လံာ်စဖါနယၤ 1:17 - Sgaw Karen Common Bible

¹⁷ ယွၤစံးဝဲဒၣ်, “ယကဟဲစိာ်တၢ်ဟးဂူာ်ဟးဂီၤဒ်သိးအံၤတဖၣ်ဆူ ပှၤဟီၣ်ခိၣ်ဖိခဲလၢာ်အလိၤဒ်သိးပှၤကိးဂၤဒဲး ကဃုပုာ်ကလၢၢ်တၢ်ဒ်ပှၤမဲာ်ဘျီၣ်တဂၤအသိးန့ၣ်လီၤ. အဝဲသ့ၣ်မၤတ့ၢ်တၢ်ဒဲးဘးထီဒါယၤ, ဒီးခဲကနံၣ်အံၤအသွံၣ်ကဘၣ် တၢ်လူလီၤအီၤဒ်ထံအသိး, ဒီးအစိၣ်တဖၣ်အိၣ်မံလီၤလၢ ဟီၣ်ခိၣ်လိၤအုၣ်သံကျၣ်သံဝဲဒၣ်န့ၣ်လီၤ.”

လံာ်စဖါနယၤ 1:17 Iomraidhean Croise

စံးထီၣ်ပတြၢၤ 83:10

နမၤနၢၤကွံာ်အဝဲသ့ၣ်လၢဧံၤဒိၣ် ဒီးအခိၣ်တဖၣ်အုၣ်ကွံာ်လၢ ဟီၣ်ခိၣ်လိၤလီၤ.

လံာ်ယၡါယၤ 29:10

ယွၤမၤဃၢတ့ၢ်သုမဲာ်ဖံးတုၤသုကလီၤဆူတၢ်မံယိာ်အပူၤလီၤ. ဝံတဖၣ်ကြၢးမ့ၢ်ပှၤဂီၢ်မုၢ်အမဲာ်ချံတဖၣ်, ဘၣ်ဆၣ်ကစၢ်ယွၤ ကးဘၢတ့ၢ်အဝဲသ့ၣ်အမဲာ်ချံလီၤ.

လံာ်ယၡါယၤ 50:1

ယွၤစံးဝဲ, “မ့ၢ်သုဆိကမိၣ်လၢယဆှၢယံၤကွံာ်ယပှၤဂီၢ်မုၢ် ဒ်ပှၤတဂၤလၢအပာ်မၢ်ကွံာ်အမါအသိးန့ၣ်ဧါ. မ့မ့ၢ်ဒ်န့ၣ်ဒီး, လံာ်လီၤဖှၣ်တဖၣ်အိၣ်ဖဲလဲၣ်. မ့ၢ်သုဆိကမိၣ်လၢယဆါလီၤကွံာ်သုဆူ တၢ်မၢကဲကုၢ်အပူၤ ဒ်ပှၤတဂၤလၢအဆါလီၤကွံာ်အဖိတဖၣ် ဒ်ကုၢ်တဖၣ်အသိးန့ၣ်ဧါ. တမ့ၢ်ဘၣ်, တၢ်စိာ်မၢကဲကုၢ်သုမ့ၢ်ဒၣ်လၢသုတၢ်ဒဲးဘးတဖၣ်အဃိလီၤ. တၢ်ဆှၢယံၤကွံာ်သုမ့ၢ်ဒၣ်လၢသုတၢ်မၤကမၣ်တဖၣ်အဃိလီၤ.

လံာ်ယံးရမံယၤ 10:18

ယွၤကစူးကွံာ်သုလၢထံကီၢ်တဘ့ၣ်အံၤအပူၤလီၤ. အဝဲဒၣ်ကမၤသဘှံးသုတုၤသုတအိၣ်တ့ၢ်လၢၤနီတဂၤဘၣ်လီၤ. ယွၤကတိၤလံတၢ်လံ.

လံာ်ယံးရမံယၤ 15:3

ယၤယွၤအံၤ, စံၣ်ညီၣ်တဲာ်တ့ၢ်လံလၢတၢ်လီၤပျံၤလီၤဖုးလွံၢ်မံၤ ကမၤသးဒီးအဝဲသ့ၣ်န့ၣ်လီၤ. အဝဲသ့ၣ်ကဘၣ်တၢ်မၤသံအီၤလၢ တၢ်ဒုးတၢ်ယၤအပူၤ, အဝဲသ့ၣ်အစိၣ်တဖၣ်ကဘၣ်တၢ်တွံၢ်ကွံာ်အီၤ လၢထွံၣ်တဖၣ်, ထိၣ်တဖၣ်ကအီၣ်ကွံာ်အဝဲသ့ၣ်, ဒီးဆၣ်ဖိကီၢ်ဖိ အမံၤတဖၣ်ကအီၣ်ကွံာ်တၢ်လၢအအိၣ်လီၤတဲာ်န့ၣ်လီၤ.

လံာ်ယံးရမံယၤ 18:21

ဘၣ်ဆၣ်ဒီးအခဲအံၤ, ယွၤဧၢ, မ်အဝဲသ့ၣ်အဖိတဖၣ်သၣ်ဝံၤလီၤဒိ သံကွံာ်တက့ၢ်. မ်အဝဲသ့ၣ်ဘၣ်တၢ်မၤသံကွံာ်အီၤလၢတၢ်ဒုး တၢ်ယၤအပူၤန့ၣ်တက့ၢ်. မ်ပိာ်မုၣ်တဖၣ်အဝၤဒီးအဖိတဖၣ်လီၤမၢ်သဒၣ်ကွံာ်အီၤတက့ၢ်. မ်ပိာ်ခွါသးပှၢ်တဖၣ်သံလၢတၢ်ဆူးတၢ်ဆါ အဃိဒီးမ်ပိာ်ခွါသးစၢ်တဖၣ်ဘၣ်တၢ်မၤ သံအီၤလၢတၢ်ဒုးတၢ်ယၤအပူၤန့ၣ်တက့ၢ်.

လံာ်ယံးရမံယၤ 2:17

ကီၢ်အံၣ်စရ့လးဧၢ, နဒုးဘၣ်လီၤဒၣ်နဲနသးလၢတၢ်အံၤလီၤ. နလဲၤသဒၣ်တ့ၢ်ယၤ, ယွၤနကစၢ်ယွၤ, ဖဲယဆှၢနၤလၢကျဲဒီဘိအဖၢမုၢ်လီၤ.

လံာ်ယံးရမံယၤ 2:19

နတၢ်အၢတၢ်သီဒၣ်နဲကစံၣ်ညီၣ်နၤ, ဒီးနတၢ်ဃၣ်ကွံာ်နသးလၢယၤ ကစံၣ်ညီၣ်ဃၣ်နၤ, နတၢ်လဲၤသဒၣ်ကွံာ်ယၤဒီးနတၢ်သူၣ်တီသးရၤဒီး ယၤလၢအတအိၣ်လၢၤဘၣ်န့ၣ်, ကဒုးမၤလိန့ၢ်နၤ, တၢ်လၢအခၣ် နးမးဒီးကမၣ်ဝဲန့ၣ်လီၤ. ယၤ, ယွၤပၢဘၣ်တၢ်ခဲလၢာ်ဒီး သ့တၢ်လၢာ်ကစၢ်, ကတိၤလံတၢ်လံ.”

လံာ်ယံးရမံယၤ 3:25

ပကြၢးမံလီၤလၢတၢ်မဲာ်ဆှးအပူၤဒီးပျဲတၢ်လၢအမၤမဲာ်ဆှးပှၤ ကးဘၢပှၤန့ၣ်လီၤ. ပဝဲဒီးပမိၢ်ပၢ်ဖံဖုလၢပျၢၤတဖၣ်မၤတ့ၢ် တၢ်ဒဲးဘးထီဒါယွၤ, ပကစၢ်ယွၤထီဘိတထံၣ်ဃီလီၤ. ပတစူၢ်တ့ၢ်အဝဲအတၢ်မၤလိာ်တဖၣ်နီတစုဘၣ်.”

လံာ်ယံးရမံယၤ 4:18

ကီၢ်ယူဒၤဧၢ, နဒုးလီၤဘၣ်က့ၤတၢ်အံၤဒၣ်နဲလၢနလိၤ, ခီဖျိကျဲလၢနအိၣ်မူတ့ၢ်ဒီးတၢ်တဖၣ်လၢနမၤတ့ၢ်နဲအဃိန့ၣ်လီၤ. နတၢ်ဒဲးဘးမ့ၢ်တၢ်အဂ့ၢ်လၢအဒုးအိၣ်ထီၣ်တၢ်နးတၢ်ဖှီၣ်အံၤလီၤ. တၢ်န့ၣ်မ့ၢ်တၢ်လၢအဆဲးဖျိတ့ၢ်နသးန့ၣ်လီၤ.

လံာ်ယံးရမံယၤ 8:2

လၢတၢ်ကပာ်ဖှိၣ်ဒီးခူၣ်လီၤကွံာ်အီၤအလီၢ်န့ၣ်, အဝဲသ့ၣ်အဃံတဖၣ် ကအိၣ်ဒါလီၤအသးလၢဟီၣ်ခိၣ်အလိၤဒ်တၢ်အ့ၣ်တၢ်ဆံၣ်အသိး န့ၣ်လီၤ. ကအိၣ်ပြၤလီၤအသးလၢမုၢ်, လါ, ဒီးဆၣ်တဖၣ်, လၢပှၤဂီၢ်မုၢ်တဖၣ်အံၤအဲၣ်အီၤဒီးမၤအတၢ်မၤ, ဒီးမ့ၢ်တၢ်သ့ၣ်တဖၣ်လၢအဝဲသ့ၣ်ဃ့တၢ်ဟ့ၣ်ကူၣ်ဒီး ဘူၣ်ထီၣ်ဘါထီၣ်အီၤအမဲာ်ညါန့ၣ်လီၤ.

လံာ်သးသယုၢ်တၢ် 1:14

အဝဲကွဲးနီၣ်တ့ၢ်ကယဲၢ်ယတၢ်ဒဲးဘးတဖၣ်ဒီးစၢတံၢ်အီၤတပူၤဃီဒ် သိးသိး, ဒီးဘျးလီၤစဲၤတ့ၢ်အီၤဝးတရံးယကိာ်, ဒီးယဂံၢ်ယဘါလီၤစၢ်တ့ၢ်ဝဲလၢတၢ်ဝံတၢ်ယိးအဖီလာ်န့ၣ်လီၤ. ယွၤဟ့ၣ်လီၤတ့ၢ်ယၤဆူယဒုၣ်ယဒါတဖၣ်အစုပူၤဒီး တၢ်မၤစၢၤယၤတအိၣ်နီတမံၤလၢယကထီဒါအဝဲသ့ၣ်အဂီၢ်ဘၣ်.

လံာ်သးသယုၢ်တၢ် 1:18

ဘၣ်ဆၣ်ဒီးယွၤန့ၣ်မၤတၢ်တီလီၤ. အဂ့ၢ်ဒ်အံၤ, ယတဒိကနၣ်တ့ၢ်ဘၣ်အီၤဘၣ်. ဒိကနၣ်ယၤ, ပှၤဂီၢ်မုၢ်လၢတၢ်အလီၢ်ကိးပူၤဒဲးသ့ၣ်ဧၢ, ကွၢ်ဃီၤယၤလၢယတၢ်ဘၣ်ဒိဆါအံၤတက့ၢ်. ယပှၤပိာ်ခွါသးစၢ်ဒီးပိာ်မုၣ်သးစၢ်တဖၣ်ဘၣ်တၢ်စိာ်မၢကဲကုၢ် ကွံာ်လံအီၤလံ.

လံာ်သးသယုၢ်တၢ် 1:8

အလၤကပီၤလီၤမၢ်ကွံာ်, အိၣ်ဘ့ၣ်ဆ့ဒၢဒီးလီၤသးဘၣ်အၢလံ. ကအုကစွါဝဲဒီးပာ်သဒၢအမဲာ်လၢတၢ်မဲာ်ဆှးအပူၤလီၤ. ဝ့ၢ်ယရူၤၡလ့ၣ်မၤဘၣ်အၢဘၣ်သီတ့ၢ်အသးဒီး တၢ်ဒဲးဘးအအၢအသီန့ၣ်လီၤ.

လံာ်သးသယုၢ်တၢ် 2:21

ပှၤသးစၢ်ဒီးပှၤသးပှၢ်လီၤဃံၤသံဒ်သိးသိးလၢကျဲတဖၣ် အပူၤလီၤ. ပှၤသးစၢ်ပိာ်ခွါဒီးပိာ်မုၣ်တဖၣ်ဘၣ်တၢ်မၤသံအီၤလၢ ဒုၣ်ဒါအနးတဖၣ်လီၤ. လၢနတၢ်သးထီၣ်အမုၢ်တနံၤန့ၣ်နမၤသံအဝဲသ့ၣ်တအိၣ်ဒီးတၢ်သး ကညီၤဘၣ်.

လံာ်ယဃ့းစက့လး 16:38

ယကစံၣ်ညီၣ်ဃၣ်နၤလၢတၢ်မၤကမၣ်မုၣ်ကမၣ်ခွါဒီးတၢ်မၤသံတၢ် အဃိ, ဒီးလၢယတၢ်သးဒိၣ်ဒီးသးကဲၤထီၣ်အပူၤန့ၣ်, ယကစံၣ်ညီၣ်နၤလၢတၢ်သံန့ၣ်လီၤ.

လံာ်ယဃ့းစက့လး 24:7

တၢ်မၤသံအိၣ်ဝဲလၢဝ့ၢ်ပူၤ, ဘၣ်ဆၣ်တၢ်သွံၣ်တလီၤဂၢ်ဘၣ်လၢဟီၣ် ခိၣ်လိၤ, တၢ်လီၢ်ဖဲဖၣ်ကမူၣ်မၤဘၢအီၤသ့ဝဲန့ၣ်ဘၣ်. တၢ်သွံၣ်န့ၣ်လီၤဂၢ်လၢလၢၢ်လ့ၤကဒိတဖျၢၣ်အလိၤန့ၣ်လီၤ.

လံာ်ယဃ့းစက့လး 24:8

ယပာ်တ့ၢ်တၢ်သွံၣ်ဖဲန့ၣ်, လၢတၢ်လီၢ်ဖဲတၢ်ပာ်ခူသူၣ်အီၤတန့ၢ် ဘၣ်, တၢ်လီၢ်ဖဲအဃ့ဆူၣ်တၢ်သးထီၣ်အတၢ်မၤကၣ်န့ၣ်လီၤ.”

လံာ်ဧၤမိၣ် 4:10

ယမၢလီၤတၢ်သံသတြိာ်လၢသုကျါဒ်ယမၤတ့ၢ်လၢကီၢ်အဲၤကူပတူး အသိးန့ၣ်လီၤ. ယမၤသံကွံာ်သုပှၤသးစၢ်တဖၣ်လၢတၢ်ဒုးတၢ်ယၤ အပူၤဒီးစိာ်ကွံာ်သုကသ့ၣ်တဖၣ်န့ၣ်လီၤ. ယမၤပှဲၤသုနါဒ့တဖၣ်ဒီးတၢ်သံစိၣ်အတၢ်နၢအုၣ်လၢသုသူၣ်ဒဲ လီၢ်တဖၣ်အပူၤလီၤ. ဘၣ်ဆၣ်ဒီးသုတဟဲက့ၤကဒါက့ၤဆူယအိၣ်ဘၣ်.

လံာ်မံကၤ 7:13

မ့မ့ၢ်ဟီၣ်ခိၣ်အလီၢ်အိၣ်လီၤတဲာ်တဖၣ်န့ၣ်ကကဲထီၣ်ပှၢ်မုၢ်ကနၢ လၢပှၤအိၣ်ဝဲဆိးဝဲလၢအပူၤတဖၣ်အတၢ်အၢတၢ်သီအဃိလီၤ.

လံာ်မးသဲ 15:14

ပျဲအဝဲသ့ၣ်အိၣ်ဒၣ်အတၢ်တက့ၢ်. အဝဲသ့ၣ်မ့ၢ်ပှၤဆှၢတၢ်လၢအမဲာ်ဘျီၣ်တဖၣ်လီၤ. ဒီးဖဲပှၤမဲာ်ဘျီၣ်ဆှၢပှၤမဲာ်ဘျီၣ်န့ၣ်, အဝဲသ့ၣ်ကလီၤတဲာ်နုာ်ဆူတၢ်ပူၤခံဂၤလၢာ်န့ၣ်လီၤ.”

ရိမ့ၤ 11:25

ယဒီပုၢ်ဝဲၢ်သးဘိသ့ၣ်ဧၢ, တၢ်မ့ၢ်တၢ်တီခူသူၣ်အိၣ်တမံၤလၢယသးအိၣ်ဒုးသ့ၣ်ညါသုဒ် သိးသုသုတဆိကမိၣ်လီၤသုသး လၢသုကူၣ်ဘၣ်ကူၣ်သ့ တဂ့ၤအဂီၢ်လီၤ. တၢ်န့ၣ်မ့ၢ်တၢ်အံၤလီၤ. ပှၤအံၣ်စရ့လးဖိတဖၣ်အတၢ်သူၣ်ကိၤသးကိၤတမ့ၢ်တၢ်လီၤထူလီၤ ယိာ်ဘၣ်. ကယံာ်ဒၣ်တုၤဖဲပှၤကလုာ်ဂၤတဖၣ်ဟဲက့ၤဆူကစၢ် ယွၤအအိၣ်အနီၣ်ဂံၢ်ပှဲၤထီၣ်ဝဲအဆၢကတီၢ်န့ၣ်လီၤ.

ရိမ့ၤ 11:7

မ့မ့ၢ်ဒ်န့ၣ်ဒီးပကစံးဒ်လဲၣ်. ပှၤအံၣ်စရ့လးဖိတဖၣ်တထံၣ်န့ၢ်တၢ်လၢအဝဲသ့ၣ်ဃုဝဲဘၣ်. ပှၤလၢအထံၣ်န့ၢ်တၢ်တခီမ့ၢ်ပှၤစှၤဂၤလၢကစၢ်ယွၤဃုထၢ ဝဲမ့မ့ၢ်ပှၤအဂၤတဖၣ်အနၢ်တအၢထီၣ်ဒီးတနၢ်ဟူကစၢ်ယွၤ အတၢ်ကိးဘၣ်.

၂ ကရံၣ်သူး 4:4

အဝဲသ့ၣ်တစူၢ်တနာ်တၢ်ဘၣ်. အဂ့ၢ်မ့ၢ်လၢဟီၣ်ခိၣ်တဘ့ၣ်အံၤအကစၢ်လၢအအၢအသီ တဂၤပာ်အဝဲသ့ၣ်အသူၣ်အသးလၢတၢ်ခံးတၢ်နၤအပူၤ အဃိန့ၣ်လီၤ. အဝဲဒၣ်တြီဃာ်အဝဲသ့ၣ်ဒ်သိးအသုတထံၣ် ဘၣ်တၢ်ကပီၤလၢအကပီၤလီၤလၢအဝဲသ့ၣ်အလိၤ, တၢ်ကပီၤလၢအဟဲလၢတၢ်သးခုကစီၣ်ဘၣ်ဃးခရံာ် လၢအလီၤဂာ်ဒီးယွၤလၢလၢပှဲၤပှဲၤတဂၤအလၤကပီၤတဂ့ၤ န့ၣ်လီၤ.

၂ ပ့းတရူး 1:9

ဘၣ်ဆၣ်ဒီး, ပှၤလၢအတအိၣ်ဘၣ်ဒီးတၢ်သ့ၣ်တဖၣ်အံၤန့ၣ်, အတၢ်ထံၣ်ကဖုၣ်ဝဲတုၤဒၣ်လဲာ်တထံၣ်တၢ်လၢၤဘၣ်, ဒီးသးပ့ၤနီၣ်လံဝဲလၢအဝဲဘၣ်တၢ်မၤကဆှီတ့ၢ်လံအီၤလၢ အတၢ်ဒဲးဘးအပူၤကွံာ်တဖၣ်န့ၣ်လီၤ.

၁ ယိၤဟၣ် 2:11

ဘၣ်ဆၣ်ဒီး, ပှၤတဂၤဂ့ၤတဂၤဂ့ၤလၢအသးဟ့အဒီပုၢ်ဝဲၢ်န့ၣ်, အိၣ်လၢတၢ်ခံးတၢ်နၤအပူၤလီၤ. လဲၤတၢ်လၢတၢ်ခံးတၢ်နၤ အပူၤဒီးလဲၤဝဲဆူလဲၣ်ဆူလဲၣ်န့ၣ်တသ့ၣ်ညါဝဲဘၣ်. မ့ၢ်လၢတၢ်ခံးတၢ်နၤမၤမဲာ်ဘျီၣ်အီၤအဃိလီၤ.

လံာ်လီၣ်ဖျါ 3:17

နစံးနဲ, ‘ယထူးယတီၤဒီးယတၢ်စုလီၢ်ခီၣ်ခိၣ်တဖၣ် အါထီၣ်ဂီၢ်ထီၣ်ဝဲဒၣ်ဒိၣ်ဒိၣ်အါအါလီၤ. ယအိၣ်ဒီးတၢ်လၢယလိၣ်ဘၣ်အီၤခဲလၢာ်လံ.’ ဘၣ်ဆၣ်ဒီး, နဘၣ်ဖှီၣ်ဘၣ်ယာ်, ဒီးနလီၤသးကညီၤနဲဆံးအါန့ၣ်နတသ့ၣ်ညါ နဲဘၣ်. နဖှီၣ်နယာ်, နအိၣ်ဘ့ၣ်ဆ့ဒီးနမဲာ်ဘျီၣ်လီၤ.