လံာ်စဖါနယၤ 2:10 - Sgaw Karen Common Bible

¹⁰ တၢ်န့ၣ်မ့ၢ်ကီၢ်မိၤအးဒီးကီၢ်ဧၣ်မိၣ်အပှၤဂီၢ်မုၢ်တဖၣ်ကဘၣ်တၢ် စံၣ်ညီၣ်လၢအတၢ်ပာ်ထီၣ်ထီအသးဒီးအတၢ်ပာ်ကဖၢလၢ အသးဒီးအတၢ်ဒုၣ်ဒွဲၣ်ယွၤသ့တၢ်လၢာ်အပှၤဂီၢ်မုၢ်အဃိဒ် လဲၣ်ဒ်လဲၣ်န့ၣ်လီၤ.

လံာ်စဖါနယၤ 2:10 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 16:21

ဘၣ်ဆၣ်ကစၢ်ယွၤတပျဲပှၤနီတဂၤကမၤနၢၤမၤပ့ၤအဝဲ သ့ၣ်ဘၣ်. လၢတၢ်ဒီဒၣ်အိၣ်ပှိၤအဝဲသ့ၣ်အဂီၢ်, အဝဲဟ့ၣ်ပလီၢ်တ့ၢ်စီၤပၤတ ဖၣ်,

လံာ်တၢ်ဟးထီၣ်ကွံာ် 10:3

လၢတၢ်န့ၣ်အဃိစီၤမိၤၡ့ဒီးစီၤအၤဟရိၣ်လဲၤဆူစီၤပၤအအိၣ် ဒီးစံးဘၣ်အီၤ, “ယွၤ, ပှၤဧ့ၤဘြံၤဖိအကစၢ်ယွၤစံးဒ်အံၤ, ဒ်သိးနသုတဆီၣ်လီၤနသးလၢယဖီလာ်တဂ့ၤဒီးနကဂ့ၢ်လိာ်ဆံးယံာ် ဒံးလဲၣ်. ပျၢ်ယပှၤဂီၢ်မုၢ်ဒ်သိးကလဲၤဘူၣ်ထီၣ်ဘါထီၣ်ယၤတက့ၢ်.

လံာ်တၢ်ဟးထီၣ်ကွံာ် 9:17

အန့ၣ်ဒၣ်လဲာ်နပာ်ကဖၢလၢဒံးနသးဒီးဂ့ၢ်လိာ်လၢနကပျၢ်ယပှၤဂီၢ် မုၢ်ဟးထီၣ်န့ၣ်လီၤ.

လံာ်ယၡါယၤ 16:6

ပှၤယူဒၤဖိတဖၣ်စံးဝဲ, “ပနၢ်ဟူတ့ၢ်ပှၤမိၤအးဖိတဖၣ်ပာ် ထီၣ်ထီအသးထဲလဲၣ်လီၤ. ပသ့ၣ်ညါလၢအဝဲသ့ၣ်ပာ်ကဖၢလၢအ သးဒီးပာ်ထီၣ်ထီအသးလီၤ. ဘၣ်ဆၣ်ဒီး, အတၢ်ကတိၤ ဒိၣ်အကိာ်တဖၣ်န့ၣ်မ့ၢ်တၢ်အိၣ်ကလီလီၤ.”

လံာ်ယံးရမံယၤ 12:14

ယွၤစံးဝဲဒၣ်, “ယအိၣ်ဒီးတၢ်ဂ့ၢ်တနီၤလၢယကစံးဘၣ်တဲဘၣ်တၢ်ဘၣ်ဃးဒီးပှၤလၢ အံၣ်စရ့လးအဃၢၤတဖၣ်လၢအမၤဟးဂီၤ တ့ၢ်ထံကီၢ်လၢယဟ့ၣ်လီၤတ့ၢ်ယပှၤဂီၢ်မုၢ် အံၣ်စရ့လးန့ၣ်လီၤ. ယကဟံးထီၣ်ကွံာ်ပှၤအၢပှၤသီတဖၣ်န့ၣ် လၢအထံအကီၢ်တဖၣ်အပူၤလီၤဂာ်ဒ်တၢ်မုၢ်တၢ်ဘိ လၢအဘၣ်တၢ်ထဲးထီၣ်ကွံာ်အီၤအသိးဒီးယကမၤပူၤမၤဖျဲးကီၢ် ယူဒၤလၢအဝဲသ့ၣ်အစုပူၤန့ၣ်လီၤ.

လံာ်ယံးရမံယၤ 48:14

ကီၢ်မိၤအးအပှၤပိာ်ခွါသ့ၣ်ဧၢ, ဘၣ်မနုၤအဃိသုစံးလီၤသုသးလၢ သုမ့ၢ်ပှၤဒူပှၤဃိၤတဖၣ်, ပှၤသုးဖိအဒူတဖၣ်လၢ အဘၣ်တၢ်မၤကွၢ်တ့ၢ်လံ အီၤလၢ တၢ်ဒုးတၢ်ယၤအပူၤလံ, န့ၣ်လဲၣ်.

လံာ်ယံးရမံယၤ 48:29

ကီၢ်မိၤအးပာ်ထီၣ်ထီအသးဒိၣ်မးလီၤ. ယနၢ်ဟူတ့ၢ်လၢ အပာ်ထီၣ်ထီအသးထဲလဲၣ်, ဒီးပာ်အသးကဖိလိ, ဒီးအပှၤဂီၢ်မုၢ်မ့ၢ်ပှၤတဖၣ်လၢအပာ်ကဖၢလၢအသးထဲလဲၣ်ဒီး ဆိကမိၣ်ဒိၣ်လီၤ အသးထဲလဲၣ်န့ၣ်လီၤ.

လံာ်သးသယုၢ်တၢ် 1:9

အတၢ်တကဆှီဘၣ်န့ၣ်ဘၣ်တၢ်ထံၣ်အီၤညီကဒၣ်, ဘၣ်ဆၣ်ဒီးတပာ်သူၣ်ပာ်သးလၢတၢ်ကစံၣ်ညီၣ်အီၤဃါမနၤအဂ့ၢ်ဘၣ်. အတၢ်လီၤပှီၢ်မ့ၢ်တၢ်လီၤပျံၤလီၤဖုးလီၤ. ပှၤမၤမုာ်ထီၣ်အီၤတသ့နီတဂၤဘၣ်. အဒုၣ်အဒါတဖၣ်မၤနၢၤတၢ်လံ. ဒီးကိးပသူထီၣ်ဝဲဆူယွၤအအိၣ်လၢတၢ်သးကညီၤအဂီၢ်လီၤ.

လံာ်ယဃ့းစက့လး 25:6

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ, သုဒဲသုစုတဖၣ်ဒီးစံၣ်ထီၣ်လၢတၢ်သူၣ်ခုသးခုအပူၤန့ၣ်လီၤ. သုမၤလီၤသးဘၣ်အၢကီၢ်အံၣ်စရ့လးန့ၣ်လီၤ.

လံာ်ဒၤနံးယ့လး 4:37

ခဲကနံၣ်အံၤ, ယၤစီၤနဘူၤကးန့စၢ်စံးထီၣ်ပတြၢၤ, ယူးယီၣ်ဒီး မၤလၤကပီၤမူခိၣ်အစီၤပၤန့ၣ်လီၤ. အဂ့ၢ်ဒ်အံၤ, အတၢ်မၤခဲလၢာ်ဘၣ်ဝဲ, ဒီးအကျဲတဖၣ်တီဝဲလိၤဝဲန့ၣ်လီၤ. ပှၤလၢအမၤတၢ်လၢတၢ် ပာ်ထီၣ်ထီအသးတဖၣ်န့ၣ်ဆီၣ်လီၤဝဲဒၣ်သ့လီၤ.”

လံာ်ဧိၤဘါဒယၤ 1:11

ဖဲဒုၣ်ဒါတဖၣ်စိာ်ကွံာ်ဝ့ၢ်ယရူၤၡလ့ၣ်အတၢ်ထူးတၢ်တီၤအမုၢ်နံၤ န့ၣ်နဆၢထၢၣ်စီၤစုၤလၢအယံၤ, ဖဲဒုၣ်ဒါတဖၣ်နုာ်လီၤဆူဝ့ၢ်ယရူၤၡလ့ၣ်အပဲတြီပူၤဒီးမၤတၢ် ဖးလၢအတၢ်ထူးတၢ်တီၤအမုၢ်နံၤန့ၣ်နမၤနသးအၢထဲသိးသိးဒီး အဝဲသ့ၣ်န့ၣ်လီၤ.

လံာ်ဧိၤဘါဒယၤ 1:3

နတၢ်သးထီၣ်ထီန့ၣ်လီန့ၢ်လံနၤလံ. နဝ့ၢ်ခိၣ်မ့ၢ်တိာ်ခၢၣ်သနၢၣ်လၢတၢ်မၤကျၢၤအီၤဒီးလၢၢ် နအိၣ်နဆိးအလီၢ်လၢတၢ်လီၢ်ထီၣ်ထီ ဒီးနစံးလၢအသးကံၢ်ပူၤ, “မ့ၢ်မတၤထုးလီၤယၤကန့ၢ်တဂၤလဲၣ်.”

လံာ်စဖါနယၤ 2:8

ယွၤသ့တၢ်လၢာ်စံးဝဲ, “ယနၢ်ဟူတ့ၢ်လံပှၤမိၤအးဖိဒီးပှၤဧၣ်မိၣ်ဖိဒုၣ်ဒွဲၣ်ဒီး ကတိၤဆါယပှၤဂီၢ်မုၢ်ဒီးကတိၤဒိၣ်ကတိၤသွါအသးလၢကဂုာ်န့ၢ် ကွံာ်အဝဲသ့ၣ်အကီၢ်န့ၣ်လီၤ.

၁ ပ့းတရူး 5:5

လၢကျဲဒ်န့ၣ်အသိး, သုဝဲလၢအသးစၢ်တဖၣ်သုကဘၣ်ဆီၣ်လီၤသုသးလၢပှၤ သးပှၢ်သ့ၣ်တဖၣ်အဖီလာ်န့ၣ်လီၤ. ဒီးသုဝဲသ့ၣ်ခဲလၢာ်သုကဘၣ်ကူထီၣ်သိးထီၣ်တၢ်ဆီၣ်လီၤသး အဆ့ကၤလၢသုကမၤစၢၤလိာ်သုသးတဂၤဒီးတဂၤအဂီၢ် န့ၣ်လီၤ. အဂ့ၢ်ဒ်အံၤ, တၢ်ကွဲးအသးစံးဝဲ, “ကစၢ်ယွၤထီဒါ ပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသး တဖၣ်န့ၣ်လီၤ” (ကူၣ်သ့ ၃:၃၄),