လံာ်စဖါနယၤ 2:13 - Sgaw Karen Common Bible

¹³ ယွၤကသူအစိအကမီၤလၢကမၤဟးဂီၤကီၢ်အၤၡူၢ်န့ၣ်လီၤ. ကဒုးကဲထီၣ်ဝ့ၢ်နံၤနဝ့လၢတၢ်ဟးဂီၤအိၣ်သယုၢ်အလီၢ်, မဲးမုၢ်ခိၣ်လၢထံတအိၣ်အလီၢ်န့ၣ်လီၤ.

လံာ်စဖါနယၤ 2:13 Iomraidhean Croise

လံာ်ယၡါယၤ 10:12

ဒီးယွၤစံးဝဲဒၣ်, “ဖဲယမၤတၢ်လၢယကမၤအီၤလၢ ကစၢၢ်စံယိၣ်ဒီးလၢဝ့ၢ်ယရူၤရှလ့ၣ်အပူၤဝံၤလံန့ၣ်, ယကစံၣ်ညီၣ်ကီၢ်အၤၡူၢ်အစီၤပၤဖးဒိၣ်လၢအတၢ်ကတိၤဒိၣ်ကတိၤသွါ တၢ်ဒီးလၢအတၢ်ပာ်ထီၣ်ထီသးအဃိလီၤ.”

လံာ်ယၡါယၤ 10:16

ယွၤ, သ့တၢ်လၢာ်ကစၢ်ကမၢလီၤတၢ်ဆူးတၢ်ဆါလၢကစံၣ်ညီၣ် ပှၤတဖၣ်လၢအခဲအံၤအီၣ်ကုးအီပှဲၤန့ၣ်လီၤ. လၢအဝဲသ့ၣ်အနီၢ်ခိတဖၣ်အပူၤန့ၣ်, မ့ၣ်အူကအိၣ်ဝဲလၢအအီၣ် ဝံၤအီၣ်က့ၤတၢ်တနဲးနဲးလီၤ.

လံာ်ယၡါယၤ 10:5

ယွၤစံးဝဲဒၣ်, “ကီၢ်အၤၡူၢ်ဧၢ, ယသူကီၢ်အၤၡူၢ်ဒ်နီၣ်တီၢ် တဘိးအသိးလၢယကစံၣ်ညီၣ်ပှၤလၢယသးကဲၤထီၣ် ဘၣ်အီၤတဖၣ်အဂီၢ်လီၤ.”

လံာ်ယၡါယၤ 11:11

ဖဲမုၢ်နံၤန့ၣ်ဟဲတုၤဝဲဒီး, ယွၤကသူကဒီးအစိကမီၤတဘျီ ဒီးဟဲက့ၤစိာ်က့ၤအပှၤဂီၢ်မုၢ်ဆူဟံၣ်အပှၤဂီၢ်မုၢ်လၢအအိၣ် လီၤတဲာ်လၢကီၢ်အၤၡူၢ်ဒီးကီၢ်အဲၤကူပတူးကလံၤထံး, ဒီးလၢကီၢ်အဲၤကူပတူးကလံၤစိးပၤသြိၣ်, ကီၢ်ကူၤၡး, ကီၢ်အံၣ်ရး, ကီၢ်ဘၤဘူလိၣ်, ကီၢ်ဆၣ်ဃမါသး, ဒီးလၢပီၣ်လဲၣ်ကၢၢ် နံၤတဖၣ်ဒီးလၢပီၣ်လဲၣ်အကီးတဖၣ်အပူၤန့ၣ်လီၤ.

လံာ်ယၡါယၤ 14:26

အဝဲအံၤမ့ၢ်ယတၢ်ကူၣ်တၢ်ကျဲၤလၢဟီၣ်ခိၣ်ဒီဘ့ၣ်အဂီၢ်ဒီးယစု ယူာ်ထီၣ်အသးလၢကစံၣ်ညီၣ်ပှၤကလုာ်တဖၣ်အဂီၢ်လီၤ.”

လံာ်ယၡါယၤ 37:37

အန့ၣ်ဒီး, ပှၤအၤၡူၢ်ဖိအစီၤပၤဖးဒိၣ်စၤနဃ့ရံာ်ဂုၤက့ၤဆူ အလီၢ်ခံဒီးက့ၤကဒါက့ၤဆူဝ့ၢ်နံၤနဝ့န့ၣ်လီၤ.

လံာ်ယံးရမံယၤ 49:33

ဝ့ၢ်ဃါစိၢ်ကဘၣ်တၢ်ဒုးကဲထီၣ်အီၤလၢမဲးမုၢ်ခိၣ်တတီၤလီၤထူလီၤယိာ်, တၢ်လီၢ်တတီၤဖဲ အိၣ်ဒၣ်ထဲ ထွံၣ်ဟီၣ်ခိၣ်တဖၣ်ဧိၤန့ၣ်လီၤ. ပှၤတအိၣ်ကဒီးဖဲန့ၣ်နီတဂၤနီတစုလၢၤဘၣ်.” ယၤ, ယွၤအံၤ, ကတိၤလံတၢ်လံ.

လံာ်ယိၤနါ 1:2

“လဲၤဆူဝ့ၢ်နံၤနဝ့လၢအမ့ၢ်ဝ့ၢ်ဖးဒိၣ်တဖျၢၣ်န့ၣ်ခဲအံၤ, ဒီးကတိၤတၢ်ထီဒါအီၤတက့ၢ်. အတၢ်အၢတၢ်သီန့ၣ်ထီၣ်ဘးလံလၢယမဲာ်ညါလံန့ၣ်လီၤ.”

လံာ်ယိၤနါ 3:2

“ဂဲၤထၢၣ်, လဲၤဆူဝ့ၢ်နံၤနဝ့, ဝ့ၢ်ဖးဒိၣ်တဖျၢၣ်န့ၣ်, ဒီးဘိးဘၣ်သ့ၣ်ညါတၢ်ကစီၣ်လၢယတဲနၤန့ၣ်တက့ၢ်.”

လံာ်မံကၤ 5:6

အဝဲသ့ၣ်ကမၤနၢၤကွံာ်ကီၢ်အၤၡူၢ် လၢအမ့ၢ်စီၤနံးမရိးအကီၢ်ခီဖျိတၢ်စုကဝဲၤအဂံၢ်အဘါ ဒီးကမၤပူၤဖျဲးပှၤလၢပှၤအၤၡူၢ်ဖိတဖၣ်အစုပူၤဖဲ အဟဲနုာ်ဒုးပကီၢ်အခါန့ၣ်လီၤ.

လံာ်နၤဃူၣ် 1:1

တၢ်အံၤမ့ၢ်တၢ်ကစီၣ်လၢအဘၣ်ဃးဒီးဝ့ၢ်နံၤနဝ့အဂ့ၢ်လီၤ. ဒီးမ့ၢ်တၢ်ကွဲးနီၣ်ကွဲးဃါပှၤအ့လကိၤၡးဖိစီၤနၤဃူၣ် အတၢ်ထံၣ်လၢညါခီန့ၣ်လီၤ.

လံာ်နၤဃူၣ် 3:15

နမၤဒ်လဲၣ်ဂ့ၤဒ်လဲၣ်ဂ့ၤန့ၣ်, မ့ၣ်အူကအီၣ်သံကွံာ်နၤမ့တမ့ၢ်တၢ်ကမၤသံနၤလၢတၢ်ဒုးအပူၤ န့ၣ်လီၤ. နကဘၣ်တၢ်တြုာ်ပျီကွံာ်နၤဒ်ဒွဲၣ်ဧိၤတြၤဧိၤအီၣ်ကွံာ် တၢ်မုၢ်တၢ်ဘိတဖၣ်အသိးလီၤ. နဂံၢ်အါထီၣ်တ့ၢ်နသးဒ်ဒွဲၣ် ဧိၤတြၤဧိၤအသိးလီၤ.

လံာ်နၤဃူၣ် 3:7

ဒီးကယဲၢ်ပှၤလၢအထံၣ်နၤကသံးက့ၤအသး ဆူအလီၢ်ခံန့ၣ်လီၤ. အဝဲသ့ၣ်ကစံးဝဲဒၣ်လၢ, ဝ့ၢ်နံၤနဝ့ဒါလီၤအသးလၢတၢ်ဟးဂီၤအပူၤလံ. မ့ၢ်မတၤအိၣ်ဒံးဒီးတၢ်သးကညီၤလၢအဂီၢ်တဂၤလဲၣ်. မ့ၢ်မတၤကသးအိၣ်မၤမုာ်အီၤတဂၤလဲၣ်.”

လံာ်စဖါနယၤ 1:4

ယကစံၣ်ညီၣ်ဝ့ၢ်ယရူၤၡလ့ၣ်အပှၤဂီၢ်မုၢ်ဒီးကယဲၢ်ပှၤအိၣ်လၢကီၢ် ယူဒၤအပူၤခဲလၢာ်န့ၣ်လီၤ. ယကမၤဟးဂီၤကွံာ်ပှၤဘူၣ်ထီၣ်ဘါထီၣ် ဘဧၤလးဖဲန့ၣ်, တုၤလၢပှၤအိၣ်လီၤတဲာ်တ့ၢ်လၢခံကတၢၢ်တဂၤတစုလီၤ. ဒီးပှၤကသ့ၣ်နီၣ်ပှၤဘါတၢ်ဂီၤတၢ်ဖီၣ်အပှၤလုၢ်တၢ်အခိၣ်တဖၣ်လၢ အမၤဘဧၤလးအတၢ်တအိၣ်လၢၤဘၣ်နီတဂၤဒၣ်လဲာ်ဘၣ်.