လံာ်စကၤရယၤ 6:13 - Sgaw Karen Common Bible

¹³ အဝဲမ့ၢ်ပှၤတဂၤလၢကဘှီထီၣ်တၢ်လုၢ်ဟံၣ်န့ၣ်, ဒီးဒိးန့ၢ်တၢ်လၤကပီၤဒ်အကြၢးဒီးစီၤပၤတဂၤအသိး, ဒီးအဝဲကပၢအပှၤဂီၢ်မုၢ်န့ၣ်လီၤ. ပှၤလုၢ်တၢ်အခိၣ်တဂၤကဆၢထၢၣ်ဖဲအလီၢ်ပစိာ်ကပၤ, ဒီးအဝဲသ့ၣ်ကမၤသကိးတၢ်လၢတၢ်ဃူတၢ်ဖိးဒီးတၢ် ဘၣ်လိာ်ဖိးဒ့အပူၤလီၤ.

လံာ်စကၤရယၤ 6:13 Iomraidhean Croise

လံာ်တၢ်ကဲထီၣ်အခီၣ်ထံး 14:18

ဒီးစီၤမးလကံစဒ့းလၢအမ့ၢ်ဝ့ၢ်ၡၤလ့ၣ်စီၤပၤဒီးတၢ်ထီကတၢၢ် ကစၢ်ယွၤအပှၤလုၢ်တၢ်အခိၣ်ဟဲစိာ်န့ၢ်ကိၣ်ဒီးစပံးထံဆူ စီၤအၤဘြၣ်အအိၣ်,

လံာ်စီၤၡမူၤအ့လးခံဘ့ၣ်တဘ့ၣ် 7:13

အဝဲကမ့ၢ်ပှၤတဂၤလၢကသူၣ်ထီၣ်တၢ်လုၢ်ဟံၣ်တဖျၢၣ်လၢယဂီၢ်ဒီး ယကမၤလီၤတံၢ်လၢအဝဲအစၢၤအသွဲၣ်ကပၢတၢ်ဆူညါလီၤစိၤလီၤထီန့ၣ်လီၤ.

စံးထီၣ်ပတြၢၤ 110:1

ယွၤစံးဘၣ်ယကစၢ်စီၤပၤ, “ဆ့ၣ်နီၤလၢယစုထွဲ တုၤယပာ်နဒုၣ်နဒါတဖၣ်လၢ နခီၣ်ယီၢ်လီၢ်န့ၣ်တက့ၢ်.

စံးထီၣ်ပတြၢၤ 110:4

ယွၤမၤတၢ်အၢၣ်လီၤသမှံၤသပှၢ်တမံၤဒီး တထုးက့ၤဘၣ်ဝဲဘၣ်. “နကမ့ၢ်ပှၤလုၢ်တၢ်အခိၣ်တဂၤလီၤထူလီၤယိာ်, လၢစီၤမၤလကံစဒ့းအပှၤလုၢ်တၢ်အခိၣ်အလုၢ်အလၢ်အပူၤန့ၣ်လီၤ.”

စံးထီၣ်ပတြၢၤ 21:4

ဃ့ဝဲတၢ်မူလၢနၤ, ဒီးနဟ့ၣ်အီၤလၢ တၢ်အိၣ်ကၢအိၣ်ခိး ဒီးတၢ်မူလီၤထူလီၤယိာ်လီၤ.

စံးထီၣ်ပတြၢၤ 21:5

အလၤကပီၤဒိၣ်ဝဲမ့ၢ်လၢနတၢ်မၤစၢၤအဃိ, နပာ်တၢ်လီၤဘီလီၤမုၢ်ဒီး တၢ်ကဟုကညီၢ်လၢအလိၤန့ၣ်လီၤ.

လံာ်ယၡါယၤ 11:10

မုၢ်တနံၤကဟဲဝဲဖဲစီၤပၤအသီလၢအဟဲလီၤစၢၤလီၤသွဲၣ်လၢစီၤပၤဒၤဝံးကအိၣ်ထီၣ်ဝဲဒီးကမ့ၢ်တၢ်ပနီၣ်လၢပှၤကလုာ်တဖၣ်အဂီၢ် န့ၣ်လီၤ. အဝဲသ့ၣ်ကပာ်ဖှိၣ်အသးလၢအစီၤပၤအဝ့ၢ်ဒီးကဟ့ၣ် အီၤတၢ်လၤကပီၤန့ၣ်လီၤ.

လံာ်ယၡါယၤ 22:24

ဘၣ်ဆၣ်ဒီး, ကယဲၢ်အဘူးအတံၢ်ဒီးပှၤလၢအသန့ၤအသး လၢအီၤခဲလၢာ်, ကကဲထီၣ်တၢ်ဝံတၢ်ယိးတမံၤလၢအဂီၢ်န့ၣ်လီၤ. အဝဲသ့ၣ်ကဘျးလီၤစဲၤအသးလၢအလိၤဒ်တၢၢ်ဧိၤသပၢၤဧိၤ ဒီးလီခီတဖၣ်ဘျးလီၤစဲၤအသးလၢနီၣ်စဲတဘိအလိၤအသိးန့ၣ်လီၤ.

လံာ်ယၡါယၤ 54:10

ကစၢၢ်ကလိဒီးတၢ်လူၢ်တဖၣ်ကလီၤပှီၢ်ကွံာ်ဝဲ, မ့မ့ၢ်ယတၢ်အဲၣ်သုတကတၢၢ်နီတစုဘၣ်. ယကဟံးဃာ်ဂၢၢ်ကျၢၤယတၢ် အၢၣ်လီၤဘၣ်ဃးတၢ်ဃူတၢ်ဖိးန့ၣ်လီၤစိၤလီၤထီလီၤ.” ယွၤလၢအအဲၣ်သုစံးဝဲဒ်န့ၣ်လီၤ.

လံာ်ယၡါယၤ 9:5

သုးမုၢ်လၢအဟဲထီၣ်ဒုးတၢ်တဖုအသုးခီၣ်ဖံးတဖၣ် ဒီးအကူအသိးလၢအဘၣ်အၢဒီးတၢ်သွံၣ်တၢ်စီၤခဲလၢာ်, ကဘၣ်တၢ်မၤဟးဂီၤကွံာ်အီၤလၢမ့ၣ်အူန့ၣ်လီၤ.

လံာ်ယၡါယၤ 9:6

ဖိသၣ်တဂၤအိၣ်ဖျဲၣ်လၢပဂီၢ်, တၢ်ဟ့ၣ်လီၤပှၤလၢဖိခွါတဂၤလီၤ. ဒီးအဝဲဒၣ်ကမ့ၢ်ပပှၤပၢတၢ်လီၤ. အဝဲကဘၣ်တၢ်ကိးအီၤလၢ “ပှၤလီၤလး ” “တၢ်ကူၣ်လိာ်တၢ်”, “စိဒိၣ်ကမီၤထီကစၢ်ယွၤ”, “ပၢ်အထူအယိာ်”, “တၢ်ဃူတၢ်ဖိးအစီၤပၤ” န့ၣ်လီၤ.

လံာ်ယၡါယၤ 9:7

အစီၤလိၣ်စီၤပၤအစိကမီၤကဒိၣ်ထီၣ်ကွ့ၢ်ကွ့ၢ် ဒီးအဘီအမုၢ်ကမုာ်ကခုၣ်ဝဲထီဘိန့ၣ်လီၤ. အဝဲကပၢတၢ်ဒ်ပှၤလၢအကထီၣ်စီၤပၤစီၤဒၤဝံးအလီၢ် တဂၤအသိး, အတၢ်စိတၢ်ကမီၤန့ၣ်ကသူၣ်ထီၣ်ဝဲလၢတၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်, စးထီၣ်ခဲအံၤတုၤတၢ်အစိၤကတၢၢ်န့ၣ်လီၤ. ယွၤ, သ့တၢ်လၢာ်ကစၢ်န့ၣ်, ပာ်လီၤအသးသပှၢ်တၢၢ်လၢကမၤတၢ်အံၤခဲ လၢာ်လီၤ.

လံာ်ယံးရမံယၤ 23:5

ယွၤစံးဝဲဒၣ်, “တၢ်ဆၢကတီၢ်တုၤဃီၤဝဲလၢယကဃုထၢပှၤအတီ အလိၤတဂၤလၢအလီၤစၢၤလၢစီၤဒၤဝံး, ဒ်စီၤပၤတဂၤအသိးန့ၣ် လီၤ. စီၤပၤအံၤကပၢတၢ်လၢတၢ်ကူၣ်သ့အပူၤဒီးမၤတၢ်လၢ အဘၣ်ဒီးတၢ်စံၣ်ညီၣ်တီအပူၤ, သကုၤထံကီၢ်ဒီဘ့ၣ်န့ၣ်လီၤ.

လံာ်ယံးရမံယၤ 23:6

ဖဲအဝဲမ့ၢ်စီၤပၤန့ၣ်, ကီၢ်ယူဒၤအပှၤဂီၢ်မုၢ်ကပူၤဖျဲးဒီးတၢ်ဘၣ်ယိၣ်, ဒီးကီၢ်အံၣ်စရ့လးအပှၤဂီၢ်မုၢ်ကအိၣ်မူဘၣ်လၢတၢ်မုာ်တၢ်ခုၣ်အပူၤလီၤ. အဝဲကဘၣ်တၢ်ကိးအီၤလၢ, ယွၤ, ပတၢ်အုၣ်က့ၤခီၣ်က့ၤ’ လီၤ.”

လံာ်ယံးရမံယၤ 33:15

ဖဲတၢ်ဆၢကတီၢ်အဝဲန့ၣ်, ယကဃုထၢပှၤအတီအလိၤတဂၤလၢ အလီၤစၢၤလၢ စီၤဒၤဝံးဒ်စီၤပၤတဂၤအသိးန့ၣ်လီၤ. စီၤပၤအဝဲန့ၣ်ကမၤတၢ်လၢ အဘၣ်ဒီးတီဝဲလိၤဝဲ, လၢကီၢ်ဒီဘ့ၣ်ညါအပူၤန့ၣ်လီၤ.

လံာ်မံကၤ 5:4

တုၤအဝဲဟဲန့ၣ်, ကပၢအပှၤဂီၢ်မုၢ်အိၣ်ဒီးတၢ်ဂံၢ်တၢ်ဘါဟဲလၢ ယွၤအိၣ်ဒီးကစၢ်ယွၤအကစၢ်ဒၣ်ဝဲအကဟုကညီၢ်န့ၣ်လီၤ. အပှၤဂီၢ်မုၢ်ကအိၣ်ဝဲဆိးဝဲလၢတၢ်ပူၤဖျဲးအပူၤလီၤ. အဂ့ၢ်ဒ်အံၤ, ကယဲၢ်ပှၤဂီၢ်မုၢ်လၢဟီၣ်ခိၣ်ချၢကအၢၣ်လီၤအီၤလီၤအတၢ်ဒိၣ်တၢ်မုၢ်,

လံာ်စကၤရယၤ 4:14

တုၤနုၤတစုအဝဲစံးဝဲဒၣ်, “အဝဲသ့ၣ်တဖၣ်အံၤမ့ၢ်ပှၤခံဂၤလၢကစၢ်ယွၤဃုထၢတ့ၢ်လံအီၤ ဒီးဖှူတ့ၢ်လံအီၤလၢကမၤအဝဲဒၣ်, လၢအမ့ၢ်ဟီၣ်ခိၣ်ဒီဘ့ၣ်အယွၤ, အတၢ်န့ၣ်လီၤ.”

လံာ်စကၤရယၤ 4:9

အဝဲစံးဝဲဒၣ်, “စီၤစရူၤဘၤဘ့လးပာ်လီၤတၢ်လုၢ်ဟံၣ်အခီၣ်ထံးလံ. ဒီးအဝဲဒၣ်ကမၤဝံၤတၢ်သူၣ်ထီၣ်န့ၣ်လီၤ. ဖဲတၢ်အံၤမၤအသးန့ၣ်, ယပှၤဂီၢ်မုၢ်ကသ့ၣ်ညါလၢပှၤလၢအဆှၢလီၤအီၤဆူအဝဲသ့ၣ်အအိၣ်န့ၣ်, မ့ၢ်ယၤလီၤ.”

လံာ်စကၤရယၤ 6:11

မၤကဲထီၣ်ခိၣ်သလုးတဖျၢၣ်လၢစ့ဒီးထူလၢအဝဲသ့ၣ်တဖၣ် ဟ့ၣ်တ့ၢ်ဒီးဒုးကုာ်ထီၣ်အီၤလၢစီၤယိၤစါဒးအဖိခွါ, ပှၤလုၢ်တၢ်အခိၣ်အဒိၣ်ကတၢၢ်စီၤယိၤၡူအခိၣ်လိၤတက့ၢ်.

ရိမ့ၤ 5:1

ဒီးခဲအံၤမ့ၢ်လၢပဘၣ်တၢ်ပာ်တီပာ်လိၤပှၤခီဖျိတၢ်နာ် အဃိ, ပအိၣ်ဒီးတၢ်ဃူတၢ်ဖိးဒီးကစၢ်ယွၤခီဖျိပကစၢ် ယ့ၣ်ၡူးခရံာ်န့ၣ်လီၤ.

ကလီးစဲ 1:2

ဆူ, ပှၤစီဆှံလၢဝ့ၢ်ကလီးစဲ, ဒီပုၢ်ဝဲၢ်လၢခရံာ်အပူၤလၢ အကလုၢ်တီဝဲတဖၣ်အအိၣ်, တၢ်ဘျုးတၢ်ဖှိၣ် ဒီးတၢ်ဃူတၢ်ဖိးလၢအဟဲလၢပပၢ်ကစၢ်ယွၤ အအိၣ်န့ၣ်မ်အဘၣ်လၢ်သုတက့ၢ်.

ဧ့ၤဘြံၤ 3:1

ယဒီပုၢ်ဝဲၢ်ခရံာ်ဖိလၢအဘၣ်တၢ်ကိးန့ၢ်စ့ၢ်ကီးအီၤလၢကစၢ်ယွၤ သ့ၣ်ဧၢ, ကွၢ်ထံဆိကမိၣ်ယ့ၣ်ၡူးလၢကစၢ်ယွၤမၢလီၤအီၤလၢ အကမ့ၢ်ပတၢ်စူၢ်တၢ်နာ်အပှၤလုၢ်တၢ်အခိၣ်အဒိၣ်ကတၢၢ် တဂၤန့ၣ်တက့ၢ်.

ဧ့ၤဘြံၤ 6:20

ဖဲယ့ၣ်ၡူးလဲၤနုာ်ဆိဝဲလၢပခၢၣ်စးဒီးကဲထီၣ်လၢပပှၤလုၢ်တၢ် အခိၣ်အဒိၣ်ကတၢၢ်လီၤစိၤလီၤထီတကလုာ်ဃီဒီးစီၤမၤလကံစဒ့းန့ၣ်လီၤ.

၁ ပ့းတရူး 3:22

ယ့ၣ်ၡူးလၢအက့ၤထီၣ်ဆူမူခိၣ်ဒီးအိၣ်ဝဲလၢကစၢ်ယွၤ အစုထွဲတခီဒီးပၢဘၣ်ကလူးခဲလၢာ်ဒီးမူခိၣ်တၢ်အကဟုကညီၢ်ဒီးတၢ်အစိအကမီၤတဖၣ်ခဲလၢာ်တဂၤန့ၣ်လီၤ.

လံာ်လီၣ်ဖျါ 3:21

ပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်အီၤတၢ်ခွဲးတၢ်ယာ်လၢအကဆ့ၣ်နီၤလၢယကပၤလၢ ယလီၢ်ပစိာ်အလိၤ, ဒ်ယမၤနၢၤတ့ၢ်လံတၢ်ဒီးဆ့ၣ်နီၤဘၣ်ယဲခဲ ကနံၣ်အံၤ, လၢယပၢ်အကပၤ, လၢအဝဲဒၣ်အလီၢ်ပစိာ်အလိၤ အသိးန့ၣ်လီၤ.