လံာ်စဖါနယၤ 2:5 - Sgaw Karen Common Bible

⁵ သုဝဲပှၤဖလ့ၡသးဖိ, ပှၤအိၣ်ဝဲဆိးဝဲလၢပီၣ်လဲၣ်နံၤသ့ၣ်တဖၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. ယွၤဟ့ၣ်လီၤတ့ၢ်တၢ်စံၣ်ညီၣ်လၢသုဖီခိၣ်လီၤ. အဝဲဒၣ်ကမၤဟးဂီၤကွံာ်သုဒီးပှၤလၢသုကျါတအိၣ်တီၢ်ဘၣ်နီတဂၤဘၣ်.

လံာ်စဖါနယၤ 2:5 Iomraidhean Croise

လံာ်ယၡါယၤ 14:29

ပှၤဖလ့ၡသးဖိသ့ၣ်ဧၢ, နီၣ်တီၢ်လၢအတီၢ်သုန့ၣ်ကၢ်လံ, ဘၣ်ဆၣ်သုတအိၣ်ဒီးတၢ်ဂ့ၢ်နီတမံၤလၢသုကသးခုအဂီၢ်ဘၣ်. ဖဲဂုၢ်တဘိသံန့ၣ်, ဂုၢ်အၢန့ၢ်ဒံးအန့ၣ်ဟဲထီၣ်လၢအလီၢ်လီၤ. ဂုၢ်တဘိအဒံၣ်ဖးထီၣ်ဝဲပ ယိၤလၢအယူၤတဘိလီၤ.

လံာ်ယၡါယၤ 14:30

ယွၤကမ့ၢ်ပှၤကွၢ်သိလၢအပှၤဖှီၣ်ဖိယာ်ဖိတဖၣ်အဂီၢ်ဒီးက ပျဲအဝဲသ့ၣ်အိၣ်မူလၢတၢ်ပူၤဖျဲးအလီၢ်လီၤ. ဘၣ်ဆၣ်ဒီး, အဝဲကဆှၢလီၤတၢ်သၣ်ဝံၤလီၤဒိလၢအလီၤပျံၤလီၤဖုးဖးဒိၣ် လၢသုဝဲပှၤဖလ့ၡသးဖိတဖၣ်အဖီခိၣ်ဒီးတပျဲသုကမူနီတဂၤဘၣ် န့ၣ်လီၤ.

လံာ်ယံးရမံယၤ 47:7

ဘၣ်ဆၣ် ဖဲယဟ့ၣ်အီၤတၢ်မၤလၢ ကဘၣ်မၤဒံးဝဲန့ၣ်, အိၣ်ဘှံးဝဲ ကသ့ဒ်လဲၣ်. ယဟ့ၣ်တ့ၢ်အီၤ ယကလုၢ်လၢ ကလဲၤဒုး ဝ့ၢ်အၤၡကလိၣ်ဒီး ပှၤဂီၢ်မုၢ်လၢ အအိၣ်ဆိးလၢပီၣ်လဲၣ်ကၢၢ်နံၤန့ၣ်လီၤ.”

လံာ်ယဃ့းစက့လး 25:16

ဒီးလၢတၢ်န့ၣ်အဃိ, ယဘိးဘၣ်သ့ၣ်ညါထီၣ်လၢယကဒုးပှၤဖလ့ၡသး ဖိတဖၣ်ဒီးတြူာ်ကွံာ်အဝဲသ့ၣ်ခဲလၢာ်လီၤ. ယကမၤဟးဂီၤကွံာ်ပှၤကိးဂၤဒဲးလၢအအိၣ်လီၤတဲာ်တ့ၢ်ဖဲန့ၣ်လၢ ပှၤဖလ့ၡသးဖိအတၢ်ပၢၤခိၣ်န့ၣ်လီၤ.

လံာ်ဧၤမိၣ် 3:1

ပှၤအံၣ်စရ့လးဖိသ့ၣ်ဧၢ, ဒိကနၣ်တၢ်ကစီၣ်အံၤလၢယွၤကတိၤတ့ၢ် တၢ်ဘၣ်ဃးဒီးသု, တၢ်ကတိၤထီဒါပှၤဒီကလုာ်ညါလၢအဒုးဟးထီၣ်ကွံာ်ဝဲလၢကီၢ် အဲၤကူပတူးပူၤတက့ၢ်.

လံာ်ဧၤမိၣ် 5:1

ဒိကနၣ်, ကီၢ်အံၣ်စရ့လးအပှၤဂီၢ်မုၢ်ဧၢ, ယသးဝံၣ်တၢ်ဘၣ်မိၣ်ဘၣ်မးအထါအံၤလၢသုဂီၢ်လီၤ.

လံာ်စဖါနယၤ 1:11

ပှၤအိၣ်ဝဲဆိးဝဲလၢဝ့ၢ်အလာ်ခီသ့ၣ်ဧၢ, တုၤသုနၢ်ဟူတၢ်အံၤဒီးကိးပသူထီၣ်တက့ၢ်. အဂ့ၢ်ဒ်အံၤ, ကယဲၢ်ပှၤကၤတၢ်ဖိခဲလၢာ်ကသံဝဲလီၤ.

လံာ်စဖါနယၤ 3:6

ယွၤစံးဝဲဒၣ်, “ယတြူာ်ပျီကွံာ်လံပှၤကလုာ်ခဲလၢာ်, ယမၤဟးဂီၤကွံာ်လံအဝ့ၢ်တဖၣ်ဒီးယပာ်တီၢ်အဝ့ၢ်ခိၣ်ဒူဒီး အတၢးထီၣ်ထီတဖၣ်လၢတၢ်ဟးဂူာ်ဟးဂီၤအပူၤန့ၣ်လီၤ. ဝ့ၢ်တဖၣ်အိၣ်တ့ၢ်သယုၢ်ဝဲ, ကျဲတဖၣ်လီၤဟိဝဲဒီးပှၤ တအိၣ်တီၢ်နီတဂၤဘၣ်.

လံာ်စကၤရယၤ 1:6

ယဟ့ၣ်လီၤတ့ၢ်သုမိၢ်ပၢ်ဖံဖုတဖၣ်လၢယတၢ်မၤလိာ် တဖၣ်ဒီးတၢ်ဟ့ၣ်ပလီၢ်တဖၣ်ခီဖျိယခ့ယပှၤဝံသ့ၣ်တဖၣ် ဘၣ်ဆၣ်ဒီးအဝဲသ့ၣ်တကနၣ်ဃုာ်ဝဲတၢ်သ့ၣ်တဖၣ်န့ၣ်အဃိတူၢ်ဘၣ် က့ၤတၢ်လၢတၢ်သ့ၣ်တဖၣ်န့ၣ်အဂီၢ်လီၤ. အဝဲသ့ၣ်ပီၢ်ယၢ်လီၤက့ၤအသးဒီးအၢၣ်လီၤအီလီၤဝဲဒီးသ့ၣ်ညါ ဝဲလၢယၤ, သ့တၢ်လၢာ်ယွၤစံၣ်ညီၣ်တ့ၢ်အဝဲသ့ၣ်ဒ်အဝဲသ့ၣ်ကြၢးတူၢ်ဘၣ်တၢ် အသိးဒီးဒ်ယပာ်လီၤတ့ၢ်ယသးလၢယကမၤတၢ်အသိးန့ၣ်လီၤ.”

လံာ်မၢ်ကူး 12:12

ပှၤယူဒၤဖိအခိၣ်အနၢ်လၢယ့ၣ်ၡူးကတိၤတ့ၢ်တၢ်ဒီးအီၤတဖၣ်နၢ် ပၢၢ်ဝဲလၢတၢ်ကတိၤဒိအံၤမ့ၢ်တၢ်ကတိၤထီဒါအဝဲသ့ၣ်အဃိ, ဃုကျဲလၢအကဖီၣ်န့ၢ်အီၤလီၤ. ဘၣ်ဆၣ်ဒီးမ့ၢ်လၢအဝဲသ့ၣ်ပျံၤဘၣ်ပှၤဂီၢ်မုၢ်တဖၣ်အဃိ, ပာ်တ့ၢ်အီၤဒီးဟးထီၣ်ကွံာ်ဝဲဖဲန့ၣ်လီၤ.

လံာ်စီၤယိၤၡူ 13:2

အအံၤမ့ၢ်ထံကီၢ်လၢအအိၣ်လီၤတဲာ်တဖၣ်လီၤ. မ့ၢ်ပှၤဖလ့ၡသးဖိအကီၢ်ခဲလၢာ်ဒီးပှၤကၡူၢ်ဖိအကီၢ်ဒီဘ့ၣ်ညါ,

လံာ်စီၤယိၤၡူ 13:3

ဃုာ်ဒီးပှၤဧၤဝံဖိအကီၢ်လၢကလံၤထံးန့ၣ်လီၤ. (ကီၢ်လၢထံကျိဖိၡံဃိၢ်လၢကီၢ်အဲၤကူပတူးအမုၢ်ထီၣ်ဆူကလံၤစိး တုၤဆူဧ့ကြိၣ်အကီၢ်ဆၢလၢတၢ် ပာ်လၢပှၤကနၤဧၣ်ဖိအဂီၢ်န့ၣ်လီၤ. ပှၤဖလ့ၡသးဖိအစီၤပၤအိၣ်ဝဲယဲၢ်ဂၤ လၢအမ့ၢ်ဝဲဂါစၤအၤစဒိာ်, အၤၡကလိၣ်, ကၤသး, ဧ့ကြိၣ်အစီၤပၤန့ၣ်လီၤ).

လံာ်ပှၤစံၣ်ညီၣ်ကွီၢ် 3:3

ပှၤတဖၣ်လၢအအိၣ်လီၤတဲာ်လၢကီၢ်ပူၤမ့ၢ်ဝဲ, ပှၤဖလ့ၡသးဖိ အပဒိၣ်ယဲၢ်ဂၤ, ပှၤကနၤဧၣ်ဖိခဲလၢာ်, ပှၤစံဒိၣ်ဖိတဖၣ်, ဒီးပှၤဃံၤဝံဖိတဖၣ်လၢအအိၣ်ဆိးလၢလဘၤနိၣ်အကစၢၢ်ကလိအကျါ စးထီၣ်လၢကစၢၢ်ဘဧၤလးဃ့ရမိၣ်တုၤလၢဝ့ၢ်ဃမါသးအတၢ်ဟဲနုာ်ဟးထီၣ်အကျဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:14

ပလဲၤဂုာ်ဆူၣ်ပှၤကရံးသးဖိအလီၢ်ကဝီၤလၢကီၢ်ယူဒၤအကလံၤထံး ဒီးစီၤကၤလ့းအဒူၣ်ထၢတဖၣ်အလီၢ်ကဝီၤဒီးပဆူးကဲၤထီၣ်ကွံာ် ဝ့ၢ်စံကလးလီၤ.”