လံာ်စကၤရယၤ 9:2 - Sgaw Karen Common Bible

² ဝ့ၢ်ဃမါသးလၢအအိၣ်သူၣ်လီၤအသးလၢကီၢ်ဃၤဒြးအကီၢ်အဆၢ, ဘၣ်ဃးစ့ၢ်ကီးဒီးအီၤ, ဒီးဝ့ၢ်ထါယၢၣ်ဒီးဝ့ၢ်စံဒိၣ်ဃုာ်ဒီး အတၢ်သ့တၢ်ဘၣ်ခဲလၢာ်န့ၣ်ဘၣ်ဃးစ့ၢ်ကီးဒီးယွၤလီၤ.

လံာ်စကၤရယၤ 9:2 Iomraidhean Croise

လံာ်စီၤပၤအခီၣ်ထံးတဘ့ၣ် 17:9

“ခဲကနံၣ်အံၤ, လဲၤဆူဝ့ၢ်စၤရဖၤသးဘူးဒီးဝ့ၢ်စံဒိၣ်ဒီး အိၣ်ဖဲန့ၣ်တက့ၢ်. ယမၤလိာ်တ့ၢ်လံမုၣ်ကမဲတဂၤလၢအအိၣ်ဖဲန့ၣ်ဒ်သိးကလုၢ်အီၣ်နၤ လီၤ.”

လံာ်စီၤပၤခံဘ့ၣ်တဘ့ၣ် 23:33

အဝဲအတၢ်ပၢကတၢၢ်ကွံာ်ဝဲဒၣ်, ဖဲကီၢ်အဲၤကူပတူးအစီၤပၤနကိၤ က့ၤကိးအီၤဆူဝ့ၢ်ရံးဘလၤလၢကီၢ်ဃမါသး, ဒ်ပှၤဘၣ်တၢ်စၢဃာ် တဂၤအသိးအခါ, ဒီးမၢကီၢ်ယူဒၤဟ့ၣ်စ့လီၤတယၢၢ်အကံကၢ် တကယၤဒီးထူလီၤတယၢၢ်တကံကၢ်ဒ်တၢ်ခိတၢ်သွဲအသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:21

အိၣ်ဝဲလၢကီၢ်ဃမါသးအလီၢ်ကဝီၤပူၤန့ၣ်လီၤ. ဖဲန့ၣ်စီၤပၤမၢပှၤဒိပှၤတီၢ်အဝဲသ့ၣ်ဒီးမၤသံကွံာ်အီၤန့ၣ် လီၤ. လၢတၢ်န့ၣ်အဃိကီၢ်ယူဒၤပှၤဂီၢ်မုၢ်ဘၣ်တၢ်စိာ်ထီၣ်ကွံာ်အီၤလၢ အထံအကီၢ်ဆူတၢ်စိာ်မၢကဲကုၢ်အပူၤန့ၣ်လီၤ.

လံာ်ယံးရမံယၤ 25:22

စီၤပၤခဲလၢာ်လၢ ဝ့ၢ်ထါယၢၣ်ဒီး စံဒိၣ်,

လံာ်ယံးရမံယၤ 47:4

တၢ်ဆၢကတီၢ်တုၤလံဝဲလၢ တၢ်ကမၤဟးဂီၤကီၢ်ဖလ့ၡသးအဂီၢ် ဒီးလၢတၢ်ဒီၣ်တဲာ်ကွံာ် တၢ်မၤစၢၤလၢ အအိၣ်လီၤတဲာ်ဒံး ခဲလၢာ်လၢ ဝ့ၢ်ထါယၢၣ်ဒီး စံဒိၣ်အဂီၢ်န့ၣ်လီၤ. ယၤ, ယွၤအံၤ, ယကမၤဟးဂီၤ ကယဲၢ်ပှၤဖလ့ၡသးဖိးတဖၣ်ခဲလၢာ်လၢအဟဲလၢ အထံကၢၢ်နံၤတဖၣ်န့ၣ်လီၤ.

လံာ်ယံးရမံယၤ 49:23

အအံၤမ့ၢ်တၢ်လၢ ယွၤစံးဝဲဘၣ်ဃးဒီးဝ့ၢ်ဒၤမ့ၤစ့းလီၤ. “ပှၤဂီၢ် မုၢ်လၢ ဝ့ၢ်ဃမါသးဒီးဝ့ၢ်အ့ၢ်ဖးတဖၣ်ဘၣ်ကိၢ်ဘၣ်ဂီၤဒီး အသးဘၣ်တံာ်တာ်ဝဲ မ့ၢ်လၢအဝဲသ့ၣ်နၢ်ဟူတ့ၢ်တၢ်ကစီၣ် အအၢအသီအဃိန့ၣ်လီၤ. တၢ်သူၣ်ကိၢ်သးဂီၤတလ့ၣ်အသး လၢအဝဲသ့ၣ်အဖီခိၣ်ဒ်ပီၣ်လဲၣ်လၢတအိၣ်ဘှံးဘၣ်အသိးန့ၣ်လီၤ.

လံာ်ယဃ့းစက့လး 27:1

ယွၤစံးဘၣ်ယၤ, “ပှၤကညီလၢအသံသ့ဧၢ, သးဝံၣ်တၢ်သံအတၢ်သးဝံၣ်တယုၢ် လၢဝ့ၢ်ထါယၢၣ်အဂီၢ်,

လံာ်ယဃ့းစက့လး 28:1

ယွၤကတိၤတ့ၢ်တၢ်ဒီးယၤလီၤ. အဝဲစံးဝဲဒၣ်, “ပှၤကညီလၢအသံသ့ဧၢ, တဲဘၣ်ဝ့ၢ်ထါယၢၣ်အပှၤပၢတၢ်လၢ, တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဘၣ်အီၤန့ၣ်တက့ၢ်. လၢတၢ်ပာ်ထီၣ်ထီသးအပူၤန့ၣ်, နစံးလီၤနသးလၢ နမ့ၢ်ယွၤတဂၤန့ၣ်လီၤ. နစံးလၢ, ဒ်ယွၤတဂၤအသိးန့ၣ် နဆ့ၣ်နီၤလၢ လီၢ်ပစိာ်တဖျၢၣ်အဖီခိၣ်, ဘၣ်တၢ်ကဝီၤဃာ်အီၤလၢ ပီၣ်လဲၣ်တဖၣ်န့ၣ်လီၤ. နကပာ်မၤနသး ဒ်ယွၤတဂၤအသိး, ဘၣ်ဆၣ်တမ့ၢ်ဘၣ်. နမ့ၢ်ဒၣ်ပှၤတဂၤလၢ အသံသ့, ဒီးတမ့ၢ်ဘၣ်တၢ်စီတၢ်ဆှံဘၣ်.

လံာ်ယဃ့းစက့လး 47:16

ဆူဘ့ၤရိသးအလီၢ်ကဝီၤအဝ့ၢ်တဖၣ်ဒီးစံးဘြံၣ် (ဝ့ၢ်တဖၣ်အံၤအိၣ်သူၣ်လီၤအသး လၢဒၤမ့ၤစ့းအဘီအမုၢ်အလီၢ်ကဝီၤဒီးဃမါသး အဘီအမုၢ်အလီၢ်ကဝီၤအဘၢၣ်စၢၤ) ဒီးဆူဝ့ၢ်ကံဘိၣ် (အိၣ်သူၣ်လီၤအသးလၢဃၤရၣ်အကီၢ်ဆၣ် အကီၢ်ဆၢန့ၣ်လီၤ.)

လံာ်ဧၤမိၣ် 1:3

ဒီးယွၤစံးဝဲဒၣ်, “ပှၤဒၤမ့ၤစ့းဖိတဖၣ်မၤတ့ၢ်လံတၢ်ဒဲးဘးတဘျီ ဝံၤတဘျီလံ. လၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်မၤဆါတ့ၢ်ပှၤကံးလဧးဖိအၢအၢသီသီန့ၣ်လီၤ.

လံာ်ဧၤမိၣ် 6:14

ယွၤ, သ့တၢ်လၢာ်ကစၢ်ယွၤအနီၢ်ကစၢ်ဒၣ်ဝဲစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်ဧၢ, ယကဆှၢလီၤထံဂၤကီၢ်ဂၤ အသုးမုၢ်တဖုလၢကမၤနၢၤသုထံသုကီၢ်လီၤ. ဒီးကမၤအၢမၤနးသု စးထီၣ်လၢတၢ်လဲၤနုာ်ဆူဝ့ၢ်ဃမါသးအကျဲစၢၤလၢကလံၤစိးတုၤ ဆူပီၣ်လဲၣ်သံလၢကလံၤထံးတကပၤန့ၣ်လီၤ.

လံာ်ဧိၤဘါဒယၤ 1:20

ပှၤအံၣ်စရ့လးဖိလၢကလံၤစိးလၢအဘၣ်တၢ်စိာ်မၢကဲကုၢ်အီၤတဖၣ် အသုးမုၢ်ကဟဲက့ၤဒီးကမၤန့ၢ်က့ၤကီၢ်ဖံၤနံက့ၤတုၤလၢဝ့ၢ်စၤရဖးသးလီၤ. ပှၤယရူၤၡလ့ၣ်ဖိလၢအဘၣ်တၢ်စိာ်မၢကဲကုၢ်အီၤဆူဝ့ၢ်စဖၤရးတဖၣ် ကမၤန့ၢ်က့ၤဝ့ၢ်တဖၣ်လၢကီၢ်ယူဒၤကလံၤထံးတခီလီၤ.

လံာ်တၢ်ဂံၢ် 13:21

မၤသးဒ်န့ၣ်ဒီး, ပှၤတဖၣ်န့ၣ်လဲၤထီၣ်ဆူကလံၤစိးဒီးဃုသ့ၣ်ညါ ကီၢ်န့ၣ်အဂ့ၢ်စးထီၣ်လၢကီၢ်အကလံၤထံးပှၢ်မုၢ်ကနၢစံၣ်ဒီးကျဲ ဒီဘိတုၤဆူရဃိာ်အိၣ်ဘူးဒီးကျဲဆူဃမါသးကလံၤစိးတခီန့ၣ် လီၤ.