လံာ်စကၤရယၤ 7:10 - Sgaw Karen Common Bible

¹⁰ မၤနၢၤမၤပ့ၤပှၤမုၣ်ကမဲတဖၣ်, ပှၤဖိၣ်ဃဲတဖၣ်, ပှၤတခီဘီမုၢ်ဖိ, လၢအအိၣ်လၢသုကျါတဖၣ်မ့ၢ်ဂ့ၤ, ပှၤအဂၤလၢအလိၣ်တၢ်မၤစၢၤမ့ၢ်ဂ့ၤန့ၣ်တဂ့ၤ. ကူၣ်ထီၣ်တၢ်မၤဆါလိာ်သးတဂၤဒီးတဂၤအကျဲတဖၣ်တဂ့ၤ

လံာ်စကၤရယၤ 7:10 Iomraidhean Croise

စံးထီၣ်ပတြၢၤ 140:2

အဝဲသ့ၣ်တဖၣ်န့ၣ်ကူၣ်ထီၣ်တၢ်အၢတၢ်သီလၢ အသးကံၢ်ပူၤ ဒီးထိၣ်ဟူးထိၣ်ဂဲၤ တၢ်အ့ၣ်လိာ်ဆိးက့လိာ်တဖၣ်တဘိယူၢ်ဃီန့ၣ်လီၤ.

စံးထီၣ်ပတြၢၤ 21:11

အဝဲသ့ၣ်အိၣ်ဒီးအတၢ်ကူၣ်ထီၣ်ဖးလီၤထီဒါအီၤ, ဘၣ်ဆၣ်တကဲထီၣ်လိၣ်ထီၣ်ဝဲဘၣ်.

စံးထီၣ်ပတြၢၤ 36:4

ဖဲအအိၣ်လၢအလီၢ်မံအပူၤ, အဝဲသ့ၣ်ကူၣ်မၤဟးဂီၤတၢ်, တၢ်လၢအမၤဝဲန့ၣ်တဂ့ၤနီတမံၤဘၣ်, ဒီးတညိကွံာ်တၢ်အၢဘၣ်န့ၣ်လီၤ.

စံးထီၣ်ပတြၢၤ 72:4

မ်စီၤပၤကအိၣ်ဂၢၢ်ဆိးကျၢၤဝဲ ကအုၣ်က့ၤခီၣ်က့ၤပှၤလၢ အလိၣ်ဘၣ်တၢ်သ့ၣ်တဖၣ် ဒီးကမၤလီၤကလဲပှၤမၤနးမၤဖှီၣ် တၢ်တဖၣ်န့ၣ်တက့ၢ်.

လံာ်တၢ်ဟးထီၣ်ကွံာ် 23:9

မၤတရီတပါပှၤတခီဘီမုၢ်တဂၤတဂ့ၤ. တၢ်မ့ၢ်ပှၤတခီ ဘီမုၢ်ဖိတဂၤန့ၣ်မၤသးဒ်လဲၣ်, သုသ့ၣ်ညါလီၤ. အဂ့ၢ်ဒ်အံၤ, သုမ့ၢ်တ့ၢ်ပှၤတခီဘီမုၢ်ဖိတဖၣ်လၢကီၢ်အဲၤကူပတူးအပူၤလီၤ.

တၢ်ကတိၤဒိ. 3:29

ကူၣ်အၢတၢ်တမံၤမံၤလၢကမၤဘၣ်ဒိဆါပှၤလၢနဃၢၤလၢအအိၣ်ဘူး ဒီးနၤဒီးနာ်န့ၢ်နၤန့ၣ်တဂ့ၤ.

တၢ်ကတိၤဒိ. 6:18

သးလၢအဆိကမိၣ်ထီၣ်တၢ်ကူၣ်အၢကူၣ်သီ, ခီၣ်လၢအခါထီၣ်ချ့ချ့ဆူတၢ်အၢအအိၣ်,

လံာ်ယၡါယၤ 1:23

နပှၤခိၣ်ပှၤနၢ်တဖၣ်န့ၣ်မ့ၢ်ပှၤပူထီၣ်တၢ်ဒီးမ့ၢ်တၢ်ဘျၣ်တဖၣ်အတံၤ သကိးလီၤ. အဝဲသ့ၣ်တူၢ်လိာ်တၢ်ဟ့ၣ်တဖၣ်ဒီးခိၣ်ဖးလာ်ဆှိးတဖၣ် ထီဘိလီၤ. အဝဲသ့ၣ်တဒီဒၣ်အိၣ်ပှိၤပှၤဖိၣ်ဃဲတဖၣ်လၢ ကွီၢ်ဘျီၣ်ပူၤမ့ၢ်ဂ့ၤ, တဒိကနၣ်ဝဲဒၣ်ဖဲမုၣ်ကမဲတဖၣ်ဆှၢထီၣ် အကွီၢ်မ့ၢ်ဂ့ၤနီတစုဘၣ်ဒီးပှၤမုၣ်ကမဲတဖၣ်အတၢ်လိာ်ကွီၢ်န့ၣ်, တဒိကနၣ်ဝဲဘၣ်.

လံာ်ယံးရမံယၤ 18:18

အန့ၣ်ဒီးပှၤဂီၢ်မုၢ်စံးဝဲဒၣ်, “မ်ပမၤတၢ်တမံၤမံၤဘၣ်ဃး စီၤယံးရမံယၤတက့ၢ်. ထီဘိန့ၣ်ပှၤလုၢ်တၢ်အခိၣ်တဖၣ်လၢ ကသိၣ်လိပှၤမ့ၢ်ဂ့ၤ, ပှၤကူၣ်တၢ်သ့တဖၣ်လၢကဟ့ၣ်ကူၣ်ဟ့ၣ်ဖးပှၤမ့ၢ်ဂ့ၤ, ဒီးဝံတဖၣ်လၢကစံးဘၣ်တဲဘၣ်ပှၤလၢကစၢ်ယွၤအတၢ်ကစီၣ် မ့ၢ်ဂ့ၤန့ၣ်ကအိၣ်ဝဲလီၤ. မ်ပလိာ်ကွီၢ်ထီဒါအီၤဒီးတၢ်လၢ အစံးဝဲန့ၣ်, မ်ပသုတဒိကနၣ်တဂ့ၤ.”

လံာ်ယံးရမံယၤ 21:12

“ဒိကနၣ်တၢ်လၢယၤ, ယွၤအံၤ, စံးဘၣ်သုန့ၣ်တက့ၢ်. မၤတၢ်လၢတၢ်စံၣ်ညီၣ်တီအပူၤကိးနံၤဒဲးတက့ၢ်. ဒီဒၣ်အိၣ်ပှိၤပှၤလၢ အဘၣ်တၢ်လီန့ၢ်အီၤတဂၤလၢပှၤလၢအလီအီၤတဂၤအစုပူၤန့ၣ်တက့ၢ်. သုမ့ၢ်တမၤဘၣ်ဒီး, တၢ်အၢလၢသုမၤအီၤန့ၣ်ကမၤကဲၤထီၣ်ယတၢ်သးဒိၣ် ဒီးကအီၣ်တၢ်ဒ်မ့ၣ်အူလၢတၢ်မၤလီၤပံာ်ကွံာ်အီၤတန့ၢ်ဘၣ်အသိး န့ၣ်လီၤ.

လံာ်ယံးရမံယၤ 49:11

ပာ်လီၤတဲာ်သုဖိၣ်ဃဲဖိတဖၣ်ဒီး ယၤတက့ၢ်. ဒီးယကအံးထွဲကွၢ်ထွဲအဝဲသ့ၣ်လီၤ. သုပှၤမုၣ်ကမဲတဖၣ် သန့ၤအသးလၢ ယၤသ့ဝဲလီၤ.

လံာ်ယံးရမံယၤ 5:28

မ့ၢ်တၢ်လၢအမၤဘီၣ်ထီၣ်ညီထီၣ်အဝဲ သ့ၣ်ဒီးဒုးအီၣ်ဘျဲးအီၣ်ဘျဲးအီအီၤန့ၣ်လီၤ. အတၢ်မၤအၢမၤသီတၢ်တဖၣ်အကတၢၢ်ကတာ်တအိၣ်ဘၣ်. အဝဲသ့ၣ်တဟ့ၣ်ဘၣ်ပှၤဖိၣ်ဃဲတဖၣ်လၢ အတၢ်ခွဲးတၢ်ယာ်တဖၣ်မ့ၢ်ဂ့ၤတဒုးနဲၣ် ဘၣ်တၢ်စံၣ်ညီၣ်တီလၢပှၤလၢအဘၣ်တၢ် မၤနးမၤဖှီၣ်တဖၣ်မ့ၢ်ဂ့ၤအဂီၢ်ဘၣ်.

လံာ်ယံးရမံယၤ 7:6

ဆိကတီၢ်သုတၢ်ဃုဘၣ်ဘျုးလၢပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်, ဒီးမုၣ်ကမဲတဖၣ်အဖီခိၣ်တက့ၢ်. ဆိကတီၢ်မၤသံပှၤလၢအတၢ်ကမၣ်တအိၣ်တဖၣ်လၢထံကီၢ် တဘ့ၣ်အံၤအပူၤတက့ၢ်. ဆိကတီၢ်တၢ်ဘူၣ်ထီၣ်ဘါထီၣ်ကစၢ် အဂၤတဖၣ်တက့ၢ်. တၢ်န့ၣ်တဖၣ်ကမၤဟးဂီၤသုလီၤ.

လံာ်ယဃ့းစက့လး 18:12

အဝဲလီန့ၢ်ပှၤဖှီၣ်ဖိယာ်ဖိတဖၣ်, အဝဲဂုာ်ဆူၣ်တၢ်, အဝဲဟံးန့ၢ်ကွံာ်တၢ်လၢပှၤလၢအဃ့လိၢ်တၢ်တဂၤဟ့ၣ်အီၤဒ်တၢ်ဟ့ၣ် ကီၤအသိးန့ၣ်လီၤ. အဝဲလဲၤဆူပှၤတစူၢ်တနာ်ယွၤအတၢ်ဘါလီၢ်တဖၣ်, ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်လၢအလီၤသးဘၣ်အၢန့ၣ်လီၤ.

လံာ်ယဃ့းစက့လး 22:12

သုပှၤဂီၢ်မုၢ်တနီၤမၤသံတၢ်လၢတၢ်အဘူးအလဲအဂီၢ်လီၤ. တနီၤဟံးန့ၢ်စ့အအ့ၣ်လၢစ့လၢအဟ့ၣ်လိၢ်လီၤဝဲဆူအဝဲသ့ၣ် အပှၤအံၣ်စရ့လးဖိကဒဲကဒဲအဖီခိၣ်ဒီးကဲဒိၣ်ထီၣ်ဝဲလၢတၢ် အခွဲးအယာ်လၢအမၤန့ၢ်ဝဲလၢအဝဲသ့ၣ်အဖီခိၣ်အဃိန့ၣ်လီၤ. အဝဲသ့ၣ်သးပ့ၤနီၣ်ကွံာ်လံယၤလံ. ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 22:29

ပှၤထူးပှၤတီၤတဖၣ်လီတၢ်ဒီးဂုာ်ဆူၣ်ပျီဆူၣ်တၢ်န့ၣ်လီၤ. အဝဲသ့ၣ်မၤနးမၤဖှီၣ်ပှၤဖှီၣ်ဖိယာ်ဖိတဖၣ်ဒီးဃုအဘျုး အဖှိၣ်ဒၣ်ဝဲလၢပှၤတခီဘီမုၢ်ဖိတဖၣ်အဖီခိၣ်န့ၣ်လီၤ.

လံာ်ယဃ့းစက့လး 22:7

ပှၤအိၣ်လၢဝ့ၢ်ပူၤတယူးယီၣ်အမိၢ်အပၢ်နီတဂၤဘၣ်. သုလီန့ၢ်ပှၤတခီဘီမုၢ်ဖိတဖၣ်ဒီးသုဟံးန့ၢ်တၢ်အခွဲး အယာ်လၢပှၤမုၣ်ကမဲတဖၣ်ဒီးပှၤဖိၣ်ဃဲတဖၣ်အဖီခိၣ်လီၤ.

လံာ်ဧၤမိၣ် 4:1

ဒိကနၣ်တၢ်အံၤ, သုဝဲပိာ်မုၣ်တဖၣ်လၢကီၢ်ၡၤမရံလၢအဘီၣ်ထီၣ်လီၤဂာ်ဒ်ဘၤၡၣ် အဂီၤဖံးမိၢ်တဖၣ်လၢအဘၣ်တၢ်လုၢ်အီၣ်လုၢ်အီအီၤဂ့ၤဂ့ၤ ကလဲာ်အသိး, လၢအမၤတရီတပါပှၤဂံၢ်စၢ်ဘါစၢ်, မၤအၢမၤနးပှၤဖှီၣ်ဖိယာ်ဖိဒီးလၢအဃ့ကိၢ်ဃ့ဂီၤသုဝၤ တဖၣ်လၢကဟဲစိာ်ဒုးအီသုလၢစပံးထံသ့ၣ်ဧၢ,

လံာ်စကၤရယၤ 8:17

ကူၣ်ကျဲၤတၢ်မၤဆါလိာ်သးတဂၤဒီးတဂၤအကျဲတဖၣ်တဂ့ၤ. ဟ့ၣ်တၢ်အုၣ်သးကဘျံးကဘျၣ်လၢတၢ်ဆိၣ်လီၤသုသးအပူၤတဂ့ၤ, ယသးဟ့တၢ်လီတၢ်ဝ့ၤ, တၢ်စံၣ်ညီၣ်တီ, ဒီးတၢ်စုဆူၣ်ခီၣ်တကးန့ၣ်လီၤ.”

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

လံာ်မးသဲ 23:13

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုကးတံာ်ဃာ်မူခိၣ်အဘီအမုၢ်အတြဲၤဒ်သိးပှၤဂၤ အသုတလဲၤနုာ်ဘၣ်တဂ့ၤအဂီၢ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်ဒီး, သုတပျဲနုာ်စ့ၢ်ကီးပှၤလၢအကျဲးစၢးလဲၤနုာ်ဝဲတဖၣ်ဘၣ်.

1 ကရံၣ်သူး 6:10

မ့တမ့ၢ်ဟုၣ်တၢ်, မ့တမ့ၢ်သးကွံတလၢတၢ်, မ့တမ့ၢ်အီသံးအီဂာ်, မ့တမ့ၢ်ကတိၤသီၣ်ဝံသဲကလၤတၢ်လၢပှၤဂၤ အဂ့ၢ်, မ့တမ့ၢ်တမျိးတမျာ်တဖၣ်, ပှၤသ့ၣ်တဖၣ်အံၤတဒိးန့ၢ်ယွၤအဘီအမုၢ်နီတဂၤဘၣ်.

လံာ်သိၣ်လီၤသီလီၤတၢ် 27:19

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအထုးထီၣ်ကွံာ်ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်ဒီးပှၤမုၣ်ကမဲတဖၣ်လၢအဝဲသ့ၣ်အတၢ်ခွဲးတၢ်ယာ် တဖၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

ယၤကိာ် 5:4

ပှၤလၢအမၤတၢ်လၢသုစံာ်ပျီပူၤတဖၣ်န့ၣ်, သုတဟ့ၣ်အီၤအဘူး အလဲဘၣ်. ဒိကနၣ်အဝဲသ့ၣ်အတၢ်ကဒူးကဒ့ၣ်တဖၣ်တက့ၢ်. ပှၤလၢအထၢဖှိၣ်ပာ်ဖှိၣ်သုဘုတဖၣ်အတၢ်ကိးပသူထီၣ်န့ၣ်, တုၤဃီၤလၢခဲအံၤဒိကနၣ်ယၤတက့ၢ်. ယွၤ, တၢ်သုးမုၢ်ဂီၢ်မုၢ်အကစၢ်အနၢ်ပူၤန့ၣ်လံ.

၁ ယိၤဟၣ် 3:15

မတၤတဂၤဂ့ၤတဂၤဂ့ၤလၢအသးဟ့အဒီပုၢ်ဝဲၢ်န့ၣ်, မ့ၢ်ပှၤလၢအမၤသံတၢ်, ဒီးသုသ့ၣ်ညါလၢပှၤမၤသံတၢ်န့ၣ်, တအိၣ်ဒီးတၢ်မူအထူအယိာ်လၢအပူၤဘၣ်.