လံာ်စဖါနယၤ 1:10 - Sgaw Karen Common Bible

¹⁰ ဒီးယွၤစံးဝဲဒၣ်, “လၢမုၢ်နံၤအဝဲန့ၣ်တၢ်ကမၤအသးလၢတၢ်ကိးပသူထီၣ်ကသီၣ်ထီၣ် ဝဲလၢဝ့ၢ်ယရူၤၡလ့ၣ်အတြဲၤညၣ်န့ၣ်လီၤ. ဒီးသုကနၢ်ဟူတၢ်ဟီၣ်တၢ်ယၢၤလၢတၢ်လီၢ်အသီတတီၤလၢဝ့ၢ်အပူၤ ဒီးတၢ်လီၤပှီၢ်အသီၣ်ဖးဒိၣ်တမံၤလၢတၢ်လူၢ်ခိၣ်တဖၣ်အဒီခိၣ်န့ၣ်လီၤ.

လံာ်စဖါနယၤ 1:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:7

(ဘၣ်ဆၣ်ဒီးစီၤဒၤဝံးမၤန့ၢ်ကွံာ်အဝဲသ့ၣ်အဝ့ၢ်စံယိၣ်အတိာ် ဒီးတၢ်န့ၣ်ဘၣ်တၢ်သ့ၣ်ညါအီၤဒ်စီၤဒၤဝံးအဝ့ၢ်န့ၣ်လီၤ.)

လံာ်စီၤၡမူၤအ့လးခံဘ့ၣ်တဘ့ၣ် 5:9

ဖဲအမၤန့ၢ်တိာ်န့ၣ်ဝံၤဒီး, စီၤဒၤဝံးအိၣ်ဆိးဝဲလၢအပူၤ ဒီးယုၢ်န့ၢ်အမံၤလၢ, “စီၤဒၤဝံးအဝ့ၢ်” န့ၣ်လီၤ. အဝဲသူၣ်ထီၣ်ဝ့ၢ်ဝးတရံးတၢ်လီၢ်န့ၣ်, စးထီၣ်လၢတၢ်လီၢ်လၢဟီၣ်ခိၣ်ဘၣ်တၢ်မၤပှဲၤအီၤ, လၢအအိၣ်ဝဲဖဲတၢ်လူၢ်အမုၢ်ထီၣ်တခီန့ၣ်လီၤ.

လံာ်စီၤပၤခံဘ့ၣ်တဘ့ၣ် 22:14

စီၤဃံးလကံယၤ, စီၤအဃံကၣ်, စီၤဧးကဘိၢ်, စီၤၡၤဖၣ်ဒီးစီၤဧစါယၤတဖၣ်လဲၤဒ်သိးကသံကွၢ်တၢ်လၢပိာ်မုၣ် တဂၤလၢအမံၤမ့ၢ်ဝဲနီၢ်ဃူးလဒါဝံမုၣ်တဂၤလၢအအိၣ်ဆိးဝဲလၢ ဝ့ၢ်ယရူၤၡလ့ၣ်အတၢ်လီၢ်အသီ, အအိၣ်န့ၣ်လီၤ. (အဝဲအဝၤစီၤၡၤလူၣ်လၢအမ့ၢ်စီၤတံးကဝၤအဖိခွါ, ဒီးစီၤဃၢ်ဃၣ်အလံၤခွါန့ၣ်, မ့ၢ်ပှၤပၢၤယွၤအတၢ်လုၢ်ဟံၣ်အဆ့ ကၤဖးထီတဖၣ်န့ၣ်လီၤ.) အဝဲသ့ၣ်တဲဘၣ်နီၢ်ဃူးလဒါလၢတၢ်လၢအမၤတ့ၢ်အသး,

လံာ်ကွဲးနီၣ်တၢ်ခံဘ့ၣ်တဘ့ၣ် 3:1

စီၤၡလိၤမိၤအပၢ်စီၤဒၤဝံးကတဲာ်ကတီၤပာ်တ့ၢ်လံတၢ်လီၢ်တတီၤ လၢယွၤအတၢ်လုၢ်ဟံၣ်အဂီၢ်န့ၣ်လီၤ. တၢ်လီၢ်န့ၣ်အိၣ်ဝဲလၢဝ့ၢ်ယရူၤၡလ့ၣ်အပူၤ, လၢကစၢၢ်မိၤရံယၤအဒီခိၣ်တၢ်လီၢ်ဖဲပှၤယဘူၣ်ဖိစီၤအၤရနၤသူ တ့ၢ်ဝဲဒ်ကြဲၢ်တၢ်အလီၢ်တပူၤန့ၣ်လီၤ. စီၤပၤၡလိၤမိၤစးထီၣ်တၢ်သူၣ်ထီၣ်ဘှီထီၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 32:22

လၢကျဲဒ်သိးအံၤန့ၣ်, ယွၤမၤထူၣ်ဖျဲးစီၤပၤဃံးစကံယၤဒီး ဝ့ၢ်ယရူၤရှလ့ၣ်အပှၤဂီၢ်မုၢ်လၢကီၢ်အၤၡူၢ်အစီၤပၤဖးဒိၣ်စီၤ စၤနဃ့ရံးအစိကမီၤအဖီလာ်, ဒီးလၢအဝဲသ့ၣ်အဒုၣ်အဒါအဂၤတဖၣ်အစုပူၤစ့ၢ်ကီးန့ၣ်လီၤ. အဝဲပျဲပှၤဂီၢ်မုၢ်အိၣ်ဆိးဃုာ်ဒီးကယဲၢ်ထံကီၢ်အိၣ်ခိၣ်အိၣ် ဃၢၤတဖၣ်လၢတၢ်ဃူတၢ်ဖိးအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:14

တၢ်မၤအသးအံၤဝံၤအလီၢ်ခံန့ၣ်, စီၤမနၤၡ့ၤမၤထီၣ်စီၤဒၤဝံး အဝ့ၢ်ခိၣ်ဒူလၢအချၢတတီၤလၢမုၢ်ထီၣ်တကပၤ, စးထီၣ်လၢကံဃိၣ်အထံထီၣ်ပၢၢ်တုၤလၢညၣ်အတြဲၤအကလံၤစိး, ဝ့ၢ်အလီၢ်ကဝီၤလၢတၢ်ကိးအီၤလၢဧိၤဖ့လးန့ၣ်လီၤ. အဝဲပာ်စ့ၢ်ကီးသုးမုၢ်တဖုအခိၣ်တဂၤလၢတၢ်ပၢဆှၢသုးဖိ တဖုအဂီၢ်, လၢကီၢ်ယူဒၤအဝ့ၢ်လၢအအိၣ်ဒီးတိာ်ဧိၤတာ်ဧိၤတဝ့ၢ် စုာ်စုာ်အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:22

တုၤစီၤပၤဟ့ၣ်လီၤအကလုၢ်န့ၣ်, စီၤဃံးလကံယၤဒီးပှၤအဂၤတဖၣ် လဲၤဝဲဒ်သိးကသံကွၢ်သံဒိးတၢ်လၢပှၤပိာ်မုၣ်တဂၤလၢအမံၤမ့ၢ် ဝဲနီၢ်ဃူလဒါအအိၣ်န့ၣ်လီၤ. အဝဲမ့ၢ်ဝံမုၣ်တဂၤလၢအအိၣ်ဆိးဝဲလၢဝ့ၢ်ယရူၤၡလ့ၣ်အတၢ်လီၢ် အသီတတီၤန့ၣ်လီၤ (အဝဲအဝၤစီၤၡၣ်လူၣ်လၢအမ့ၢ်စီၤတံးကဝၤအဖိခွါဒီး စီၤယၤစရၤအလံၤခွါန့ၣ်မ့ၢ်ပှၤပၢၤယွၤအတၢ်လုၢ်ဟံၣ် အဆ့ကၤဖးထီတဖၣ်န့ၣ်လီၤ.) အဝဲသ့ၣ်ပာ်ဖျါန့ၢ်အီၤတၢ်လၢအမၤတ့ၢ်အသး,

လံာ်စီၤနဃ့မယၤ 12:39

ဒီးဖဲန့ၣ်ပလဲၤခီဂာ်တြဲၤအ့ဖရဲၣ်, တြဲၤယၡၤနၤ, တြဲၤညၣ်တၢးထီဃနၤန့လးဒီးတၢးထီတကယၤဆူတြဲၤသိန့ၣ်လီၤ. ပတၢ်လဲၤန့ၣ်ကတၢၢ်ဝဲဖဲတြဲၤလၢအလဲၤဆူယွၤအတၢ်လုၢ်ဟံၣ် အကပၤန့ၣ်လီၤ.

လံာ်စီၤနဃ့မယၤ 3:3

ဒီးစီၤဟးစနုၤအၤအဒူၣ်ထၢတဖၣ်ဘှီထီၣ်ဝဲပဲတရီညၣ်န့ၣ်လီၤ. အဝဲသ့ၣ်ပာ်လီၤကျိၤဒီးမၤထီၣ်တြဲၤလၢအလီၢ်ဒၣ်ဝဲ, ဒီးမၤဝဲနီၣ်ဝံာ်စဲတဖၣ်ဒီးနီၣ်ဘိတဖၣ်လၢကကးတံၢ်တြဲၤအဂီၢ် န့ၣ်လီၤ.

လံာ်ယၡါယၤ 59:11

ပဘၣ်တၢ်မၤပျံၤမၤဖုးပှၤဒီးမၤကိၢ်မၤဂီၤပှၤလီၤ. ပဆၢထံၣ်ကစၢ်ယွၤလၢကအုၣ်က့ၤခီၣ်က့ၤပှၤလၢတၢ်မၤအၢ မၤနးဒီးတၢ်မၤကမၣ်ပှၤတဖၣ်အပူၤ, ဘၣ်ဆၣ်ဒီးတၢ်တမၤအသးနီတမံၤဘၣ်.

လံာ်ယံးရမံယၤ 39:2

ဒီးလၢစီၤစံးဒကံယၤကဲစီၤပၤတဆံနံၣ်တနံၣ်, လါလွံၢ်လါတလါ, ခွံသီတသီအနံၤန့ၣ်, ဝ့ၢ်အခိၣ်ဒူတဖၣ်ဘၣ်တၢ်ဘၢၣ်ဖျိမၤလီၤပှီၢ် ကွံာ်အီၤလီၤ.

လံာ်ယံးရမံယၤ 4:31

ယနၢ်ဟူတ့ၢ်တၢ်ကိးအသီၣ်တမံၤလီၤ ဂာ်ဒ်ပိာ်မုၣ်လၢအဟုးဆါတဂၤအသိး, တၢ်ကဲးကဒံကပျီၢ်တမံၤလီၤဂာ်ဒ်ပိာ် မုၣ်တဂၤလၢအဆံးစၢ်ထီၣ်အဖိအဆိ ကတၢၢ်အသိးလီၤ. မ့ၢ်ဝ့ၢ်ယရူၤၡလ့ၣ်အတၢ်ကိးပသူထီၣ်, ခီဖျိအဂုာ်သါထီၣ်ဝဲဒီးယူာ်ထီၣ်အစုဒီးစံးဝဲ, “ယဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်ဟဲဝဲလၢကမၤသံယၤအဂီၢ်လံ.”

လံာ်ယဃ့းစက့လး 6:13

တၢ်အစိၣ်တဖၣ်ကဘၣ်တၢ်မၤလီၤပြံ ပြါအီၤလၢတၢ်ဂီၤတၢ်ဖီၣ်တဖၣ် အကျါဒီးဝးတရံးတၢ်လုၢ်လီၢ်တဖၣ်, ကလီၤပြံလီၤပြါလၢတၢ်လူၢ်ထီၣ်ထီကိးလူၢ်ဒဲးအဒီခိၣ်, လၢကစၢၢ်ကိးဖျၢၣ်ဒဲးအဒီခိၣ်, လၢသ့ၣ်လၢအသံကစဲာ်ကိးထူၣ်ဒဲး အဖီလာ်ဒီးလၢသ့ထိးဖၣ်ဖးဒိၣ်ကိးထူၣ်ဒဲးအဖီလာ်, ဒီးလၢတၢ်လီၢ်ကိးပူၤဒဲးဖဲအဝဲသ့ၣ်ဆိၣ်ကဲၤတၢ်လုၢ်တၢ်ပာ် တဖၣ်ဆူအဝဲသ့ၣ်အတၢ်ဂီၤတၢ်ဖီၣ်တဖၣ်အအိၣ်န့ၣ်လီၤ. တုၤနုၤတစုပှၤကိးဂၤဒဲးကသ့ၣ်ညါဝဲလၢယမ့ၢ်ယွၤန့ၣ်လီၤ.

လံာ်ဧၤမိၣ် 8:3

လၢမုၢ်တနံၤန့ၣ်တၢ်သးဝံၣ်တဖၣ်လၢနူၢ်ဧိၤစီၤဧိၤ အပူၤကကဲထီၣ်တၢ်သူၣ်အုးသးအုးအတၢ်ဟီၣ်တၢ်ယၢၤတဖၣ်န့ၣ်လီၤ. တၢ်သံစိၣ်တဖၣ်ကအိၣ်လၢတၢ်လီၢ်ကိးပူၤဒဲး, ဒီးကဘၣ်တၢ်စူးကွံာ်အီၤကစုဒုန့ၣ်လီၤ.

လံာ်စဖါနယၤ 1:15

မုၢ်တနံၤန့ၣ်ကမ့ၢ်တၢ်သူၣ်ဒိၣ်သးဖျိးအမုၢ်တနံၤ, တၢ်သူၣ်ကိၢ်သးဂီၤဒီးတၢ်ကီတၢ်ခဲအမုၢ်တနံၤ, တၢ်ဟးဂူာ်ဟးဂီၤဒီးတၢ်လီၤပှီၢ်အမုၢ်တနံၤ, တၢ်ခံးတၢ်နၤဒီးတၢ်သးဟးဂီၤအမုၢ်တနံၤ, တၢ်အၢၣ်ဒီးတၢ်ခံးသူအမုၢ်တနံၤ,

လံာ်စဖါနယၤ 1:7

မုၢ်နံၤလၢယွၤကဆ့ၣ်နီၤလၢတၢ်စံၣ်ညီၣ်အလီၢ်န့ၣ်ဘူးထီၣ်လံ. မၤသးဒ်န့ၣ်ဒီးအိၣ်ဘှီၣ်ကလာ်လၢအမဲာ်ညါန့ၣ်တက့ၢ်. ယွၤကတဲာ်ကတီၤလံတၢ်လုၢ်ထီၣ်ပာ်ထီၣ်အပှၤဂီၢ်မုၢ်ဒီးကွဲ ဃီၤဒုၣ်ဒါတဖၣ်လၢကဂုာ်ဆူၣ်ပျီဆူၣ်ဒီးမၤဟးဂီၤကီၢ်ယူဒၤန့ၣ်လီၤ.