လံာ်စကၤရယၤ 7:5 - Sgaw Karen Common Bible

⁵ အဝဲစံးဝဲ, “တဲဘၣ်ပှၤဂီၢ်မုၢ်လၢထံဧိၤကီၢ်ဧိၤအပူၤ, ဒီးပှၤလုၢ်တၢ်အခိၣ်တဖၣ်လၢဖဲအဝဲသ့ၣ်ဒုၣ်တၢ်အီၣ်တၢ် အီဒီးဟီၣ်တၢ်ယၢၤတၢ်လၢလါယဲၢ်လါတလါ, ဒီးလၢလါနွံလါတလါအပူၤ, လၢအနံၣ်နွံဆံအတီၢ်ပူၤန့ၣ်တမ့ၢ်ဘၣ်လၢတၢ်မၤလၤမၤကပီၤယၤ အဂီၢ်န့ၣ်ဘၣ်.

လံာ်စကၤရယၤ 7:5 Iomraidhean Croise

လံာ်စီၤပၤခံဘ့ၣ်တဘ့ၣ် 25:23

တုၤပှၤယူဒၤဖိအသုးခိၣ်တဖၣ်ဒီးအပှၤသုးဖိတဖၣ်လၢအတဟ့ၣ်လီၤ ကွံာ်အသးနၢ်ဟူတၢ်ဂ့ၢ်အံၤန့ၣ်, အဝဲသ့ၣ်ပာ်ဖှိၣ်ထီၣ်အသးဒီးစီၤကဒါလယၤဖဲဝ့ၢ်မံးစပၤန့ၣ် လီၤ. သုးခိၣ်တဖၣ်အံၤန့ၣ်မ့ၢ်ဝဲ, စီၤနသၤနံယၤအဖိခွါစီၤယံး ၡမၤဧ့လး, စီၤကၤရ့ၤအဖိခွါစီၤယိဃၤနၣ်, ပှၤဝ့ၢ်နတိဖးဖိ စီၤတ့ၣ်ဃူမ့းအဖိခွါစီၤစရါယၤ, ဒီးပှၤဝ့ၢ်မၤကၤသးဖိ စီၤယၤစၤနယၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:25

ဘၣ်ဆၣ်လၢနံၣ်အဝဲန့ၣ်လါနွံလါတလါအပူၤန့ၣ်စီၤနသၤနံယၤ အဖိခွါဒီးစီၤအလံၡမၤအလံၤခွါစီၤယံးၡမၤဧ့လးလၢအမ့ၢ် စီၤပၤအဒူၣ်ဖိထၢဖိအကျါတဂၤန့ၣ်, လဲၤဝဲဆူဝ့ၢ်မံးစပၤဃုာ်ဒီးပှၤအဂၤတဆံ, ဒုးစီၤကဒါလယၤ, ဒီးမၤသံကွံာ်အီၤန့ၣ်လီၤ. အဝဲမၤသံကွံာ်စ့ၢ်ကီးပှၤအံၣ်စရ့လးဖိဒီးပှၤဘၤဘူၤလိၣ်ဖိ လၢအအိၣ်ဖဲန့ၣ်ဒီးအီၤတဖၣ်န့ၣ်လီၤ.

လံာ်ယၡါယၤ 43:23

နတဟဲစိာ်န့ၢ်ယၤသိဖိတဖၣ်လၢနတၢ်လုၢ်မ့ၣ်အူတဖၣ်အဂီၢ်န့ၣ်ဘၣ်. နတမၤလၤကပီၤယၤလၢနတၢ်လုၢ်တၢ်ပာ် တဖၣ်န့ၣ်ဘၣ်. ယတပာ်တၢ်ဝံတၢ်ယိးလၢနဖီခိၣ်ဒီးဃ့ဆူၣ်နၤ တၢ်မၤဘူၣ်တဖၣ်မ့ၢ်ဂ့ၤ, ယတမၤလီၤဘှံးလီၤတီၤကွံာ်နၤဒီးဃ့တၢ်ဆိၣ်ကဲၤနၢမူ မ့ၢ်ဂ့ၤန့ၣ်ဘၣ်.

လံာ်ယၡါယၤ 58:3

ပှၤဂီၢ်မုၢ်သံကွၢ်တၢ်, “ယွၤမ့ၢ်တထံၣ်သ့ၣ်ညါနီတစုဘၣ်ဒီး, ဘၣ်မနုၤအဃိပဘၣ်ဒုၣ်တၢ်အီၣ်န့ၣ်လဲၣ်. အဝဲမ့ၢ်တကနၣ်ဃုာ်နီ တစဲးဘၣ်ဒီး, ဘၣ်မနုၤအဃိပတဘၣ်အီၣ်တၢ်အီတၢ်န့ၣ်လဲၣ်.” ယွၤစံးဘၣ်အဝဲသ့ၣ်, “နီၢ်နီၢ်တခီ, တကတီၢ်ဃီဖဲသုဒုၣ်တၢ်အီၣ်တၢ်အီန့ၣ်, သုလူၤမၤထွဲသုတၢ်သး စဲဒၣ်ဝဲတဖၣ်ဒီးမၤအၢမၤနးသုပှၤမၤတၢ်ဖိတဖၣ်လီၤ.

လံာ်ယံးရမံယၤ 25:11

ထံကီၢ်ဒီဘ့ၣ်ညါအံၤ ကအိၣ်တ့ၢ်လၢတၢ်ဟးဂီၤအပူၤ ဒီးကမ့ၢ်တၢ်ထံၣ်ဘၣ်အလီၢ်လၢအလီၤကမၢကမၣ်န့ၣ်လီၤ. ဒီးကီၢ်ယူဒၤအပှၤဂီၢ်မုၢ်ဒီး ပှၤကလုာ်တဖၣ်လၢ အအိၣ်ဘူးအိၣ်တံၢ်ဒီး အီၤကမၤကီၢ်ဘၤဘူၤလိၣ်အစီၤပၤအတၢ်မၤအနံၣ်နွံဆံန့ၣ်လီၤ.

လံာ်ယံးရမံယၤ 29:10

ယွၤစံးဝဲဒၣ်, ‘ဖဲအနံၣ်နွံဆံလၢ ကီၢ်ဘၤဘူၤလိၣ်အပူၤ ပှဲၤထီၣ်ဝဲန့ၣ်, ယကဒုးနဲၣ် ယတၢ်သးအိၣ်ဘၣ်သုဒီး ဟံးဃာ်ဂၢၢ်ကျၢၤယတၢ်အၢၣ်လီၤလၢ ယကက့ၤစိာ်ကဒါက့ၤသုဆူ ဟံၣ်န့ၣ်လီၤ.

လံာ်ယံးရမံယၤ 52:12

လၢကီၢ်ဘၤဘူၤလိၣ်အစီၤပၤ စီးနဘူၤကးန့စၢ် မၤတၢ်ပှဲၤထီၣ်တဆံနွံနံၣ်တနံၣ်, လါယဲၢ်လါတလါ, လါထီၣ်တဆံသီအနံၤန့ၣ်, စီၤနဘူစၢ်ရဒၣ်လၢအမ့ၢ် ပှၤဟ့ၣ်ကူၣ်စီၤပၤဒီး မ့ၢ်စ့ၢ်ကီးသုးမုၢ်အသုးခိၣ်ဖးဒိၣ်, ဟဲနုာ်လီၤဆူ ဝ့ၢ်ယရူၤၡလ့ၣ်အပူၤလီၤ.

လံာ်ဒၤနံးယ့လး 9:2

ယမၤလိလံာ်တၢ်ကွဲးစီဆှံတဖၣ်လၢယွၤကတိၤတ့ၢ်တၢ်ဒီး ဝံယံးရမံယၤဒီးဆိကမိၣ်တၢ်ဘၣ်ဃးဝ့ၢ်ယရူၤၡလ့ၣ်ကအိၣ်လၢ အတၢ်လီၤပှီၢ်တဖၣ်အပူၤအနံၣ်နွံဆံအဂ့ၢ်န့ၣ်လီၤ.

လံာ်ဟိၤၡ့ 7:14

အဝဲသ့ၣ်တဃ့ဘါထုကဖၣ်ဆူယအိၣ်နီၢ်နီၢ်လၢတၢ်သးတီအပူၤဘၣ်. မ့မ့ၢ်လၢတၢ်န့ၣ်အလီၢ်, အဝဲသ့ၣ်ကွံာ်လီၤအသးဒီးဟီၣ်တၢ်ယၢၤတၢ်ဒ်ပှၤဘါတၢ်ဂီၤတဖၣ် မၤဝဲအသိးန့ၣ်လီၤ. ဖဲအဝဲသ့ၣ်ဘါထုကဖၣ်တၢ်လၢဘုခ့ဒီးစပံးထံ အဂီၢ်န့ၣ်, အဝဲသ့ၣ်ဂဲာ်လီၤကူးလီၤအသးဒ်ပှၤဘါတၢ်ဂီၤတၢ်ဖီၣ်တဖၣ် အသိးန့ၣ်လီၤ. အဝဲသ့ၣ်တဖၣ်မ့ၢ်ပှၤပူထီၣ်တၢ်တဖၣ်လီၤ.

လံာ်စကၤရယၤ 1:12

တုၤနုၤတဘျီ, ယွၤအကလူးစံးဝဲဒၣ်, “သ့တၢ်လၢာ်ယွၤဧၢ, နသးထီၣ်တ့ၢ်ဝ့ၢ်ယရူၤရှလ့ၣ်ဒီးကီၢ်ယူဒၤအဝ့ၢ်တဖၣ်, ခဲအံၤအိၣ်လံအနံၣ်နွံဆံလံ. တချုးလၢနကဒုးနဲၣ်နတၢ်သးကညီၤအဝဲသ့ၣ်န့ၣ်ကယံာ်ဒံးဆံး ယံာ်လဲၣ်.”

လံာ်စကၤရယၤ 7:3

ဒီးကသံကွၢ်ပှၤလုၢ်တၢ်အခိၣ်တဖၣ်ဒီးဝံတဖၣ်လၢတၢ်သံကွၢ်အံၤ, “မ့ၢ်လၢတၢ်လုၢ်ဟံၣ်ဘၣ်တၢ်ဟးဂီၤကွံာ်အီၤလံ အဃိဒီးမ့ၢ်ပကဘၣ်ဟီၣ်ယၢၤဒံးတၢ်ခီဖျိတၢ်ဒုၣ် တၢ်အီၣ်တၢ်အီလၢလါယဲၢ်လါတလါဒ်ပမၤတ့ၢ်လံလၢအါနံၣ်အါလါ အတီၢ်ပူၤအသိးန့ၣ်ဒံးဧါ.”

လံာ်စကၤရယၤ 7:4

အအံၤမ့ၢ်ယွၤအတၢ်ကစီၣ်လၢအဟ့ၣ်လီၤယၤလီၤ.

လံာ်စကၤရယၤ 7:6

ဒီးဖဲအဝဲသ့ၣ်အီၣ်တၢ်ဒီးအီတၢ်န့ၣ်မ့ၢ်ဒၣ်လၢ အဝဲသ့ၣ်အတၢ်သူၣ်မံသးမုာ်ဒၣ်ဝဲအဂီၢ်လီၤ.”

လံာ်စကၤရယၤ 8:19

“တၢ်ဒုၣ်တၢ်အီၣ်တၢ်အီတဖၣ်လၢအဘၣ်တၢ်မၤအီၤလၢလါလွံၢ်လါ တလါ, လါယဲၢ်လါတလါ, လါနွံလါတလါ, ဒီးလါဆံဆဲၣ်လါတလါန့ၣ်ကကဲထီၣ်တၢ်သူၣ်ဖှံသးညီဒီး တၢ်သူၣ်ခုသးခုအဘူၣ်တဖၣ်လၢကီၢ်ယူဒၤအပှၤဂီၢ်မုၢ်အဂီၢ်လီၤ. ဒီးသုကဘၣ်အဲၣ်တၢ်မ့ၢ်တၢ်တီဒီးတၢ်ဃူတၢ်ဖိးန့ၣ်လီၤ.”

လံာ်မးသဲ 23:5

အဝဲသ့ၣ်မၤတၢ်ခဲလၢာ်ဒ်သိးဒီးပှၤကညီကထံၣ်အီၤအဂီၢ်လီၤ. လံာ်စီဆှံအဆၢဖိတဖၣ်အဒၢလၢအစၢဃာ်ဝဲလၢအခိၣ်တိသၣ်ဒီး အစုတီၤလိၤတဖၣ်န့ၣ်, မၤဒိၣ်လီၤဆီဝဲ, ဒီးအဆ့ကၤအနွံတဖၣ်စ့ၢ်ကီးမၤထီလီၤဆီဝဲလီၤ.

လံာ်မးသဲ 6:16

တုၤသုဒုၣ်တၢ်အီၣ်တၢ်အီဒီး, တဘၣ်မၤအုၣ်သပှီၤသုမဲာ်သၣ်ဒ် ပှၤပာ်မၤအသးတဖၣ်မၤဝဲအသိးန့ၣ်တဂ့ၤ. အဝဲသ့ၣ်မၤအုၣ်သပှီၤအမဲာ်သၣ်ဒ်သိးပှၤကညီကထံၣ်သ့ၣ်ညါလၢ အဒုၣ်တၢ်အီၣ်အဂီၢ်လီၤ. နာ်ယၤတက့ၢ်. အဝဲသ့ၣ်ဒိးန့ၢ်လံတၢ်အဘူးအလဲလၢလၢပှဲၤပှဲၤလံ.

လံာ်မးသဲ 6:2

လၢတၢ်န့ၣ်အဃိ, ဖဲသုဟ့ၣ်သးကညီၤတၢ်န့ၣ်, တဘၣ်မၤအီၤဒ်သိးပှၤအါဂၤကထံၣ်သ့ၣ်ညါအဂီၢ်, ဒ်ပှၤပာ်မၤအသးတဖၣ်မၤဝဲလၢဘူၣ်ဘျီၣ်လၢအမ့ၢ်တၢ်ဘါလီၢ် အပူၤဒီးလၢကျဲအပူၤလၢပှၤကညီကစံးထီၣ်ပတြၢၤအီၤအဂီၢ် အသိးန့ၣ်တဂ့ၤ. နာ်ယၤတက့ၢ်. အဝဲသ့ၣ်ဒိးန့ၢ်လံတၢ်အဘူးအလဲလၢလၢပှဲၤပှဲၤလံ.

လံာ်မးသဲ 6:5

တဘျီလၢ်လၢ်ဖဲသုဃ့ထုကဖၣ်ယွၤန့ၣ်, တဘၣ်မၤသုသးဒ်ပှၤပာ်မၤအသးတဖၣ်မၤဝဲအသိးန့ၣ်တဂ့ၤ. အဝဲသ့ၣ်အဲၣ်ဒိးဂဲၤဆၢထၢၣ်ဒီးဘါထုကဖၣ်ယွၤလၢဘူၣ်ဘျီၣ် လၢအမ့ၢ်တၢ်ဘါလီၢ်အပူၤဒီးလၢကျဲသဂၢၢ်လိာ်သးအလီၢ်တဖၣ် ဒ်သိးပှၤကထံၣ်ဘၣ်အီၤကိးဂၤဒဲးအဂီၢ်လီၤ. နာ်ယၤတက့ၢ်. အဝဲသ့ၣ်ဒိးန့ၢ်လံတၢ်အဘူးအလဲလၢလၢပှဲၤပှဲၤလံ.

1 ကရံၣ်သူး 10:31

လၢတၢ်န့ၣ်အဃိ, တၢ်တမံၤလၢ်လၢ်လၢနမၤအီၤန့ၣ်, နအီၣ်တၢ်မ့ၢ်ဂ့ၤ, အီတၢ်မ့ၢ်ဂ့ၤ, မၤအီၤလၢယွၤအလၤကပီၤအဂီၢ်တက့ၢ်.

၂ ကရံၣ်သူး 5:15

အဝဲဒၣ်သံလၢပှၤကိးဂၤဒဲးအဂီၢ်, ဒ်သိးပှၤလၢအမူတဖၣ် သုတအိၣ်မူလၢၤလၢအနီၢ်ကစၢ်ဒၣ်ဝဲအဂီၢ်တဂ့ၤ. မ့မ့ၢ်ကအိၣ်မူ ဒၣ်ထဲလၢ လၢပှၤလၢအသံတ့ၢ်ဒီးဘၣ်တၢ်ဒုးဂဲၤဆၢထၢၣ်သမူ ထီၣ်က့ၤအီၤလၢအဝဲသ့ၣ်အဃိတဂၤအဂီၢ်ဧိၤန့ၣ်လီၤ.

ကလီးစဲ 3:23

တၢ်လၢသုမၤတမံၤလၢ်လၢ်န့ၣ်, မၤအီၤလၢတၢ်သူၣ်ခုသးခု အပူၤဒ်သုမၤတၢ်လၢကစၢ်အဂီၢ်ဒီးတမ့ၢ်ဘၣ်လၢပှၤကညီ အဂီၢ်အသိးန့ၣ်တက့ၢ်.