လံာ်စကၤရယၤ 8:12 - Sgaw Karen Common Bible

¹² အဝဲသ့ၣ်ကဖှံလီၤအတၢ်ချံတဖၣ်လၢအတၢ်မုာ်တၢ်ခုၣ်အပူၤလီၤ. အဝဲသ့ၣ်အစပံးမုၢ်တဖၣ်ကသၣ်ထီၣ်စပံးသၣ်တဖၣ်, ဟီၣ်ခိၣ်ကဟ့ၣ်ထီၣ်တၤသူတၤသၣ်တဖၣ်, ဒီးတၢ်စူၤထံကအိၣ်ဝဲ အါမးလီၤ. ယကဟ့ၣ်လီၤတၢ်ဆိၣ်ဂ့ၤတဖၣ်ခဲလၢာ်အံၤဆူ ယပှၤကလုာ်အပှၤဂီၢ်မုၢ်လၢအအိၣ်လီၤတဲာ်တ့ၢ်တဖၣ်လီၤ.

လံာ်စကၤရယၤ 8:12 Iomraidhean Croise

လံာ်တၢ်ကဲထီၣ်အခီၣ်ထံး 26:12

ဒီးစီၤအံၤစဲးဖှံတၢ်မုၢ်တၢ်ဘိအချံအသၣ်လၢကီၢ်အံၤအပူၤ ဒီးလၢနံၣ်အဝဲန့ၣ်ကူးဘၣ်က့ၤဝဲတၢ်အါန့ၢ်ဒံးတၢ်လၢအဖှံ လီၤဝဲအါအါဂီၢ်ဂီၢ်အဖီခိၣ်အစးတကယၤလီၤ. အဂ့ၢ်ဒ်အံၤ, ယွၤဆိၣ်ဂ့ၤအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 27:28

မ်ကစၢ်ယွၤဟ့ၣ်လီၤနၤမူခိၣ်အပစီၤထံဒီးမၤပှဲၤနစံာ်ပျီ တဖၣ်လၢဟီၣ်ခိၣ်ညၣ်ထ့ၣ်တက့ၢ်. မ်ယွၤဟ့ၣ်နၤလၢဘုဧိၤဟုဧိၤဒီးစပံးထံအါအါကလဲာ်တက့ၢ်.

လံာ်စီၤပၤအခီၣ်ထံးတဘ့ၣ် 17:1

ဝံတဂၤလၢအမံၤမ့ၢ်စီၤအ့ၤလံယၤ, လၢဝ့ၢ်တံးၡဘး, ကီၢ်ကံးလဧးအပူၤန့ၣ်စံးဘၣ်စီၤပၤအၤဃာ်, “လၢယွၤ, ကီၢ်အံၣ်စရ့လးအကစၢ်ယွၤလၢအမူဝဲလၢယမၤအတၢ်တဂၤ အမံၤအပူၤန့ၣ်, ယတဲဘၣ်နၤလၢမ့တမ့ၢ်လၢယစံးတၢ်တမံၤမံၤဒံးဘၣ်န့ၣ်, ပစီၤထံမ့ၢ်ဂ့ၤတၢ်စူၤထံမ့ၢ်ဂ့ၤတအိၣ်ဘၣ်နီတစဲးလၢဆူညါ ခံနံၣ်မ့တမ့ၢ်သၢနံၣ်အတီၢ်ပူၤဘၣ်လီၤ.”

စံးထီၣ်ပတြၢၤ 72:3

မ်ကစၢၢ်ကလိကဟဲစိာ်တၢ်ဘီၣ်တၢ်ညီ လၢပှၤဂီၢ်မုၢ်အဂီၢ်, ဒီးတၢ်လူၢ်တဖၣ်ဟဲစိာ် တၢ်တီတၢ်လိၤအတၤသၣ်န့ၣ်တက့ၢ်.

စံးထီၣ်ပတြၢၤ 85:12

ယွၤကဒုးဘီၣ်ထီၣ်ညီထီၣ်ပှၤ ဒီးပစံာ်ဧိၤပှဲၤဧိၤ ကဟ့ၣ်ထီၣ်တၢ်ကူးက့ၤ အထူးအတီၤန့ၣ်လီၤ.

တၢ်ကတိၤဒိ. 19:12

စီၤပၤအတၢ်သးထီၣ်န့ၣ်လီၤဂာ်ဒ်ခ့ယုၢ်တဒုအကညီၤတၢ်အသိးလီၤ. မ့မ့ၢ်အတၢ်ဘၣ်အသးန့ၣ်မၤအသးဒ်ပစီၤထံလၢအလီၤဘၣ်လၢကပံာ် အဖီခိၣ်အသိးန့ၣ်လီၤ.

လံာ်ယၡါယၤ 30:23

ဖဲသုဖှံလီၤသုတၢ်ချံတဖၣ်တဘျီလၢ်လၢ်န့ၣ်, ယွၤကဆှၢလီၤ တၢ်စူၤထံလၢသုတၢ်မုၢ်တၢ်ဘိကဒိၣ်ထီၣ်အဂီၢ်ဒီးကဟ့ၣ်ထီၣ် သုတၤသူတၤသၣ်ထူးထူးတီၤတီၤ, ဒီးသုဆၣ်ဖိကီၢ်ဖိတဖၣ်ကအိၣ် ဒီးအီၣ်ဆၣ်အလီၢ်ဖးလဲၢ်န့ၣ်လီၤ.

လံာ်ယၡါယၤ 61:7

သုတၢ်မဲာ်ဆှးဒီးတၢ်မၤမဲာ်ဆှးသုတဖၣ်ကတၢၢ်ဝဲလံ. သုကအိၣ်ကဆိးလၢသုထံသုကီၢ်ဒၣ်သုဝဲအပူၤ, ဒီးသုတၢ်ထူးတၢ်တီၤကဘၣ်တၢ်မၤအါထီၣ်အီၤခံစးလီၤ. သုတၢ်သးခုကအိၣ်ကၢအိၣ်ခိးလီၤထူလီၤယိာ်လီၤ.

လံာ်ယံးရမံယၤ 31:12

အဝဲသ့ၣ်ကဟဲဒီး သးဝံၣ်တၢ်လၢ တၢ်သးခုအပူၤလၢ ကစၢၢ်စံယိၣ် အဒီခိၣ်, ဒီးကမုာ်လၤသးခုဝဲဒီး ယတၢ်ဟ့ၣ်တဖၣ်, တၢ်ဟ့ၣ်တဖၣ် လၢအမ့ၢ်ဝဲဘုဧိၤဟုဧိၤဒီးစပံးထံဒီး သ့ၣ်စၤယံးအသိ ဒီးတၢ်ဟ့ၣ်တဖၣ်လၢ အမ့ၢ်သိဒီး ဂီၤဘုၣ်ဂီၤဖံးတဖၣ်န့ၣ်လီၤ. အဝဲသ့ၣ် ကလီၤဂာ်ဒီး တၤသၣ်လီၢ်တလီၢ်လၢပှၤဖှိၣ်န့ၢ်အီၤ ထံဂ့ၤဂ့ၤဘၣ်ဘၣ်, ဒီး အဝဲသ့ၣ်ကအိၣ်ဒီး တၢ်ခဲလၢာ်လၢ အလိၣ်ဘၣ်ဝဲန့ၣ်လီၤ.

လံာ်ယဃ့းစက့လး 34:28

ပှၤကလုာ်တဖၣ်လၢအတစူၢ်တနာ်ယွၤတဂုာ်ဆူၣ်ပျီဆူၣ်ကဒီး အဝဲသ့ၣ်လၢၤဘၣ်. ဒီးဆၣ်ဖိကီၢ်ဖိအမံၤတဖၣ်တမၤသံဒီး အီၣ်အဝဲသ့ၣ်လၢၤဘၣ်. အဝဲသ့ၣ်ကအိၣ်ဆိးလၢတၢ်ဘံၣ်တၢ်ဘၢ အပူၤ, ဒီးပှၤတမၤပျံၤမၤဖုးအဝဲသ့ၣ်နီတဂၤလၢၤဘၣ်.

လံာ်ယဃ့းစက့လး 36:12

ယကဟဲက့ၤစိာ်ကဒါက့ၤသုဝဲ, ယပှၤဂီၢ်မုၢ်အံၣ်စရ့လးဒ်သိး သုကအိၣ်ဆိးကဒီးလၢကီၢ်ပူၤအဂီၢ်န့ၣ်လီၤ. တၢ်န့ၣ်ကမ့ၢ် သုကီၢ်ဒၣ်သုဝဲ, ဒီးတဒုးသူၣ်ဝံၤသၣ်စ့ၤကဒီးဘၣ်သုဖိတဖၣ်လၢၤဘၣ်.

လံာ်ယဃ့းစက့လး 36:30

ယကဒုးသၣ်အါထီၣ်သုသ့ၣ်တဖၣ်လၢအသၣ်ထီၣ်သ့ဒီးသုစံာ်ဧိၤပှဲၤဧိၤ တဖၣ်ဒ်သိးတၢ်သၣ်ဝံၤလီၤဒိလၢအကမၤမဲာ်ဆှးသုလၢပှၤကလုာ် တဖၣ်အကျါသုတအိၣ်လၢၤနီတဘျီတဂ့ၤန့ၣ်လီၤ.

လံာ်ယဃ့းစက့လး 36:9

ယအိၣ်လၢသုအိၣ်တကပၤ, ဒီးယကမၤလီၤတံၢ်တၢ်လၢသုဟီၣ်ခိၣ် ဘၣ်တၢ်ထဲၣ်ထီၣ်က့ၤကဒီးအီၤ, ဒီးလၢတၢ်ချံတဖၣ်ကဘၣ်တၢ်သူၣ် လီၤကဒီးအီၤဖဲန့ၣ်လီၤ.

လံာ်ဟိၤၡ့ 13:3

လၢတၢ်န့ၣ်အဃိ, ပှၤဂီၢ်မုၢ်တဖၣ်အံၤကဟါမၢ်ကွံာ်ဝဲဒ်မုၢ်ဂီၤ အဘှ့ၣ်အသိးဒ်ပစီၤထံလၢအလီၤမၢ်လၢမုၢ်တနံၤဂီၤဂီၤအသိးန့ၣ်လီၤ. အဝဲသ့ၣ်ကလီၤဂာ်ဒ်ဖ့လၢကလံၤအူဒံကွံာ်အီၤလၢကြဲၢ်ပူၤ အသိးဒီးမ့ၣ်အူလုၣ်လၢမ့ၣ်အူပျိာ်တခါအပူၤအသိးန့ၣ်လီၤ.

လံာ်ဟိၤၡ့ 14:5

ယကမ့ၢ်တၢ်လၢအလီၤဂာ်ဒီးတၢ်စူၤထံလၢဟီၣ်ခိၣ်ဃ့ထီ အလိၤလၢကီၢ်အံၣ်စရ့လးအပှၤဂီၢ်မုၢ်အဂီၢ်န့ၣ်လီၤ. အဝဲသ့ၣ်ကဘိၣ်ထီၣ်ဖးထီၣ်ဒ်ဖီတဖၣ်အသိးအဝဲသ့ၣ်ကသူၣ်လီၤ အသးကျၢၤကျၢၤဒ်ကီၢ်လဘၤနိၣ်အသ့ၣ်တဖၣ်အသိးန့ၣ်လီၤ.

လံာ်ယိၤအ့လး 2:19

ဒီးယွၤစံးဆၢအပှၤဂီၢ်မုၢ်, ခဲကနံၣ်အံၤ, ယကဟ့ၣ်လီၤသု လၢဘုဧိၤဟုဧိၤ, စပံးထံဒီးသ့ၣ်စၤယံးအသိ, ဒီးသုကအိၣ်ဒီးတၢ်သူၣ်မံသးမံလီၤ. ဒီးပှၤကလုာ်ဂၤတဖၣ်တဒုၣ်ဒွဲၣ်စံးအၢလၢၤဘၣ်သုဘၣ်.

လံာ်ယိၤအ့လး 2:22

ဆၣ်ဖိကီၢ်ဖိသ့ၣ်ဧၢ, ပျံၤတၢ်တဂ့ၤ. တၢ်အီၣ်ဆၣ်အလီၢ်တဖၣ်လါဟ့ဝဲ, သ့ၣ်တဖၣ်သၣ်ထီၣ်ဝဲ, ချၢၣ်ဒၢအထူၣ်ဒီးစပံးမုၢ်တဖၣ်အိၣ်အါအါဂီၢ်ဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:3

သုမ့ၢ်အိၣ်မူဒ်ယတၢ်သိၣ်တၢ်သီအသိးဒီးတိၢ်န့ၢ်ယတၢ်မၤလိာ်တဖၣ်န့ၣ်,

လံာ်စဖါနယၤ 3:13

အံၣ်စရ့လးအပှၤဂီၢ်မုၢ်လၢအအိၣ်မူတ့ၢ်တဖၣ်တမၤ ကမၣ်လၢၤဘၣ်ပှၤနီတဂၤ, တကတိၤလီတၢ်နီတမံၤမ့ၢ်ဂ့ၤ, တကျဲးစၢးလွဲန့ၢ်ပှၤနီတဂၤမ့ၢ်ဂ့ၤဘၣ်န့ၣ်လီၤ. အဝဲသ့ၣ်ကအီၣ်ကုးအီပှဲၤဒီးအိၣ်မုာ်ဆိးပၢၤဒီးတဘၣ် ပျံၤပှၤနီတဂၤဘၣ်န့ၣ်လီၤ.”

လံာ်ဃးကဲ 1:10

လၢတၢ်န့ၣ်အဃိတၢ်တဟဲစူၤဘၣ်ဒီး တၢ်မဲထီၣ်တသ့နီတမံၤဘၣ်.

လံာ်ဃးကဲ 2:18

တနံၤအံၤမ့ၢ်လါခွံလါတလါထီၣ်ခံဆံလွံၢ်နံၤတနံၤ, မုၢ်တနံၤဖဲတၢ်လုၢ်ဟံၣ်အခီၣ်ထံးဘၣ်တၢ်ပာ်လီၤအီၤ ဝံၤဝဲန့ၣ်လီၤ. စးထီၣ်ခဲအံၤဒီးဆူညါတၢ်မနုၤကမၤအသးလဲၣ်န့ၣ်, ကွၢ်တက့ၢ်.

လံာ်ဃးကဲ 2:19

ဘုဧိၤဟုဧိၤမ့ၢ်တအိၣ်တ့ၢ်လၢၤဘၣ်ဆၣ်, စပံးမုၢ်တဖၣ်, ချၢၣ်ဒၢအထူၣ်တဖၣ်, သ့ၣ်သလဲတဖၣ်ဒီးသ့ၣ်စၤယံးတဖၣ်မ့ၢ်တသၣ်ထီၣ်ဒံးဒၣ်လဲာ်, စးထီၣ်ခဲအံၤဒီးဆူညါန့ၣ်ယကဆိၣ်ဂ့ၤသုလီၤ.”

လံာ်စကၤရယၤ 8:6

လၢပှၤကလုာ်လၢအအိၣ်လီၤတဲာ်တ့ၢ်ခဲအံၤတဖၣ် အဂီၢ်န့ၣ်တၢ်အံၤကမ့ၢ်တၢ်လၢအမၤအသးတသ့ဘၣ်လီၤ. ဘၣ်ဆၣ်ဒီးတၢ်တသ့ဘၣ်န့ၣ်တအိၣ်ဒီးယၤဘၣ်.

လံာ်မၤလကံ 3:11

ယတပျဲတၢ်ဖိဃၢ်တဖၣ်မၤဟးဂီၤသုတၢ်မုၢ်တၢ်ဘိဘၣ်, ဒီးသုစပံးမုၢ်တဖၣ်အသၣ်တလီၤဆှုဘၣ်ဝဲဘၣ်.

လံာ်မးသဲ 6:33

မ့မ့ၢ်ဃုဆိကစၢ်ယွၤအဘီအမုၢ်ဒီးအတၢ်တီတၢ်လိၤတက့ၢ်. ဒီးကစၢ်ယွၤကဟ့ၣ်လီၤသုလၢတၢ်တဖၣ်န့ၣ်ခဲလၢာ်လီၤ.

1 ကရံၣ်သူး 3:21

လၢတၢ်န့ၣ်အဃိ, မတၤတဂၤမးတကြၢးကတိၤပာ်ကဖၢလၢ အသးဘၣ်ဃးဒီးတၢ်လၢပှၤကညီမၤဝဲသ့န့ၣ်ဘၣ်. အနီၢ်နီၢ်န့ၣ်, တၢ်ခဲလၢာ်ခဲဆ့မ့ၢ်ဒၣ်သုတၢ်

လံာ်သိၣ်လီၤသီလီၤတၢ် 32:2

ယတၢ်သိၣ်လိကမၤအသးဒ်တၢ်စူၤထံအလီၤစီၤတဖၣ်လၢအဟဲလီၤတဲာ်အသိး, ဒီးဒုးအိၣ်ထီၣ်ပစီၤထံလၢဟီၣ်ခိၣ်လိၤအသိးန့ၣ်လီၤ. ယတၢ်ကတိၤတဖၣ်ကမၤအသးဒ်ထံလူလီၤအသးအါအါဂီၢ်ဂီၢ် လၢတၢ်မုၢ်တၢ်ဘိမဲထီၣ်သီတဖၣ်အလိၤအသိး, လီၤဂာ်ဒ်တၢ်လီၤသဖှံၣ်လၢတပံာ်လၢအစၢ်အလိၤအသိးန့ၣ်လီၤ.

လံာ်သိၣ်လီၤသီလီၤတၢ် 33:13

ဘၣ်ဃးဒီးယိၤသးအဒူၣ်အဂ့ၢ်န့ၣ်, အဝဲစံးဝဲ, “မ်ယွၤဆိၣ်ဂ့ၤအဝဲသ့ၣ်အထံအကီၢ်ဒီးတၢ်ဟဲစူၤလၢထးခီ, အိၣ်ဃုာ်ဒီးထံတဖၣ်လၢဟီၣ်ခိၣ်လာ်န့ၣ်တက့ၢ်.

လံာ်သိၣ်လီၤသီလီၤတၢ် 33:28

လၢတၢ်န့ၣ်အဃိ, စီၤယၤကိာ်အစၢၤအသွဲၣ်တဖၣ်အိၣ်ဝဲ ဆိးဝဲလၢတၢ်ဃူတၢ်မုာ်အပူၤ, အိၣ်ပူၤအိၣ်ဖျဲးဝဲလၢကီၢ် တဘ့ၣ်လၢအပှဲၤဒီးဘုဧိၤဟုဧိၤဒီးစပံးထံအပူၤ, ဖဲပစီၤထံလၢမူကပိာ်လိၤတဖၣ်မၤဘၣ်စီၣ်ဟီၣ်ခိၣ်န့ၣ်လီၤ.

ယၤကိာ် 3:18

ဒီးတၢ်ဂ့ၤတၢ်ဝါမ့ၢ်တၤသၣ်လၢအဟဲကဲထီၣ်ဝဲလၢတၢ်အချံ တဖၣ်လၢပှၤမၤဃူမၤဖိးတၢ်တဖၣ်သူၣ်လီၤဖျးလီၤဝဲလၢ တၢ်ဃူတၢ်ဖိးအပူၤန့ၣ်လီၤ.