လံာ်စဖါနယၤ 1:9 - Sgaw Karen Common Bible

⁹ ယကစံၣ်ညီၣ်ကယဲၢ်ပှၤလၢအဘူၣ်ထီၣ်ဘါထီၣ် တၢ်ဒ်ပှၤဘါတၢ်ဂီၤတၢ်ဖီၣ်တဖၣ်အသိး, ဒီးပှၤလၢအဟုၣ်တၢ်ဒီးမၤသံတၢ်ဒ်သိးအကမၤပှဲၤအကစၢ်အဟံၣ်လၢ အတၢ်ဂုာ်န့ၢ်တဖၣ်န့ၣ်လီၤ.”

လံာ်စဖါနယၤ 1:9 Iomraidhean Croise

လံာ်စီၤနဃ့မယၤ 5:15

ကယဲၢ်ပဒိၣ်ဖးဒိၣ်ခဲလၢာ်လၢအမၤတ့ၢ်လံတၢ်လၢယမဲာ်ညါန့ၣ်ကဲ ထီၣ်တၢ်ဝံတၢ်ယိးလၢပှၤဂီၢ်မုၢ်အဂီၢ်ဒီးလၢတနံၤအတီၢ်ပူၤန့ၣ်, လၢတၢ်အီၣ်တၢ်အီဒီးစပံးထံအမဲာ်ညါဃ့ဝဲစ့ညၣ်အဘ့ၣ်လွံၢ်ဆံ န့ၣ်လီၤ. အဝဲသ့ၣ်အခ့အပှၤသ့ၣ်တဖၣ်ဒၣ်လဲာ်မၤနးမၤဖှီၣ်ပှၤဂီၢ်မုၢ်န့ၣ် လီၤ. ဘၣ်ဆၣ်မ့ၢ်လၢယပာ်ကဲကစၢ်ယွၤအဃိ ယတမၤတၢ်ဒ်အဝဲသ့ၣ်အသိးန့ၣ်ဘၣ်.

တၢ်ကတိၤဒိ. 29:12

ပှၤပၢတၢ်တဂၤမ့ၢ်ကနၣ်ဃုာ်တၢ်ကစီၣ်တတီတလိၤတဖၣ်ဒီး, အပဒိၣ်ပပှၢ်ခဲလၢာ်ကမ့ၢ်ပှၤလီတၢ်တဖၣ်န့ၣ်လီၤ.

လံာ်ယံးရမံယၤ 5:27

ဒ်ပှၤလူၤခးအီၣ်တၢ်ဖိတဂၤမၤပှဲၤအထိၣ်တြၤဒီးထိၣ်တဖၣ်အသိးန့ၣ်, အဝဲသ့ၣ်မၤပှဲၤအဟံၣ်တဖၣ်ဒီးတၢ်ဂုာ်ဆူၣ်ပျီဆူၣ်တဖၣ်န့ၣ်လီၤ. အအံၤမ့ၢ်တၢ်လၢအမၤထူးထီၣ်တီၤထီၣ် အဝဲသ့ၣ်ဒီးဒုးဒိၣ်စိဒိၣ်ကမီၤအီၤ,

လံာ်ဧၤမိၣ် 3:10

ပှၤသ့ၣ်တဖၣ်အံၤမၤပှဲၤအဟံၣ်အဃီဒီးတၢ်တဖၣ်လၢအမၤန့ၢ်ဝဲတၢ်မၤ ဆူၣ်မၤနၢၤဒီးတၢ်ဂုာ်ဆူၣ်ပျီဆူၣ်န့ၣ်လီၤ. ကဘၣ်အိၣ်မူတီတီလိၤလိၤဒ်လဲၣ်ဒၣ်လဲာ်န့ၣ်တသ့ၣ်ညါဝဲဘၣ်.

လံာ်မံကၤ 6:12

သုပှၤထူးပှၤတီၤတဖၣ်န့ၣ်ဃုဆူၣ်အဘျုး လၢပှၤဖှီၣ်ဖိယာ်ဖိအဖီခိၣ်ဒီးသုဝဲခဲလၢာ် သုမ့ၢ်ပှၤလီတၢ်ဖိတဖၣ်လီၤ.

လံာ်စကၤရယၤ 5:6

ယသံကွၢ်, “တၢ်န့ၣ်မ့ၢ်တၢ်မနုၤလဲၣ်.” အဝဲစံးဆၢယၤ, “တၢ်န့ၣ်မ့ၢ်ဃၤတဖျၢၣ်လၢအပာ်ဖျါထီၣ်ကီၢ်ဒီဘ့ၣ်ညါ အတၢ်ဒဲးဘးအခီပညီန့ၣ်လီၤ.”

မၤတၢ် 16:19

ဖဲပိာ်မုၣ်သးစၢ်အကစၢ်တဖၣ်သ့ၣ်ညါလၢကဒိးန့ၢ်ဘၣ်စ့ အဂီၢ်တၢ်အခွဲးအယာ်တအိၣ်လၢၤဘၣ်န့ၣ်, အဝဲသ့ၣ်စှီၤဃာ်စီၤပီလူးဒီးစီၤစံလၤဒီးလဲၤတွံၢ်အီၤဆူ ပဒိၣ်ပပှၢ်တဖၣ်အအိၣ်, ဖဲဖၠါပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 19:27

လၢမုၢ်တဂီၤန့ၣ်အဝၤပၢၢ်ထီၣ်ဒီးဖဲအအိးထီၣ်တြဲၤလၢကလဲၤတၢ်န့ၣ်, ထံၣ်ဝဲအသံၣ်မါလီၤဃံၤလၢဟံၣ်မဲာ်ညါဒီးအစုယူာ်ဃီၤအသးဆူ တြဲၤအအိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:5

(လၢတၢ်န့ၣ်အဃိ, တုၤမုၢ်မဆါတနံၤအံၤ, ဒၤကိၣ်အပှၤလုၢ်တၢ်အခိၣ်တဖၣ် ဒီးပှၤဘူၣ်ထီၣ်ဘါထီၣ်အီၤတဖၣ်ခဲလၢာ်လၢဝ့ၢ်အၤစဒိး အပူၤန့ၣ်လဲၤခီတၢ်လီၢ်န့ၣ်အဖီခိၣ်ဒီးတဟးဝဲဒၣ်လၢအလိၤဘၣ်.)