လံာ်စကၤရယၤ 8:2 - Sgaw Karen Common Bible

² “ယသးအိၣ်တ့ၢ်လၢယကမၤစၢၤဝ့ၢ်ယရူၤၡလ့ၣ်မ့ၢ် လၢယအဲၣ်ဘၣ်အပှၤဂီၢ်မုၢ်အဃိလီၤ. ယတၢ်အဲၣ်အံၤ, မ့ၢ်တၢ်အဲၣ်တမံၤလၢအဒိၣ်ဝဲတုၤဒၣ်လဲာ်, ယသးဒိၣ်ထီၣ်ဘၣ်အဒုၣ်အဒါတဖၣ်န့ၣ်လီၤ.

လံာ်စကၤရယၤ 8:2 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 12:19

ပှၤသုးဖိတနီၤလၢမနၤၡ့ၤအဒူၣ်ပူၤလဲၤနုာ်ပာ်ဖှိၣ်အသးဆူ စီၤဒၤဝံးအအိၣ်တခီဖဲအဝဲလဲၤထီၣ်သကိးဒီးပှၤဖလ့ၡသးဖိ တဖၣ်လၢကဒုးစီၤပၤစီၤစီလူးအဂီၢ်န့ၣ်လီၤ. နီၢ်နီၢ်တခီအဝဲတမၤစၢၤပှၤဖလ့ၡသးဖိတဖၣ်န့ၣ်ဘၣ်. အဂ့ၢ်ဒ်အံၤ, အဝဲသ့ၣ်အစီၤပၤတဖၣ်ပျံၤတၢ်လၢအဝဲကဟ့ၣ်လီၤဘၣ် ဖုးအဝဲသ့ၣ်ဆူစီၤစီလူးလၢအမ့ၢ်အဝဲအကစၢ်လၢညါအစုပူၤန့ၣ်လီၤ. လၢတၢ်န့ၣ်အဃိအဝဲသ့ၣ်ဆှၢကဒါက့ၤအီၤဆူဝ့ၢ်စံကလးန့ၣ်လီၤ.

လံာ်ယၡါယၤ 59:17

အဝဲကကူထီၣ်သိးထီၣ်တၢ်စံၣ်ညီၣ်တီဒ်ဆ့ကၤဖီခိၣ်သဃိးတဘ့ၣ် အသိးဒီးကကုာ်ထီၣ်တၢ်အုၣ်က့ၤခီၣ်က့ၤအစိကမီၤဒ်ခိၣ်ကုာ်သုး တဖျၢၣ်အသိးလီၤ. အဝဲကကူထီၣ်ကၤထီၣ်ဝဲတၢ်သးအိၣ် နီၢ်နီၢ်လၢတၢ်မၤလိၤမၤဘၣ်က့ၤတၢ်အဂီၢ်ဒီးကစံၣ်ညီၣ်ဒီး ဟ့ၣ်ကၣ်ဆၢက့ၤတၢ်ကမၣ်တဖၣ်လၢပှၤဂီၢ်မုၢ်တူၢ်ဘၣ်ဝဲန့ၣ်လီၤ.

လံာ်ယၡါယၤ 63:15

ယွၤဧၢ, ကွၢ်လီၤပှၤလၢမူခိၣ်ဖဲနအိၣ်နဆိးလၢန တၢ်စီဆှံဒီးနတၢ်လၤကပီၤအပူၤန့ၣ်တက့ၢ်. နတၢ်သးအိၣ်ဘၣ်ပှၤဒိၣ်ဒိၣ်မုၢ်မုၢ်န့ၣ်အိၣ်ဖဲလဲၣ်. နတၢ်စိကမီၤအိၣ်ဖဲလဲၣ်. နတၢ်အဲၣ်ဒီးနတၢ်သးအိၣ်မၤစၢၤပှၤအိၣ်ဖဲလဲၣ်. ပာ်နသးဒ်နတသ့ၣ်ညါပှၤဘၣ်အသိးန့ၣ်တဂ့ၤ.

လံာ်ယိၤအ့လး 2:18

တုၤနုၤတစုယွၤကသူၣ်အိၣ်သးအိၣ်အထံအကီၢ်, ဒီးသးကညီၤအပှၤဂီၢ်မုၢ်န့ၣ်လီၤ.”

လံာ်နၤဃူၣ် 1:2

ယွၤ, ကစၢ်ယွၤအသးတစူၤဘၣ်ပှၤပြၢလိာ်အသးဒီးအီၤတဖၣ် နီတဂၤဘၣ်, အဝဲစံၣ်ညီၣ်ဃၣ်ပှၤလၢအထီဒါအီၤတဖၣ်ဒီး လၢအတၢ်သးကဲၤထီၣ်အပူၤန့ၣ်ဟ့ၣ်ကၣ်က့ၤ အဝဲသ့ၣ်န့ၣ်လီၤ.

လံာ်နၤဃူၣ် 1:6

မ့ၢ်မတၤကွၢ်ဆၢၣ်မဲာ်အတၢ်သးထီၣ်ကန့ၢ်တဂၤလဲၣ်. ဒီးမ့ၢ်မတၤတူၢ်အတၢ်သးကဲၤထီၣ်ကကဲဝဲတဂၤန့ၣ်လဲၣ်. လူလီၤဝဲအတၢ်သးကဲၤထီၣ်, ဒီးလၢၢ်ဧိၤလ့ဧိၤကၢ်လီၤကလဲကွံာ်ဆူဖၣ်ကမူၣ်လၢအမဲာ်ညါလီၤ.

လံာ်စကၤရယၤ 8:1

သ့တၢ်လၢာ်အယွၤဟ့ၣ်လီၤတၢ်ကစီၣ်အံၤဆူစီၤစကၤရယၤလီၤ.