လံာ်စကၤရယၤ 8:9 - Sgaw Karen Common Bible

⁹ အိၣ်ဒီးတၢ်သူၣ်ဒူသးဒူတက့ၢ်. ခဲအံၤသုနၢ်ဟူဘၣ်တၢ်ကတိၤတမံၤဃီဒ်သိးဒီးတၢ်ကတိၤလၢဝံ တဖၣ်ကတိၤတ့ၢ်ဝဲဖဲတၢ်ပာ်လီၤတၢ်ခီၣ်ထံးလၢတၢ်ကဘှီထီၣ် ကဒါက့ၤယတၢ်လုၢ်ဟံၣ်အဆၢကတီၢ်န့ၣ်လီၤ.

လံာ်စကၤရယၤ 8:9 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 22:13

နမ့ၢ်စူၢ်ကယဲၢ်တၢ်စူၢ်တၢ်နာ်အတၢ်သိၣ်တၢ်သီတဖၣ်လၢယွၤဟ့ၣ်လီၤ စီၤမိၤၡ့လၢကီၢ်အံၣ်စရ့လးအဂီၢ်ဒီးနကအိၣ်ဒီးတၢ်မၤနၢၤ န့ၣ်လီၤ. ပာ်လီၤနသးကျၢၤမုဆှုအိၣ်ဒီးတၢ်နာ်န့ၢ်လီၤနသးတက့ၢ်. ဒီးမ်နသုတပျဲတၢ်မၤပျံၤမၤဖုးနၤနီတမံၤတဂ့ၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:20

စီၤပၤစီၤဒၤဝံးစံးဘၣ်အဖိခွါစီၤၡလိၤမိၤ, “နာ်န့ၢ်လီၤနသးဒီးပာ်နသးကျၢၤမုဆှုတက့ၢ်. စးထီၣ်နတၢ်မၤဒီးပျဲတၢ်နီတမံၤဒုးဆိကတီၢ်နၤတဂ့ၤ. ယွၤ, ကစၢ်ယွၤလၢယမၤအတၢ်ကအိၣ်ဒီးနၤလီၤ. အဝဲတပာ်လီၤတဲာ်နၤဘၣ်. မ့မ့ၢ်အဝဲကအိၣ်ဒီးနၤတုၤနသူၣ်ထီၣ်ယွၤအတၢ်လုၢ်ဟံၣ်ဝံၤဝဲ တစုန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 15:7

မ့မ့ၢ်, သုဂံၢ်သုဘါကဘၣ်ဆူၣ်ဒီးသုတဘၣ်သးဟးဂီၤဘၣ်. တၢ်မၤလၢသုမၤန့ၣ်ကအိၣ်ဒီးအဘူးအလဲန့ၣ်လီၤ.”

လံာ်စီၤဧ့စြၤ 6:14

ပှၤယူဒၤဖိအခိၣ်အနၢ်တဖၣ်မၤတၢ်လဲၤထီၣ်လဲၤထီဂ့ၤဂ့ၤလၢတၢ် ဘှီထီၣ်ကဒါက့ၤတၢ်လုၢ်ဟံၣ်အိၣ်ဒီးတၢ်ဟ့ၣ်ဂံၢ်ဟ့ၣ်ဘါအဝဲသ့ၣ် လၢဝံဃးကဲဒီးဝံစကၤရယၤတဖၣ်န့ၣ်လီၤ. အဝဲသ့ၣ်မၤဝံၤကွံာ်တၢ်လုၢ်ဟံၣ်ဒ်အဝဲသ့ၣ်ဘၣ်တၢ်မၤလိာ်တ့ၢ် အီၤလၢအံၣ်စရ့လးအကစၢ်ယွၤဒီးကီၢ်ပၤရၣ်အစီၤပၤဖးဒိၣ်တဖၣ် လၢအမ့ၢ်စီၤကိရ့ၣ်, စီၤဒၤရယါဝ့ၣ်ဒီးစီၤအၢ်တၤၡါၡတၤန့ၣ်လီၤ.

လံာ်ယၡါယၤ 35:3

စုတဖၣ်လၢအလီၤဘှံးလီၤတီၤဝဲ ဒီးခီၣ်လ့ၣ်ခိၣ်တဖၣ်လၢအကနိးကစုာ်လၢတၢ်ဂံၢ်စၢ်ဘါစၢ်အဃိန့ၣ်, ဒုးဆူၣ်ဝဲလီၤ.

လံာ်ယၡါယၤ 35:4

တဲဘၣ်ပှၤလၢအသးဟးဂီၤတ့ၢ်ကိးဂၤဒဲးန့ၣ်, “ပာ်ဆူၣ်သုသးဒီးပျံၤတၢ်တဂ့ၤ. ကစၢ်ယွၤဟဲဝဲလၢသုတၢ်ပူၤဖျဲးအဂီၢ် ဒီးလၢတၢ်စံၣ်ညီၣ်သုဒုၣ်သုဒါတဖၣ်အဂီၢ်လီၤ.”

လံာ်ဃးကဲ 1:1

ဖဲစီၤဒၤရယါဝ့ၣ်ကဲကီၢ်ပၤရၣ်အစီၤပၤဖးဒိၣ်ခံနံၣ်တနံၣ်အပူၤအတ့ၤ, လၢလါဃုလါတလါထီၣ်တသီအနံၤန့ၣ်, ယွၤကတိၤတ့ၢ်တၢ်ခီဖျိဝံဃးကဲလီၤ. တၢ်ကစီၣ်န့ၣ်, မ့ၢ်လၢကီၢ်ယူဒၤအပဒိၣ်ဖးဒိၣ်စီၤၡၤလတံၤအ့လး အဖိခွါစီၤစရူၤဘၤဘ့လး, ဒီးလၢပှၤလုၢ်တၢ်အခိၣ်အဒိၣ်ကတၢၢ်, စီၤယိၤစါဒးအဖိခွါစီၤယိၤရူအဂီၢ်န့ၣ်လီၤ.

လံာ်ဃးကဲ 1:12

တုၤနုၤတစု, စီၤစရူၤဘၤဘ့လးဒီးစီၤယိၤရူဒီးပှၤဂီၢ်မုၢ်ခဲလၢာ်လၢ အဟဲက့ၤကဒါက့ၤတ့ၢ်လၢတၢ်စိာ်မၢကဲကုၢ်အပူၤလၢကီၢ်ဘၤဘူၤ လိၣ်န့ၣ်, မၤတ့ၢ်တၢ်လၢယွၤ, အဝဲသ့ၣ်အကစၢ်ယွၤစံးဘၣ်တ့ၢ်အီၤလၢကဘၣ်မၤဝဲန့ၣ်လီၤ. အဝဲသ့ၣ်ပျံၤဘၣ်ဒီးစူၢ်တ့ၢ်ဝံဃးကဲလၢအမ့ၢ်ယွၤအပှၤစိာ်တၢ် ကစီၣ်အကလုၢ်လီၤ.

လံာ်ဃးကဲ 2:18

တနံၤအံၤမ့ၢ်လါခွံလါတလါထီၣ်ခံဆံလွံၢ်နံၤတနံၤ, မုၢ်တနံၤဖဲတၢ်လုၢ်ဟံၣ်အခီၣ်ထံးဘၣ်တၢ်ပာ်လီၤအီၤ ဝံၤဝဲန့ၣ်လီၤ. စးထီၣ်ခဲအံၤဒီးဆူညါတၢ်မနုၤကမၤအသးလဲၣ်န့ၣ်, ကွၢ်တက့ၢ်.

လံာ်ဃးကဲ 2:21

လၢကီၢ်ယူဒၤအပဒိၣ်ဖးဒိၣ်စီၤစရူၤဘၤဘ့လးအဂီၢ်လီၤ. “ယကမၤဟူးမၤဝးမူခိၣ်ဒီးဟီၣ်ခိၣ်,

လံာ်စကၤရယၤ 8:13

ကီၢ်ယူဒၤဒီးကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, လၢအပူၤကွံာ်န့ၣ်, ပှၤတခီဘီမုၢ်ဖိတဖၣ်တဂၤဒီးတဂၤစံးဝဲလၢမ်တၢ်တတၢးတနါ တမံၤဃီလၢအလီၤဘၣ်လၢကီၢ်ယူဒၤဒီးကီၢ်အံၣ်စရ့လးအလိၤ ကလီၤဘၣ်နၤတက့ၢ်, ဖဲအဆိၣ်အၢလိာ်အသးန့ၣ်လီၤ. မ့မ့ၢ်ခဲအံၤယကအုၣ်က့ၤခီၣ်က့ၤသုလီၤ. အန့ၣ်ဒီးပှၤတခီဘီမုၢ်ဖိတဖၣ်ကစံးလိာ်အသးတဂၤဒီးတဂၤ, မ်သုကဒိးန့ၢ်တၢ်ဆိၣ်ဂ့ၤတမံၤဃီလၢအဘၣ်ကီၢ် ယူဒၤဒီးကီၢ်အံၣ်စရ့လးတက့ၢ်န့ၣ်လီၤ. လၢတၢ်န့ၣ်အဃိ, အိၣ်ဒီးတၢ်သးဒူတက့ၢ်.”

လံာ်စကၤရယၤ 8:18

သ့တၢ်လၢာ်ယွၤဟ့ၣ်လီၤတၢ်ကစီၣ်အံၤဆူစီၤစကၤရယၤလီၤ.

အ့းဖ့းစူး 6:10

တၢ်ကတိၤလၢခံကတၢၢ်, အိၣ်ပှဲၤဒီးဂံၢ်ဘါလၢကစၢ်အပူၤဒီးလၢအစိကမီၤအဂံၢ် အဘါအပူၤတက့ၢ်.

၂ တံၤမသ့း 2:1

မ့မ့ၢ်နဲဒၣ်ယဖိခွါဧၢ, အိၣ်ဒီးနဂံၢ်ဆူၣ်ဘါဆူၣ်ခီဖျိတၢ်ဘျုး တၢ်ဖှိၣ်လၢအအိၣ်ဒီးပှၤလၢပတၢ်အိၣ်မူလၢယ့ၣ်ၡူးခရံာ် အပူၤန့ၣ်တက့ၢ်.

လံာ်စီၤယိၤၡူ 1:6

ပာ်ဆူၣ်နသးဒီးအိၣ်ဒီးတၢ်သးဒူတက့ၢ်. အဂ့ၢ်ဒ်အံၤ, နကမ့ၢ်ပှၤဂီၢ်မုၢ်အံၤအခိၣ်အနၢ် ဖဲအဝဲသ့ၣ်နုာ်လီၤဒီးန့ၢ်သါကီၢ်အံၤလၢယအၢၣ်လီၤတ့ၢ်အဝဲ သ့ၣ်အမိၢ်ပၢ်ဖံဖုလၢပျၢၤတဖၣ်န့ၣ်လီၤ.

လံာ်စီၤယိၤၡူ 1:8

ပလီၢ်နသးလၢလံာ်တၢ်သိၣ်တၢ်သီအံၤကဘၣ်တၢ်ဖးအီၤထီ ဘိလၢသုတၢ်ဘူၣ်တၢ်ဘါအပူၤတက့ၢ်. မၤလိဆိကမိၣ်အီၤမုၢ်ဆါဆဲးလၢမုၢ်နၤ, ဒီးမၤလီၤတံၢ်လၢ နကစူၢ်တၢ်ကွဲးအသးလၢအပူၤကိးထံၣ်ဒဲးန့ၣ်တက့ၢ်. အန့ၣ်ဒီးနကဘီၣ်ထီၣ်ညီထီၣ်ဒီးနမၤတၢ်ခဲလၢာ်ကကဲထီၣ်လိၣ်ထီၣ် ဝဲလီၤ.