လံာ်စကၤရယၤ 6:15 - Sgaw Karen Common Bible

¹⁵ ပှၤတဖၣ်လၢအအိၣ်ဖးယံၤန့ၣ်ကဟဲဒီး မၤတၢ်လၢတၢ်ဘှီထီၣ်ကဒါက့ၤယွၤအတၢ်လုၢ်ဟံၣ်အဂီၢ်လီၤ. ဒီးဖဲတၢ်ဘှီထီၣ်ကဒါက့ၤအီၤန့ၣ်, သုကသ့ၣ်ညါလၢသ့တၢ်လၢာ်ယွၤမၢလီၤယၤဆူသုအိၣ်လီၤ. တၢ်အံၤခဲလၢာ်ကမၤအသးဖဲလၢသုစူၢ်ယွၤ, သုကစၢ်ယွၤအ ကလုၢ်လၢလၢပှဲၤပှဲၤအခါန့ၣ်လီၤ.”

လံာ်စကၤရယၤ 6:15 Iomraidhean Croise

လံာ်ယၡါယၤ 3:10

ပှၤအတီအလိၤတဖၣ်ကသူၣ်ဖှံသးညီဒီးတၢ်ခဲလၢာ်ကလဲၤအသး ဂ့ၤဂ့ၤဘၣ်ဘၣ်လၢအဝဲသ့ၣ်အဂီၢ်လီၤ. အဝဲသ့ၣ်ကမုာ်လၤသးခု ဘၣ်ဝဲလၢတၢ်လၢအမၤတ့ၢ်ဝဲအဃိန့ၣ်လီၤ.

လံာ်ယၡါယၤ 49:12

ယပှၤဂီၢ်မုၢ်ကဟဲလၢလီၢ်အယံၤ, လၢကလံၤစိးဒီးလၢမုၢ်နုာ်, ဒီးလၢကီၢ်စံၣ်လၢကီၢ်အဲၤကူပတူး အကလံၤထံးတခီန့ၣ်လီၤ.”

လံာ်ယၡါယၤ 57:19

ယဟ့ၣ်တၢ်ဃူတၢ်ဖိးဆူပှၤခဲလၢာ်, ပှၤလၢအဘူးမ့ၢ်ဂ့ၤ, အယံၤမ့ၢ်ဂ့ၤလီၤ. ယကမၤဘျါယပှၤဂီၢ်မုၢ်လီၤ.

လံာ်ယၡါယၤ 60:10

ယွၤစံးဘၣ်ဝ့ၢ်ယရူၤၡလ့ၣ်, “ပှၤတခီဘီမုၢ်ဖိတဖၣ်ကသူၣ်ထီၣ်ဘှီထီၣ်က့ၤ နဝ့ၢ်ခိၣ်ဒူတဖၣ် ဒီးအဝဲသ့ၣ်အစီၤပၤတဖၣ်ကမၤ နတၢ်ခ့တၢ်ပှၤအတၢ်မၤလီၤ. လၢယတၢ်သးထီၣ်အပူၤယစံၣ်ညီၣ်တ့ၢ်နၤလီၤ. ဘၣ်ဆၣ်ခဲအံၤယကဒုးနဲၣ်နၤယတၢ်ကွၢ်မဲာ်ဒီး တၢ်သးကညီၤနၤလီၤ.

လံာ်ယံးရမံယၤ 7:23

မ့မ့ၢ်, ယမၤလိာ်တ့ၢ်အဝဲသ့ၣ်လၢကစူၢ်ယၤ, ဒ်သိးယကမ့ၢ်အဝဲသ့ၣ်အကစၢ်ယွၤဒီး အဝဲသ့ၣ်ကမ့ၢ်ယပှၤဂီၢ်မုၢ်အဂီၢ်န့ၣ်လီၤ. ဒီးယစံးဘၣ်တ့ၢ်အဝဲသ့ၣ်လၢကအိၣ်မူဒ် ကျဲလၢယမၤလိာ်တ့ၢ်အဝဲသ့ၣ်အသိး, ဒ်သိးတၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ် လၢအဝဲသ့ၣ်အဂီၢ်န့ၣ်လီၤ.

လံာ်စကၤရယၤ 2:13

ပှၤကိးဂၤဒဲးသ့ၣ်ဧၢ, အိၣ်ဘှီၣ်ကလာ်လၢယွၤအမဲာ်ညါတက့ၢ်. အဂ့ၢ်ဒ်အံၤ, အဝဲဟဲလၢအအိၣ်အဆိးအလီၢ်စီဆှံန့ၣ်လီၤ.

လံာ်စကၤရယၤ 3:7

သ့တၢ်လၢာ်အယွၤစံးဒ်အံၤ, “နမ့ၢ်စူၢ်ယတၢ်သိၣ်တၢ်သီ တဖၣ်ဒီးမၤမူဒါတဖၣ်လၢယဟ့ၣ်လီၤနၤန့ၣ်ဒီး, နကပၢဆှၢဘၣ်ဒံးယတၢ်လုၢ်ဟံၣ်ဒီးအဂၢၤတဖၣ်, ဒီးယကဒိကနၣ်နတၢ်ထုကဖၣ်ဒ်ယဒိကနၣ်က လူးတဖၣ်လၢအအိၣ်လၢယမဲာ်ညါအတၢ်ထုကဖၣ်အသိးန့ၣ်လီၤ.

လံာ်စကၤရယၤ 6:12

တဲဘၣ်အီၤလၢသ့တၢ်လၢာ်ယွၤစံးဝဲလၢ, ပှၤကညီလၢအဘၣ်တၢ်ကိးအီၤလၢတၢ်အဒ့တဂၤန့ၣ်ကဘီၣ်ထီၣ် ညီထီၣ်ဝဲဖဲအအိၣ်ဝဲအလီၢ်, ဒီးကဘှီထီၣ်ကဒါက့ၤယွၤအတၢ်လုၢ်ဟံၣ်လီၤ.

မၤတၢ် 2:39

ကစၢ်ယွၤအတၢ်အၢၣ်လီၤအီလီၤအံၤမ့ၢ်ဝဲလၢသုဂီၢ်ဒီးလၢ သုဖိသုလံၤအဂီၢ်, ဒီးကယဲၢ်ပှၤအိၣ်လၢထံယံၤကီၢ်ယံၤတဖၣ်ခဲလၢာ် အဂီၢ်, ပှၤခဲလၢာ်လၢပကစၢ်ယွၤကိးန့ၢ်ဆူအအိၣ်န့ၣ်လီၤ.”

ရိမ့ၤ 16:26

ဘၣ်ဆၣ်ခဲအံၤ, တၢ်မ့ၢ်တၢ်တီအဝဲန့ၣ်ဘၣ်တၢ်ထုးထီၣ်ပာ်ဖျါ အီၤခီဖျိဝံအတၢ်ကွဲးတဖၣ်, ဒီးခီဖျိကစၢ်ယွၤအထူအယိာ်တဂၤ အတၢ်မၤလိာ်န့ၣ်, ဘၣ်တၢ်ဒုးသ့ၣ်ညါအီၤလၢပှၤကိးကလုာ်ဒဲး, ဒ်သိးပှၤခဲလၢာ်ကစူၢ်က့ၤနာ်က့ၤတၢ်အဂီၢ်န့ၣ်လီၤ.

လံာ်သိၣ်လီၤသီလီၤတၢ် 30:10

ဘၣ်ဆၣ်သုကဘၣ်စူၢ်အီၤဒီးတိၢ်န့ၢ်ဖံးဃာ်ကယဲၢ်အဝဲအတၢ်ဘူၣ်တၢ် ဘါအတၢ်သိၣ်တၢ်သီတဖၣ်လၢအအိၣ်ကွဲးလီၤပာ်အသးလၢ အဝဲအတၢ်သိၣ်တၢ်သီတဖၣ်အလံာ်အံၤအပူၤန့ၣ်လီၤ. သုကဘၣ်ဃၣ်ဃီၤသုသးဆူအဝဲအအိၣ်လၢသုသးဒီဖျၢၣ်ညါန့ၣ်လီၤ.