လံာ်စကၤရယၤ 7:6 - Sgaw Karen Common Bible

⁶ ဒီးဖဲအဝဲသ့ၣ်အီၣ်တၢ်ဒီးအီတၢ်န့ၣ်မ့ၢ်ဒၣ်လၢ အဝဲသ့ၣ်အတၢ်သူၣ်မံသးမုာ်ဒၣ်ဝဲအဂီၢ်လီၤ.”

လံာ်စကၤရယၤ 7:6 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 29:22

သတးဒီးလၢမုၢ်တနံၤအဝဲန့ၣ်, အဝဲသ့ၣ်သူၣ်ဖှံသးညီတ့ၢ်ဒိၣ် မးဖဲအအီၣ်တၢ်ဒီးအီတၢ်လၢယွၤအမဲာ်ညါန့ၣ်လီၤ. အဝဲသ့ၣ်ကိးသတြီထီၣ်ဝဲလၢစီၤၡလိၤမိၤမ့ၢ်စီၤပၤခံဘျီ တဘျီန့ၣ်လီၤ. လၢယွၤအမံၤအပူၤန့ၣ်အဝဲသ့ၣ်ဖှူအီၤဒ်ပှၤလၢကပၢဘၣ်အဝဲသ့ၣ် အသိးဒီးစီၤစၤဒိးဒ်ပှၤလုၢ်တၢ်အခိၣ်အသိးန့ၣ်လီၤ.

လံာ်ယၡါယၤ 43:23

နတဟဲစိာ်န့ၢ်ယၤသိဖိတဖၣ်လၢနတၢ်လုၢ်မ့ၣ်အူတဖၣ်အဂီၢ်န့ၣ်ဘၣ်. နတမၤလၤကပီၤယၤလၢနတၢ်လုၢ်တၢ်ပာ် တဖၣ်န့ၣ်ဘၣ်. ယတပာ်တၢ်ဝံတၢ်ယိးလၢနဖီခိၣ်ဒီးဃ့ဆူၣ်နၤ တၢ်မၤဘူၣ်တဖၣ်မ့ၢ်ဂ့ၤ, ယတမၤလီၤဘှံးလီၤတီၤကွံာ်နၤဒီးဃ့တၢ်ဆိၣ်ကဲၤနၢမူ မ့ၢ်ဂ့ၤန့ၣ်ဘၣ်.

လံာ်ယၡါယၤ 58:3

ပှၤဂီၢ်မုၢ်သံကွၢ်တၢ်, “ယွၤမ့ၢ်တထံၣ်သ့ၣ်ညါနီတစုဘၣ်ဒီး, ဘၣ်မနုၤအဃိပဘၣ်ဒုၣ်တၢ်အီၣ်န့ၣ်လဲၣ်. အဝဲမ့ၢ်တကနၣ်ဃုာ်နီ တစဲးဘၣ်ဒီး, ဘၣ်မနုၤအဃိပတဘၣ်အီၣ်တၢ်အီတၢ်န့ၣ်လဲၣ်.” ယွၤစံးဘၣ်အဝဲသ့ၣ်, “နီၢ်နီၢ်တခီ, တကတီၢ်ဃီဖဲသုဒုၣ်တၢ်အီၣ်တၢ်အီန့ၣ်, သုလူၤမၤထွဲသုတၢ်သး စဲဒၣ်ဝဲတဖၣ်ဒီးမၤအၢမၤနးသုပှၤမၤတၢ်ဖိတဖၣ်လီၤ.

လံာ်ဟိၤၡ့ 8:13

အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ်ဆူယၤဒီးအီၣ်တၢ်လုၢ်တၢ်ပာ် တဖၣ်အတၢ်ညၣ်န့ၣ်လီၤ. ဘၣ်ဆၣ်ယၤ, ယွၤတဘၣ်သူၣ်ဘၣ်သးလၢအဝဲသ့ၣ်ဘၣ်, ဒီးခဲကနံၣ်အံၤယကသ့ၣ်နီၣ်ထီၣ်အဝဲသ့ၣ်အတၢ်ဒဲးဘး တဖၣ်ဒီးစံၣ်ညီၣ်အဝဲသ့ၣ်လၢတၢ်န့ၣ်အဃိလီၤ. ယကဆှၢကဒါက့ၤအဝဲသ့ၣ်ဆူကီၢ်အဲၤကူပတူးန့ၣ်လီၤ.

လံာ်ဟိၤၡ့ 9:4

လၢတခီထံတခီကီၢ်တဖၣ်အပူၤန့ၣ်, အဝဲသ့ၣ်လုၢ်ထီၣ်အစပံးထံ အတၢ်လုၢ်တၢ်ပာ်တဖၣ်မ့ၢ်ဂ့ၤ, ဟဲစိာ်ဃီၤအတၢ်လုၢ်တၢ်ပာ်တ ဖၣ်မ့ၢ်ဂ့ၤဆူယွၤအအိၣ်တသ့လၢၤဘၣ်. အဝဲသ့ၣ်အတၢ်အီၣ်ကမၤတကဆှီဘၣ် ပှၤလၢအအီၣ်အီၤကိးဂၤဒဲးဒ်တၢ်အီၣ်လၢအဘၣ်တၢ်အီၣ်အီၤဖဲတၢ် သံတၢ်ပှၢ်အလီၢ်တဖၣ်အသိးန့ၣ်လီၤ. တၢ်န့ၣ်အဘျုးကအိၣ်ဒၣ်ထဲလၢကဒုးသးမံက့ၤပှၤလၢအတၢ်သၣ်ဝံၤ သၣ်စ့ၤန့ၣ်လီၤ. လဲၤစိာ်အီၤဆူယွၤအတၢ်လုၢ်ဟံၣ်အပူၤဒ်တၢ်လုၢ်တၢ်ပာ်အသိးတသ့ ဘၣ်နီတမံၤဘၣ်.

လံာ်စကၤရယၤ 7:5

အဝဲစံးဝဲ, “တဲဘၣ်ပှၤဂီၢ်မုၢ်လၢထံဧိၤကီၢ်ဧိၤအပူၤ, ဒီးပှၤလုၢ်တၢ်အခိၣ်တဖၣ်လၢဖဲအဝဲသ့ၣ်ဒုၣ်တၢ်အီၣ်တၢ် အီဒီးဟီၣ်တၢ်ယၢၤတၢ်လၢလါယဲၢ်လါတလါ, ဒီးလၢလါနွံလါတလါအပူၤ, လၢအနံၣ်နွံဆံအတီၢ်ပူၤန့ၣ်တမ့ၢ်ဘၣ်လၢတၢ်မၤလၤမၤကပီၤယၤ အဂီၢ်န့ၣ်ဘၣ်.

လံာ်စကၤရယၤ 7:7

အအံၤမ့ၢ်တၢ်လၢယွၤစံးဝဲခီဖျိဝံလၢညါတဖၣ် ဖဲဝ့ၢ်ယရူၤၡလ့ၣ်ဘီၣ်ထီၣ်ညီထီၣ်ဒီးပှဲၤတ့ၢ်ဝဲဒီးပှၤဂီၢ်မုၢ်, ဒီးဖဲပှၤဂီၢ်မုၢ်အိၣ်ဆိးဝဲအါဂၤ, တမ့ၢ်ထဲလၢဝ့ၢ်တဖၣ်လၢအအိၣ်ဝးတရံးဝ့ၢ်ယရူၤၡလ့ၣ်အပူၤဧိၤ ဘၣ်, မ့မ့ၢ်အိၣ်ဆိးစ့ၢ်ကီးလၢကလံၤထံးလီၢ်ကဝီၤဒီးလၢမုၢ်နုာ် တၢ်လူၢ်ခီၣ်ထံးတဖၣ်အခါလီၤ.

1 ကရံၣ်သူး 10:31

လၢတၢ်န့ၣ်အဃိ, တၢ်တမံၤလၢ်လၢ်လၢနမၤအီၤန့ၣ်, နအီၣ်တၢ်မ့ၢ်ဂ့ၤ, အီတၢ်မ့ၢ်ဂ့ၤ, မၤအီၤလၢယွၤအလၤကပီၤအဂီၢ်တက့ၢ်.

လံာ်သိၣ်လီၤသီလီၤတၢ် 12:7

ဖဲန့ၣ်, လၢယွၤသုကစၢ်ယွၤလၢအဆိၣ်ဂ့ၤသုအမဲာ်ညါန့ၣ်, သုဝဲဒီးသုပှၤဟံၣ်ဖိဃီဖိတဖၣ်ကအီၣ်တၢ်ဒီးမုာ်လၤသးခုလၢ ကယဲၢ်တၢ်ဂ့ၤတဖၣ်လၢသုမၤတ့ၢ်အီၤအဃိန့ၣ်လီၤ.

လံာ်သိၣ်လီၤသီလီၤတၢ် 14:26

ဒီးသူစ့န့ၣ်လၢတၢ်လၢသုအဲၣ်ဒိးအီၤတမံၤလၢ်လၢ်လၢအမ့ၢ်ဂီၤ ဖံးမ့ၢ်ဂ့ၤ, သိမ့ၢ်ဂ့ၤ, စပံးထံမ့ၢ်ဂ့ၤ, သံးမ့ၢ်ဂ့ၤအဂီၢ်, ဒီးဖဲန့ၣ်လၢယွၤသုကစၢ်ယွၤအမဲာ်ညါန့ၣ်, သုဝဲဒီးသုပှၤဟံၣ်ဖိဃီဖိတဖၣ်ကဘၣ်အီၣ်တၢ်ဒီးမၤသူၣ်ဖှံ သးညီသုသးန့ၣ်လီၤ.

ကလီးစဲ 3:17

ကယဲၢ်သုမၤတၢ်တမံၤလၢ်လၢ်န့ၣ်, လၢတၢ်ကတိၤမ့ၢ်ဂ့ၤ, တၢ်ဖံးတၢ်မၤမ့ၢ်ဂ့ၤ, မၤတၢ်ကိးမံၤဒဲးလၢကစၢ်ယ့ၣ်ၡူးအမံၤ အပူၤ, အိၣ်ဒီးတၢ်စံးထီၣ်ပတြၢၤပၢ်ယွၤခီဖျိအီၤတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 16:7

ဘၣ်ဆၣ်ဒီးယွၤစံးဘၣ်အီၤ, “ကနၣ်ဃုာ်အဂီၤထီဒီးဒိၣ်တၢ်ဂ့ၤ ဆံးအါဆံးအါန့ၣ်တဂ့ၤ. ယညိကွံာ်အီၤလီၤ. အဂ့ၢ်ဒ်အံၤ, ယတစံၣ်ညီၣ်တၢ်ဒ်ပှၤကညီစံၣ်ညီၣ်တၢ်အသိးဘၣ်. ပှၤကညီကွၢ်တၢ်အက့ၢ်အဂီၤလၢခိလီၤ. မ့မ့ၢ်ယကွၢ်အသူၣ်အသးန့ၣ်လီၤ.”