လံာ်စကၤရယၤ 9:10 - Sgaw Karen Common Bible

¹⁰ ဒီးယွၤစံးဝဲဒၣ်, ယကထုးကွံာ်လ့ၣ်ကဟၣ်ဒုးသုးတဖၣ်လၢ ကီၢ်အံၣ်စရ့လး, ဒီးဟံးန့ၢ်ကွံာ်ကသ့ၣ်တဖၣ်လၢဝ့ၢ်ယရူၤၡလ့ၣ်လီၤ. ချံၣ်တဖၣ်လၢအဘၣ်တၢ်သူအီၤ လၢတၢ်ဒုးတၢ်ယၤအပူၤန့ၣ်ကဘၣ်တၢ်မၤဟးဂီၤကွံာ်အီၤန့ၣ်လီၤ. နစီၤပၤကမၤတၢ်ဃူတၢ်ဖိးလၢပှၤကလုာ်တဖၣ်အကျါ, အဝဲကပၢတၢ်လၢပီၣ်လဲၣ်တုၤလၢပီၣ်လဲၣ်, စးထီၣ်လၢထံမိၢ်ပှၢ်ဖရၤသးဒီးတုၤလၢဟီၣ်ခိၣ်အကတၢၢ်လီၤ.”

လံာ်စကၤရယၤ 9:10 Iomraidhean Croise

လံာ်စီၤပၤအခီၣ်ထံးတဘ့ၣ် 4:21

စီၤၡလိၤမိၤအဘီအမုၢ်တုၤဝဲဆူကယဲၢ်ပှၤကလုာ်, လၢအအိၣ်လၢထံကျိဖရၤသးအကီၢ်ဒီးတုၤဆူကီၢ်အဲၤကူပတူး အကီၢ်ဆၢန့ၣ်လီၤ. ဒီးအဝဲသ့ၣ်ဟ့ၣ်အီၤတၢ်ခိတၢ်သွဲတဖၣ်ဒီးအိၣ်လၢအဝဲအတၢ်ပၢ အဖီလာ်တစိၤဒၣ်အီၤန့ၣ်လီၤ.

စံးထီၣ်ပတြၢၤ 72:17

မ်စီၤပၤအမံၤကအိၣ်လီၤထူလီၤယိာ်, အတၢ်မံၤဟူသၣ်ဖျါကအိၣ်ဝဲတထံၣ်ဃီ ဒ်မုၢ်အိၣ်ဝဲအသိး, မ်ပှၤကိးကလုာ်ဒဲးဘၣ်ဆိၣ်ဂ့ၤခီဖျိအီၤဒီးအဝဲသ့ၣ် ကကိးအီၤလၢ ပှၤဘၣ်ဆိၣ်ဂ့ၤန့ၣ်လီၤ.

စံးထီၣ်ပတြၢၤ 72:3

မ်ကစၢၢ်ကလိကဟဲစိာ်တၢ်ဘီၣ်တၢ်ညီ လၢပှၤဂီၢ်မုၢ်အဂီၢ်, ဒီးတၢ်လူၢ်တဖၣ်ဟဲစိာ် တၢ်တီတၢ်လိၤအတၤသၣ်န့ၣ်တက့ၢ်.

စံးထီၣ်ပတြၢၤ 85:8

ကစၢ်ယွၤကစံးဒ်လဲၣ်ဒ်လဲၣ်န့ၣ်, ယကဒိကနၣ်လီၤ. အဂ့ၢ်ဒ်အံၤ, ကတိၤတၢ်မုာ်ဒီး အပှၤဂီၢ်မုၢ်ဒီး အပှၤစီဆှံလီၤ. ဘၣ်ဆၣ်ဒီး မ်အဝဲသ့ၣ် သုတက့ၤကဒါက့ၤဆူ ကျဲအအၢတဖၣ်တဂ့ၤ. တၢ်ကလီကလီအပူၤန့ၣ်တဂ့ၤ.

စံးထီၣ်ပတြၢၤ 89:26

အဝဲဒၣ်ကကိးထီၣ်ဆူယအိၣ် “နဲဒၣ်အံၤနမ့ၢ်ယပၢ်, ယကစၢ်ယွၤ, ဒီးတၢ်အုၣ်က့ၤခီၣ်က့ၤယၤအလၢၢ်လီၤ.”

လံာ်ယၡါယၤ 11:10

မုၢ်တနံၤကဟဲဝဲဖဲစီၤပၤအသီလၢအဟဲလီၤစၢၤလီၤသွဲၣ်လၢစီၤပၤဒၤဝံးကအိၣ်ထီၣ်ဝဲဒီးကမ့ၢ်တၢ်ပနီၣ်လၢပှၤကလုာ်တဖၣ်အဂီၢ် န့ၣ်လီၤ. အဝဲသ့ၣ်ကပာ်ဖှိၣ်အသးလၢအစီၤပၤအဝ့ၢ်ဒီးကဟ့ၣ် အီၤတၢ်လၤကပီၤန့ၣ်လီၤ.

လံာ်ယၡါယၤ 2:4

အဝဲကမၤလိၤမၤဘၣ်တၢ်ဂ့ၢ်လိာ် ဘှီလိာ်လၢပှၤကလုာ်ဖးဒိၣ်တဖၣ်အကျါလီၤ. အဝဲသ့ၣ်ကပိာ်က့ၤအနးတဖၣ်ဆူထဲၣ်အကနၣ် ဒီးအဘီတဖၣ်ဆူဒီပဲာ်ဃိတၢ်တဖၣ်လီၤ. ပှၤကလုာ်တဖၣ်တလဲၤဒုးတၢ်ယၤတၢ်လၢၤဘၣ်, တကတဲာ်ကတီၤကဒီးအသးလၢတၢ်ဒုးသုးအဂီၢ်နီတစုလၢၤဘၣ်.

လံာ်ယၡါယၤ 49:6

ယွၤစံးဘၣ်ယၤ, “ယခ့ယပှၤဧၢ, ယအိၣ်ဒီးတၢ်မၤဒိၣ်န့ၢ်အလီၢ်တမံၤလၢနဂီၢ်လီၤ. ယပှၤဂီၢ်မုၢ်အံၣ်စရ့လးလၢအအိၣ်လီၤတဲာ်တ့ၢ်တဖၣ်အံၤ, တမ့ၢ်ထဲနကပာ်ထီၣ်က့ၤအီၤဆူတၢ်ဒိၣ်တၢ်မုၢ်အလီၢ်ဧိၤဘၣ်, မ့မ့ၢ်ယကဒုးကဲထီၣ်စ့ၢ်ကီးနၤတၢ်ကပီၤတဖျၢၣ်လၢပှၤကလုာ်တဖၣ် အဂီၢ်, ဒ်သိးဟီၣ်ခိၣ်ဒီဘ့ၣ်ကတုၤလၢတၢ်အုၣ်က့ၤခီၣ်က့ၤ န့ၣ်လီၤ.”

လံာ်ယၡါယၤ 60:12

ဘၣ်ဆၣ်ဒီးပှၤကလုာ်တဖၣ်လၢအတမၤနခ့နပှၤအတၢ်မၤန့ၣ် ကဘၣ်တၢ်မၤဟးဂီၤကွံာ်အီၤ လၢာ်လၢာ်ဆ့ဆ့န့ၣ်လီၤ.

လံာ်ဟိၤၡ့ 1:7

ဘၣ်ဆၣ်ယကဒုးနဲၣ်တၢ်အဲၣ်ဆူကီၢ်ယူဒၤအပှၤဂီၢ်မုၢ်န့ၣ်လီၤ. ယၤ, ယွၤအဝဲသ့ၣ်အကစၢ်ယွၤ, ကအုၣ်က့ၤခီၣ်က့ၤအဝဲသ့ၣ်လီၤ. ဘၣ်ဆၣ်ယတမၤတၢ်အံၤလၢတၢ်ဒုးတၢ်ယၤဒီးလၢဘီမ့ၢ်ဂ့ၤ, လၢချံၣ်ဒီးပျၢ်တဖၣ်မ့တမ့ၢ်, လၢကသ့ၣ်တဖၣ်မ့ၢ်ဂ့ၤ, ပှၤဒိးကသ့ၣ်တဖၣ်မ့ၢ်ဂ့ၤန့ၣ်ဘၣ်.

လံာ်ဟိၤၡ့ 2:18

ဖဲအဆၢကတီၢ်အဝဲန့ၣ်, ယကမၤတၢ်အၢၣ်လီၤအီ လီၤတမံၤဒီးကယဲၢ်ဆၣ်ဖိကီၢ်ဖိအမံၤတဖၣ်ဒီးထိၣ်တဖၣ် ဒ်သိးအဝဲသ့ၣ်တဖၣ်အသုတမၤဆါဘၣ်ယပှၤဂီၢ်မုၢ်တဂ့ၤန့ၣ်လီၤ. ယကသုးကွံာ်စ့ၢ်ကီးတၢ်ဒုးတၢ်ယၤအတၢ်စုကဝဲၤခဲလၢာ်လၢကီၢ် ပူၤ, ကယဲၢ်ဘီတဖၣ်ဒီးချံၣ်တဖၣ်ဒီးကဒုးအိၣ်ဒုး ဆိးယပှၤဂီၢ်မုၢ်လၢတၢ်ဃူတၢ်ဖိးဒီးတၢ်အိၣ်ပူၤအိၣ်ဖျဲးအပူၤ န့ၣ်လီၤ.

လံာ်ဟိၤၡ့ 2:20

ယကဟံးဃာ်ဂၢၢ်ကျၢၤယတၢ်အၢၣ်လီၤဒီးဒုးကဲထီၣ်နၤလၢယတၢ် လီၤ. ဒီးနကအၢၣ်လီၤသ့ၣ်ညါယၤဒ်ယွၤအသိးန့ၣ်လီၤ.

လံာ်မံကၤ 4:8

ဒီးနဲဒၣ်ဝ့ၢ်ယရူၤၡလ့ၣ်ဧၢ, နကကဲထီၣ်ကဒါက့ၤကဒီးဘီမုၢ်အဝ့ၢ် ခိၣ်ဒီးဖဲန့ၣ်ကစၢ်ယွၤကခိးကွၢ်အပှၤဂီၢ်မုၢ်လၢအမ့ၢ်နတၢ်ဒ်ပှၤ ကွၢ်သိတဂၤအသိးန့ၣ်လီၤ.

လံာ်မံကၤ 5:4

တုၤအဝဲဟဲန့ၣ်, ကပၢအပှၤဂီၢ်မုၢ်အိၣ်ဒီးတၢ်ဂံၢ်တၢ်ဘါဟဲလၢ ယွၤအိၣ်ဒီးကစၢ်ယွၤအကစၢ်ဒၣ်ဝဲအကဟုကညီၢ်န့ၣ်လီၤ. အပှၤဂီၢ်မုၢ်ကအိၣ်ဝဲဆိးဝဲလၢတၢ်ပူၤဖျဲးအပူၤလီၤ. အဂ့ၢ်ဒ်အံၤ, ကယဲၢ်ပှၤဂီၢ်မုၢ်လၢဟီၣ်ခိၣ်ချၢကအၢၣ်လီၤအီၤလီၤအတၢ်ဒိၣ်တၢ်မုၢ်,

လံာ်မံကၤ 5:9

ပှၤအံၣ်စရ့လးဖိကမၤနၢၤအဒုၣ်အဒါတဖၣ်ဒီးမၤဟးဂီၤကွံာ် အီၤခဲလၢာ်လီၤ.

လံာ်ဃးကဲ 2:22

ဒီးမၤနၢၤကွံာ်ဘီမုၢ်တဖၣ်ဒီးမၤကတၢၢ်ကွံာ်အဝဲသ့ၣ်အစိအ ကမီၤလီၤ. ယကမၤလီၤတကျၢၢ်ကွံာ်လ့ၣ်ကဟၣ်သုးဒီးအပှၤနီၣ်တၢ်တဖၣ်, ကသ့ၣ်တဖၣ်ကသံဝဲ, ဒီးအပှၤဒိးအီၤတဖၣ်ကမၤသံလိာ်အသးတဂၤဒီး တဂၤလီၤ.

မၤတၢ် 10:36

သုသ့ၣ်ညါတၢ်ကစီၣ်လၢအဝဲဒၣ်ဆှၢလီၤဆူပှၤအံၣ်စရ့လးဖိ တကလုာ်အအိၣ်, လၢအဘိးဘၣ်သ့ၣ်ညါတၢ်သးခုအကစီၣ်ဘၣ်ဃးဒီးတၢ်ဃူတၢ်ဖိး ခီဖျိယ့ၣ်ၡူးခရံာ်, လၢအမ့ၢ်ပှၤကိးဂၤဒဲးအကစၢ်န့ၣ်လီၤ.

၂ ကရံၣ်သူး 5:18

တၢ်ခဲလၢာ်အံၤဘၣ်တၢ်မၤအီၤလၢကစၢ်ယွၤ, လၢခီဖျိခရံာ်န့ၣ်, လဲလိာ်ကွံာ်ပှၤလၢဒုၣ်ဒါတဖၣ်ဆူအတံၤသကိးတဖၣ်, ဒီးဟ့ၣ်ပှၤမူဒါလၢပကဒုးကဲထီၣ်က့ၤပှၤအဂၤတဖၣ်လၢ အဝဲအတံၤသကိးစ့ၢ်ကီးန့ၣ်လီၤ.

၂ ကရံၣ်သူး 5:20

လၢတၢ်န့ၣ်အဃိ, ခဲကနံၣ်အံၤ, ပကတိၤတၢ်လၢခရံာ် အဂီၢ်, ဒ်ကစၢ်ယွၤအနီၢ်ကစၢ်ဒၣ်ဝဲသကွံၢ်ကညးတၢ်ခီဖျိပှၤ န့ၣ်လီၤ. ပဃ့ကညးပဝဲလၢခရံာ်အခၢၣ်စး, ပျဲကစၢ်ယွၤလဲလိာ်ကွံာ်သုလၢဒုၣ်ဒါတဖၣ်ဆူအဝဲအတံၤ သကိးတဖၣ်န့ၣ်တက့ၢ်.

လံာ်သိၣ်လီၤသီလီၤတၢ် 11:24

ကယဲၢ်တၢ်လီၢ်လၢသုခီၣ်ယီၢ်လီၤလၢအဖီခိၣ်န့ၣ်ကမ့ၢ်သု တၢ်လီၤ. သုလီၢ်ကဝီၤကလဲၢ်ဝဲစးထီၣ်လၢပှၢ်မုၢ်ကနၢလၢကလံၤ ထံးတခီတုၤဆူကီၢ်လဘၤနိၣ်အကစၢၢ်ကလိတဖၣ်လၢကလံၤစိးတခီ, ဒီးစးထီၣ်လၢထံကျိဖရၤသးလၢမုၢ်ထီၣ်တခီတုၤဆူပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်လၢမုၢ်နုာ်တခီန့ၣ်လီၤ.

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”