လံာ်စဖါနယၤ 1:7 - Sgaw Karen Common Bible

⁷ မုၢ်နံၤလၢယွၤကဆ့ၣ်နီၤလၢတၢ်စံၣ်ညီၣ်အလီၢ်န့ၣ်ဘူးထီၣ်လံ. မၤသးဒ်န့ၣ်ဒီးအိၣ်ဘှီၣ်ကလာ်လၢအမဲာ်ညါန့ၣ်တက့ၢ်. ယွၤကတဲာ်ကတီၤလံတၢ်လုၢ်ထီၣ်ပာ်ထီၣ်အပှၤဂီၢ်မုၢ်ဒီးကွဲ ဃီၤဒုၣ်ဒါတဖၣ်လၢကဂုာ်ဆူၣ်ပျီဆူၣ်ဒီးမၤဟးဂီၤကီၢ်ယူဒၤန့ၣ်လီၤ.

လံာ်စဖါနယၤ 1:7 Iomraidhean Croise

လံာ်စီၤယိၤဘး 24:1

ဘၣ်မနုၤလၢသ့တၢ်လၢာ်ကစၢ်ယွၤတပာ်လီၤတၢ်ဆၢကတီၢ် တဘျီလၢကစံၣ်ညီၣ်တၢ်, တၢ်တီတၢ်လိၤအမုၢ်တနံၤလၢပှၤလၢ အမၤအတၢ်တဖၣ်အဂီၢ်န့ၣ်လဲၣ်.

စံးထီၣ်ပတြၢၤ 46:10

အဝဲစံးဝဲ, “ဆိကတီၢ်တၢ်ဒုးတၢ်ယၤ, ဒီးသ့ၣ်ညါလၢယမ့ၢ်ကစၢ်ယွၤ, တၢ်စိတၢ်ကမီၤအဒိၣ်ကတၢၢ် လၢပှၤကလုာ်တဖၣ်အကျါ, တၢ်စိတၢ်ကမီၤအဒိၣ်ကတၢၢ်လၢ ဟီၣ်ခိၣ်ချၢန့ၣ်တက့ၢ်.”

လံာ်ယၡါယၤ 13:3

ယွၤကိးထီၣ်တ့ၢ်အသုးဖိလၢအပာ်စီဆှံတ့ၢ်ဝဲတဖၣ်ဒီးပှၤလၢ အသးခုလၢယွၤပာ်ထီၣ်ထီအီၤအဃိတဖၣ်လၢကဒုးတၢ်ဒုးစီဆှံဒီးစံၣ် ညီၣ်ပှၤလၢယွၤအသးကဲၤထီၣ်ဘၣ်အီၤတဖၣ်န့ၣ်လီၤ.

လံာ်ယၡါယၤ 13:6

ဟီၣ်အိၣ်ယူၤလၢတၢ်ဆါအ့ၣ်ထုးအ့ၣ်စိၢ်အဃိတက့ၢ်. ယွၤအမုၢ်တနံၤန့ၣ်အိၣ်ဘူးဝဲ, မုၢ်တနံၤဖဲသ့တၢ်လၢာ်, ဟဲစိာ်တၢ်ဟးဂီၤန့ၣ်လီၤ.

လံာ်ယၡါယၤ 2:12

လၢနံၤအဝဲန့ၣ်န့ၣ်, ယွၤသ့တၢ်လၢာ်ကဆီၣ် လီၤပှၤကိးဂၤဒဲးလၢအဂံၢ်ဆူၣ်ဘါဆူၣ်, ပှၤကိးဂၤဒဲးလၢအပာ် ထီၣ်ထီအသးဒီးပာ်ကဖၢလၢအသးလီၤ.

လံာ်ယၡါယၤ 29:2

အန့ၣ်ဒီး, ကစၢ်ယွၤကဆှၢလီၤတၢ်တတၢးတနါလၢဝ့ၢ်လၢ အဘၣ်တၢ်ကိးတ့ၢ်အီၤလၢ “အရံၤအ့လး’ အခီပညီ “ကစၢ်ယွၤအတၢ်လုၢ်လီၢ်” အဖီခိၣ်န့ၣ်လီၤ. တၢ်ဟီၣ်တၢ် ယၢၤဒီးတၢ်မဲာ်ထံမဲာ်နိကအိၣ်ဝဲ, ဒီးဝ့ၢ်ဒီဝ့ၢ်န့ၣ်ကလီၤဂာ်ဒီးတၢ် လုၢ်လီၢ်တတီၤလၢတၢ်သွံၣ်ကးဘၢကွံာ်အီၤန့ၣ်လီၤ.

လံာ်ယၡါယၤ 34:5

ယွၤကတဲာ်ကတီၤတ့ၢ်အနးလၢမူခိၣ်, ဒီးခဲအံၤနးန့ၣ်ကကျီကွံာ်ကီၢ်အဒိၣ် အပှၤဂီၢ်မုၢ်လၢအစံၣ်ညီၣ်ဃၣ်တ့ၢ်ဝဲ ဆူတၢ်ဟးဂီၤအပူၤန့ၣ်လီၤ.

လံာ်ယၡါယၤ 34:6

အနးကဘၣ်အၢပှဲၤဒီးအဝဲသ့ၣ်အသွံၣ်ဒီးအသိ, ဒ်သိဖိဒီးမဲာ်တဲးလဲးတဖၣ်အသွံၣ်ဒီးအသိလၢတၢ်လုၢ်ထီၣ် အီၤအသိးလီၤ. ယွၤကလုၢ်ထီၣ်တၢ်လုၢ်အံၤလၢဝ့ၢ်ဘိးစရၤအပူၤလီၤ. အဝဲကဒုးကဲထီၣ်တၢ်အံၤလၢတၢ်မၤသံဖးဒိၣ်လၢကီၢ်အဒိၣ် အပူၤန့ၣ်လီၤ.

လံာ်ယၡါယၤ 6:5

ဒီးယစံး, “လၢယဂီၢ်တၢ်မုၢ်လၢ်တအိၣ်ဘၣ်. ယဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, တၢ်ကတိၤကိးထံၣ်ဒဲးလၢအဟဲထီၣ်လၢ ယထးခိၣ်န့ၣ်ပှဲၤဒီးတၢ်ဒဲးဘးလီၤ. ဒီးယအိၣ်ယဆိးလၢပှၤတကလုာ်လၢအတၢ်ကတိၤကိးထံၣ်ဒဲး ပှဲၤဒီးတၢ်ဒဲးဘးအကျါန့ၣ်လီၤ. ဒီးခဲကနံၣ်အံၤတခီ, ယထံၣ်ဘၣ်လံစီၤပၤ တဂၤ, ယွၤသ့တၢ်လၢာ်ကစၢ်လၢယမဲာ်ချံ ဒၣ်ယဲလီၤ.”

လံာ်ယံးရမံယၤ 46:10

အအံၤတနံၤအံၤ မ့ၢ်ယွၤသ့တၢ်လၢာ်ဒီး ပၢဘၣ် တၢ်ခဲလၢာ်ကစၢ် တဂၤအမုၢ်နံၤလီၤ. တနံၤအံၤ အဝဲကဟ့ၣ်ကၣ်တၢ်န့ၣ်လီၤ. တနံၤအံၤ အဝဲကစံၣ်ညီၣ်အဒုၣ်အဒါတဖၣ်န့ၣ်လီၤ. အနးကအီၣ် အဝဲသ့ၣ် တုၤအီၣ်ဘျဲးအီၣ်ဒီး အီအဝဲသ့ၣ် အသွံၣ်တုၤအသးမံဝဲတစုလီၤ. တနံၤအံၤ, ယွၤသ့တၢ်လၢာ်လုၢ်ထီၣ်ပာ်ထီၣ်ပှၤလၢ အမၤနၢၤဝဲတဖၣ် ဖဲထံကျိဖရၤသးအနံၤလၢ ကီၢ်ကလံၤစိးန့ၣ်လီၤ.

လံာ်ယဃ့းစက့လး 7:10

တၢ်တတၢးတနါအမုၢ်တနံၤဟဲဝဲလံလၢကီၢ်အံၣ်စရ့လးအဂီၢ်လံ. တၢ်မၤဆူၣ်မၤစိးတၢ်တဖၣ်အါထီၣ်ဂီၢ်ထီၣ်လံ. တၢ်ပာ်ထီၣ်ထီသးအိၣ်လံလၢအလီၢ်အထီကတၢၢ်န့ၣ်လံ.

လံာ်ယဃ့းစက့လး 7:7

တၢ်အကတၢၢ်ဟဲဝဲလၢသုဝဲပှၤဂီၢ်မုၢ်လၢအအိၣ်ဆိးလၢကီၢ်အံၤ အပူၤအဂီၢ်လီၤ. တၢ်ဆၢကတီၢ်ဘူးထီၣ်လံလၢတၢ်မၤမူးပွဲအသီၣ်တအိၣ်လၢၤဘၣ်လၢ ကစၢၢ်ကလိအတၢ်လုၢ်လီၢ်တဖၣ်န့ၣ်ဘၣ်. ကအိၣ်ဒၣ်ထဲတၢ်သဘံၣ်ဘုၣ်န့ၣ်လီၤ.

လံာ်ယိၤအ့လး 1:15

ကစၢ်အမုၢ်နံၤ, မုၢ်တနံၤလၢသ့တၢ်လၢာ်ကစၢ်ကဟဲမၤဟးဂူာ်ဟးဂီၤတၢ်န့ၣ်ဘူး ထီၣ်လံ. မုၢ်နံၤအဝဲန့ၣ်မ့ၢ်တၢ်လီၤပျံၤလီၤဖုးအမုၢ်နံၤလီၤ.

လံာ်ယိၤအ့လး 2:11

ယွၤဟ့ၣ်လီၤအကလုၢ်ဆူအသုးမုၢ်အအိၣ်န့ၣ်လီၤ. သုးမုၢ်သံၣ်ဘိတဖၣ်လၢဒိကနၣ်အီၤန့ၣ်အိၣ် ဂီၢ်မုၢ်ဂီၢ်ပၤဒီးအဂံၢ်အဘါဆူၣ်ဒိၣ်မးလီၤ. ယွၤအမုၢ်တနံၤန့ၣ်လီၤပျံၤလီၤဖုးဒိၣ်မး ဒီးမ့ၢ်မတၤပူၤဖျဲးသ့တဂၤလဲၣ်.

လံာ်ယိၤအ့လး 2:31

တချုးလၢယွၤအမုၢ်နံၤလၢအလီၤပျံၤလီၤ ဖုးဖးဒိၣ်ဟဲဝဲဒံးဘၣ်န့ၣ်မုၢ်ကခံးလီၤဝဲ, ဒီးလါန့ၣ်ကလဲလိာ်အသးဆူအလွဲၢ်ဂီၤဒ်တၢ်သွံၣ်အသိးန့ၣ်လီၤ.

လံာ်ဧၤမိၣ် 6:10

ဒီးပှၤသံအဘူးအတံၢ်, ပှၤတဂၤလၢအဘၣ်မူဘၣ်ဒါလၢတၢ်ခူၣ်လီၤ ဘျၢလီၤန့ၣ်ကစိာ်ထီၣ်ကွံာ်အနီၢ်ခိဆူဟံၣ်အချၢလီၤ. ဒီးကကိးထီၣ်ပှၤတဂၤလၢ်လၢ်လၢအအိၣ်တ့ၢ်လၢဟံၣ်ပူၤ, ပှၤအိၣ်ဒံးဒီးနၤတဂၤဂၤဧါ. ဒီးအဝဲဒၣ်ကစံးဆၢ, တအိၣ်ဘၣ်. တုၤနုၤတစုအဘူးအတံၢ်ကစံး, အိၣ်ဘှီၣ်ကလာ်တက့ၢ်. ပကဘၣ်ပလီၢ်ပဒီပသးဒ်သိးပသုတယၢၤထီၣ်ဘၣ်ဒၣ်လဲာ်ယွၤ အမံၤတဂ့ၤလီၤ.

လံာ်ဧၤမိၣ် 8:3

လၢမုၢ်တနံၤန့ၣ်တၢ်သးဝံၣ်တဖၣ်လၢနူၢ်ဧိၤစီၤဧိၤ အပူၤကကဲထီၣ်တၢ်သူၣ်အုးသးအုးအတၢ်ဟီၣ်တၢ်ယၢၤတဖၣ်န့ၣ်လီၤ. တၢ်သံစိၣ်တဖၣ်ကအိၣ်လၢတၢ်လီၢ်ကိးပူၤဒဲး, ဒီးကဘၣ်တၢ်စူးကွံာ်အီၤကစုဒုန့ၣ်လီၤ.

လံာ်ဃဘးကူာ် 2:20

ယွၤအိၣ်ဝဲဆိးဝဲလၢအတၢ်လုၢ်ဟံၣ်စီဆှံအပူၤလီၤ. မ်ကယဲၢ်ပှၤဟီၣ်ခိၣ်ဖိခဲလၢာ်အိၣ်ဘှီၣ်ကလာ် လၢအမဲာ်ညါန့ၣ်တက့ၢ်.

လံာ်စဖါနယၤ 1:14

ယွၤအမုၢ်နံၤဖးဒိၣ်အံၤဘူးထီၣ်လံ. ဘူးထီၣ်ဝဲဖးဒိၣ်လံဒီးဟဲဝဲ ချ့ချ့လီၤ. မုၢ်နံၤအဝဲန့ၣ်ကမ့ၢ်မုၢ်နံၤအခၣ်တနံၤန့ၣ်လီၤ. အဂ့ၢ်ဒ်အံၤ, ပှၤသုးဖိလၢအဒူကတၢၢ်တဖၣ်ဒၣ်လဲာ်ကကိးပသူ ထီၣ်လၢတၢ်သူၣ်ဟးဂူာ်သးဟးဂီၤအပူၤန့ၣ်လီၤ.

လံာ်စကၤရယၤ 14:1

မုၢ်တနံၤလၢယွၤကစံၣ်ညီၣ်တၢ်န့ၣ်ဘူးထီၣ်လံ. အန့ၣ်ဒီးဝ့ၢ်ယရူၤၡလ့ၣ်ကဘၣ်တၢ်ဂုာ်ဆူၣ်ပျီဆူၣ်အီၤ, ဒီးတၢ်ဖိတၢ်လံၤလၢအဘၣ်တၢ်ဂုာ်ဆူၣ်ပျီဆူၣ် တဖၣ်န့ၣ်ကဘၣ်တၢ်နီၤဖးအီၤလၢသုမဲာ်ညါလီၤ.

လံာ်စကၤရယၤ 2:13

ပှၤကိးဂၤဒဲးသ့ၣ်ဧၢ, အိၣ်ဘှီၣ်ကလာ်လၢယွၤအမဲာ်ညါတက့ၢ်. အဂ့ၢ်ဒ်အံၤ, အဝဲဟဲလၢအအိၣ်အဆိးအလီၢ်စီဆှံန့ၣ်လီၤ.

လံာ်မၤလကံ 4:1

ယွၤသ့တၢ်လၢာ်စံးဝဲ, “မုၢ်တနံၤန့ၣ်ဟဲတုၤဝဲဖဲကယဲၢ်ပှၤလၢအပာ်ထီၣ်ထီအသးဒီးမၤ တၢ်အၢခဲလၢာ်ကဘၣ်တၢ်ဆူးထီၣ်ကွံာ်အီၤဒ်လီၢ်ဧိၤဒံးဧိၤအသိး န့ၣ်လီၤ. လၢမုၢ်နံၤအဝဲန့ၣ်, အဝဲသ့ၣ်ကဘၣ်တၢ်ဆူးထီၣ်ကွံာ်အီၤ, ဒီးတၢ်တပာ်လီၤတဲာ်ဘၣ်တၢ်နီတမံၤဘၣ်ဃးဒီးအဝဲသ့ၣ်ဘၣ်.

လံာ်မးသဲ 22:4

မၤကဒီးတစု, အဝဲဆှၢလီၤအခ့အပှၤအဂၤတဖၣ်ဒီးစံးဝဲ, ‘လဲၤဒီးစံးဘၣ်တဲဘၣ်ပှၤလၢအဘၣ်တၢ်ကွဲမုာ်အီၤတဖၣ် လၢယကတဲာ်ကတီၤမူးအတၢ်အီၣ်တၢ်အီဝံၤလံ. ယဂီၤဖံးဖါဒီးဂီၤဖံးဖိလၢအဘီၣ်တဖၣ်ဘၣ်တၢ်မၤသံအီၤလံ. ဒီးတၢ်ခဲလၢာ်အိၣ်ကတဲာ်ကတီၤအသးလံ. ဟဲဆူတၢ်ဖျီအမူးတက့ၢ်.’

ရိမ့ၤ 3:19

ခဲအံၤပသ့ၣ်ညါလၢတၢ်မၤလိာ်ခဲလၢာ်လၢတၢ်သိၣ်တၢ်သီအပူၤန့ၣ်, ဘၣ်ထွဲဒီးပှၤလၢအအိၣ်လၢတၢ်သိၣ်တၢ်သီအဖီလာ်, ဒ်သိးပှၤဟီၣ်ခိၣ်ဖိအသုတကတိၤပူၤဖျဲးအသးနီတဂၤတဂ့ၤဒီး ဟီၣ်ခိၣ်ဒီဘ့ၣ်ကဒိးဘၣ်ကစၢ်ယွၤအတၢ်စံၣ်ညီၣ်အဂီၢ်န့ၣ်လီၤ.

ရိမ့ၤ 9:20

ဘၣ်ဆၣ်ဒီးပှၤကညီနၤဧၢ, နမ့ၢ်မတၤတဂၤလၢအကကတိၤ ဆၢက့ၤကစၢ်ယွၤန့ၣ်လဲၣ်. သပၢၤဟီၣ်ခိၣ်တဖျၢၣ်တသံကွၢ် က့ၤပှၤလၢအတ့အီၤတဂၤ, “ဘၣ်မနုၤအဃိနတ့ယၤဒ်အံၤလဲၣ်” န့ၣ်ဘၣ်.

ဖံလံးပံၤ 4:5

ပာ်ဖျါတၢ်ပာ်သူၣ်ပာ်သးခုၣ်ခုၣ်မုာ်မုာ်လၢပှၤကိးဂၤဒဲး အဖီခိၣ်တက့ၢ်. ကစၢ်ကဟဲဘူးထီၣ်လံ.

ကလီးစဲ 1:12

ဒီးလၢတၢ်သူၣ်ခုသးခုအပူၤစံးထီၣ်ပတြၢၤပၢ်လၢအဒုးထီၣ် ဘးလံပှၤဒ်သိးပကန့ၢ်သါဃုာ်တၢ်ဒီးပှၤစီဆှံတဖၣ်လၢတၢ်ကပီၤ အဘီအမုၢ်အပူၤန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 16:5

စီၤၡမူၤအ့လးစံးဆၢဝဲ, “မ့ၢ်လီၤ. ယဟဲဒ်သိးယကလုၢ်ထီၣ်တၢ် လုၢ်တၢ်ပာ်တမံၤဆူယွၤအအိၣ်လီၤ. မၤကဆှီသုသးဒီးဟဲပိာ်ယခံတက့ၢ်.” အဝဲတဲဘၣ်စ့ၢ်ကီးစီၤယံးၡဲဒီးအဖိခွါတဖၣ်လၢကမၤကဆှီ အသးဒီးကွဲမုာ်အဝဲသ့ၣ်တဖၣ်ဆူတၢ်လုၢ်တၢ်ပာ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:26

ဘၣ်ဆၣ်ဒီးအနံၤဝဲန့ၣ်စီၤစီလူးတတဲတၢ်နီတမံၤဘၣ်. အဂ့ၢ်ဒ်အံၤဆိကမိၣ်ဝဲ, “တၢ်မၤအသးဒီးအီၤတမံၤမံၤဒီး တကဆှီဝဲဒ်တၢ်ဘူၣ်တၢ်ဘါအလုၢ်အလၢ်အသိးဘၣ်အဃိလီၤ.”