လံာ်စဖါနယၤ 2:14 - Sgaw Karen Common Bible

¹⁴ ဒီးကကဲထီၣ်တၢ်လီၢ်တတီၤလၢသိ, မဲာ်တဲးလဲးဒီးကယဲၢ်ဆၣ်ဖိကီၢ်ဖိကိးဖုကိးကလုာ်ဒဲးကမံ လီၤဝဲန့ၣ်လီၤ. ဒိကအိသ့ၣ်တဖၣ်ကအိၣ်လၢတၢ်ဟးဂူာ်ဟးဂီၤန့ၣ် အကျါ, ဒီးကကအုကစွါထီၣ်လၢပဲတြီတဖၣ်န့ၣ်လီၤ. စိးဝၣ်ဃးတဖၣ်ကတူထီၣ်ဝဲလၢတြဲၤခီၣ်ထံးတဖၣ်န့ၣ်လီၤ. အတၢ်သူၣ်ထီၣ်တဖၣ်လၢအဘၣ်တၢ်ဘှီအီၤလၢသ့ၣ်ဆှိးအ့ရ့းန့ၣ်ဘၣ် တၢ်ဘ့ၣ်ကွံာ်အိးကွံာ်လၢာ်လံ.

လံာ်စဖါနယၤ 2:14 Iomraidhean Croise

စံးထီၣ်ပတြၢၤ 102:6

ယမၤယသးလီၤဂာ်ဒ်ထိၣ်ဝိၣ်ဘိၤလၢ ပှၢ်လၢ်ကျါအသိး ဒီးဒ်ဒိကအိလၢအအိၣ်လၢ တၢ်လီၤပှီၢ်အကျါအသိးန့ၣ်လီၤ.

လံာ်ယၡါယၤ 14:23

ယကဒုးကဲထီၣ်ကီၢ်ဘၤဘူၤလိၣ်လၢတၢ်ကပျၢၤအပူၤတပူၤဒီးဒိ ကအိတဖၣ်ကအိၣ်ဖဲန့ၣ်လီၤ. ယကခွဲသိၣ်ကီၢ်ဘၤဘူၤလိၣ်လၢ နီၣ်ခွဲသိၣ်တဘိလၢအကခွဲပျီကွံာ်တၢ်ခဲလၢာ်န့ၣ်လီၤ. ယၤ, ယွၤသ့တၢ်လၢာ်ကစၢ်, စံးတ့ၢ်လံဝဲလီၤ.”

လံာ်ယံးရမံယၤ 22:14

ပှၤတဂၤလၢအစံးဝဲ, “ယကသူၣ်ထီၣ်ဟံၣ်ဒိၣ်ကျိၤသွါတဖျၢၣ်လၢယဂီၢ်ဒၣ်ယဲ အိၣ်ဒီးဒၢးဖးလဲၢ်တဖၣ်လၢအဖီခိၣ်တကထၢန့ၣ်လီၤ. ဝံၤဒီးအဝဲဒၣ်မၤထီၣ်ပဲတြီဖိတဖၣ်လၢအဟံၣ်အပူၤ, မၤထီၣ်ဂီၤပၤတဖၣ်လၢသ့ၣ်ဆှိအ့ရ့း ဒီးဖှူအီၤလၢကသံၣ်အဂီၤန့ၣ်လီၤ. ပှၤတဂၤအံၤဘၣ်တၢ်စံၣ်ညီၣ်ဃါမနၤန့ၣ်လီၤ.

လံာ်ဧၤမိၣ် 9:1

ဒီးယထံၣ်ယွၤဆၢထၢၣ်လၢတၢ်လုၢ်လီၢ်အဃၢၤလီၤ. အဝဲဟ့ၣ်လီၤအကလုၢ်, တီၢ်တၢ်လုၢ်ဟံၣ်အထူၣ်ခိၣ်ထိးဆူၣ်ဆူၣ်ဒ်သိးအခီၣ်ထံးကဟူးဝး အဂီၢ်တက့ၢ်. မၤကၢ်ကွံာ်အီၤဒီးပျဲအလီၤတဲာ်လၢပှၤဂီၢ်မုၢ်အခိၣ်လိၤတ က့ၢ်. ယကမၤသံကွံာ်ပှၤအိၣ်လီၤတဲာ်တဖၣ်လၢတၢ်ဒုးအပူၤလီၤ. ပှၤဃ့ၢ်ပူၤဖျဲးတသ့နီတဂၤဘၣ်. ပှၤထူၣ်ဖျဲးတအိၣ်နီတဂၤဘၣ်.

လံာ်စဖါနယၤ 2:6

သုတၢ်အိၣ်တၢ်ဆိးအလီၢ်လၢပီၣ်လဲၣ်နံၤကကဲထီၣ်တၢ်အီၣ်ဆၣ်အလီၢ် အိၣ်ဒီးပှၤကွၢ်သိအဒဲတဖၣ်ဒီးသိအကရၢတဖၣ်န့ၣ်လီၤ.

လံာ်လီၣ်ဖျါ 18:2

အဝဲဒၣ်ကိးထီၣ်လၢအကလုၢ်ဖးဒိၣ်, “လီၤပှီၢ်လံဘၤဘူၤ လိၣ်ဖးဒိၣ်လီၤပှီၢ်လံ. ခဲကနံၣ်အံၤ, အဝဲဒၣ်ဘၣ်တၢ်မၤတံာ်တာ်မၤပျံၤမၤဖုးအီၤလၢတၢ်ဝံတၢ်နါ, ဒီးသးလၢအတကဆှီတဖၣ်, ထိၣ်လၢအဘၣ်အၢဘၣ်သီဒီးအလီၤသးဟ့အကလုာ်ကလုာ် အိၣ်ဝဲဆိးဝဲလၢအပူၤလီၤ.