လံာ်စကၤရယၤ 8:17 - Sgaw Karen Common Bible

¹⁷ ကူၣ်ကျဲၤတၢ်မၤဆါလိာ်သးတဂၤဒီးတဂၤအကျဲတဖၣ်တဂ့ၤ. ဟ့ၣ်တၢ်အုၣ်သးကဘျံးကဘျၣ်လၢတၢ်ဆိၣ်လီၤသုသးအပူၤတဂ့ၤ, ယသးဟ့တၢ်လီတၢ်ဝ့ၤ, တၢ်စံၣ်ညီၣ်တီ, ဒီးတၢ်စုဆူၣ်ခီၣ်တကးန့ၣ်လီၤ.”

လံာ်စကၤရယၤ 8:17 Iomraidhean Croise

စံးထီၣ်ပတြၢၤ 10:3

အဂ့ၢ်ဒ်အံၤ, ပှၤတတီတလိၤန့ၣ်ပာ်ကဖိအသးလၢအသးအတၢ်ဆၢ န့ၢ်အအၢအသီတဖၣ်အဃိ, ဒီးပှၤလၢအသူၣ်လီသးကွံတၢ်အါန့ၣ်, ဆိၣ်အၢတၢ်ဒီးညိကွံာ်ယွၤလီၤ.

စံးထီၣ်ပတြၢၤ 101:3

ဒီး တပျဲတၢ်အၢတၢ်သီမၤအသး နီတစုဘၣ်. ပှၤတဖၣ်လၢ အဃၣ်ကွံာ်အသးယံၤဒီး ကစၢ်ယွၤအတၢ်ဖံးတၢ်မၤန့ၣ် ယသးဟ့အီၤ, ဒီးယတမၤဘၣ်အၢယသးဒီး အဝဲသ့ၣ်ဘၣ်.

တၢ်ကတိၤဒိ. 3:29

ကူၣ်အၢတၢ်တမံၤမံၤလၢကမၤဘၣ်ဒိဆါပှၤလၢနဃၢၤလၢအအိၣ်ဘူး ဒီးနၤဒီးနာ်န့ၢ်နၤန့ၣ်တဂ့ၤ.

တၢ်ကတိၤဒိ. 6:14

ကူၣ်တၢ်အၢတထံၣ်ဃီလၢသးလၢအတမ့ၢ်တတီအပူၤ, ဒီးထိၣ်ဂဲၤထီၣ်တၢ်ကီတၢ်ခဲသကုၤဆးဒးလီၤ.

တၢ်ကတိၤဒိ. 8:13

တၢ်ပျံၤယွၤန့ၣ်မ့ၢ်တၢ်သးဟ့တၢ်အၢတၢ်သီလီၤ. ယသးဟ့တၢ်ပာ်ထီၣ်ထီသးဒီးတၢ်ပာ်ကဖၢလၢသး, ကျဲအအၢအသီတဖၣ်ဒီးတၢ်ကတိၤလီတၢ်တဖၣ်လီၤ.

လံာ်ယံးရမံယၤ 4:14

ဝ့ၢ်ယရူၤၡလ့ၣ်ဧၢ, သ့စီကွံာ်တၢ်အၢလၢနသးကံၢ်ပူၤ, ဒ်သိးနကဘၣ်တၢ်အုၣ်က့ၤခီၣ်က့ၤနၤတက့ၢ်. နကဆိကမိၣ်ထွဲဒံးနတၢ်ဆိကမိၣ်အအၢအသီတဖၣ်န့ၣ်ဆံးယံာ်လဲၣ်.

လံာ်ယံးရမံယၤ 4:2

ကမ့ၢ်တၢ်အတီအဘၣ်လၢသုဂီၢ်လၢသုကဆိၣ်တၢ်လၢယမံၤအပူၤ န့ၣ်လီၤ. အန့ၣ်ဒီး, ပှၤကလုာ်တဖၣ်ခဲလၢာ်ကမၢယဆိၣ်ဂ့ၤ အဝဲသ့ၣ်ဒီးအဝဲသ့ၣ်ကစံးထီၣ်ပတြၢၤယၤလီၤ.”

လံာ်ယံးရမံယၤ 44:4

ယဆှၢန့ၢ် သုယခ့ယပှၤဝံတဖၣ် တပယူာ်ဃီ, လၢအစံးဘၣ်တဲဘၣ်တ့ၢ်သုလၢ, သုတဘၣ်မၤတၢ်လီၤပျံၤလီၤဖုးတမံၤအံၤလၢယသးဟ့အီၤ, တဂ့ၤန့ၣ်လီၤ.

လံာ်ဃဘးကူာ် 1:13

ဘၣ်ဆၣ်ဒီးပှၤလီတၢ်ဝ့ၤတၢ်, ပှၤအၢပှၤသီတဖၣ်အံၤ, နဝံသးစူၤအီၤကဲဒ်လဲၣ်. နမဲာ်ချံတဖၣ်စီဆှံဒိၣ်မးလၢ နကကွၢ်ဃီၤတၢ်အၢတၢ်သီ, ဒီးနကွၢ်ပှၤဂီၢ်မုၢ်လၢ အမၤကမၣ်တၢ်န့ၣ်တကဲဘၣ်. မၤသးဒ်န့ၣ်ဒီးဘၣ်မနုၤလၢ နအိၣ်ဘှီၣ်ကလာ်ဖဲအဝဲသ့ၣ်မၤဟးဂီၤပှၤဂီၢ်မုၢ်လၢ အတီန့ၢ်လိၤန့ၢ်ဒံးအဝဲသ့ၣ်တဖၣ်အခါန့ၣ်လဲၣ်.

လံာ်စကၤရယၤ 7:10

မၤနၢၤမၤပ့ၤပှၤမုၣ်ကမဲတဖၣ်, ပှၤဖိၣ်ဃဲတဖၣ်, ပှၤတခီဘီမုၢ်ဖိ, လၢအအိၣ်လၢသုကျါတဖၣ်မ့ၢ်ဂ့ၤ, ပှၤအဂၤလၢအလိၣ်တၢ်မၤစၢၤမ့ၢ်ဂ့ၤန့ၣ်တဂ့ၤ. ကူၣ်ထီၣ်တၢ်မၤဆါလိာ်သးတဂၤဒီးတဂၤအကျဲတဖၣ်တဂ့ၤ

လံာ်စကၤရယၤ 8:18

သ့တၢ်လၢာ်ယွၤဟ့ၣ်လီၤတၢ်ကစီၣ်အံၤဆူစီၤစကၤရယၤလီၤ.

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

လံာ်မးသဲ 12:35

ပှၤအဂ့ၤန့ၣ်ဟံးထီၣ်ဟ့ၣ်ထီၣ်တၢ်အဂ့ၤလၢအဝဲအတၢ်ဂ့ၤအတၢ်ပာ် ဖှိၣ်လီၢ်အပူၤန့ၣ်လီၤ. ဒီးပှၤအအၢန့ၣ်လၢအဝဲအတၢ်အၢအတၢ်ပာ်ဖှိၣ်လီၢ်အပူၤန့ၣ်ဟံး ထီၣ်ဟ့ၣ်ထီၣ်တၢ်အၢလီၤ.

လံာ်မးသဲ 15:19

အဂ့ၢ်ဒ်အံၤ, တၢ်ဆိကမိၣ်အအၢအသီလၢအဆှၢပှၤဆူတၢ်မၤသံပှၤ, တၢ်အဲၣ်ဘၢမါအဲၣ်ဘၢဝၤ, တၢ်မၤကမၣ်မုၣ်ကမၣ်ခွါ, တၢ်ဟုၣ်တၢ်ဘျၣ်တၢ်, တၢ်အုၣ်အသးကဘျံးကဘျၣ်, ဒီးတၢ်ဒုၣ်ဒွဲၣ်စံးအၢတၢ်တဖၣ်န့ၣ်, ဟဲထီၣ်ဒၣ်လၢပှၤကညီအသးကံၢ်ပူၤလီၤ.

လံာ်မးသဲ 5:28

ဘၣ်ဆၣ်ဒီးအခဲအံၤယစံးဘၣ်သုလၢပှၤတဂၤဂၤလၢ အကွၢ်ပိာ်မုၣ်အိၣ်ဒီးတၢ်သးကတၢန့ၣ်, အဲၣ်ဘၢတ့ၢ်လံတၢ်လၢအသးကံၢ်ပူၤလံ.