လံာ်စဖါနယၤ 2:2 - Sgaw Karen Common Bible

² တချုးလၢသုဘၣ်တၢ်တြူာ်ကွံာ်သုဒ်ဖ့လၢကလံၤအူဒံကွံာ်အသိး, တချုးလၢယွၤအတၢ်သးကဲၤထီၣ်လီၤဘၣ်လၢသုလိၤ, တချုးလၢအပာ်ဖျါထီၣ်အတၢ်သးကဲၤထီၣ်ဒံးဘၣ်န့ၣ်တက့ၢ်.

လံာ်စဖါနယၤ 2:2 Iomraidhean Croise

လံာ်စီၤယိၤဘး 21:18

ဒီးအူဖျိးကွံာ်အဝဲသ့ၣ်လီၤဂာ်ဒ်လီၢ်ဧိၤဒံးဧိၤလၢကလံၤအ ကျါမ့ၢ်ဂ့ၤ, ဒ်ဖ့လၢကလံၤမုၢ်စိာ်ကွံာ်အီၤအသိးမ့ၢ်ဂ့ၤတဘျီဘျီ ဧါ.

စံးထီၣ်ပတြၢၤ 1:4

ပှၤတတီတလိၤတဖၣ်န့ၣ်တဒ်န့ၣ်အသိးဘၣ်. အဝဲသ့ၣ်လီၤဂာ်ဒ်ဖ့လၢကလံၤအူဒံကွံာ်ဝဲ အသိးန့ၣ်လီၤ.

စံးထီၣ်ပတြၢၤ 2:12

ဒီးဆီၣ်လီၤသုသးလၢအဖီလာ်တက့ၢ်. မ့တမ့ၢ်ဘၣ်ဒီးအတၢ်သးထီၣ်ကထီၣ်ဝဲချ့သဒံး, ဒီးသုကသံသတူၢ်ကလာ်လီၤ. ပှၤလၢအအိၣ်ကဒုလၢယွၤအပူၤခဲလၢာ်န့ၣ် ဘၣ်ဆိၣ်ဂ့ၤဝဲနီၢ်နီၢ်လီၤ.

စံးထီၣ်ပတြၢၤ 50:22

“ကွၢ်ဆိကမိၣ်တၢ်အံၤ, ပှၤလၢအသးပ့ၤနီၣ်ကစၢ်ယွၤသ့ၣ်ဧၢ, ယကအ့ၣ်ဖှီဘၣ်ဖုးသု ဒီးပှၤမၤပူၤဖျဲးတၢ်တအိၣ်ဘၣ်နီတဂၤဘၣ်.

လံာ်ယၡါယၤ 17:13

ပှၤကလုာ်တဖၣ်လဲၤထီၣ်ဝဲဒ်လပီတဖၣ်သဖှိထီၣ်ဝဲအသိး, ဘၣ်ဆၣ်ကစၢ်ယွၤသိၣ်ဆါအဝဲသ့ၣ်သတးဒီးအဝဲသ့ၣ်ဂုၤက့ၤ ဆူအလီၢ်ခံလီၤ. ဒီးဘၣ်တၢ်နီၣ်ထီၣ်ဟီထီၣ်ကွံာ်အီၤဒ် ဖၣ်ကမူၣ်လၢကစၢၢ်ကပၤအသိးဒီးဒ်ဘုလီၢ်လၢကလံၤ သဝံးအပူၤအသိးန့ၣ်လီၤ.

လံာ်ယံးရမံယၤ 23:20

ဒီးတဆိကတီၢ်ဘၣ်အသးတုၤလီၤလၢတၢ်လၢအဝဲတိာ်လၢကမၤဝဲ တဖၣ်မၤဝံၤဘၣ်က့ၤဝဲခဲလၢာ်တစုန့ၣ်ဘၣ်. လၢမုၢ်နံၤလၢအကဟဲ တဖၣ်အပူၤန့ၣ်, အပှၤဂီၢ်မုၢ်ကနၢ်ပၢၢ်တၢ်အံၤဆှံဆှံန့ၣ်လီၤ.”

လံာ်ယံးရမံယၤ 4:4

သုဝဲကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, တိၢ်န့ၢ်ဖံးဃာ် သုတၢ်အၢၣ်လီၤအီလီၤဒီးယၤ, သုယွၤ, ဒီးပာ်စီဆှံသုသးလၢ ယဂီၢ်တက့ၢ်, သုမ့ၢ်တမၤဒ်န့ၣ်ဘၣ်ဒီးလၢတၢ်အၢတၢ်သီတဖၣ် လၢသုမၤတ့ၢ်အဃိန့ၣ်, ယတၢ်သးဒိၣ်ကကဲၤထီၣ်ဒ်မ့ၣ်အူအသိးန့ၣ်လီၤ. ကအီၣ်တၢ်ဒီးပှၤကမၤလီၤပံာ်ကွံာ်အီၤတအိၣ်နီတဂၤဘၣ်.”

လံာ်သးသယုၢ်တၢ် 4:11

ယွၤဃ့ၣ်လီၤကွံာ်အတၢ်သးကဲၤထီၣ်အသဟီၣ်တုၤအလၢာ်လီၤ. ဆူးကဲၤထီၣ်ဝဲမ့ၣ်အူလၢဝ့ၢ်စံယိၣ်အပူၤဒီးတၢ်န့ၣ်အီၣ်ကွံာ် အီၤတုၤလၢဟီၣ်ခိၣ်လီၤ.

လံာ်ယဃ့းစက့လး 12:25

ယၤ, ယွၤအံၤ, ကတိၤတၢ်ဒီးအဝဲသ့ၣ်, ဒီးတၢ်လၢယစံးန့ၣ်ကဘၣ်တၢ်မၤအီၤန့ၣ်လီၤ. တၢ်မၤယံာ်မၤနီၢ်တအိၣ်လၢၤဘၣ်. သုဝဲပှၤပူထီၣ်တၢ်ဖိသ့ၣ်ဧၢ, လၢသုတၢ်အိၣ်မူအမုၢ်နံၤဒၣ်ဝဲအပူၤန့ၣ်, ယကမၤတၢ်လၢယဟ့ၣ်ပလီၢ်တ့ၢ်သုလၢယကမၤအီၤန့ၣ်လီၤ. ယကတိၤလံတၢ်လံ.” ယွၤပၢဘၣ်တၢ်ခဲလၢာ်ကစၢ်စံးဝဲ.

လံာ်ဟိၤၡ့ 13:3

လၢတၢ်န့ၣ်အဃိ, ပှၤဂီၢ်မုၢ်တဖၣ်အံၤကဟါမၢ်ကွံာ်ဝဲဒ်မုၢ်ဂီၤ အဘှ့ၣ်အသိးဒ်ပစီၤထံလၢအလီၤမၢ်လၢမုၢ်တနံၤဂီၤဂီၤအသိးန့ၣ်လီၤ. အဝဲသ့ၣ်ကလီၤဂာ်ဒ်ဖ့လၢကလံၤအူဒံကွံာ်အီၤလၢကြဲၢ်ပူၤ အသိးဒီးမ့ၣ်အူလုၣ်လၢမ့ၣ်အူပျိာ်တခါအပူၤအသိးန့ၣ်လီၤ.

လံာ်နၤဃူၣ် 1:6

မ့ၢ်မတၤကွၢ်ဆၢၣ်မဲာ်အတၢ်သးထီၣ်ကန့ၢ်တဂၤလဲၣ်. ဒီးမ့ၢ်မတၤတူၢ်အတၢ်သးကဲၤထီၣ်ကကဲဝဲတဂၤန့ၣ်လဲၣ်. လူလီၤဝဲအတၢ်သးကဲၤထီၣ်, ဒီးလၢၢ်ဧိၤလ့ဧိၤကၢ်လီၤကလဲကွံာ်ဆူဖၣ်ကမူၣ်လၢအမဲာ်ညါလီၤ.

လံာ်စဖါနယၤ 1:18

လၢယွၤပာ်ဖျါအသးကဲၤထီၣ်အမုၢ်တနံၤန့ၣ်, ကယဲၢ်အဝဲသ့ၣ်အထူမ့ၢ်ဂ့ၤ, အစ့မ့ၢ်ဂ့ၤခဲလၢာ်ဒၣ်လဲာ် မၤပူၤဖျဲးအီၤတသ့ဘၣ်. ယွၤအတၢ်သးထီၣ်အမ့ၣ်အူကမၤဟးဂီၤကွံာ်ဟီၣ်ခိၣ်ဒီဘ့ၣ်ညါန့ၣ်လီၤ. အဝဲကမၤကတၢၢ်ကွံာ်ကယဲၢ်ပှၤအိၣ်မူလၢဟီၣ်ခိၣ်ချၢခဲလၢာ်လၢတၢ် မၤကတၢၢ်သတူၢ်ကလာ်အပူၤန့ၣ်လီၤ.

လံာ်စဖါနယၤ 3:8

ယွၤစံးဝဲဒၣ်, “အိၣ်ခိး, ခိးတုၤမုၢ်တနံၤလၢယဂဲၤဆၢထၢၣ် အုၣ်ယသးထီဒါပှၤကလုာ်တဖၣ်န့ၣ်တက့ၢ်. ယပာ်လီၤယသးလၢယကပာ်ဖှိၣ်ပှၤကလုာ်တဖၣ်ဒီးဘီမုၢ် တဖၣ်ဒ်သိးယကပျဲအဝဲသ့ၣ်ကလၢၢ်ဘၣ်ယတၢ်သးထီၣ် အသဟီၣ်လီၤ. ဟီၣ်ခိၣ်ဒီဘ့ၣ်ကဘၣ်တၢ်မၤဟးဂီၤကွံာ်အီၤလၢယတၢ်သးကဲၤထီၣ် အမ့ၣ်အူန့ၣ်လီၤ.

လံာ်မးသဲ 24:35

မူခိၣ်ဒီးဟီၣ်ခိၣ်ကလဲၤပူၤကွံာ်ဝဲ, မ့မ့ၢ်ယကလုၢ်ယကထါတဖၣ်တလဲၤပူၤကွံာ်နီတဘျီဘၣ်.