လံာ်စကၤရယၤ 9:14 - Sgaw Karen Common Bible

¹⁴ ယွၤကအိၣ်ဖျါထီၣ်လၢအပှၤဂီၢ်မုၢ်အဖီခိၣ်, အဝဲကခးအပျၢ်တဖၣ်ဒ်အလီဝၢ်အဒံးအသိးန့ၣ်လီၤ. ယွၤပၢဘၣ်တၢ်ခဲလၢာ်ကစၢ်ကအူထီၣ်ကွဲၤ, ဒီးကလဲၤလၢကလံၤမုၢ်အပူၤလၢ ကလံၤထံးတခီန့ၣ်လီၤ.

လံာ်စကၤရယၤ 9:14 Iomraidhean Croise

လံာ်စီၤယိၤဘး 37:9

ကလံၤတဝံးဟဲဝဲလၢကလံၤထံးဒီးတၢ်ခုၣ်တကံဟဲဝဲလၢ ကလံၤစိးန့ၣ်လီၤ.

စံးထီၣ်ပတြၢၤ 18:14

အဝဲခးအပျၢ်တဖၣ်ဒီးမၤလီၤပြံလီၤပြါ အဒုၣ်အဒါတဖၣ်, ဒုးဃ့ၢ်ကွံာ်အဝဲသ့ၣ်လၢ အတၢ်မၤကပြ့ၢ်ထီၣ်လီဝၢ်ဒံးန့ၣ်လီၤ.

စံးထီၣ်ပတြၢၤ 18:15

ယွၤဧၢ, ဖဲနသိၣ်နသီနဒုၣ်နဒါတဖၣ်, ဒီးနသါသဖှိထီၣ်တၢ်ဆူၣ်ဆူၣ်ကလဲာ် လၢတၢ်သးထီၣ်န့ၣ်, ပီၣ်လဲၣ်အခံဒးဖျါထီၣ်ဝဲ ဒီးဟီၣ်ခိၣ်အခီၣ်ထံးတဖၣ် ဘၣ်တၢ်မၤဖျါထီၣ်အီၤန့ၣ်လီၤ.

လံာ်ယၡါယၤ 18:3

ကယဲၢ်ပှၤအိၣ်လၢဟီၣ်ခိၣ်ချၢခဲလၢာ်သ့ၣ်ဧၢ, ဒိကနၣ်တက့ၢ်. ကွၢ်တၢ်ပနီၣ်အနီၣ်တယၢ်လၢကဘၣ်တၢ်ယူာ်ထီၣ်အီၤ လၢကစၢၢ်တဖၣ်အဒီခိၣ်တက့ၢ်. ဒိကနၣ်ကွဲၤအသီၣ်ထီၣ်တက့ၢ်.

လံာ်ယၡါယၤ 21:1

အအံၤမ့ၢ်တၢ်ကစီၣ်ဘၣ်ဃးကီၢ်ဘၤဘူၤလိၣ်အဂ့ၢ်န့ၣ်လီၤ. ဒ်ကလံၤသဝံးအူတၢ်ဆူၣ်ဆူၣ်ခီဂာ်ပှၢ်မုၢ်ကနၢအသိး, တၢ်တတၢးတနါကဟဲထီၣ်လၢကီၢ်လၢအလီၤပျံၤလီၤဖုး တဘ့ၣ်အပူၤလီၤ.

လံာ်ယၡါယၤ 27:13

တုၤမုၢ်တနံၤန့ၣ်ဟဲဝဲဒီး, ကွဲၤတဖျၢၣ်ကဘၣ်တၢ်အူထီၣ် အီၤလၢတၢ်ကိးက့ၤပှၤအံၣ်စရ့လးဖိခဲလၢာ်လၢဘၣ်တၢ်စိာ် မၢကဲကုၢ်အီၤလၢကီၢ်အၤၡူၢ်ဒီးကီၢ်အဲၤကူပတူးန့ၣ်လီၤ. အဝဲသ့ၣ်ကဟဲဒီးဘူၣ်ထီၣ်ဘါထီၣ်ယွၤလၢဝ့ၢ်ယရူၤၡလ့ၣ်, လၢအကစၢၢ်စီဆှံအလိၤန့ၣ်လီၤ.

လံာ်ယၡါယၤ 30:30

ယွၤကပျဲပှၤကိးဂၤဒဲးနၢ်ဟူဘၣ်အကလုၢ်ကဟုကညီၢ်ဒီး ကလၢၢ်ဘၣ်အတၢ်သးကဲၤထီၣ်အသဟီၣ်လီၤ. မ့ၣ်အူလၣ်တဖၣ်, တၢ်အၢၣ်အတၢ်သီၣ်ထီၣ်တဖၣ်, သူၣ်အဖျၢၣ်တဖၣ်, ဒီး တၢ်စူၤလီၤဒိၣ်ဒိၣ်မုၢ်မုၢ်တဖၣ်ကအိၣ်ထီၣ်ဝဲန့ၣ်လီၤ.

လံာ်ယၡါယၤ 31:5

ဒ်ထိၣ်တဘ့ၣ်ယူၤဝ့ၤဝီၤလၢအသွံအဖီခိၣ်လၢတၢ်ဒီဒၣ်အိၣ်ပှိၤ အဖိတဖၣ်အဂီၢ်အသိး, ယၤ, ယွၤသ့တၢ်လၢာ်ကဒီဒၣ်အိၣ်ပှိၤ ဝ့ၢ်ယရူၤၡလ့ၣ်ဒီးခီၣ်ဆၢတၢ်လၢအဂီၢ်လီၤ.”

လံာ်ယၡါယၤ 66:15

ယွၤကဟဲဝဲဒီးမ့ၣ်အူလီၤ. အဝဲကဟဲဒီးကလံၤမုၢ်အဒံးဆ့ တဖၣ်ဒ်သိးအကစံၣ်ညီၣ်ပှၤတဖၣ်လၢအသးဒိၣ်ဘၣ်ဝဲလီၤ.

လံာ်ဃဘးကူာ် 3:11

ဖဲတၢ်ကပီၤထီၣ်သလ့ၢ်ကလာ်လၢနပျၢ်ယူၤချ့မး ဒီးနဘီဧိၤနးဧိၤလၢအကတြ့ၣ်တဖၣ်အတၢ်ခးကပီၤန့ၣ်, မုၢ်ဒီးလါဆၢထၢၣ်ဂၢၢ်တပၢၢ်လီၤ.

လံာ်ဃဘးကူာ် 3:14

နပျၢ်ဆဲးဖျိကွံာ်သုးခိၣ်ကျၢၢ်လၢအသုးမုၢ်အကျါ, ဖဲအဟဲဒ်ကလံၤမုၢ်လၢအကမၤလီၤပြံလီၤပြါပှၤ, ဒီးကွၢ်စူၣ်ဃီၤတၢ်ဒ်ပှၤလၢအကူၣ်ထီၣ်ခူသူၣ်တၢ်မၤနၢၤမၤပ့ၤ ပှၤဖှီၣ်ဖိယာ်ဖိအခါန့ၣ်လီၤ.

လံာ်စကၤရယၤ 12:8

ဖဲအဆၢကတီၢ်အဝဲန့ၣ်, ယွၤကဒီဒၣ်အိၣ်ပှိၤပှၤလၢအအိၣ်လၢဝ့ၢ်ယရူၤၡလ့ၣ်အပူၤ, ဒီးပှၤလၢအဂံၢ်စၢ်ဘါစၢ်ကတၢၢ်လၢအဝဲသ့ၣ်အကျါတဖၣ်ဒၣ်လဲာ် န့ၣ်ကကဲထီၣ်ပှၤလၢအဂံၢ်ဆူၣ်ဘါဆူၣ်ဒ်စီၤဒၤဝံးမ့ၢ်တ့ၢ်အသိး န့ၣ်လီၤ. ဒီးစီၤဒၤဝံးအစၢၤအသွဲၣ်တဖၣ်ကဆှၢအဝဲသ့ၣ်ဒ်ယွၤ အကလူးအသိး, ဒီးဒ်ကစၢ်ယွၤအနီၢ်ကစၢ်ဒၣ်ဝဲအသိးန့ၣ်လီၤ.

လံာ်စကၤရယၤ 14:3

ဒီးယွၤကဟးထီၣ်ဒီးဒုးတၢ်ထီဒါပှၤကလုာ်တဖၣ်န့ၣ်, ဒ်အဝဲဒုးတ့ၢ်ဝဲလၢခါပူၤကွံာ်တဖၣ်အသိးန့ၣ်လီၤ.

လံာ်စကၤရယၤ 2:5

ယွၤအၢၣ်လီၤတ့ၢ်ဝဲလၢအကစၢ်ဒၣ်ဝဲကမ့ၢ်ဝ့ၢ်ခိၣ်ဒူမ့ၣ်အူ တခါလၢအအိၣ်ဝးတရံးဝ့ၢ်န့ၣ်လၢကအိၣ်ပှိၤဒီဒၣ် အီၤဒီးအဝဲကအိၣ်ဆိးဖဲန့ၣ်လၢအတၢ်လၤကပီၤခဲလၢာ်အပူၤန့ၣ်လီၤ.”

လံာ်မးသဲ 24:31

အဝဲကမၢလီၤအကလူးတဖၣ်, လၢအကွဲၤအသီၣ်ဖးဒိၣ်, ဒီးအဝဲသ့ၣ်ကထၢဖှိၣ်က့ၤယွၤအပှၤဃုထၢဖိတဖၣ်လၢဟီၣ်ခိၣ် အသနၢၣ်လွံၢ်သနၢၣ်, လၢဟီၣ်ခိၣ်ဒီဘ့ၣ်ညါန့ၣ်လီၤ.

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

ရိမ့ၤ 15:19

ခီဖျိတၢ်ပနီၣ်လီၤလးတဖၣ်ဒီးတၢ်လီၤလးတဖၣ်, ဒီးခီဖျိယွၤအသးစီဆှံအစိအကမီၤန့ၣ်လီၤ. ဒီးလၢတၢ်န့ၣ်အဃိ, လၢယတၢ်လဲၤကျဲဒီဘိညါစးထီၣ်လၢဝ့ၢ်ယရူၤၡလ့ၣ်ဒီးတုၤလၢ ဝ့ၢ်အံးလူၤရံကူးန့ၣ်, ယစံၣ်တဲၤတဲလီၤတၢ်သးခုကစီၣ်ဘၣ်ဃးဒီးခရံာ်လၢလၢပှဲၤပှဲၤန့ၣ်လီၤ.

ဧ့ၤဘြံၤ 2:4

တဘျီဃီကစၢ်ယွၤစ့ၢ်ကီးအုၣ်အသးခီဖျိတၢ်ပနီၣ်လီၤလး တဖၣ်, တၢ်လီၤကမၢကမၣ်တဖၣ်ဒီးတၢ်လီၤလးအတၢ်မၤ အကလုာ်ကလုာ်ဒီးခီဖျိအဟ့ၣ်နီၤသးစီဆှံအတၢ်ဟ့ၣ်ဒ် အသးဒၣ်ဝဲအသိးန့ၣ်လီၤ.

လံာ်စီၤယိၤၡူ 10:42

ဒီးစီၤယိၤၡူမၤန့ၢ်စီၤပၤတဖၣ်အံၤခဲလၢာ်ဃုာ်ဒီးအထံအကီၢ်တဘျီဃီ, မ့ၢ်လၢယွၤအံၣ်စရ့လးအကစၢ်ယွၤဒုးတၢ်လၢ အံၣ်စရ့လးအဂီၢ်အဃိန့ၣ်လီၤ.

လံာ်လီၣ်ဖျါ 6:2

ယကွၢ်ဒီးကသ့ၣ်ဝါအိၣ်ဝဲတဒုလီၤ. ပှၤလၢအဒိးအီၤတဂၤစိာ်ဃာ်ချံၣ် တဆိဒီးအဝဲဘၣ်တၢ်ဟ့ၣ်အီၤလၢခိၣ်သလုးတဖျၢၣ်လီၤ. အဝဲဒၣ်ဒိးထီၣ်ကသ့ၣ်ဒ်ပှၤဒုးန့ၢ်ထံဧိၤကီၢ်ဧိၤတဂၤလၢ အသါကလဲၤဒုးန့ၢ်ထံဧိၤကီၢ်ဧိၤအသိးန့ၣ်လီၤ.