လံာ်စကၤရယၤ 8:20 - Sgaw Karen Common Bible

²⁰ သ့တၢ်လၢာ်အယွၤစံးဝဲဒၣ်, “တၢ်ဆၢကတီၢ်ကဟဲတုၤဝဲဖဲ ပှၤဂီၢ်မုၢ်လၢဝ့ၢ်အါဝ့ၢ်ကဟဲဝဲဒၣ်ဆူဝ့ၢ်ယရူၤၡလ့ၣ်န့ၣ်လီၤ.

လံာ်စကၤရယၤ 8:20 Iomraidhean Croise

လံာ်စီၤပၤအခီၣ်ထံးတဘ့ၣ် 8:41

တုၤပှၤတခီဘီမုၢ်ဖိတဂၤလၢအအိၣ်ဆိးဝဲလၢကီၢ်အယံၤနၢ်ဟူ ဘၣ်နတၢ်မံၤဟူသၣ်ဖျါ, ဒီးတၢ်အဒိၣ်အမုၢ်တဖၣ်လၢနမၤတ့ၢ်လၢနပှၤဂီၢ်မုၢ်အဂီၢ်,

လံာ်စီၤပၤအခီၣ်ထံးတဘ့ၣ် 8:43

ဒိကနၣ်လၢ်အဝဲအတၢ်ထုကဖၣ်န့ၣ်တက့ၢ်. လၢမူခိၣ်ဖဲနအိၣ်နဲဆိးနဲအလီၢ်န့ၣ်, ဒိကနၣ်လၢ်အီၤဒီးမၤတၢ်လၢအဝဲဃ့ဝဲလၢနကမၤန့ၢ်အီၤဒ်သိး ကယဲၢ်ပှၤဂီၢ်မုၢ်အိၣ်လၢဟီၣ်ခိၣ်ချၢခဲလၢာ်, ကသ့ၣ်ညါနၤဒီးစူၢ်နၤဒ်နပှၤဂီၢ်မုၢ်အံၣ်စရ့လးဖိမၤဝဲအသိး န့ၣ်တက့ၢ်. တုၤနုၤတစု, အဝဲသ့ၣ်ကသ့ၣ်ညါဝဲဒၣ်လၢယွၤအတၢ်လုၢ်ဟံၣ်လၢ ယသူၣ်ထီၣ်တ့ၢ်လံအီၤအံၤမ့ၢ်တၢ်လီၢ်တတီၤလၢနကဘၣ်တၢ်ဘူၣ်ထီၣ် ဘါထီၣ်နၤအဂီၢ်န့ၣ်လီၤ.

စံးထီၣ်ပတြၢၤ 102:22

ဖဲပှၤကလုာ်တဖၣ် ဒီးဘီမုၢ်တဖၣ်အိၣ်ဖှိၣ်တပူၤဃီဒီး ဘူၣ်ထီၣ်ဘါထီၣ်ယွၤန့ၣ်လီၤ.

စံးထီၣ်ပတြၢၤ 22:27

ပှၤကိးကလုာ်ဒဲးကသ့ၣ်နီၣ်ထီၣ်ယွၤလီၤ. ပှၤလၢအအိၣ်လၢဟီၣ်ခိၣ်ချၢခဲလၢာ် ကဃၣ်က့ၤအသးဆူအအိၣ်လီၤ. ဒူၣ်ထၢခဲလၢာ်ကဘူၣ်ထီၣ်ဘါထီၣ်အီၤလီၤ.

စံးထီၣ်ပတြၢၤ 72:17

မ်စီၤပၤအမံၤကအိၣ်လီၤထူလီၤယိာ်, အတၢ်မံၤဟူသၣ်ဖျါကအိၣ်ဝဲတထံၣ်ဃီ ဒ်မုၢ်အိၣ်ဝဲအသိး, မ်ပှၤကိးကလုာ်ဒဲးဘၣ်ဆိၣ်ဂ့ၤခီဖျိအီၤဒီးအဝဲသ့ၣ် ကကိးအီၤလၢ ပှၤဘၣ်ဆိၣ်ဂ့ၤန့ၣ်လီၤ.

စံးထီၣ်ပတြၢၤ 89:9

နပၢပီၣ်လဲၣ်အလပီမုၢ်ဒိၣ် နဒုးအိၣ်ဂၢၢ်အလၢတဖၣ်ဖဲအဟဲထီၣ်န့ၣ်လီၤ.

လံာ်ယၡါယၤ 11:10

မုၢ်တနံၤကဟဲဝဲဖဲစီၤပၤအသီလၢအဟဲလီၤစၢၤလီၤသွဲၣ်လၢစီၤပၤဒၤဝံးကအိၣ်ထီၣ်ဝဲဒီးကမ့ၢ်တၢ်ပနီၣ်လၢပှၤကလုာ်တဖၣ်အဂီၢ် န့ၣ်လီၤ. အဝဲသ့ၣ်ကပာ်ဖှိၣ်အသးလၢအစီၤပၤအဝ့ၢ်ဒီးကဟ့ၣ် အီၤတၢ်လၤကပီၤန့ၣ်လီၤ.

လံာ်ယၡါယၤ 45:14

ယွၤစံးဘၣ်ကီၢ်အံၣ်စရ့လး, “ကီၢ်အဲၤကူပတူးဒီးကီၢ်ကူၤၡးအတၢ်ထူးတၢ်တီၤတဖၣ်ကမ့ၢ်နတၢ်, ဒီးပှၤစဘၤဖိလၢအနီၢ်ဒိၣ်ထီတဖၣ်ကမ့ၢ်နကုၢ်နပှၤတဖၣ်လီၤ. အဝဲသ့ၣ်ကပိာ်နခံလၢတၢ်စၢဃာ်အထးသွဲတဖၣ်အပူၤလီၤ. အဝဲသ့ၣ်ကတီၤလီၤကဒွံကျိာ်လၢနမဲာ်ညါဒီး အၢၣ်လီၤဝဲလၢ, ကစၢ်ယွၤအိၣ်ဒီးနၤ, အဝဲမ့ၢ်ကစၢ်ယွၤထဲတဂၤဧိၤန့ၣ်လီၤ.

လံာ်ယၡါယၤ 49:6

ယွၤစံးဘၣ်ယၤ, “ယခ့ယပှၤဧၢ, ယအိၣ်ဒီးတၢ်မၤဒိၣ်န့ၢ်အလီၢ်တမံၤလၢနဂီၢ်လီၤ. ယပှၤဂီၢ်မုၢ်အံၣ်စရ့လးလၢအအိၣ်လီၤတဲာ်တ့ၢ်တဖၣ်အံၤ, တမ့ၢ်ထဲနကပာ်ထီၣ်က့ၤအီၤဆူတၢ်ဒိၣ်တၢ်မုၢ်အလီၢ်ဧိၤဘၣ်, မ့မ့ၢ်ယကဒုးကဲထီၣ်စ့ၢ်ကီးနၤတၢ်ကပီၤတဖျၢၣ်လၢပှၤကလုာ်တဖၣ် အဂီၢ်, ဒ်သိးဟီၣ်ခိၣ်ဒီဘ့ၣ်ကတုၤလၢတၢ်အုၣ်က့ၤခီၣ်က့ၤ န့ၣ်လီၤ.”

လံာ်ယံးရမံယၤ 16:19

ယွၤဧၢ, နမ့ၢ်ပှၤတဂၤလၢအဒီဒၣ်အိၣ်ပှိၤယၤဒီးဟ့ၣ်ယၤတၢ်ဂံၢ် တၢ်ဘါန့ၣ်လီၤ. နမၤစၢၤယၤလၢတၢ်ကီတၢ်ခဲအဆၢကတီၢ် တဖၣ်လီၤ. ပှၤကလုာ်တဖၣ်ကဟဲဆူနအိၣ်လၢဟီၣ်ခိၣ်အကတၢၢ် တဖၣ်ဒီးစံး, “ပမိၢ်ပၢ်ဖံဖုလၢပျၢၤတဖၣ်တအိၣ်ဒီးတၢ်နီတမံၤဘၣ်. မ့မ့ၢ်တၢ်အိၣ်ဒီးအဝဲသ့ၣ်မ့ၢ်ဒၣ်ထဲကစၢ်ကဘျံးကဘျၣ်တဖၣ်ဒီး တၢ်ဂီၤတၢ်ဖီၣ်တဂိာ်တသီၣ်တဖၣ်လၢအတမၤဂ့ၤအဝဲသ့ၣ်နီတမံၤဘၣ် န့ၣ်လီၤ.

လံာ်ဟိၤၡ့ 1:10

ကီၢ်အံၣ်စရ့လးအပှၤဂီၢ်မုၢ်ကကဲထီၣ်ဝဲဒ်မဲးလၢပီၣ်လဲၣ်အသိး, အါန့ၢ်ဒံးတၢ်ဂံၢ်အီၤသ့မ့ၢ်ဂ့ၤ, တၢ်ဃီၣ်နီၣ်အီၤသ့မ့ၢ်ဂ့ၤန့ၣ်လီၤ. ခဲကနံၣ်အံၤ, ကစၢ်ယွၤစံးဘၣ်အဝဲသ့ၣ်, သုတမ့ၢ်လၢၤယပှၤဂီၢ်မုၢ်ဘၣ်. ဘၣ်ဆၣ်မုၢ်တနံၤကဟဲတုၤဃီၤဝဲဒၣ်ဖဲအဝဲကစံးဘၣ်အဝဲသ့ၣ်, သုဝဲသ့ၣ်အံၤ, သုမ့ၢ်ကစၢ်ယွၤလၢအမူဝဲတဂၤအဖိသ့ၣ်တဖၣ်လီၤ.

လံာ်ဟိၤၡ့ 2:23

ယကဒုးအိၣ်ဂၢၢ်ဆိးကျၢၤယပှၤဂီၢ်မုၢ်လၢထံကီၢ်အပူၤဒီးဒုး ဘီၣ်ထီၣ်ညီထီၣ်အီၤန့ၣ်လီၤ. ယကဒုးနဲၣ်ယတၢ်အဲၣ်ဆူပှၤတဖၣ်လၢအဘၣ်တၢ်ကိးအီၤလၢ “တၢ်တအဲၣ်အီၤ” အအိၣ်ဒီးဆူပှၤတဖၣ်လၢအဘၣ်တၢ်ကိးအီၤလၢ “တမ့ၢ်ယွၤအပှၤဂီၢ်မုၢ်ဘၣ်” အအိၣ်န့ၣ်လီၤ. ယကစံး, “သုမ့ၢ်ယပှၤဂီၢ်မုၢ်” ဒီးအဝဲသ့ၣ်ကစံးဆၢ, “နမ့ၢ်ပကစၢ်ယွၤ” န့ၣ်လီၤ.

လံာ်ဧၤမိၣ် 9:12

မၤသးဒ်န့ၣ်ဒီးကီၢ်အံၣ်စရ့လးအပှၤဂီၢ်မုၢ်ကမၤနၢၤက့ၤတၢ်အိၣ်လီၤ တဲာ်လၢကီၢ်အဒိၣ်အပူၤဒီးကယဲၢ်ပှၤကလုာ်ခဲလၢာ်လၢ တဘျီမ့ၢ်တ့ၢ်ယတၢ်န့ၣ်လီၤ. ယွၤလၢကမၤတၢ်တဖၣ်အံၤစံးဝဲဒၣ်လီၤ.

လံာ်မံကၤ 4:3

ယွၤကမၤဃူမၤဖိးတၢ်ထီဒုၣ်ဒါလိာ်အသးလၢပှၤကလုာ်တဖၣ်အကျါ, ဒီးလၢတၢ်စိကမီၤဖးဒိၣ်အယံၤအဘူးတဖၣ်အကျါလီၤ. အဝဲသ့ၣ်ကပိာ်က့ၤအနးတဖၣ်ဆူထဲၣ်အကနၣ်တဖၣ်ဒီးဘီတဖၣ်ဆူဒီ ပဲာ်ဃိတၢ်တဖၣ်လီၤ. ပှၤကလုာ်တဖၣ်တလဲၤကဒီးဆူတၢ်ဒုးသုးဒီးတကတဲာ်ကတီၤကဒီး အသးလၢၤလၢတၢ်ဒုးအဂီၢ်နီတဘျီလၢၤဘၣ်.

လံာ်စကၤရယၤ 2:11

ဖဲအဆၢကတီၢ်အဝဲန့ၣ်, ပှၤအါကလုာ်ကဟဲဆူယွၤအအိၣ်ဒီးကဲထီၣ်အပှၤဂီၢ်မုၢ်န့ၣ်လီၤ. အဝဲကအိၣ်ဆိးလၢသုကျါ, ဒီးသုကသ့ၣ်ညါလၢအဝဲမၢလီၤယၤဆူသုအိၣ်န့ၣ်လီၤ.

လံာ်မၤလကံ 1:11

ပှၤဂီၢ်မုၢ်လၢမုၢ်ထီၣ်တခီပၢၢ်တုၤလၢမုၢ်နုာ်တခီမၤလၤကပီၤယၤလီၤ. ဒီးအဝဲသ့ၣ်ကဆိၣ်ကဲၤတၢ်နၢမူလၢယဂီၢ်လၢတၢ်လီၢ်ကိးပူၤဒဲးဒီး ကလုၢ်တၢ်လုၢ်ကဆှီလၢယဂီၢ်လီၤ. အဝဲသ့ၣ်ခဲလၢာ်မၤလၤကပီၤယၤလီၤ.

လံာ်မးသဲ 8:11

ယစံးဘၣ်သု, ဖဲမူခိၣ်ဘီမုၢ်အမူးဖးဒိၣ်ဘၣ်ဝဲန့ၣ်, ပှၤအါဒံအါဂၤကဟဲဝဲလၢ မုၢ်ထီၣ်ဒီးမုၢ်နုာ်ဒီးဆ့ၣ်နီၤအီၣ်သကိးတၢ်ဒီးစီၤအၤဘြၤဟၣ်, စီၤအံၤစဲးဒီးစီၤယၤကိာ်တဖၣ်လီၤ.

မၤတၢ် 15:14

လၢကစၢ်ယွၤဒုးနဲၣ်ဖျါအတၢ်အံးတၢ်ကွၢ်ပှၤကလုာ်ဂၤတဖၣ် အဆိကတၢၢ်တဘျီခီဖျိအထုးထီၣ်ပှၤတကလုာ်လၢအဝဲသ့ၣ် အသိးအကျါဒ်သိးအကကဲအတၢ်ဒၣ်ဝဲအဂီၢ်အဂ့ၢ်န့ၣ်, စီၤၡံမိၣ်တဲဖျါထီၣ်တ့ၢ်လံဝဲလံ.

မၤတၢ် 15:18

ကစၢ်လၢအဒုးသ့ၣ်ညါပှၤကညီ တၢ်ဂ့ၢ်တမံၤအံၤယံာ်တ့ၢ်လံတဂၤန့ၣ်, စံးဝဲဒ်န့ၣ်လီၤ.’ ”

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”