လံာ်စကၤရယၤ 6:14 - Sgaw Karen Common Bible

¹⁴ ခိၣ်သလုးန့ၣ်ကမ့ၢ်တၢ်သ့ၣ်နီၣ်ထီၣ်တမံၤလၢယွၤအတၢ် လုၢ်ဟံၣ်အပူၤ, လၢတၢ်မၤလၤမၤကပီၤစီၤဃ့လဒဲၤ, စီၤတိၤဘံယၤ, စီၤယဒၤယၤ, ဒီးစီၤယိၤၡံယၤတဖၣ်အဂီၢ်လီၤ.

လံာ်စကၤရယၤ 6:14 Iomraidhean Croise

လံာ်စီၤပၤခံဘ့ၣ်တဘ့ၣ် 25:18

လၢန့ၣ်အမဲာ်ညါ, ပှၤသုးမုၢ်အသုးခိၣ်ကျၢၢ်စီၤနဘူစၢ်ရဒၣ်က့ၤ ကိးပှၤလုၢ်တၢ်အခိၣ်အဒိၣ်ကတၢၢ်စီၤစရါယၤ, ပှၤလုၢ်တၢ်အခိၣ်အဒိၣ်ကတၢၢ်ခံဂၤတဂၤစီၤစဖါနယၤဒီးယွၤအတၢ် လုၢ်ဟံၣ်အပဒိၣ်လၢအကါဒိၣ်အဂၤသၢဂၤဒ်ပှၤဘၣ်တၢ်စၢဃာ်တဖၣ် အသိးန့ၣ်လီၤ.

လံာ်တၢ်ဟးထီၣ်ကွံာ် 12:14

သုကဘၣ်မၤလၤကပီၤမုၢ်နံၤအံၤဒ်တၢ်ဘူၣ်တၢ်ဘါအဘူၣ်တဘူၣ်ဒ်သိး ကဒုးသ့ၣ်နီၣ်ထီၣ်က့ၤသုတၢ်လၢယၤ, ယွၤမၤတ့ၢ်အီၤန့ၣ်လီၤ. မၤလၤကပီၤအီၤလၢဆၢကတီၢ်လၢအကဟဲထီဘိတက့ၢ်.”

လံာ်တၢ်ဟးထီၣ်ကွံာ် 28:12

ပာ်အီၤလၢအ့ဖိးအဖံထံခိၣ်အပျံၤအလိၤဒ်သိးကမ့ၢ်ခၢၣ်စးလၢ ပှၤအံၣ်စရ့လးဖိတဆံခံဒူၣ်အဂီၢ်န့ၣ်တက့ၢ်. မၤသးဒ်န့ၣ်ဒီး, စီၤအၤဟရိၣ်ကစိာ်အဝဲသ့ၣ်အမံၤလၢအဖံထံခိၣ် အလိၤ, ဒ်သိးယၤ, ယွၤ, ကသ့ၣ်နီၣ်ထီၣ်ယပှၤဂီၢ်မုၢ်ထီဘိအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 28:29

ဖဲစီၤအၤဟရိၣ်ဟဲနုာ်လီၤဆူတၢ်အလီၢ်စီဆှံဒီးအဝဲကသိးထီၣ် ဝဲသဃိးအံၤလၢပှၤအံၣ်စရ့လးဖိအဒူၣ်တဖၣ်အမံၤစိးပျၤတ့ၢ်အသး လၢအလိၤဒ်သိးယၤ, ယွၤ, ကသ့ၣ်နီၣ်ထီၣ်ယပှၤဂီၢ်မုၢ်တဘိယူၢ်ဃီန့ၣ်လီၤ.

လံာ်စကၤရယၤ 6:11

မၤကဲထီၣ်ခိၣ်သလုးတဖျၢၣ်လၢစ့ဒီးထူလၢအဝဲသ့ၣ်တဖၣ် ဟ့ၣ်တ့ၢ်ဒီးဒုးကုာ်ထီၣ်အီၤလၢစီၤယိၤစါဒးအဖိခွါ, ပှၤလုၢ်တၢ်အခိၣ်အဒိၣ်ကတၢၢ်စီၤယိၤၡူအခိၣ်လိၤတက့ၢ်.

လံာ်တၢ်ဂံၢ် 16:40

အဝဲအံၤမ့ၢ်တၢ်ဟ့ၣ်ပလီၢ်သးတမံၤဆူပှၤအံၣ်စရ့လးဖိတဖၣ်ဒ် သိးပှၤလၢအတမ့ၢ်ဘၣ်စီၤအၤဟရိၣ်အစၢၤအသွဲၣ်တဖၣ်အသု တဟဲဘူးဒီးတၢ်လုၢ်လီၢ်နီတဂၤလၢကဆိၣ်ကဲၤတၢ်နၢမူဆူယွၤ အဂီၢ်တဂ့ၤန့ၣ်လီၤ. မ့တမ့ၢ်ဘၣ်ဒ်န့ၣ်ဒီး, အဝဲကဘၣ်တၢ်မၤဟးဂီၤကွံာ်အီၤဒ်စီၤကိၤရးဒီးအပှၤတဖၣ်အသိး န့ၣ်လီၤ. တၢ်ခဲလၢာ်အံၤဘၣ်တၢ်မၤဝံၤအီၤဒ်ယွၤမၤလိာ်တ့ၢ်စီၤအ့လၤ ဧစၢ်ခီဖျိစီၤမိၤၡ့အသိးန့ၣ်လီၤ.

လံာ်တၢ်ဂံၢ် 31:54

မၤသးဒ်န့ၣ်ဒီး, စီၤမိၤၡ့ဒီးစီၤအလၤဧစၢ်လဲၤစိာ်ထူတဖၣ်န့ၣ် ဆူဒဲစီဆှံဒ်သိးယွၤကဒီဒၣ်အိၣ်ပှိၤကီၢ်အံၣ်စရ့လးအပှၤဂီၢ်မုၢ်အဂီၢ်န့ၣ်လီၤ.

လံာ်မးသဲ 26:13

နာ်ယၤတက့ၢ်. ဖဲတၢ်သးခုအကစီၣ်အံၤဘၣ်တၢ်စံၣ်တဲၤတဲလီၤအီၤတပူၤလၢ်လၢ်လၢ ဟီၣ်ခိၣ်ချၢဒီဘ့ၣ်ညါအံၤန့ၣ်, တၢ်လၢပိာ်မုၣ်မၤတ့ၢ်ဝဲအံၤကဘၣ်တၢ်စံၣ်ဃဲၤအီၤလၢ တၢ်သ့ၣ်နီၣ်ထီၣ်က့ၤအီၤအဂီၢ်လီၤ.”

လံာ်မၢ်ကူး 14:9

ယစံးဘၣ်သုသပှၢ်ကတၢၢ်လီၤ. လၢဟီၣ်ခိၣ်ဒီဘ့ၣ်တၢ်လီၢ်တပူၤ လၢ်လၢ်ဖဲပှၤစံၣ်တဲၤတဲလီၤတၢ်သးခုအကစီၣ်န့ၣ်, ပှၤကစံးကတိၤစ့ၢ်ကီးတၢ်လၢပိာ်မုၣ်တဂၤအံၤမၤတ့ၢ်ဝဲအဂ့ၢ်, လၢတၢ်ကသ့ၣ်နီၣ်ထီၣ်က့ၤအီၤအဂီၢ်န့ၣ်လီၤ.”

မၤတၢ် 10:4

အဝဲဒၣ်ကွၢ်ထံကလူးလၢတၢ်ပျံၤတၢ်ဖုးအပူၤဒီးစံးဝဲ, “ကစၢ်ဧၢ, မ့ၢ်မနုၤလဲၣ်.” ကလူးစံးဆၢတၢ်ဒီးစံးဝဲ, “ကစၢ်ယွၤတူၢ်လိာ်လံနတၢ်ထုကဖၣ်ဒီးနတၢ်ဟ့ၣ်သးကညီၤ တၢ်တဖၣ်, ဒီးကစံးဆၢက့ၤနၤလီၤ.

လံာ်စီၤယိၤၡူ 4:7

သုကစံးဘၣ်အဝဲသ့ၣ်လၢထံကျိယၢ်ဒ့ၣ်အထံ လၢအယွၤလီၤန့ၣ်အိၣ်ပတုာ်ဝဲဖဲယွၤအတၢ်အၢၣ်လီၤအီလီၤအတလါ ခီဂာ်ထံကျိအကတီၢ်န့ၣ်လီၤ. လၢၢ်တဖၣ်အံၤထီဘိကဒုးသ့ၣ်နီၣ်ထီၣ်ပှၤအံၣ်စရ့လးဖိတဖၣ်လၢ တၢ်လၢအမၤတ့ၢ်အသးအံၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 2:30

ယၤ, ယွၤ, အံၣ်စရ့လးအကစၢ်ယွၤအံၤလၢအပူၤကွံာ်ယအၢၣ်လီၤတ့ၢ် လၢနဟံၣ်ဖိဃီဖိဒီးနဒူၣ်နထၢဖိကမၤယတၢ်မၤ ဒ်ပှၤလုၢ်တၢ်အခိၣ်တဖၣ်အသိးလီၤစိၤလီၤထီန့ၣ်လီၤ. မ့မ့ၢ်ခဲကနံၣ်အံၤ, ယစံးလၢယတမၤဒ်န့ၣ်လၢၤဘၣ်. အခိၣ်တလိာ်, ယကမၤလၤကပီၤပှၤလၢအမၤလၤကပီၤယၤ, ဒီးပှၤလၢအမၤလီၤယသူးယသ့ၣ်န့ၣ် ယကမၤဟးဂီၤအလၤကပီၤန့ၣ်လီၤ.