လံာ်စကၤရယၤ 8:7 - Sgaw Karen Common Bible

⁷ ယကမၤပူၤမၤဖျဲးယပှၤဂီၢ်မုၢ်လၢကီၢ်တဖၣ်လၢ အဝဲသ့ၣ်ဘၣ်တၢ်လဲၤစိာ်ကွံာ်အီၤ,

လံာ်စကၤရယၤ 8:7 Iomraidhean Croise

လံာ်စီၤနဃ့မယၤ 1:9

ဘၣ်ဆၣ်ဒီးသုမ့ၢ်ဃၣ်ကဒါက့ၤသုသးဆူယအိၣ်ဒီးမၤတၢ်လၢယမၤ လိာ်တ့ၢ်လံသုန့ၣ်, သုမ့ၢ်လီၤပြံလီၤပြါဆူဟီၣ်ခိၣ်အက တၢၢ်ဒၣ်လဲာ်ယကဟဲက့ၤစိာ်ကဒါက့ၤသုဆူတၢ်လီၢ်လၢယဃုထၢအီၤ လၢယကဘၣ်တၢ်ဘူၣ်ထီၣ်ဘါထီၣ်ယၤအဂီၢ်န့ၣ်လီၤ.

စံးထီၣ်ပတြၢၤ 113:3

မ်ယွၤအမံၤဘၣ်တၢ်စံးထီၣ်ပတြၢၤအီၤ, လၢမုၢ်ထီၣ်တုၤဆူမုၢ်နုာ်န့ၣ်တက့ၢ်.

စံးထီၣ်ပတြၢၤ 147:2

ယွၤသူၣ်ထီၣ်ဝ့ၢ်ယရူၤၡလ့ၣ်, အဝဲပာ်ဖှိၣ်က့ၤအံၣ်စရ့လး အပှၤဘၣ်တၢ်စိာ်မၢကဲကုၢ်အီၤန့ၣ်လီၤ.

စံးထီၣ်ပတြၢၤ 50:1

ယွၤ, တၢ်အစိဒိၣ်ကမီၤထီကစၢ်ယွၤကတိၤတၢ်လီၤ. ကိးပှၤဟီၣ်ခိၣ်ဖိလၢမုၢ်ထီၣ်ပၢၢ်လၢမုၢ်နုာ်လီၤ.

လံာ်ယၡါယၤ 49:12

ယပှၤဂီၢ်မုၢ်ကဟဲလၢလီၢ်အယံၤ, လၢကလံၤစိးဒီးလၢမုၢ်နုာ်, ဒီးလၢကီၢ်စံၣ်လၢကီၢ်အဲၤကူပတူး အကလံၤထံးတခီန့ၣ်လီၤ.”

လံာ်ယၡါယၤ 59:19

လၢမုၢ်ထီၣ်တုၤလၢမုၢ်နုာ်န့ၣ်ပှၤကိးဂၤ ဒဲးကပျံၤအီၤဒီးအတၢ်စိဒိၣ်ကမီၤဒိၣ်န့ၣ်လီၤ. အဝဲကဟဲဝဲဒ်ထံကျိတဘိလၢအယွၤသဖှိလီၤအသိး, ဒ်ကလံၤလၢအဆူၣ်ဝဲအသိးန့ၣ်လီၤ.

လံာ်ယံးရမံယၤ 31:8

ယကဟဲစိာ်အဝဲသ့ၣ်လၢ ကလံၤစိးတခီ, ဒီးထၢဖှိၣ်အဝဲသ့ၣ်လၢ ဟီၣ်ခိၣ်အကတၢၢ်တဖၣ်န့ၣ်လီၤ. ပှၤမဲာ်ဘျီၣ်ဒီး ပှၤခီၣ်ဟးဂီၤ ကဟဲဃုာ်ဒီးအဝဲသ့ၣ်, ဃုာ်ဒီး ပိာ်မုၣ်လၢ အဒၢတဖၣ်ဒီး ပိာ်မုၣ်လၢဘူး အကဆံးစၢ်တ့ၢ်တဖၣ်န့ၣ်လီၤ. အဝဲသ့ၣ်ကဟဲက့ၤကဒါက့ၤဝဲ ဒ်ပှၤကလုာ်ဖးဒိၣ် တကလုာ်အသိးန့ၣ်လီၤ.

လံာ်ယဃ့းစက့လး 11:17

လၢတၢ်န့ၣ်အဃိ, တဲဘၣ်အဝဲသ့ၣ်တၢ်လၢယၤ, ယွၤပၢဘၣ်တၢ်ခဲလၢာ် ကစၢ်စံးဝဲန့ၣ်တက့ၢ်. ‘ယကထုးထီၣ်က့ၤအဝဲသ့ၣ်လၢထံကီၢ်တဖၣ်လၢယမၤလီၤပြံလီၤပြါ တ့ၢ်အဝဲသ့ၣ်အပူၤ, ဒီးထၢဖှိၣ်ပာ်ဖှိၣ်က့ၤအီၤဒီးယကဟ့ၣ်လီၤက့ၤကီၢ်အံၣ်စရ့လး ဆူအဝဲသ့ၣ်အစုပူၤန့ၣ်လီၤ.

လံာ်ယဃ့းစက့လး 36:33

ယွၤပၢဘၣ်တၢ်ခဲလၢာ်ကစၢ်စံးဝဲ, “ဖဲယမၤကဆှီထီၣ်နၤလၢ ကယဲၢ်နတၢ်ဒဲးဘးတဖၣ်န့ၣ်, ယကဒုးအိၣ်ဆိးကဒီးက့ၤနၤလၢ နဝ့ၢ်တဖၣ်အပူၤဒီးပျဲနဘှီထီၣ်ကဒါက့ၤအတၢ်ဟးဂီၤတဖၣ်န့ၣ်လီၤ.

လံာ်စကၤရယၤ 10:6

“ယကဒုးဂံၢ်ဆူၣ်ဘါဆူၣ်ကီၢ်ယူဒၤအပှၤဂီၢ်မုၢ်, ယကမၤပူၤမၤဖျဲးကီၢ်အံၣ်စရ့လးအပှၤဂီၢ်မုၢ်လီၤ. ယကအိၣ်ဒီးတၢ်သးကညီၤဘၣ်အဝဲသ့ၣ်, ဒီးဟဲက့ၤစိာ်ကဒါက့ၤအဝဲသ့ၣ်ခဲလၢာ်ဆူဟံၣ်လီၤ. အဝဲသ့ၣ်ကမၤအသးဒ်ပှၤလၢယတညိကွံာ်တ့ၢ်ဘၣ်အီၤနီတဘျီအသိး န့ၣ်လီၤ. ယမ့ၢ်ယွၤ, အဝဲသ့ၣ်အကစၢ်ယွၤ, ယကစံးဆၢအဝဲသ့ၣ်အတၢ်ထုကဖၣ်တဖၣ် လီၤ.

လံာ်မၤလကံ 1:11

ပှၤဂီၢ်မုၢ်လၢမုၢ်ထီၣ်တခီပၢၢ်တုၤလၢမုၢ်နုာ်တခီမၤလၤကပီၤယၤလီၤ. ဒီးအဝဲသ့ၣ်ကဆိၣ်ကဲၤတၢ်နၢမူလၢယဂီၢ်လၢတၢ်လီၢ်ကိးပူၤဒဲးဒီး ကလုၢ်တၢ်လုၢ်ကဆှီလၢယဂီၢ်လီၤ. အဝဲသ့ၣ်ခဲလၢာ်မၤလၤကပီၤယၤလီၤ.

လံာ်သိၣ်လီၤသီလီၤတၢ် 30:3

တုၤနုၤတစု, ယွၤ, သုကစၢ်ယွၤကအိၣ်ဒီးတၢ်သးကညီၤဘၣ်သုန့ၣ် လီၤ. အဝဲကဟဲက့ၤစိာ်က့ၤသုလၢ, ပှၤကလုာ်တဖၣ်ဖဲအဝဲမၤလီၤပြံလီၤပြါတ့ၢ်သုအကျါ, ဒီးအဝဲကဒုးဘီၣ်ထီၣ်ညီထီၣ်က့ၤကဒီးသုန့ၣ်လီၤ.