လံာ်စဖါနယၤ 1:5 - Sgaw Karen Common Bible

⁵ ယကမၤဟးဂီၤကွံာ်ကယဲၢ်ပှၤတဂၤလၢ်လၢ်လၢအလဲၤ ထီၣ်ဆူဟံၣ်ခိၣ်ဒီးဘူၣ်ထီၣ်ဘါထီၣ်မုၢ်, လါဒီးဆၣ်တဖၣ်န့ၣ်လီၤ. ယကမၤဟးဂီၤကွံာ်စ့ၢ်ကီးပှၤလၢအဘူၣ်ထီၣ်ဘါထီၣ်ယၤဒီးပှၤ တဖၣ်လၢအအၢၣ်လီၤအီလီၤအသးလၢကတီဒီးယၤဘၣ်ဆၣ်ဒီး မၤတၢ်ဆိၣ်လီၤအသးတဖၣ်လၢကစၢ်မိလးအမံၤအပူၤန့ၣ်လီၤ.

လံာ်စဖါနယၤ 1:5 Iomraidhean Croise

လံာ်စီၤပၤအခီၣ်ထံးတဘ့ၣ် 11:33

ယကမၤတၢ်အံၤမ့ၢ်လၢစီၤၡလိၤမိၤညိကွံာ်လံယၤဒီးဘူၣ်ထီၣ်ဘါ ထီၣ်ပှၤတခီဘီမုၢ်ဖိအကစၢ်တဖၣ်လၢအမ့ၢ်ဝဲ, ကီၢ်စံဒိၣ်အကစၢ်မုၣ်ဧၤၡတြိး, ကီၢ်မိၤအးအကစၢ်ကမိၣ်, ဒီးကီၢ်ဧၣ်မိၣ်အကစၢ်မိလးအဃိန့ၣ်လီၤ. စီၤၡလိၤမိၤတစူၢ်တ့ၢ်ယၤလၢၤဘၣ်. အဝဲမၤကမၣ်တ့ၢ်တၢ်ဒီးတတိၢ် န့ၢ်ဖံးဃာ်ယတၢ်သိၣ်တၢ်သီတဖၣ်ဒီးယတၢ်မၤလိာ်တဖၣ်ဒ်အပၢ်စီၤဒၤ ဝံးမၤတ့ၢ်ဝဲအသိးန့ၣ်ဘၣ်.

လံာ်စီၤပၤအခီၣ်ထံးတဘ့ၣ် 11:5

အဝဲဘူၣ်ထီၣ်ဘါထီၣ်တ့ၢ်ကီၢ်စံဒိၣ်အကစၢ်မုၣ်ဧၤၡတြိးဒီးကီၢ် ဧၣ်မိၣ်အကစၢ်လၢလီၤသးဘၣ်အၢမိလးန့ၣ်လီၤ.

လံာ်စီၤပၤအခီၣ်ထံးတဘ့ၣ် 18:21

စီၤအ့ၤလံယၤလဲၤထီၣ်ဆူပှၤဂီၢ်မုၢ်အအိၣ်ဒီးစံးဝဲ, “လၢသုကစံၣ်ညီၣ်တဲာ်သုသးအဂီၢ်န့ၣ်ကယံာ်ဒံးဆံးယံာ်လဲၣ်. ယွၤမ့မ့ၢ်ကစၢ်ယွၤဒီးဘူၣ်ထီၣ်ဘါထီၣ်အီၤတက့ၢ်. ဘဧၤလးမ့မ့ၢ်ကစၢ်ယွၤဒီးဘူၣ်ထီၣ်ဘါထီၣ်အီၤတက့ၢ်.” ဘၣ်ဆၣ်ဒီးပှၤဂီၢ်မုၢ်တကတိၤဘၣ်တၢ်နီတဘီဘၣ်.

လံာ်စီၤပၤခံဘ့ၣ်တဘ့ၣ် 17:32

ပှၤဂီၢ်မုၢ်တဖၣ်အံၤဘူၣ်ထီၣ်ဘါထီၣ်စ့ၢ်ကီးယွၤဒီးဃုထၢထီၣ် ပှၤလၢအဝဲသ့ၣ်အကျါပှၤကလုာ်ကလုာ်, လၢကမၤတၢ်ဒ်ပှၤလုၢ်တၢ်အခိၣ်တဖၣ်အသိးလၢပှၤတစူၢ်တနာ်ယွၤတဖၣ် အတၢ်ဘူၣ်ထီၣ်ဘါထီၣ်အလီၢ်တဖၣ်, ဒီးဒ်သိးကလုၢ်ထီၣ်တၢ်လုၢ်တၢ်ပာ်တဖၣ်လၢအဝဲသ့ၣ်အဂီၢ်ဖဲန့ၣ်, န့ၣ်လီၤ.

လံာ်စီၤပၤခံဘ့ၣ်တဘ့ၣ် 17:33

လၢတၢ်န့ၣ်အဃိ, အဝဲသ့ၣ်ဘူၣ်ထီၣ်ဘါထီၣ်ယွၤ, ဘၣ်ဆၣ်အဝဲသ့ၣ်ဘူၣ်ထီၣ်ဘါထီၣ်စ့ၢ်ကီးအဝဲသ့ၣ်အကစၢ်ဒၣ်ဝဲ တဖၣ်ဒ်ထံကီၢ်လၢအဝဲသ့ၣ်ဟဲက့ၤဝဲအတၢ်လုၢ်တၢ်လၢ်တဖၣ်အိၣ်ဝဲ အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:41

လၢတၢ်န့ၣ်အဃိ, ပှၤဂီၢ်မုၢ်သ့ၣ်တဖၣ်န့ၣ်, ဘူၣ်ထီၣ်ဘါထီၣ်ယွၤ, ဘၣ်ဆၣ်အဝဲသ့ၣ်ဘူၣ်ထီၣ်ဘါထီၣ်စ့ၢ်ကီးအတၢ်ဂီၤတၢ်ဖီၣ်တဖၣ်, ဒီးတုၤလီၤလၢမုၢ်မဆါတနံၤအံၤန့ၣ်အဝဲသ့ၣ်အစၢၤအသွဲၣ်တဖၣ် မၤဒံးဒၣ်တၢ်တမံၤဃီဒ်န့ၣ်အသိးလီၤ.

လံာ်စီၤပၤခံဘ့ၣ်တဘ့ၣ် 23:12

တၢ်လုၢ်လီၢ်တဖၣ်လၢကီၢ်ယူဒၤအစီၤပၤတဖၣ်မၤထီၣ်က့ၤဝဲ လၢနူၢ်ဧိၤစီၤဧိၤအခိၣ်ဒုးလိၤ, လၢအအိၣ်ဝဲလၢစီၤပၤအၤဃး အိၣ်ဆိးအလီၢ်အဖီခိၣ်န့ၣ်, စီၤပၤယိၤၡံယၤမၤလီၤပှီၢ်ကွံာ်အီၤဃုာ်ဒီးတၢ်လုၢ်လီၢ်တဖၣ် လၢအဘၣ်တၢ်ပာ်ထီၣ်လၢစီၤပၤမနၤၡ့ၤ, လၢယွၤအတၢ်လုၢ်ဟံၣ်အဂၢၤအဂၤခံတီၤအပူၤန့ၣ်လီၤ. အဝဲမၤလီၤကလဲကွံာ်တၢ်လုၢ်လီၢ်တဖၣ်အံၤဆူအက့က့အခီခီ ဒီးတ့ၢ်လီၤအီၤဆူကံဒြိၣ်အတၢ်တြီၤအပူၤန့ၣ်လီၤ.

လံာ်ယၡါယၤ 22:1

အအံၤမ့ၢ်တၢ်ကစီၣ်တခါဘၣ်ဃးဒီးတၢ်ထံၣ်လၢညါခီ အကစၢၢ်ကဆူးအဂ့ၢ်န့ၣ်လီၤ. တၢ်မနုၤမၤအသးန့ၣ်လဲၣ်. ဘၣ်မနုၤအဃိပှၤလၢဝ့ၢ်ပူၤတဖၣ် မၤမူးသးခုလၢအဟံၣ်တဖၣ်အခိၣ်ဒုးအဖီခိၣ်န့ၣ်လဲၣ်.

လံာ်ယၡါယၤ 44:5

ပှၤတဂၤဘၣ်တဂၤကစံးဝဲ, ‘ယဲဒၣ်အံၤယမ့ၢ်ယွၤအတၢ်လီၤ. အဝဲသ့ၣ်ကဟဲပာ်ဖှိၣ်အသးဒီးကီၢ်အံၣ်စရ့လး အပှၤဂီၢ်မုၢ်လီၤ. ပှၤတဂၤစုာ်စုာ်ကကွဲးလီၤယွၤအမံၤလၢအစုတီၤလိၤ ဒီးကိးလီၤအသးလၢအမ့ၢ်ကစၢ်ယွၤအပှၤဂီၢ်မုၢ်အကျါတဂၤန့ၣ် လီၤ.’ ”

လံာ်ယၡါယၤ 45:23

ယတၢ်အၢၣ်လီၤတီဝဲလိၤဝဲ ဒီးတဘၣ်တၢ်လဲလိာ်ဘၣ်အီၤဘၣ်. ယအၢၣ်လီၤတၢ်လၢတၢ်သမှံၤသပှၢ်အပူၤဒ်ယမ့ၢ်တၢ်အသိးလၢာ်လၢာ်ဆ့ ဆ့န့ၣ်လီၤ. ပှၤကိးဂၤဒဲးကဟဲဒီးတီၤလီၤကဒွံကျိာ်လၢယမဲာ်ညါ ဒီးဆီၣ်လီၤအသးလၢအသးကတီဒီးယၤအဂီၢ်လီၤ.

လံာ်ယၡါယၤ 48:1

ကီၢ်အံၣ်စရ့လးအပှၤဂီၢ်မုၢ်, သုဝဲလၢအဟဲလီၤစၢၤလၢ စီၤယူဒၤသ့ၣ်ဧၢ, ဒိကနၣ်တၢ်အံၤတက့ၢ်. သုဆိၣ်တၢ်လၢယွၤအမံၤ ဒီးစံးလၢသုကဘူၣ်ထီၣ်ဘါထီၣ် ကီၢ်အံၣ်စရ့လးအကစၢ်ယွၤလီၤ. ဘၣ်ဆၣ်ဒီးသုတမၤအီၤဒ်သုကတိၤတၢ် အသိးန့ၣ်ဘၣ်.

လံာ်ယံးရမံယၤ 12:16

လၢအသးဒီဖျၢၣ်ညါန့ၣ်, အဝဲသ့ၣ်မ့ၢ်တူၢ်လိာ်ယပှၤဂီၢ်မုၢ်အတၢ်ဘူၣ်တၢ်ဘါဒီးမ့ၢ်ဆိၣ် လီၤအသးစံးဝဲ, ဒ်ယွၤမူဝဲအသိးဒ်တဘျီအဝဲသ့ၣ်သိၣ်လိ ယပှၤဂီၢ်မုၢ်လၢကဆိၣ်တၢ်လၢဘဧၤလးအမံၤအပူၤအသိးန့ၣ်ဒီး, အဝဲသ့ၣ်ကမၤန့ၢ်ဃုာ်တၢ်လီၢ်ဒီးယပှၤဂီၢ်မုၢ်ဒီးအဝဲသ့ၣ်ကဘီၣ် ထီၣ်ညီထီၣ်ဝဲန့ၣ်လီၤ.

လံာ်ယံးရမံယၤ 19:13

ဝ့ၢ်ယရူၤၡလ့ၣ်အဟံၣ်တဖၣ်, ကီၢ်ယူဒၤအစီၤပၤတဖၣ်အဟံၣ်တဖၣ်, ဒီးသပှၢ်ကတၢၢ်ကယဲၢ်ဟံၣ်တဖၣ်လၢပှၤဆိၣ်ကဲၤတ့ၢ်တၢ်နၢမူလၢ အခိၣ်ဒုးအလိၤဆူဆၣ်တဖၣ်အအိၣ်, ဒီးတၢ်လီၢ်ဖဲစပံးထံဘၣ်တၢ် လူလီၤအီၤဒ်တၢ်လုၢ်တၢ်ပာ်တမံၤဆူကစၢ်အဂၤတဖၣ်အအိၣ်, အဝဲသ့ၣ်ခဲလၢာ်ကကဲထီၣ်တၢ်တကဆှီဘၣ်ဒ်တိဖ့းအသိးန့ၣ်လီၤ.”

လံာ်ယံးရမံယၤ 32:29

ဒီးဒွဲၣ်အူထီၣ်အီၤလၢ မ့ၣ်အူလီၤ. အဝဲသ့ၣ် ကဆူးထီၣ်ကွံာ် ဝ့ၢ် အံၤ ဃုာ်ဒီးဟံၣ်တဖၣ် ဖဲပှၤဂီၢ်မုၢ်မၤသးဒိၣ်တ့ၢ်ယၤ ခီဖျိတၢ်ဆိၣ် ကဲၤ တၢ်နၢမူလၢဘဧၤလၤ အဂီၢ်လၢ ဟံၣ်ခိၣ်တဖၣ်အလိၤဒီး ခီဖျိ တၢ်လူလီၤဂၢ်လီၤ တၢ်လုၢ်စပံးထံတဖၣ်ဆူ ကစၢ်အဂၤတဖၣ် အအိၣ်အဃိလီၤ.

လံာ်ယံးရမံယၤ 4:2

ကမ့ၢ်တၢ်အတီအဘၣ်လၢသုဂီၢ်လၢသုကဆိၣ်တၢ်လၢယမံၤအပူၤ န့ၣ်လီၤ. အန့ၣ်ဒီး, ပှၤကလုာ်တဖၣ်ခဲလၢာ်ကမၢယဆိၣ်ဂ့ၤ အဝဲသ့ၣ်ဒီးအဝဲသ့ၣ်ကစံးထီၣ်ပတြၢၤယၤလီၤ.”

လံာ်ယံးရမံယၤ 49:1

အအံၤမ့ၢ် တၢ်လၢယွၤစံးတ့ၢ်ဘၣ်ဃးကီၢ်ဧၣ်မိၣ်အဂ့ၢ်န့ၣ်လီၤ. “ကီၢ်အံၣ်စရ့လးအပှၤပိာ်ခွါတဖၣ် အိၣ်ဖဲလဲၣ်. ပှၤလၢ အကဟုကယာ်အကီၢ်တအိၣ်နီတဂၤလၢၤဘၣ်ဧါ. ဘၣ်မနုၤအဃိအဝဲသ့ၣ် ပျဲပှၤဂီၢ်မုၢ်လၢအဘါထီၣ် မိၤလးဟံးန့ၢ်ကွံာ်ပှၤကး အဒူၣ်အလီၢ်ကဝီၤဒီး အိၣ်ဆိးဝဲဖဲန့ၣ်, န့ၣ်လဲၣ်.

လံာ်ယံးရမံယၤ 5:2

သုမ့ၢ်စံးလၢသုဘူၣ်ထီၣ်ဘါထီၣ်ယွၤဒၣ်လဲာ်န့ၣ်, မ့ၢ်ဒၣ်သုကတိၤတၢ်ကလီကလီန့ၣ်လီၤ.

လံာ်ယံးရမံယၤ 5:7

ယွၤသံကွၢ်တၢ်ဒီးစံးဝဲ, “ဘၣ်မနုၤအဃိယဘၣ်ပျၢ် ယပှၤဂီၢ်မုၢ်အတၢ်ဒဲးဘးတဖၣ်န့ၣ်လဲၣ်. အဝဲသ့ၣ်ပာ်လီၤတဲာ်ကွံာ်ယၤ ဒီးဘူၣ်ထီၣ်ဘါထီၣ်ကစၢ်တဖၣ်လၢ အတမ့ၢ်တတီန့ၣ်လီၤ. ယလုၢ်အီၣ်တ့ၢ်ယပှၤဂီၢ်မုၢ်တုၤအဘျဲးအီၣ်ဝဲဘၣ်ဆၣ်, အဝဲသ့ၣ်မၤတ့ၢ်တၢ်မၤကမၣ်မုၣ်ကမၣ်ခွါ ဒီးမၤလၢာ်တ့ၢ်အဆၢကတီၢ်ဒီး ပှၤဃဲသဲမုၣ်တဖၣ်န့ၣ်လီၤ.

လံာ်ယံးရမံယၤ 7:10

သုမၤတ့ၢ်တၢ်တဖၣ်အံၤလၢယသးဟ့အီၤ, ဝံၤဒီးသုဟဲဒီးဆၢထၢၣ်လၢယမဲာ်ညါ, လၢယတၢ်လုၢ်ဟံၣ်ဒၣ်ယဲ အပူၤဒီးစံး, ‘ပပူၤဖျဲးပဝဲလံ,’ န့ၣ်လီၤ.

လံာ်ယံးရမံယၤ 7:9

သုဟုၣ်တၢ်, မၤသံတၢ်, မၤကမၣ်မုၣ်ကမၣ်ခွါ, သုလီတၢ်လၢတၢ်ဆိၣ်လီၤသးအပူၤ, သုလုၢ်ထီၣ်ပာ်ထီၣ်တၢ်ဆူဘဧၤလး, ဒီးဘူၣ်ထီၣ်ဘါထီၣ်ကစၢ်တဖၣ်လၢ သုတသ့ၣ်ညါတ့ၢ်ဘၣ်အီၤလၢညါန့ၣ်လီၤ.

လံာ်ယံးရမံယၤ 8:2

လၢတၢ်ကပာ်ဖှိၣ်ဒီးခူၣ်လီၤကွံာ်အီၤအလီၢ်န့ၣ်, အဝဲသ့ၣ်အဃံတဖၣ် ကအိၣ်ဒါလီၤအသးလၢဟီၣ်ခိၣ်အလိၤဒ်တၢ်အ့ၣ်တၢ်ဆံၣ်အသိး န့ၣ်လီၤ. ကအိၣ်ပြၤလီၤအသးလၢမုၢ်, လါ, ဒီးဆၣ်တဖၣ်, လၢပှၤဂီၢ်မုၢ်တဖၣ်အံၤအဲၣ်အီၤဒီးမၤအတၢ်မၤ, ဒီးမ့ၢ်တၢ်သ့ၣ်တဖၣ်လၢအဝဲသ့ၣ်ဃ့တၢ်ဟ့ၣ်ကူၣ်ဒီး ဘူၣ်ထီၣ်ဘါထီၣ်အီၤအမဲာ်ညါန့ၣ်လီၤ.

လံာ်ဟိၤၡ့ 10:2

ပှၤဂီၢ်မုၢ်လၢအသးတဖၣ်ပှဲၤဒီးတၢ်လီတၢ်ဝ့ၤန့ၣ်ခဲအံၤကတူၢ်ဘၣ် တၢ်လၢအဝဲသ့ၣ်အတၢ်ဒဲးဘးအဃိန့ၣ်လီၤ. ကစၢ်ယွၤကမၤလီၤပှီၢ်အဝဲသ့ၣ်တဖၣ်အတၢ်လုၢ်လီၢ်တဖၣ်ဒီးမၤဟး ဂီၤကွံာ်အဝဲသ့ၣ်အလၢၢ်ထူၣ်စီဆှံတဖၣ်န့ၣ်လီၤ.

လံာ်ဟိၤၡ့ 4:15

သုဝဲကီၢ်အံၣ်စရ့လးအပှၤဂီၢ်မုၢ်မ့ၢ်တတီဒီးယၤဘၣ်ဆၣ်, မ်ကီၢ် ယူဒၤအတၢ်ကမၣ်ဒ်သိးန့ၣ်အသုတအိၣ်တဂ့ၤ. ဘါတၢ်လၢကံးလကၤလးမ့ၢ်ဂ့ၤ. လၢဘ့ၤသအၤဝ့ၣ်မ့ၢ်ဂ့ၤ, မ့တမ့ၢ်, မၤတၢ်အၢၣ်လီၤတဖၣ်ဖဲန့ၣ်လၢယွၤလၢအမူဝဲအမံၤအပူၤတဂ့ၤ.

လံာ်ဧၤမိၣ် 5:26

မ့မ့ၢ်ခဲကနံၣ်, မ့ၢ်လၢသုဘါထီၣ်တ့ၢ်တၢ်ဂီၤတၢ်ဖီၣ်တဖၣ်လၢအမ့ၢ်စၤကူး, သုစီၤပၤကစၢ်, ဒီးကံၣ်ယူၣ်, သုဆၣ်ဧိၤဖီဧိၤကစၢ်အဃိ, သုကဘၣ်လဲၤစိာ်တၢ်ဂီၤတၢ်ဖီၣ်တဖၣ်အံၤ,

လံာ်မးသဲ 6:24

ပှၤမၤတၢ်အခ့အပှၤအတၢ်မၤလၢကစၢ်ခံဂၤအဂီၢ်တသ့နီတဂၤဘၣ်. ကအဲၣ်ဝဲတဂၤဒီးကသးဟ့ဝဲတဂၤလီၤ. ကတီဝဲဒီးကစၢ်တဂၤဒီးကကွၢ်တလီၤဝဲအတဂၤန့ၣ်လီၤ. သုမၤကစၢ်ယွၤအတၢ်မၤဒီးကျိၣ်စ့အတၢ်မၤခံမံၤလၢာ်တသ့ဘၣ်.

မၤတၢ် 10:9

မုၢ်ဆ့ၣ်ထီၣ်တနံၤဖဲအဝဲသ့ၣ်လဲၤတၢ်အဖၢမုၢ်ဒီးဘူးကတုၤ ဃီၤဝ့ၢ်ယၤဖိၤန့ၣ်, စီၤပ့းတရူးလဲၤထီၣ်ဆူဟံၣ်ခိၣ်ဒုးအလိၤကဘၣ်ဖဲမုၢ်ထူၣ်အဆၢ ကတီၢ်, ဒ်သိးအကဃ့ဘါထုကဖၣ်တၢ်လီၤ.

ရိမ့ၤ 14:11

အဂ့ၢ်ဒ်လဲၣ်န့ၣ်, တၢ်ကွဲးအသးစံးဝဲ, “ကစၢ်စံးဝဲဒၣ်, ဒ်ယမ့ၢ်ကစၢ်ယွၤလၢအမူဝဲအသိး ပှၤကိးဂၤဒဲးကချံးခီၣ်တီၤလီၤလၢယမဲာ်ညါ ဒီးပှၤကိးဂၤဒဲးကအၢၣ်လီၤအီလီၤလၢယမ့ၢ်ကစၢ်ယွၤန့ၣ်လီၤ.”

လံာ်သိၣ်လီၤသီလီၤတၢ် 10:20

အိၣ်ဒီးတၢ်ယူးယီၣ်ယွၤ, သုကစၢ်ယွၤဒီးဘူၣ်ထီၣ်ဘါထီၣ်ထဲ အဝဲဒၣ်တဂၤဧိၤန့ၣ်တက့ၢ်. အိၣ်ဒီးတၢ်သူၣ်တီသးရၤဒီးအီၤဒီးမၤသုတၢ်အၢၣ်လီၤအီလီၤ တဖၣ်ထဲလၢအဝဲအမံၤအပူၤန့ၣ်တက့ၢ်.

လံာ်သိၣ်လီၤသီလီၤတၢ် 4:19

ပျဲသုဒိးဘၣ်တၢ်လ့ပစီသုလၢသုကဘူၣ်ထီၣ်ဘါထီၣ်ဒီးမၤတၢ် တဖၣ်လၢသုထံၣ်ဘၣ်အီၤလၢမူကပိာ်လိၤလၢအမ့ၢ်, မုၢ်, လါဒီးဆၣ်တဖၣ်, အတၢ်န့ၣ်တဂ့ၤ. ယွၤဟ့ၣ်လီၤတၢ်တဖၣ်အံၤ လၢကယဲၢ်ပှၤဂီၢ်မုၢ်အဂၤတဖၣ်အဂီၢ်ဒ်သိးကဘူၣ်ထီၣ်ဘါထီၣ်ဝဲန့ၣ်လီၤ.

လံာ်စီၤယိၤၡူ 23:7

ဒီးသုတအိၣ်ဃါဃုာ်လိာ်သုသးဒီးပှၤကလုာ်လၢအအိၣ်လီၤတဲာ်လၢ သုကျါတဖၣ်အံၤတဂ့ၤ, သုသုတယၢၤထီၣ်ဘၣ်အကစၢ်တဖၣ် အမံၤတဂ့ၤ, သုသုတဆိၣ်တၢ်လၢအမဲာ်ညါဒီးမၤအဝဲသ့ၣ် အတၢ်မၤတဂ့ၤ, သုသုတတီၤလီၤလၢအဝဲသ့ၣ်အမဲာ်ညါတဂ့ၤ.