လံာ်စဖါနယၤ 1:3 - Sgaw Karen Common Bible

³ ကယဲၢ်ပှၤကညီဒီးဆၣ်ဖိကီၢ်ဖိ, ထိၣ်ဧိၤလံာ်ဧိၤဒီးဒ့ၣ်ဧိၤညၣ်ဧိၤ ခဲလၢာ်န့ၣ်လီၤ. ယကမၤတၢ်လၢပှၤအၢပှၤသီအခီၣ်ကဘၣ်တိၢ်ဒီးလီၤဃံၤအဂီၢ်လီၤ. ယကမၤဟးဂီၤကွံာ်ပှၤဟီၣ်ခိၣ်ဖိခဲလၢာ်ဒီးပှၤအမူတအိၣ်တ့ၢ်ဘၣ် နီတဂၤဘၣ်. ယၤ, ယွၤကတိၤလံတၢ်လံ.”

လံာ်စဖါနယၤ 1:3 Iomraidhean Croise

လံာ်တၢ်ကဲထီၣ်အခီၣ်ထံး 6:7

တုၤဒၣ်လဲာ်အစံးဝဲ, “ယကတြူာ်ကွံာ်ပှၤဂီၢ်မုၢ်အံၤလၢယတ့ လီၤတ့ၢ်အီၤ, ဒီးဆၣ်ဖိကီၢ်ဖိဒီးထိၣ်ဖိလံၣ်ဖိသ့ၣ်တဖၣ်စ့ၢ်ကီးန့ၣ်လီၤ. အဂ့ၢ်ဒ်အံၤ, ယသးအုးလၢယတ့လီၤအဝဲသ့ၣ်တဂၤလၢ်လၢ်အဃိန့ၣ်လီၤ.”

လံာ်ယၡါယၤ 27:9

ဘၣ်ဆၣ်ဒီးကီၢ်အံၣ်စရ့လးအတၢ်ဒဲးဘးတဖၣ်ကဘၣ်တၢ်ပျၢ် အီၤဖဲဒၣ်ပှၤဘါတၢ်ဂီၤအတၢ်လုၢ်လီၢ်အလၢၢ်တဖၣ်လီၤကလဲ ကွံာ်ဝဲဒ်ထူၣ်ဝါအကမူၣ်အသိး, ဒီးတၢ်နၢမူအတၢ်လုၢ်လီၢ် တဖၣ်မ့ၢ်ဂ့ၤ, ကစၢ်မုၣ်အၡ့ရၤအတၢ်ပနီၣ်တဖၣ်မ့ၢ်ဂ့ၤတအိၣ် လီၤတဲာ်လၢၤဘၣ်အဆၢကတီၢ်န့ၣ်လီၤ.

လံာ်ယၡါယၤ 6:11

ယသံကွၢ်တၢ်ဒီးစံး, “ယွၤဧၢ, တၢ်ဒ်သိးအံၤကမၤဒံးအသး ဆံးယံာ်လဲၣ်.” အဝဲဒၣ်စံးဆၢယၤ, “တုၤလီၤလၢဝ့ၢ်တဖၣ် ဟးဂီၤကွံာ်ခဲလၢာ်ဒီးအိၣ်ကလီဝဲ, တုၤလီၤလၢဟံၣ်တဖၣ်ပှၤ တအိၣ်လၢအပူၤလၢၤဘၣ်, ဒီးတုၤလီၤလၢထံကီၢ်အနီၢ်ကစၢ်အံၤ အိၣ်သယုၢ်သညိဒီးလီၤဃီကွံာ်ဝဲတစုန့ၣ်လီၤ.

လံာ်ယၡါယၤ 6:12

ယကဆှၢကွံာ်ပှၤဂီၢ်မုၢ်ဆူတၢ်လီၢ်ဖးယံၤဒီးဒုးကဲထီၣ်ထံကီၢ် ဒီဘ့ၣ်လၢတၢ်အိၣ်သယုၢ်သညိအလီၢ်န့ၣ်လီၤ.

လံာ်ယံးရမံယၤ 12:4

ပထံပကီၢ်အံၤကဃ့ထီဒံးဆံးယံာ် ဒီးနီၣ်ဧိၤမံၤဧိၤလၢစံာ်လီၢ်ကိးပူၤဒဲးကလီၤညွံးလီၤဘဲ ဒံးဆံးယံာ်လဲၣ်. ဆၣ်ဖိကီၢ်ဖိတဖၣ်ဒီးထိၣ်ဖိတဖၣ်သံဝဲ လၢပှၤဂီၢ်မုၢ်အတၢ်အၢတၢ်သီအဃိလီၤ. ပှၤဂီၢ်မုၢ်န့ၣ်စံးဝဲလၢ, “ကစၢ်ယွၤတထံၣ်တၢ်လၢပမၤအီၤန့ၣ်ဘၣ်.”

လံာ်ယံးရမံယၤ 50:3

အဂ့ၢ်ဒ်အံၤ, ပှၤတကလုာ်လၢ ကလံၤစိး တခီဟဲဝဲဒ်သိးအကဒုးကီၢ်ဘၤဘူၤလိၣ်ဒီး ကဒုးကဲထီၣ်အီၤလၢ မဲးမုၢ်ခိၣ်တတီၤန့ၣ်လီၤ. ပှၤကညီဒီး ဆၣ်ဖိကီၢ်ဖိတဖၣ် ကဃ့ၢ်ကွံာ်ဒီး ပှၤတအိၣ်ဖဲန့ၣ်နီတဂၤလၢၤဘၣ်.”

လံာ်ယံးရမံယၤ 7:20

လၢတၢ်န့ၣ်အဃိ, ယၤ, ယွၤလၢပၢဘၣ်တၢ်ခဲလၢာ်, ကလူလီၤဂၢ်လီၤယတၢ်သးကဲၤထီၣ်ဆူၣ် လၢယွၤအတၢ်လုၢ်ဟံၣ်အဖီခိၣ်လီၤ. ယကလူလီၤဂၢ်လီၤအီၤလၢပှၤဂီၢ် မုၢ်ဒီးဆၣ်ဖိကီၢ်ဖိတဖၣ်အဖီခိၣ်တမံၤဃီ, တုၤဒၣ်လဲာ်လၢသ့ၣ်တဖၣ် ဒီးတၤသူတၤသၣ်တဖၣ်အဖီခိၣ်န့ၣ်လီၤ. ယတၢ်သးကဲၤထီၣ်ကလီၤဂာ် ဒ်မ့ၣ်အူအီၣ်တၢ်လၢပှၤမၤလီၤပံာ်ကွံာ်တန့ၢ်နီတဂၤဘၣ် အသိးန့ၣ်လီၤ.

လံာ်ယံးရမံယၤ 9:10

ယစံးတ့ၢ်ယဲ, “ယကဟီၣ်တၢ်ယၢၤတၢ်လၢကစၢၢ်ကလိတဖၣ်အဃိ, ဒီးဟီၣ်လၢတၢ်အီၣ်ဆၣ်အလီၢ်တဖၣ်အဃိလီၤ. အဂ့ၢ်ဒ်အံၤ, အဝဲသ့ၣ်ဃ့ထီကွံာ်ဝဲ ဒီးပှၤတလဲၤခီဂာ်အဝဲသ့ၣ်နီတဂၤဘၣ်. ဆၣ်ဖိကီၢ်ဖိအဒၢအတၢ်ကိးထီၣ်အသီၣ်န့ၣ်တၢ်တနၢ်ဟူ လၢၤဘၣ်အီၤဘၣ်. ထိၣ်လၢတၢ်ဖးဖီတဖၣ်ယူၤကွံာ်ဝဲဒီးဆၣ်ဖိကီၢ်ဖိ အမံၤတဖၣ်ဟးကွံာ်ခဲလၢာ်လံ.”

လံာ်ယဃ့းစက့လး 44:12

ဘၣ်ဆၣ်မ့ၢ်လၢအဝဲသ့ၣ်မၤတၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ် လၢကီၢ်အံၣ်စရ့လးအဂီၢ်, ဒီးလၢကျဲဒ်အံၤန့ၣ်အဝဲသ့ၣ်ဆှၢ ဃီၤပှၤဂီၢ်မုၢ်ဆူတၢ်ဒဲးဘးအပူၤအဃိ, ယၤ, ယွၤပၢဘၣ်တၢ် ခဲလၢာ်ကစၢ်ဆိၣ်တၢ်သမှံၤသပှၢ်လၢအဝဲသ့ၣ်ကဘၣ် တၢ်စံၣ်ညီၣ်န့ၣ်လီၤ.

လံာ်ယဃ့းစက့လး 7:19

အဝဲသ့ၣ်ကစူးကွံာ်အထူဒီးအစ့တဖၣ်, လၢကျဲဘိတဖၣ်အပူၤဒ်တၢ် တဂိာ်တသီၣ်ဘၣ်အသိး, မ့ၢ်လၢစ့မ့ၢ်ဂ့ၤထူမ့ၢ်ဂ့ၤ, ဖဲယွၤလူလီၤအတၢ်သးကဲၤထီၣ်န့ၣ်, အုၣ်က့ၤခီၣ်က့ၤအဝဲသ့ၣ်တသ့ ဘၣ်အဃိန့ၣ်လီၤ. အဝဲသ့ၣ်သူအီၤလၢတၢ်မၤသးမံအတၢ်သူၣ်လီသး ကွံတဖၣ်အဂီၢ်မ့ၢ်ဂ့ၤ, တၢ်မၤပှဲၤအဟၢဖၢတဖၣ်အဂီၢ်မ့ၢ်ဂ့ၤ, တသ့ဘၣ်အဃိလီၤ. ထူဒီးစ့ဆှၢအဝဲသ့ၣ်ဆူ တၢ်ဒဲးဘးအပူၤန့ၣ်လီၤ.

လံာ်ဟိၤၡ့ 14:3

ကီၢ်အၤၡူၢ်အုၣ်က့ၤခီၣ်က့ၤပှၤတသ့နီတစုဘၣ်. ဒီးတၢ်ဒုးအကသ့ၣ်တဖၣ်ကဟုကယာ်အိၣ်ပှိၤပှၤတသ့ဘၣ်. ပတတဲလၢၤပတၢ်ဂီၤတဖၣ်လၢသုမ့ၢ်ပကစၢ်ယွၤန့ၣ်လၢၤဘၣ်. အိ, ယွၤဧၢ, ဒုးနဲၣ်ဖျါထီၣ်နတၢ်သးကညီၤဆူပှၤတဖၣ်လၢတအိၣ်ဘၣ် ဒီးပှၤအဂၤနီတဂၤလၢအကဃၣ်ဝဲအသးဆူအအိၣ်န့ၣ်တက့ၢ်.

လံာ်ဟိၤၡ့ 14:8

ကီၢ်အံၣ်စရ့လးအပှၤဂီၢ်မုၢ်တဘၣ်ဃးလၢၤဒီးတၢ်ဂီၤတဖၣ်လၢကမၤ ဝဲအတၢ်န့ၣ်ဘၣ်. ယကစံးဆၢအဝဲသ့ၣ်အတၢ်ထုကဖၣ်ဒီးအံးထွဲကွၢ်ထွဲ အဝဲသ့ၣ်လီၤ. ဒ်သ့ၣ်ဆှိသံကစဲာ်တထံးအသိးယကဟ့ၣ်အဝဲသ့ၣ်လၢတၢ်ကဒုလီၤ. ယကမ့ၢ်တၢ်ဆိၣ်ဂ့ၤခဲလၢာ်အဂံၢ်ထံးလၢအဝဲသ့ၣ်အဂီၢ်လီၤ.

လံာ်ဟိၤၡ့ 4:3

မၤသးဒ်န့ၣ်ဒီး, ကီၢ်န့ၣ်ကဃ့ထီကွံာ်ဝဲဒီးကယဲၢ်တၢ်လၢအအိၣ်လၢ အပူၤကသံကွံာ်ဝဲလီၤ. ကယဲၢ်ဆၣ်ဖိကီၢ်ဖိတဖၣ်ဒီးထိၣ် တဖၣ်ဒီးညၣ်ဒၣ်လဲာ်ကသံကွံာ်ဝဲဒၣ်န့ၣ်လီၤ.

လံာ်စကၤရယၤ 13:2

ဖဲအဆၢအတီၢ်အဝဲန့ၣ်န့ၣ်, ယကသုးကွံာ်တၢ်ဂီၤတၢ်ဖီၣ်တဖၣ်အမံၤလၢထံကီၢ်အပူၤ, ဒီးပှၤတသ့ၣ်နီၣ်ထီၣ်က့ၤလၢၤဘၣ်အီၤနီတဂၤနီတဘျီလၢၤဘၣ်. ဒီးယကမၤဟးဂီၤကွံာ်ကယဲၢ်ပှၤတဂၤလၢ်လၢ်လၢအစံးလီၤအသးလၢ အမ့ၢ်ဝံတဂၤ, ဒီးဟံးထီၣ်ကွံာ်သးလၢအအဲၣ်ဒိးဘါထီၣ် တၢ်ဂီၤတၢ်ဖီၣ်တဖၣ်န့ၣ်လီၤ.

လံာ်မးသဲ 13:41

ပှၤကညီအဖိခွါကဆှၢလီၤအကလူးတဖၣ်, ဒ်သိးအဝဲသ့ၣ်ကထၢဖှိၣ်ပှၤလၢအဒုးမၤပှၤဂၤလၢတၢ်ဒဲးဘး ဒီးပှၤလၢအမၤတၢ်အၢတၢ်သီတဖၣ်ခဲလၢာ် ဒီးထုးထီၣ်ကွံာ်အီၤလၢအဘီအမုၢ်အပူၤလီၤ.

လံာ်မးသဲ 23:39

ယစံးဘၣ်တဲဘၣ်သု, စးထီၣ်အခဲအံၤဒီးတုၤလၢအကတီၢ်ဖဲသုကစံး, ‘ပှၤလၢအဟဲလၢ ကစၢ်ယွၤအမံၤတဂၤမ်အဘၣ်တၢ်ဆိၣ်ဂ့ၤတက့ၢ်.’ န့ၣ်သုတထံၣ်လၢၤယၤဘၣ်.”

လံာ်လီၣ်ဖျါ 2:14

ဘၣ်ဆၣ်ဒီးတၢ်ဂ့ၢ်အိၣ်ဝဲစှၤမံၤလၢယကပာ်တၢ်ကမၣ်လၢ နလိၤအဂီၢ်လီၤ. ပှၤအိၣ်ဝဲလၢသုသိးသုကျါတနီၤ, လၢအပိာ်ထွဲစီၤဘံးလၣ်အတၢ်သိၣ်လိ, စီၤဘံးလၣ်လၢအသိၣ်လိစီၤဘၤလးဒ်သိးအကဆှၢ အံၣ်စရ့လးအပှၤဂီၢ်မုၢ်တဖၣ်ဆူတၢ်ဒဲးဘး, ခီဖျိအသဆၣ်ထီၣ်အဝဲသ့ၣ်အခံဒ်သိးအကအီၣ် တၢ်အီၣ်လၢအဘၣ်တၢ်လုၢ်ထီၣ်အီၤဆူတၢ်ဂီၤတၢ်ဖီၣ်, ဒီးအကမၤကမၣ်မုၣ်ကမၣ်ခွါအဂီၢ်န့ၣ်လီၤ.