လံာ်စကၤရယၤ 6:5 - Sgaw Karen Common Bible

⁵ အဝဲစံးဆၢယၤ, “တၢ်တဖၣ်အံၤမ့ၢ်ကလံၤလွံၢ်ကျိၤလၢအဟဲဝဲဒၣ် လၢဟီၣ်ခိၣ်ဒီဘ့ၣ်အယွၤအအိၣ်လီၤ.”

လံာ်စကၤရယၤ 6:5 Iomraidhean Croise

လံာ်စီၤပၤအခီၣ်ထံးတဘ့ၣ် 19:11

ယွၤစံးဘၣ်အီၤ, “ဟးထီၣ်ကွံာ်ဒီးဆၢထၢၣ်လၢယမဲာ်ညါလၢကစၢၢ် ဒီခိၣ်န့ၣ်တက့ၢ်.” ဝံၤဒီးယွၤလဲၤခီဂာ်တၢ်ဒီးဆှၢလီၤကလံၤမုၢ်ဆူၣ်တခါလၢအမၤ သ့ၣ်ဖးတၢ်လူၢ်တၢ်တြီၤဒီးမၤလီၤကလဲလၢၢ်တဖၣ်န့ၣ်လီၤ. ဘၣ်ဆၣ်ယွၤတအိၣ်ဘၣ်လၢကလံၤအူတၢ်အပူၤန့ၣ်ဘၣ်. ကလံၤအူတၢ်ဆိကတီၢ်ကွံာ်အသးဝံၤဟီၣ်ခိၣ်ဟူးဝးဝဲဒၣ်န့ၣ်လီၤ. ဘၣ်ဆၣ်ယွၤတအိၣ်ဘၣ်လၢဟီၣ်ခိၣ်ဟူးဝးဝဲအပူၤန့ၣ်ဘၣ်.

လံာ်စီၤပၤအခီၣ်ထံးတဘ့ၣ် 22:19

စီၤမံၤကါယၤစံးအါထီၣ်ကဒီးဝဲ, “ခဲအံၤဒိကနၣ်တၢ်လၢယွၤ စံးဝဲန့ၣ်တက့ၢ်. ယထံၣ်တ့ၢ်ယွၤဆ့ၣ်နီၤဝဲလၢအလီၢ်ပစိာ်အဖီခိၣ်လၢမူခိၣ်, အိၣ်ဒီးကယဲၢ်ကလူးခဲလၢာ်ဆၢထၢၣ်လၢအကပၤလီၤ.

လံာ်စီၤယိၤဘး 1:6

မုၢ်တနံၤဖဲကစၢ်ယွၤအကလူးတဖၣ်ဟဲပာ်ဖျါထီၣ်အသးလၢ ယွၤအမဲာ်ညါန့ၣ်, မုၣ်ကီၤလံၢ်အိၣ်စ့ၢ်ကီးလၢအဝဲသ့ၣ်အကျါန့ၣ် လီၤ.

စံးထီၣ်ပတြၢၤ 148:8

လီဝၢ်ဒံးဒီးသူၣ်, မူခိၣ်ဖီဒီးတၢ်အၢၣ်တဖၣ်, ကလံၤမုၢ်ဆူၣ်လၢအမၤလၢပှဲၤအတၢ်မၤလိာ်ဧၢ,

စံးထီၣ်ပတြၢၤ 68:17

ယွၤဟဲလၢစံၤနါဆူတၢ်လီၢ်စီဆှံ ဃုာ်ဒီးအလ့ၣ်ကဟၣ်လၢအအိၣ်ဒီး အစိကမီၤ အကထိတဖၣ်အကထိန့ၣ်လီၤ.

လံာ်ယၡါယၤ 54:5

နတၢ်ဘၣ်တ့အကစၢ်ကလီၤဂာ်ဒ် ဝၤတဂၤအသိးလၢနဂီၢ်လီၤ. အဝဲအမံၤမ့ၢ်ဝဲယွၤသ့တၢ်လၢာ်န့ၣ်လီၤ. ကီၢ်အံၣ်စရ့လးအကစၢ်ယွၤစီဆှံကအုၣ်က့ၤခီၣ်က့ၤနၤလီၤ. အဝဲမ့ၢ်ပှၤပၢဟီၣ်ခိၣ်ဒီဘ့ၣ်န့ၣ်လီၤ.

လံာ်ယံးရမံယၤ 49:36

ယကဒုးအူကလံၤလၢ အကဟဲလၢကျိၤကျဲခဲလၢာ်ထီဒါ ကီၢ်ဧ့ၤလၣ်ဒီးယကမၤလီၤပြံလီၤပြါ အပှၤဂီၢ်မုၢ်ဆူတၢ်လီၢ်သကုၤဆးဒးတုၤဒၣ်လဲာ်ကီၢ်လၢ အဝဲအပှၤဘၣ်ကီဘၣ်ခဲလဲၤတတုၤန့ၣ်, တအိၣ်နီတဘ့ၣ်ဘၣ်လီၤ.

လံာ်ယဃ့းစက့လး 11:22

တၢ်ဘၣ်တ့အမူတဖၣ်စးထီၣ်ယူၤဝဲဒီးလ့ၣ်ဖံဘၣ်တဖၣ်လဲၤဃုာ်ဒီး အဝဲသ့ၣ်လီၤ. ကီၢ်အံၣ်စရ့လးအကစၢ်ယွၤအတၢ်အိၣ်ဝဲအတၢ် ကပီၤဆဲးကပြုၢ်အိၣ်လၢအဝဲသ့ၣ်အဖီခိၣ်လီၤ.

လံာ်ယဃ့းစက့လး 37:9

ကစၢ်ယွၤစံးဘၣ်ယၤ, “ပှၤကညီလၢအသံသ့ဧၢ, ကတိၤတၢ်လၢ ဝံအကျိာ်ဆူကလံၤအအိၣ်တက့ၢ်. တဲဘၣ်ကလံၤလၢယွၤပၢဘၣ် တၢ်ခဲလၢာ်ကစၢ်, ဟ့ၣ်လီၤအကလုၢ်လၢအကဘၣ်ဟဲလၢ တၢ်လီၢ်ကိးကပၤဒဲး, ဒ်သိးကအူသဖှိနုာ်တၢ်သါဆူနီၢ်ခိတဖၣ် လၢအသံအံၤအပူၤ, ဒီးကဒုးမူထီၣ်ကဒါက့ၤအဝဲသ့ၣ်န့ၣ်တက့ၢ်.”

လံာ်ဒၤနံးယ့လး 11:4

ဘၣ်ဆၣ်ဒီးဖဲအတုၤလၢအစိဒိၣ်ကမီၤထီအကတၢၢ်န့ၣ် အဘီအမုၢ်ကလီၤပှီၢ်ဝဲဒီးနီၤဖးအသးလွံၢ်ခီလီၤ. စီၤပၤတဖၣ်လၢတမ့ၢ် ဘၣ်အစၢၤအသွဲၣ်န့ၣ်ကပၢတၢ်လၢအလီၢ်လီၤ. ဘၣ်ဆၣ်ဒီးအဝဲသ့ၣ်တမ့ၢ်လၢကအိၣ်ဒီးတၢ်စိတၢ်ကမီၤဒ်သိး အီၤဘၣ်.

လံာ်ဒၤနံးယ့လး 7:10

ဒီးမ့ၣ်အူအထံကျိဖိတဘိပုာ်ထီၣ်ယွၤလီၤလၢလီၢ်ပစိာ်အပူၤလၢအ မဲာ်ညါန့ၣ်လီၤ. အိၣ်ဝဲဒၣ်ဒီးပှၤအကထိအကထိတဖၣ်လၢ ကမၤအတၢ်မၤဒီးပှၤအကကွဲၢ်တဖၣ်ဆၢထၢၣ်လၢအမဲာ်ညါ န့ၣ်လီၤ. ကွီၢ်ဘျီၣ်စးထီၣ်တၢ်စံၣ်ညီၣ် ဒီးလံာ်တဖၣ်အိၣ်အိးထီၣ်တ့ၢ်အသးန့ၣ်လီၤ.

လံာ်ဒၤနံးယ့လး 7:2

စီၤဒၤနံးယ့လးစံးတ့ၢ်ဝဲ, လၢယတၢ်ထံၣ်လၢညါခီလၢမုၢ်နၤန့ၣ်, ကလံၤတဖၣ်အူတၢ်လၢကိးကပၤဒဲးဒီးထိၣ်ဂဲၤပီၣ်လဲၣ်ဖးဒိၣ် အထံဖံးခိၣ်န့ၣ်လီၤ.

လံာ်စကၤရယၤ 4:10

အဝဲသ့ၣ်အသးဟးဂီၤဝဲမ့ၢ်လၢတၢ်လဲၤထီၣ်လဲၤထီမၤအသးထဲ တဆံးတက့ၢ်အဃိန့ၣ်လီၤ. ဘၣ်ဆၣ်ဒီးအဝဲသ့ၣ်ကထံၣ်ဘၣ်စီၤစရူၤဘၤ ဘ့လးဘှီထီၣ်ဒံးတၢ်လုၢ်ဟံၣ်န့ၣ်, ဒီးအဝဲသ့ၣ်ကသူၣ်ဖှံသးညီ ဝဲလီၤ. ကလူးန့ၣ်စံးဘၣ်ယၤ, “မ့ၣ်အူဒၢနွံဖျၢၣ်န့ၣ်မ့ၢ်ယွၤအမဲာ်ချံ နွံဖျၢၣ်လၢအထံၣ်တၢ်လၢဟီၣ်ခိၣ်ဒီဘ့ၣ်ညါန့ၣ်လီၤ.”

လံာ်စကၤရယၤ 4:14

တုၤနုၤတစုအဝဲစံးဝဲဒၣ်, “အဝဲသ့ၣ်တဖၣ်အံၤမ့ၢ်ပှၤခံဂၤလၢကစၢ်ယွၤဃုထၢတ့ၢ်လံအီၤ ဒီးဖှူတ့ၢ်လံအီၤလၢကမၤအဝဲဒၣ်, လၢအမ့ၢ်ဟီၣ်ခိၣ်ဒီဘ့ၣ်အယွၤ, အတၢ်န့ၣ်လီၤ.”

လံာ်စကၤရယၤ 6:1

ယအိၣ်ဒီးတၢ်ထံၣ်လၢညါခီအဂၤတမံၤကဒီးလီၤ. တဘျီအံၤ, ယထံၣ်လ့ၣ်ကဟၣ်လွံၢ်ဆိလၢအဟဲထီၣ်လၢကစၢၢ် တိၢ်ဘီခံဖျၢၣ်အကဆူးန့ၣ်လီၤ.

လံာ်မးသဲ 18:10

ပလီၢ်သုသးဒ်သိးသုသုတမၤတရီတပါဘၣ်ဖိသၣ်ဆံးဒ်အံၤတဖၣ်နီ တဂၤတဂ့ၤ. အဂ့ၢ်ဒ်အံၤ, ယစံးဘၣ်သု, အဝဲသ့ၣ်အမူခိၣ်ကလူးအိၣ်တထံၣ်ဃီလၢပၢ်အိၣ်လၢ မူခိၣ်အမဲာ်ညါလီၤ.

လံာ်မးသဲ 24:31

အဝဲကမၢလီၤအကလူးတဖၣ်, လၢအကွဲၤအသီၣ်ဖးဒိၣ်, ဒီးအဝဲသ့ၣ်ကထၢဖှိၣ်က့ၤယွၤအပှၤဃုထၢဖိတဖၣ်လၢဟီၣ်ခိၣ် အသနၢၣ်လွံၢ်သနၢၣ်, လၢဟီၣ်ခိၣ်ဒီဘ့ၣ်ညါန့ၣ်လီၤ.

လံာ်လူၤကၣ် 1:19

“ယဲဒၣ်အံၤယမ့ၢ်ကၤဘြံၤအ့လးလီၤ,” ကလူးစံးဆၢအီၤ, “ယဆၢထၢၣ်လၢယွၤအမဲာ်ညါဒီးအဝဲဒၣ် ဆှၢလီၤယၤဒ်သိးယကကတိၤတၢ်ဒီးနၤဒီးစံးဘၣ်တဲဘၣ်နၤ လၢတၢ်သးခုကစီၣ်တမံၤအံၤန့ၣ်လီၤ.

ဧ့ၤဘြံၤ 1:14

မ့မ့ၢ်ဒ်န့ၣ်ဒီးကလူးတဖၣ်မ့ၢ်တၢ်မနုၤလဲၣ်. အဝဲသ့ၣ်မ့ၢ်ဒၣ်သးတဖၣ်လၢအမၤကစၢ်ယွၤအတၢ် လၢယွၤဆှၢလီၤဒ်သိးအကမၤစၢၤပှၤဟီၣ်ခိၣ်ဖိတဖၣ်လၢ အကဒိးန့ၢ်ဘၣ်တၢ်အုၣ်က့ၤခီၣ်က့ၤအဂီၢ်န့ၣ်လီၤ.

ဧ့ၤဘြံၤ 1:7

ဘၣ်ဃးဒီးကလူးတဖၣ်န့ၣ်ကစၢ်ယွၤစံးဝဲ, “ကစၢ်ယွၤဒုးကဲထီၣ်အကလူးတဖၣ်လၢကလံၤ, ဒီးအခ့အပှၤလၢမ့ၣ်အူလၣ်တဖၣ်လီၤ.”

လံာ်စီၤယိၤၡူ 3:11

ဖဲဟီၣ်ခိၣ်ဒီဘ့ၣ်အကစၢ်အတၢ်အၢၣ်လီၤအီလီၤအတလါလဲၤခီဂာ်ထံ ကျိယၢ်ဒ့ၣ်လၢသုမဲာ်ညါအဆၢကတီၢ်န့ၣ်လီၤ.

လံာ်လီၣ်ဖျါ 7:1

တၢ်မၤအသးတမံၤအံၤဝံၤအလီၢ်ခံန့ၣ်, ယထံၣ်ကလူးလွံၢ်ဂၤအိၣ်ဆၢထၢၣ်ဖဲဟီၣ်ခိၣ်အနၢၣ်လွံၢ်နၢၣ်, ဒီးဒ်သိးဟီၣ်ခိၣ်မ့ၢ်ဂ့ၤ, ပီၣ်လဲၣ်မ့ၢ်ဂ့ၤ, သ့ၣ်တထူၣ်ထူၣ်မ့ၢ်ဂ့ၤ, ကလံၤအသုတအူဘၣ်အီၤတဂ့ၤအဂီၢ်န့ၣ်တြီဃာ်ဝဲဒၣ်ကလံၤလွံၢ် ကျိၤန့ၣ်လီၤ.