လံာ်စကၤရယၤ 7:12 - Sgaw Karen Common Bible

¹² ဒီးမၤကိၤအသးတဖၣ်, ကိၤဝဲဒ်လၢၢ်အသိးန့ၣ်လီၤ. မ့ၢ်လၢအဝဲသ့ၣ်တဒိကနၣ်တၢ်သိၣ်လိလၢယဟ့ၣ် လီၤခီဖျိဝံလၢပျၢၤတဖၣ်အဃိဒီးယသးထီၣ်ဒိၣ်မးလီၤ.

လံာ်စကၤရယၤ 7:12 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:13

စီၤပၤစံးဒကံယၤပူထီၣ်ထီဒါစီၤပၤနဘူၤကးန့စၢ်, လၢအမၢဆူၣ်အီၤဒ်သိးအကဆိၣ်လီၤအသးလၢကစၢ်ယွၤအမံၤအပူၤ, လၢအဝဲကဘၣ်အိၣ်ဒီးတၢ်သူၣ်တီသးရၤန့ၣ်လီၤ. အဝဲဂ့ၢ်လိာ်ဝဲဆူၣ်ဆူၣ်ကလဲာ်လၢကပီၢ်ယၢ်လီၤက့ၤအသးဒီးဃၣ် က့ၤအသးဆူယွၤ, အံၣ်စရ့လးအကစၢ်ယွၤအအိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:16

ဘၣ်ဆၣ်အဝဲသ့ၣ်မၤကလိာ်ကလာ်ကစၢ်ယွၤအပှၤစိာ်တၢ်ကစီၣ်တဖၣ်, တပာ်လ့ၣ်ပာ်ကါအဝဲသ့ၣ်အတၢ်ကတိၤတဖၣ်ဒီးနံၤဘၣ်ကစၢ်ယွၤအဝံတ ဖၣ်, တုၤလၢလၢခံကတၢၢ်ယွၤအတၢ်သးထီၣ်ထီဒါအပှၤဂီၢ်မုၢ်န့ၣ်ဒိၣ် ဝဲတုၤဒၣ်လဲာ်တၢ်ထူၣ်ဖျဲးတအိၣ်ဝဲလၢၤဘၣ်.

လံာ်စီၤယိၤဘး 9:4

ကစၢ်ယွၤန့ၣ်ကူၣ်ဘၣ်ကူၣ်သ့ဒီးအစိအကမီၤဒိၣ်နီၢ်မးန့ၣ်လီၤ. ပှၤထီဒါအီၤတန့ၢ်နီတဂၤဘၣ်.

စံးထီၣ်ပတြၢၤ 50:17

အဂ့ၢ်ဒ်အံၤ, နသးဟ့ယတၢ်သိၣ်တၢ်သီ, ဒီးနကွံာ်တ့ၢ်ကွံာ်ယကလုၢ်ကထါလၢ နလီၢ်ခံန့ၣ်လီၤ.

လံာ်တၢ်ဟးထီၣ်ကွံာ် 7:13

ဘၣ်ဆၣ်စီၤပၤအသးကိၤဒံးဝဲဒီးတဒိကနၣ်ဘၣ်စီၤမိၤၡ့ဒီး စီၤအၤဟရိၣ်ဘၣ်, ဒ်ယွၤစံးဝဲအသိးန့ၣ်လီၤ.

လံာ်ယၡါယၤ 46:12

သုဝဲပှၤလၢအခိၣ်ကိၤဒီးဆိကမိၣ်လၢတၢ်မၤနၢၤအံၤယံၤဒံးဝဲ တဖၣ်ဧၢ, ဒိကနၣ်ယၤတက့ၢ်.

လံာ်ယၡါယၤ 48:4

ယသ့ၣ်ညါတ့ၢ်လၢသုကမၤသုသးသုခိၣ်ကိၤကနံ ထဲသိးသိးဒီးထး, ဒီးတဆုးလီၤပိာ်လီၤဘၣ်အသး ဒ်တိၢ်ဘီအသိးဘၣ်န့ၣ်လီၤ.

လံာ်ယၡါယၤ 6:10

ဝံၤဒီးအဝဲစံးဘၣ်ယၤ, “မၤဃၢပှၤတဖၣ်အံၤအသး, မၤတအၢအနၢ်တဖၣ်, ဒီးမၤဘျီၣ်အမဲာ်ချံတဖၣ်ဒ်သိးအဝဲသ့ၣ် အသုတထံၣ်တၢ်, နၢ်ဟူတၢ်, ဒီးနၢ်ပၢၢ်တၢ်တဂ့ၤန့ၣ်တက့ၢ်. အဝဲသ့ၣ်မ့ၢ်ထံၣ်တၢ်, နၢ်ဟူတၢ်, ဒီးနၢ်ပၢၢ်ဘၣ်ဖုးတၢ်ဒီး, အဝဲသ့ၣ်ကဃၣ်ကဒါက့ၤဘၣ်ဖုးအသးဆူယ အိၣ်ဒီးကန့ၢ်ဘၣ်ဖုးတၢ်မၤဘျါက့ၤန့ၣ်လီၤ.”

လံာ်ယၡါယၤ 65:12

တၢ်သံဆူၣ်သံစိးကမ့ၢ်သုတၢ်ဘူၣ်တၢ်တီၢ်, မ့ၢ်လၢဖဲယကိး ထီၣ်တ့ၢ်သုန့ၣ်သုတစံးဆၢယၤမ့ၢ်ဂ့ၤ, ဖဲယကတိၤတၢ်န့ၣ် သုတဒိကနၣ်ဘၣ်မ့ၢ်ဂ့ၤအဃိလီၤ. သုဃုထၢတ့ၢ်တၢ်တစူၢ်ယၤဒီးမၤ တၢ်အၢတၢ်သီလီၤ.

လံာ်ယံးရမံယၤ 17:1

ယွၤစံးဝဲဒၣ်, “ကီၢ်ယူဒၤအပှၤဂီၢ်မုၢ်ဧၢ, သုတၢ်ဒဲးဘးဘၣ်တၢ်ကွဲးလီၤအီၤလၢထိၣ်ဒံးထးတဘိန့ၣ်လီၤ. ဘၣ်တၢ်စိးပျၤအီၤလၢတၢ်မျၢ်အခိၣ်စူတဘိလၢသုသးတဖၣ် အလိၤဒီးပိာ်ဒဲးကံၢ်ဒဲးဝ့ၤအီၤလၢသုတၢ်လုၢ်လီၢ် တဖၣ်အသနၢၣ်တဖၣ်အလိၤန့ၣ်လီၤ.

လံာ်ယံးရမံယၤ 17:23

အဝဲသ့ၣ်အမိၢ်ပၢ်ဖံဖုလၢပျၢၤတဖၣ်တဒိကနၣ်ယၤမ့ၢ်ဂ့ၤ, တကနၣ်ဃုာ်ယၤမ့ၢ်ဂ့ၤန့ၣ်ဘၣ်. အခိၣ်တလိာ်အဝဲသ့ၣ် အခိၣ်ကိၤထီၣ်န့ၣ်လီၤ. အဝဲသ့ၣ်တအဲၣ်ဒိးစူၢ်ယၤမ့ၢ်ဂ့ၤ, မၤလိန့ၢ်တၢ်လၢယၤမ့ၢ်ဂ့ၤန့ၣ်ဘၣ်.

လံာ်ယံးရမံယၤ 26:19

စီၤပၤဃံးစကံယၤဒီး ကီၢ်ယူဒအပှၤဂီၢ်မုၢ်တမၤသံကွံာ်ဝံမံကၤဘၣ်. အခိၣ်တလိာ်စီၤဃံးစကံယၤ ယူးယီၣ်မၤလၤကပီၤတ့ၢ်ယွၤဒီး ကျဲးစၢးမၤန့ၢ် ယွၤအတၢ်ကွၢ်မဲာ်န့ၣ်လီၤ. ဒီးယွၤလဲလိာ်တၢ်ပာ်လီၤအသး ဘၣ်ဃးတၢ်တတၢး တနါလၢ အစံးတ့ၢ်ဝဲလၢ အကဒုးဘၣ်လီၤက့ၤ ပသးလၢ တၢ်တတၢးတနါလၢ အလီၤပျံၤလီၤဖုးဒိၣ်မးတမံၤန့ၣ်လီၤ.”

လံာ်ယံးရမံယၤ 42:21

ဒီးခဲအံၤယတဲဘၣ်သု, ဘၣ်ဆၣ်ဒီး တၢ်ကိးမံၤဒဲးလၢယွၤ ကစၢ်ယွၤမၢလီၤယၤလၢ ယကတဲဘၣ်သုန့ၣ် သုတစူၢ်အီၤဘၣ်.

လံာ်ယံးရမံယၤ 5:3

သပှၢ်ကတၢၢ်ယွၤကွၢ်ဃုတၢ်သူၣ်တီသးလိၤန့ၣ်လီၤ. အဝဲဒိတီၢ်သုဘၣ်ဆၣ်သုတပာ်လ့ၤပာ်ကဲအီၤဘၣ်. အဝဲမၤသဘှံးသုဘၣ်ဆၣ်သုတမၤလိန့ၢ်တၢ်ဘၣ်. သုခိၣ်ကိၤဒီးသုတဃၣ်ကွံာ်သုသးလၢသုတၢ်ဒဲးဘးတဖၣ်ဘၣ်.

လံာ်ယံးရမံယၤ 7:20

လၢတၢ်န့ၣ်အဃိ, ယၤ, ယွၤလၢပၢဘၣ်တၢ်ခဲလၢာ်, ကလူလီၤဂၢ်လီၤယတၢ်သးကဲၤထီၣ်ဆူၣ် လၢယွၤအတၢ်လုၢ်ဟံၣ်အဖီခိၣ်လီၤ. ယကလူလီၤဂၢ်လီၤအီၤလၢပှၤဂီၢ် မုၢ်ဒီးဆၣ်ဖိကီၢ်ဖိတဖၣ်အဖီခိၣ်တမံၤဃီ, တုၤဒၣ်လဲာ်လၢသ့ၣ်တဖၣ် ဒီးတၤသူတၤသၣ်တဖၣ်အဖီခိၣ်န့ၣ်လီၤ. ယတၢ်သးကဲၤထီၣ်ကလီၤဂာ် ဒ်မ့ၣ်အူအီၣ်တၢ်လၢပှၤမၤလီၤပံာ်ကွံာ်တန့ၢ်နီတဂၤဘၣ် အသိးန့ၣ်လီၤ.

လံာ်ယဃ့းစက့လး 11:19

ယကဟ့ၣ်လီၤအဝဲသ့ၣ်လၢသးအကံၢ်အလဲအသီဒီးသးလၢ အသ့ၣ်ညါဒၣ်တၢ်အသီလီၤ. ယကဟံးထီၣ်ကွံာ်အဝဲသ့ၣ်အသးလၢအကိၤဒ်လၢၢ်အသိးဒီးဟ့ၣ်လီၤ အဝဲသ့ၣ်လၢသးလၢအစူၢ်တၢ်တဖျၢၣ်န့ၣ်လီၤ.

လံာ်ယဃ့းစက့လး 14:5

တၢ်ဂီၤတၢ်ဖီၣ်တဖၣ်န့ၣ်ဃၣ်ကွံာ်လံပှၤအံၣ်စရ့လးဖိလၢ ယအိၣ်လံဘၣ်ဆၣ်ခီဖျိယတၢ်စံးဆၢန့ၣ်, ယမုၢ်လၢ်လၢယကမၤန့ၢ်က့ၤအဝဲသ့ၣ်အတၢ်သးတီဒီးယၤန့ၣ်လီၤ.

လံာ်ယဃ့းစက့လး 2:4

အဝဲသ့ၣ်အခိၣ်ကိၤဒီးတပာ်ကဲယၤဘၣ်. လၢတၢ်န့ၣ်အဃိ ယမၢလီၤနၤလၢနကတဲဘၣ်အဝဲသ့ၣ်, တၢ်လၢယၤ, ယွၤပၢဘၣ်တၢ်ခဲလၢာ်ကစၢ်, စံးဘၣ်အဝဲသ့ၣ်န့ၣ်လီၤ.

လံာ်ယဃ့းစက့လး 36:26

ယကဟ့ၣ်လီၤသုလၢသးအသီတဖျၢၣ်ဒီးတၢ်ပာ်သူၣ်ပာ်သးအသီ တမံၤန့ၣ်လီၤ. ယကဟံးထီၣ်ကွံာ်သုသးလၢအကိၤဒ်လၢၢ်အသိး ဒီးဟ့ၣ်လီၤသုသးလၢအစူၢ်တၢ်တဖျၢၣ်န့ၣ်လီၤ.

လံာ်စကၤရယၤ 1:2

ယွၤသ့တၢ်လၢာ်စံးဘၣ်ဝံစကၤရယၤလၢကတဲဘၣ်ပှၤဂီၢ်မုၢ်ဒ်အံၤ, “ယၤ, ယွၤအံၤ, ယသးဒိၣ်ထီၣ်ဘၣ်သုမိၢ်ပၢ်ဖံဖုလၢပျၢၤတဖၣ်ဒိၣ်မး,

လံာ်စကၤရယၤ 7:7

အအံၤမ့ၢ်တၢ်လၢယွၤစံးဝဲခီဖျိဝံလၢညါတဖၣ် ဖဲဝ့ၢ်ယရူၤၡလ့ၣ်ဘီၣ်ထီၣ်ညီထီၣ်ဒီးပှဲၤတ့ၢ်ဝဲဒီးပှၤဂီၢ်မုၢ်, ဒီးဖဲပှၤဂီၢ်မုၢ်အိၣ်ဆိးဝဲအါဂၤ, တမ့ၢ်ထဲလၢဝ့ၢ်တဖၣ်လၢအအိၣ်ဝးတရံးဝ့ၢ်ယရူၤၡလ့ၣ်အပူၤဧိၤ ဘၣ်, မ့မ့ၢ်အိၣ်ဆိးစ့ၢ်ကီးလၢကလံၤထံးလီၢ်ကဝီၤဒီးလၢမုၢ်နုာ် တၢ်လူၢ်ခီၣ်ထံးတဖၣ်အခါလီၤ.

လံာ်မးသဲ 13:15

အဂ့ၢ်ဒ်အံၤ, ပှၤတဖၣ်အံၤအသူၣ်ဃၢအသးဃၢဝဲ, အနၢ်တဖၣ်ဃၢဝဲလၢကနၢ်ဟူတၢ်အဂီၢ်, ဒီးဘံၣ်ဃာ်အမဲာ်ချံဒ်သိးအသုတထံၣ်တၢ် လၢအမဲာ်ချံတဂ့ၤအဂီၢ်လီၤ. မ့တမ့ၢ်ဘၣ်ဒီးကနၢ်ဟူတၢ်လၢအနၢ် ဒီးကနၢ်ပၢၢ်တၢ်လၢအသးဒီး ကဃၣ်ကဒါက့ၤအသးဆူယအိၣ်, ကစၢ်ယွၤစံးဝဲဒၣ်, ဒီးယကမၤဘျါက့ၤအဝဲသ့ၣ်လီၤ’ (ၡါ. ၆:၉-၁၀).

လံာ်မၢ်ကူး 4:12

လၢတၢ်န့ၣ်အဃိအဝဲသ့ၣ်ကကွၢ်ဝံၤကကွၢ်က့ၤကဒီး, ဘၣ်ဆၣ် တထံၣ်ဝဲဘၣ်. အဝဲသ့ၣ်ကကနၣ်ဝံၤကနၣ်က့ၤကဒီး, ဘၣ်ဆၣ်တနၢ်ပၢၢ်ဝဲဘၣ်. အဂ့ၢ်ဒ်အံၤ, အဝဲသ့ၣ်မ့ၢ်ထံၣ်ဒီးနၢ်ပၢၢ်ဝဲတခီကဃၣ်က့ၤ အသးဆူကစၢ်ယွၤအအိၣ်, ဒီးအဝဲဒၣ်ကပျၢ်ကွံာ်အတၢ်သရူး အတၢ်ကမၣ်လီၤ.”

လံာ်လူၤကၣ် 8:12

တၢ်ချံလၢအလီၤဘၣ်လၢကျဲလိၤပာ်ဖျါထီၣ်ပှၤတဖၣ်လၢအနၢ် ဟူဘၣ်တၢ်, ဘၣ်ဆၣ်မုၣ်ကီၤလံၢ်ဟဲဒီးဟံးထီၣ်ကွံာ်တၢ်အကလုၢ် ကထါလၢအဝဲသ့ၣ်တဖၣ်အသးကံၢ်ပူၤ, ဒ်သိးအကတြီအဝဲသ့ၣ်လၢအသုတစူၢ်က့ၤနာ်က့ၤတၢ်ဒီး ဒိးန့ၢ်ဘၣ်တၢ်အုၣ်က့ၤခီၣ်က့ၤတဂ့ၤအဂီၢ်န့ၣ်လီၤ.

မၤတၢ် 28:27

အဂ့ၢ်ဒ်အံၤ, ပှၤတကလုာ်အံၤအသးခံးဝဲလီၤ. အဝဲသ့ၣ်ကးတံာ်အနၢ်ပူၤ, ဒီးကးတံာ်အမဲာ်ချံလီၤ. မ့တမ့ၢ်ဘၣ်ဒီး, အဝဲသ့ၣ်ကထံၣ်တၢ်လၢအမဲာ်ချံ, နၢ်ဟူတၢ်လၢအနၢ်, နၢ်ပၢၢ်တၢ်လၢအသး, ဒီးကဃၣ်က့ၤအသးဆူယအိၣ်, ကစၢ်ယွၤစံးဝဲ, ဒီးယကမၤဘျါက့ၤအဝဲသ့ၣ်န့ၣ်လီၤ.’

၂ ပ့းတရူး 1:21

အဂ့ၢ်ဒ်လဲၣ်န့ၣ်, ဝံအတၢ်ကစီၣ်တဟဲလၢပှၤကညီ အတၢ်ဘၣ်အသးဒၣ်ဝဲနီတဘျီဘၣ်. မ့မ့ၢ်ဒ်သးစီဆှံ ပၢၤဒီးထိၣ်ဂဲၤအသးအသိး, အဝဲသ့ၣ်ကတိၤတၢ်ကစီၣ်လၢ အဟဲလၢကစၢ်ယွၤအအိၣ်န့ၣ်လီၤ.