လံာ်စဖါနယၤ 2:6 - Sgaw Karen Common Bible

⁶ သုတၢ်အိၣ်တၢ်ဆိးအလီၢ်လၢပီၣ်လဲၣ်နံၤကကဲထီၣ်တၢ်အီၣ်ဆၣ်အလီၢ် အိၣ်ဒီးပှၤကွၢ်သိအဒဲတဖၣ်ဒီးသိအကရၢတဖၣ်န့ၣ်လီၤ.

လံာ်စဖါနယၤ 2:6 Iomraidhean Croise

လံာ်ယၡါယၤ 17:2

ကီၢ်စူၤရံအဝ့ၢ်တဖၣ်ကဘၣ်တၢ်ဟးသဒၣ်ကွံာ်အီၤလီၤထူလီၤယိာ် လီၤ. ကကဲထီၣ်သိဒီးကျီၢ်အီၣ်ဆၣ်အလီၢ်, ဒီးပှၤတနီၣ်ထီၣ်ဟီထီၣ်ကွံာ်အဝဲသ့ၣ်နီတဂၤဘၣ်.

လံာ်ယၡါယၤ 5:17

လၢဝ့ၢ်တဖၣ်အတၢ်ဟးဂီၤအပူၤန့ၣ်, သိဖိတဖၣ်ကအီၣ်တပံၢ် ဒီးမဲာ်တဲးလဲးဖိတဖၣ်ကထံၣ်န့ၢ်တၢ်အီၣ်ဆၣ်အလီၢ်လီၤ.

လံာ်ယၡါယၤ 7:25

ကယဲၢ်တၢ်လူၢ်ခဲလၢာ်လၢတၢ်မုၢ်တၢ်ဘိတဖၣ်ညီနူၢ်မဲထီၣ်သၣ် ထီၣ်အလီၢ်န့ၣ်, တၢ်ကဒိၣ်ဘၢခဲဘၢအီၤလၢတၤဆှုၣ်တဖၣ် တုၤဒၣ်လဲာ်ပှၤတလဲၤဖဲန့ၣ်နီတဂၤလၢၤဘၣ်. ကမ့ၢ်ဝဲတၢ်လီၢ်တတီၤ လၢဂီၤဖံးဒီးသိတဖၣ်အီၣ်ဆၣ်အလီၢ်န့ၣ်လီၤ.”

လံာ်ယံးရမံယၤ 33:12

ယွၤသ့တၢ်လၢာ်စံးဝဲဒၣ်, “လၢကီၢ်လၢအလီၤဂာ်ဒီး မဲးမုၢ်ခိၣ်တတီၤအံၤအပူၤ, ဒီးလၢတၢ်လီၢ်ဖဲပှၤကညီ မ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ တအိၣ်ဘၣ်လၢအပူၤအံၤန့ၣ်, တၢ်အီၣ်ဆၣ်အလီၢ်လါဟ့ တဖၣ်လၢပှၤကွၢ်သိတဖၣ် ကဒုးကိာ်လီၤအသိန့ၣ် ကအိၣ်ထီၣ်က့ၤကဒီးဝဲလီၤ.

လံာ်ယဃ့းစက့လး 25:5

ယကဒုးကဲထီၣ်ကွံာ်ဝ့ၢ်ရးဘးဆူတၢ်လီၢ်တတီၤလၢပှၤကပာ်ကီၤလၤ အူးတဖၣ်အဂီၢ်, ဒီးကီၢ်ဧၣ်မိၣ်ဒီတကီၢ်န့ၣ်, ယကဒုးကဲထီၣ်အီၤလၢတၢ်လီၢ်တတီၤလၢပှၤကပာ်သိအဂီၢ်, ဒ်သိးသုကသ့ၣ်ညါလၢယမ့ၢ်ယွၤန့ၣ်လီၤ.