣ်တ့ၢ်ဝ့ၢ်စဒိၣ်ဒီး ဂမိရၤဖဲ ယမၤဟးဂီၤအဝဲသ့ၣ်ဒီး ဝ့ၢ်အိၣ်ဘူးအိၣ်တံၢ်တဖၣ် န့ၣ်ကဘၣ်စ့ၢ်ကီးဘၤဘူၤလိၣ်လီၤ. ပှၤတအိၣ်လၢၤဖဲန့ၣ် နီတဂၤနီတစုလၢၤဘၣ်. ယၤ, ယွၤအံၤ, ကတိၤလံတၢ်လံ.

လံာ်ဧၤမိၣ် 1:13

ဒီးယွၤစံးဝဲဒၣ်, “ပှၤကီၢ်ဧၤမိၣ်ဖိတဖၣ်မၤတ့ၢ်လံတၢ်ဒဲးဘး တဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်န့ၣ်လီၤ. လၢအဝဲသ့ၣ်တၢ်ဒုးတၢ်ယၤတဖၣ်ဒ်သိးကမၤလဲၢ်ထီၣ်အကီၢ်အဃၢၤအဂီၢ် အပူၤန့ၣ်, ကွဲးသ့ၣ်ဖးဒၣ်လဲာ်ကီၢ်ကံးလဧးအပိာ်မုၣ်လၢအဒၢတဖၣ် အဟၢဖၢန့ၣ်လီၤ.

လံာ်ဧၤမိၣ် 2:1

ဒီးယွၤစံးဝဲဒၣ်, “ပှၤကီၢ်မိၤအးဖိတဖၣ်မၤတ့ၢ်လံတၢ်ဒဲးဘးတဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်မၤတရီတပါပှၤကီၢ်အဒိၣ်ဖိအစီၤပၤခီဖျိတၢ်ဒွဲၣ်အူ ကွံာ်အီၤတုၤအကဲထီၣ်ဖၣ်ဆါန့ၣ်လီၤ.

လံာ်စဖါနယၤ 2:14

ဒီးကကဲထီၣ်တၢ်လီၢ်တတီၤလၢသိ, မဲာ်တဲးလဲးဒီးကယဲၢ်ဆၣ်ဖိကီၢ်ဖိကိးဖုကိးကလုာ်ဒဲးကမံ လီၤဝဲန့ၣ်လီၤ. ဒိကအိသ့ၣ်တဖၣ်ကအိၣ်လၢတၢ်ဟးဂူာ်ဟးဂီၤန့ၣ် အကျါ, ဒီးကကအုကစွါထီၣ်လၢပဲတြီတဖၣ်န့ၣ်လီၤ. စိးဝၣ်ဃးတဖၣ်ကတူထီၣ်ဝဲလၢတြဲၤခီၣ်ထံးတဖၣ်န့ၣ်လီၤ. အတၢ်သူၣ်ထီၣ်တဖၣ်လၢအဘၣ်တၢ်ဘှီအီၤလၢသ့ၣ်ဆှိးအ့ရ့းန့ၣ်ဘၣ် တၢ်ဘ့ၣ်ကွံာ်အိးကွံာ်လၢာ်လံ.

လံာ်စဖါနယၤ 2:7

ပှၤဂီၢ်မုၢ်လၢကီၢ်ယူဒၤလၢအအိၣ်မူတ့ၢ်တဖၣ်ကဟံးန့ၢ်သု တၢ်အိၣ်တၢ်ဆိးအလီၢ်န့ၣ်လီၤ. အဝဲသ့ၣ်ကဒုးကိာ်လီၤအသိ ဒီးအမဲာ်တဲးလဲးတဖၣ်ဖဲန့ၣ်ဒီးကမံဝဲလၢပှၤအၤၡကလိၣ်ဖိအ ဟံၣ်တဖၣ်အပူၤန့ၣ်လီၤ. ယွၤ, အဝဲသ့ၣ်အကစၢ်ယွၤကအိၣ်ဒီးအီၤဒီးဒုးဘီၣ်ထီၣ်ညီထီၣ် ကဒီးအီၤလီၤ.

လံာ်စဖါနယၤ 3:13

အံၣ်စရ့လးအပှၤဂီၢ်မုၢ်လၢအအိၣ်မူတ့ၢ်တဖၣ်တမၤ ကမၣ်လၢၤဘၣ်ပှၤနီတဂၤ, တကတိၤလီတၢ်နီတမံၤမ့ၢ်ဂ့ၤ, တကျဲးစၢးလွဲန့ၢ်ပှၤနီတဂၤမ့ၢ်ဂ့ၤဘၣ်န့ၣ်လီၤ. အဝဲသ့ၣ်ကအီၣ်ကုးအီပှဲၤဒီးအိၣ်မုာ်ဆိးပၢၤဒီးတဘၣ် ပျံၤပှၤနီတဂၤဘၣ်န့ၣ်လီၤ.”

လံာ်စကၤရယၤ 2:13

ပှၤကိးဂၤဒဲးသ့ၣ်ဧၢ, အိၣ်ဘှီၣ်ကလာ်လၢယွၤအမဲာ်ညါတက့ၢ်. အဂ့ၢ်ဒ်အံၤ, အဝဲဟဲလၢအအိၣ်အဆိးအလီၢ်စီဆှံန့ၣ်လီၤ.

လံာ်တၢ်ဂံၢ် 14:21

ဘၣ်ဆၣ်ဒီးယအၢၣ်လီၤအီလီၤလၢ, ဒ်ယမူယဲဒီးဒ်ယတၢ်အိၣ်ဝဲမၤ ပှဲၤဟီၣ်ခိၣ်အသိးန့ၣ်, ယစံးယဲ,

ရိမ့ၤ 14:11

အဂ့ၢ်ဒ်လဲၣ်န့ၣ်, တၢ်ကွဲးအသးစံးဝဲ, “ကစၢ်စံးဝဲဒၣ်, ဒ်ယမ့ၢ်ကစၢ်ယွၤလၢအမူဝဲအသိး ပှၤကိးဂၤဒဲးကချံးခီၣ်တီၤလီၤလၢယမဲာ်ညါ ဒီးပှၤကိးဂၤဒဲးကအၢၣ်လီၤအီလီၤလၢယမ့ၢ်ကစၢ်ယွၤန့ၣ်လီၤ.”

လံာ်သိၣ်လီၤသီလီၤတၢ် 29:22

လၢစိၤလၢအကဟဲတဖၣ်အပူၤန့ၣ်, သုစၢၤသုသွဲၣ်တဖၣ်ဒီးပှၤတခီဘီမုၢ်ဖိတဖၣ်လၢထံကီၢ်အယံၤတဖၣ်, ကထံၣ်တၢ်တတၢးတနါတဖၣ်ဒီးတၢ်နးတၢ်ဖှီၣ်တဖၣ်လၢယွၤဒုးလီၤဘၣ် အီၤလၢသုထံသုကီၢ်အဖီခိၣ်န့ၣ်လီၤ.

လံာ်သိၣ်လီၤသီလီၤတၢ် 29:23

စံာ်ဧိၤပှဲၤဧိၤတဖၣ်ကကဲထီၣ်တၢ်အိၣ်သယုၢ်အလီၢ်တပူၤ, ဘၣ်တၢ်ခဲဘၢအီၤလၢကးကမူၣ်ဒီးအံသၣ်န့ၣ်လီၤ. တၢ်တသူၣ်လီၤဖျးလီၤဘၣ်တၢ်နီတမံၤဒီးနီၣ်ဧိၤမံၤဧိၤဒၣ်လဲာ် တမဲထီၣ်ဘၣ်ဖဲန့ၣ်ဘၣ်. သုထံသုကီၢ်ကမၤအသးဒ်ဝ့ၢ်တဖၣ်လၢအမ့ၢ်စဒိၣ်ဂမိရၤ, အၤဒမၤဒီးစဘိအံးအသိးလၢယွၤမၤဟးဂီၤကွံာ်တ့ၢ်အီၤဖဲအဝဲ အသးဒိၣ်ကဲၤကပျီၤဝဲအခါန့ၣ်လီၤ.