လံာ်စကၤရယၤ 6:12 - Sgaw Karen Common Bible

¹² တဲဘၣ်အီၤလၢသ့တၢ်လၢာ်ယွၤစံးဝဲလၢ, ပှၤကညီလၢအဘၣ်တၢ်ကိးအီၤလၢတၢ်အဒ့တဂၤန့ၣ်ကဘီၣ်ထီၣ် ညီထီၣ်ဝဲဖဲအအိၣ်ဝဲအလီၢ်, ဒီးကဘှီထီၣ်ကဒါက့ၤယွၤအတၢ်လုၢ်ဟံၣ်လီၤ.

လံာ်စကၤရယၤ 6:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:13

အဝဲကမ့ၢ်ပှၤတဂၤလၢကသူၣ်ထီၣ်တၢ်လုၢ်ဟံၣ်တဖျၢၣ်လၢယဂီၢ်ဒီး ယကမၤလီၤတံၢ်လၢအဝဲအစၢၤအသွဲၣ်ကပၢတၢ်ဆူညါလီၤစိၤလီၤထီန့ၣ်လီၤ.

လံာ်စီၤဧ့စြၤ 3:10

တုၤပှၤတဖၣ်န့ၣ်စးထီၣ်ပာ်လီၤတၢ်လုၢ်ဟံၣ်အလၢၢ်သနၢၣ်ဒီးပှၤလုၢ် တၢ်အခိၣ်လၢအအိၣ်ဒီးအဆ့ကၤဒိၣ်တဖၣ်ဟံးန့ၢ်အလီၢ်အိၣ်ဒီးကွဲၤ တဖၣ်လၢအစုပူၤ, ဒီးပှၤလ့ၤဝံဖိတဖၣ်လၢစီၤအၤစာ်အဒူၣ်အထၢတဖၣ်ဆၢထၢၣ်ဖဲန့ၣ် အိၣ်ဒီးအစှၢၣ်စှံးတဖၣ်န့ၣ်လီၤ. အဝဲသ့ၣ်စံးထီၣ်ပတြၢၤယွၤဒ်တၢ်မၤလိာ်လၢအဘၣ်တၢ်ဟ့ၣ်လီၤတ့ၢ် အီၤလၢစီၤပၤစီၤဒၤဝံးအစိၤအသိးန့ၣ်လီၤ.

လံာ်စီၤဧ့စြၤ 3:8

လၢတၢ်န့ၣ်အဃိအဝဲသ့ၣ်စးထီၣ်အတၢ်မၤဖဲလါခံလါတလါလၢနံၣ် န့ၣ်အပူၤ, ဖဲအဝဲသ့ၣ်ဟဲက့ၤကဒါက့ၤဆူတၢ်လုၢ်ဟံၣ်အလီၢ်လၢဝ့ၢ်ယရူၤ ၡလ့ၣ်ဝံၤအလီၢ်ခံလီၤ. စီၤစရူၤဘၤဘ့လး, စီၤယိၤၡူဒီးအပှၤထံဖိကီၢ်ဖိကဒဲကဒဲလၢအအိၣ်လီၤတဲာ်တဖၣ်, ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်, ဒီးကယဲၢ်ပှၤဘၣ်စိာ်မၢကဲကုၢ်လၢအဟဲက့ၤကဒါက့ၤဆူ ဝ့ၢ်ယရူၤၡလ့ၣ်တဖၣ်, မၤသကိးတၢ်လၢတၢ်မၤအပူၤန့ၣ်လီၤ. ကယဲၢ်ပှၤလ့ၤဝံဖိတဖၣ်လၢအသးအိၣ်အနံၣ်ခံဆံမ့ၢ်ဂ့ၤပှၢ်န့ၣ် အဝဲန့ၣ်မ့ၢ်ဂ့ၤဘၣ်တၢ်ပာ်လီၤအီၤလၢပှၤကွၢ်ထွဲပၢဆှၢတၢ်ဖံး တၢ်မၤဘၣ်ဃးဒီးတၢ်သူၣ်ထီၣ်ကဒါက့ၤတၢ်လုၢ်ဟံၣ်န့ၣ်လီၤ.

လံာ်ယၡါယၤ 11:1

အစီၤလိၣ်စီၤပၤအတၢ်လီၤစၢၤလီၤသွဲၣ်လၢစီၤဒၤဝံးန့ၣ်လီၤ ဂာ်ဒ်သ့ၣ်တထံးလၢအဘၣ်တၢ်ကူာ်လီၤကွံာ်အီၤအသိးလီၤ. ဘၣ်ဆၣ်ဒီး, ဒ်သ့ၣ်ဒ့အသီတဖၣ်ဟဲဒိးပဒုၣ်ထီၣ်ဝဲလၢသ့ၣ်ခိၣ် ဆၢၣ်အလိၤအသိးန့ၣ်, စီၤပၤအသီတဂၤကဟဲအိၣ်ထီၣ်ဝဲလၢစီၤဒၤ ဝံးအစၢၤအသွဲၣ်တဖၣ်အကျါန့ၣ်လီၤ.

လံာ်ယၡါယၤ 4:2

တၢ်ဆၢကတီၢ်ဟဲဝဲဖဲယွၤကပျဲတၢ်မုၢ်တၢ်ဘိဒီးသ့ၣ်ကိးထံးဒဲး လၢကီၢ်ပူၤကဒိၣ်ထီၣ်ဒီးဃံလၤဝဲလီၤ. ကယဲၢ်ပှၤအံၣ်စရ့လးဖိခဲလၢာ်လၢအမူဒံးတဖၣ်ကသူၣ်မုာ်သးခုဝဲ ဒီးပာ်ကဖၢလၢအသးလၢဟီၣ်ခိၣ်ဟ့ၣ်ထီၣ်ဝဲအတၤသူတၤသၣ် တဖၣ်အဃိလီၤ.

လံာ်ယၡါယၤ 53:2

မ့ၢ်တၢ်ဘၣ်ယွၤအသးလၢအခ့အပှၤကဒိၣ်ထီၣ် ဒ်သ့ၣ်တထံးစဲၤလီၤအဂံၢ်လၢဟီၣ်ခိၣ်ဃ့ထီအပူၤအသိးန့ၣ်လီၤ. အသူးအသ့ၣ်မ့ၢ်ဂ့ၤ, အတၢ်ဃံတၢ်လၤမ့ၢ်ဂ့ၤ လၢပကပာ်သူၣ်ပာ်သးအီၤအဂီၢ်န့ၣ် တအိၣ်ဘၣ်နီတမံၤဘၣ်. တအိၣ်ဘၣ်ဒီးတၢ်နီတမံၤလၢအလီၤထုးသူၣ်ထုးသး, ဒီးတၢ်လၢအကထုးန့ၢ်ပှၤဆူအအိၣ်တအိၣ် နီတမံၤဘၣ်.

လံာ်ယံးရမံယၤ 23:5

ယွၤစံးဝဲဒၣ်, “တၢ်ဆၢကတီၢ်တုၤဃီၤဝဲလၢယကဃုထၢပှၤအတီ အလိၤတဂၤလၢအလီၤစၢၤလၢစီၤဒၤဝံး, ဒ်စီၤပၤတဂၤအသိးန့ၣ် လီၤ. စီၤပၤအံၤကပၢတၢ်လၢတၢ်ကူၣ်သ့အပူၤဒီးမၤတၢ်လၢ အဘၣ်ဒီးတၢ်စံၣ်ညီၣ်တီအပူၤ, သကုၤထံကီၢ်ဒီဘ့ၣ်န့ၣ်လီၤ.

လံာ်ယံးရမံယၤ 33:15

ဖဲတၢ်ဆၢကတီၢ်အဝဲန့ၣ်, ယကဃုထၢပှၤအတီအလိၤတဂၤလၢ အလီၤစၢၤလၢ စီၤဒၤဝံးဒ်စီၤပၤတဂၤအသိးန့ၣ်လီၤ. စီၤပၤအဝဲန့ၣ်ကမၤတၢ်လၢ အဘၣ်ဒီးတီဝဲလိၤဝဲ, လၢကီၢ်ဒီဘ့ၣ်ညါအပူၤန့ၣ်လီၤ.

လံာ်ယဃ့းစက့လး 37:25

အဝဲသ့ၣ်ကအိၣ်ဆိးလၢကီၢ်လၢယဟ့ၣ်လီၤတ့ၢ်ယခ့ယပှၤ စီၤယၤကိာ်, ဒီးကီၢ်ဖဲအဝဲသ့ၣ်အမိၢ်အပၢ်ဖံဖုလၢပျၢၤတဖၣ်အိၣ်ဆိးတ့ၢ်ဝဲအပူၤန့ၣ်လီၤ. အဝဲသ့ၣ်ကအိၣ်ဆိးဖဲန့ၣ်လီၤထူလီၤယိာ်ဃုာ်ဒီးအဖိ အလံၤဒီးအစၢၤအသွဲၣ်ခဲလၢာ်န့ၣ်လီၤ. စီၤပၤတဂၤလၢအလီၤဂာ်ဒီး ယခ့ယပှၤစီၤဒၤဝံးကပၢတၢ်လၢအဝဲသ့ၣ်အဖီခိၣ်အစိၤစိၤအဃၣ် ဃၣ်န့ၣ်လီၤ.

လံာ်ယဃ့းစက့လး 41:1

တၢ်န့ၣ်ဝံၤအလီၢ်ခံ, ပှၤတဂၤန့ၣ်ဆှၢယၤဆူဒၢးလၢတၢ်ခၢၣ်သး ကတၢၢ်, လၢအမ့ၢ်တၢ်လီၢ်စီဆှံန့ၣ်လီၤ. အဝဲထိၣ်တၢ်လဲၤထီၣ်က့ၤလီၤအကျိၤလၢ အလဲၤနုာ်ဆူတၢ်လီၢ်အံၤန့ၣ်လီၤ. အကစီၤထီၣ်ထီဝဲဃုပျၢ်,

လံာ်ဧၤမိၣ် 9:11

ယွၤစံးဝဲဒၣ်, မုၢ်တနံၤဟဲဝဲ, ဖဲယကမၤအိၣ်ထီၣ်က့ၤစီၤဒၤဝံးအဘီအမုၢ်လၢအလီၤဂာ်ဝဲဒ်ဟံၣ် တဖျၢၣ်လၢအလီၤပှီၢ်ကွံာ်ဆူတၢ်ဟးဂီၤတဖၣ်အပူၤအသိးန့ၣ်လီၤ. ယကဘှီက့ၤအဒူၣ်တဖၣ်ဒီးမၤကျၢၤထီၣ်အီၤလီၤ. ယကသူၣ်ထီၣ်ကဒါက့ၤအီၤဒီးပာ်က့ၤဒ်လၢပျၢၤအသိးန့ၣ်လီၤ.

လံာ်မံကၤ 5:5

ဒီးအဝဲကဟဲစိာ်တၢ်ဃူတၢ်ဖိးလီၤ. ဖဲပှၤကီၢ်အၤၡူၢ်ဖိတဖၣ်ဘၢၣ်ဖျိပတိာ်ဧိၤ တာ်ဧိၤတဖၣ်ဒီးဟဲနုာ်လီၤဒုးပထံပကီၢ်န့ၣ်, ပကမၢလီၤပခိၣ်ပနၢ်လၢအဂံၢ်အဘါဆူၣ်ကတၢၢ်တဖၣ်လၢ အကဒုးအဝဲသ့ၣ်န့ၣ်လီၤ.

လံာ်စကၤရယၤ 13:7

သ့တၢ်လၢာ်အယွၤစံးဝဲဒၣ်, “ဖုးသံနီၣ်ထီၣ်နးဧၢ, ဒီးဒုးတၢ်ထီဒါပှၤကွၢ်သိလၢအမၤတၢ်လၢယဂီၢ်တက့ၢ်. မၤသံအီၤတက့ၢ်. ဒီးသိတဖၣ်ကလီၤပြံလီၤပြါကွံာ်လီၤ.

လံာ်စကၤရယၤ 3:8

ပှၤလုၢ်တၢ်အခိၣ်အဒိၣ်ကတၢၢ်စီၤယိၤၡူဧၢ, ဒိကနၣ်တက့ၢ်. အတံၤသကိးကဒဲကဒဲပှၤလုၢ်တၢ်အခိၣ်တဖၣ်, သုဝဲလၢအမ့ၢ်တၢ်ပနီၣ်အဂ့ၤတမံၤလၢခါဆူညါအဂီၢ်သ့ၣ်ဧၢ, ဒိကနၣ်တက့ၢ်. ယကလီၣ်ဖျါထီၣ်ယခ့ယပှၤ, လၢအဘၣ်တၢ်ကိးအီၤလၢတၢ်အဒ့န့ၣ်လီၤ.

လံာ်စကၤရယၤ 8:9

အိၣ်ဒီးတၢ်သူၣ်ဒူသးဒူတက့ၢ်. ခဲအံၤသုနၢ်ဟူဘၣ်တၢ်ကတိၤတမံၤဃီဒ်သိးဒီးတၢ်ကတိၤလၢဝံ တဖၣ်ကတိၤတ့ၢ်ဝဲဖဲတၢ်ပာ်လီၤတၢ်ခီၣ်ထံးလၢတၢ်ကဘှီထီၣ် ကဒါက့ၤယတၢ်လုၢ်ဟံၣ်အဆၢကတီၢ်န့ၣ်လီၤ.

လံာ်မးသဲ 16:18

ဒီးယဲဒၣ်အံၤယစံးလၢနမ့ၢ်ပ့းတရူး, လၢၢ်တဖျၢၣ်, ဒီးလၢလၢၢ်အံၤအဖီခိၣ်န့ၣ်, ယကသူၣ်ထီၣ်ယတၢ်အိၣ်ဖှိၣ်, ဒီးတၢ်သံအစိကမီၤဒၣ်လဲာ်မၤနၢၤအီၤတန့ၢ်ဘၣ်လီၤ.

လံာ်မးသဲ 26:61

ဒီးစံး, “ပှၤအံၤစံးဝဲ, ‘ယမၤလီၤပှီၢ်ကွံာ်ကစၢ်ယွၤအတၢ် လုၢ်ဟံၣ်ဒီးလၢသၢသီအတီၢ်ပူၤန့ၣ် ယဘှီထီၣ်က့ၤအီၤသ့လီၤ.’ ”

လံာ်မၢ်ကူး 14:58

“ပနၢ်ဟူအဝဲဒၣ်စံးဝဲ, ‘ယကမၤလီၤပှီၢ်ကွံာ်တၢ်လုၢ်ဟံၣ်လၢအဘၣ်တၢ်ဘှီထီၣ်အီၤလၢပှၤ ကညီအစုတဖျၢၣ်အံၤ, ဒီးလၢသၢသီတသီန့ၣ်ယကဘှီထီၣ်အဂၤတဖျၢၣ်လၢအတဘၣ် တၢ်မၤအီၤလၢပှၤကညီအစုဘၣ်န့ၣ်လီၤ.’ ”

လံာ်မၢ်ကူး 15:29

ပှၤလၢအလဲၤဘၣ်ဖဲန့ၣ် တဖၣ်ကတိၤဒုၣ်ဒွဲၣ်စံးအၢအီၤ, ဒီးဂံၤဂုၤအခိၣ်ဒီးစံးဝဲ, “အီၢ်, နစံးလၢနကမၤဟးဂီၤကွံာ်တၢ်လုၢ်ဟံၣ် ဒီးဘှီထီၣ်က့ၤကဒီးအီၤလၢသၢသီအတီၢ်ပူၤတမ့ၢ်ဘၣ်ဧါ.

လံာ်မၢ်ကူး 15:39

ပှၤသုးဖိတကယၤအခိၣ်တဂၤလၢအဆၢထၢၣ်ကွၢ်တၢ်ဖဲထူၣ်စုညါ အမဲာ်ညါန့ၣ်, ထံၣ်ဘၣ်ယ့ၣ်ၡူးအသးသမူဟးထီၣ်ကွံာ်ဒ်န့ၣ်သတးဒီးစံးဝဲ, “သပှၢ်ကတၢၢ်ပှၤတဂၤအံၤမ့ၢ်မးကစၢ်ယွၤအဖိခွါန့ၣ်လီၤ.”

လံာ်လူၤကၣ် 1:78

ပကစၢ်ယွၤမ့ၢ်ပှၤလၢ အသူၣ်ကညီၤသးကညီၤတၢ်လီၤ. အဝဲဒၣ်ကပျဲတၢ်အုၣ်က့ၤခီၣ်က့ၤအမုၢ်ဆ့ၣ်ဟဲဝါထီၣ် လၢပဖီခိၣ်ကပြုၢ်ကပြီၤ,

လံာ်ယိၤဟၣ် 1:45

စီၤဖံလံးပူးထံၣ်န့ၢ်စီၤနၤသန့လးဒီးစံးဘၣ်အီၤ, “ပထံၣ်န့ၢ်လံပှၤလၢစီၤမိၤၡ့ကွဲးလၢအဂ့ၢ်လၢလံာ် တၢ်သိၣ်တၢ်သီအပူၤဒီးဝံသ့ၣ်တဖၣ်ကွဲးစ့ၢ်ကီးလၢ အဂ့ၢ်တဂၤလံန့ၣ်လီၤ. အဝဲမ့ၢ်ပှၤနစၤရ့းဖိယ့ၣ်ၡူးလၢ အမ့ၢ်စီၤယိၤသးအဖိခွါန့ၣ်လီၤ.”

လံာ်ယိၤဟၣ် 19:5

အန့ၣ်ဒီး, ယ့ၣ်ၡူးဟဲထီၣ်ဆူတၢ်ချၢ, ကၢၢ်ဝဲခိၣ်သလုး တၤဆှုၣ်ဒီးကၤဝဲဆ့ကၤလုးတကုာ်တဘ့ၣ်န့ၣ်လီၤ. စီၤပံၤလးစံးဘၣ် အဝဲသ့ၣ်, “ကွၢ်တက့ၢ်. မ့ၢ်ပှၤအဝဲအံၤလီၤ.”

မၤတၢ် 13:38

လၢတၢ်န့ၣ်အဃိ, ဒီပုၢ်ဝဲၢ်ခဲလၢာ်သ့ၣ်ဧၢ, ယသးအိၣ်လၢသုကသ့ၣ်ညါသုဝဲသပှၢ်ကတၢၢ်လၢခီဖျိယ့ၣ်ၡူးန့ၣ် တၢ်ကစီၣ်ဘၣ်ဃးတၢ်ပျၢ်တၢ်ဒဲးဘးဘၣ်တၢ်စံၣ်တဲၤတဲလီၤန့ၢ်သု,

မၤတၢ် 17:31

အဂ့ၢ်ဒ်အံၤ, အဝဲပာ်ဂၢၢ်ပာ်ကျၢၤမုၢ်တနံၤလၢအကစံၣ်ညီၣ် ဟီၣ်ခိၣ်ဒီဘ့ၣ်လၢတၢ်တီတၢ်လိၤအပူၤ, ခီဖျိပှၤတဂၤလၢ အဃုထၢတ့ၢ်ဝဲန့ၣ်လီၤ. အဝဲဟ့ၣ်တ့ၢ်လံပှၤကိးဂၤဒဲးလၢတၢ်အုၣ်အသးဘၣ်ဃးဒီးတၢ် တမံၤအံၤအဂ့ၢ်ခီဖျိအဒုးဂဲၤဆၢထၢၣ်က့ၤပှၤအဝဲန့ၣ်လၢတၢ်သံ န့ၣ်လီၤ.”

1 ကရံၣ်သူး 3:9

အဂ့ၢ်ဒ်အံၤ, ပမ့ၢ်ပှၤမၤသကိးတၢ်တဖၣ်လၢအမၤဃုာ်တၢ်တပူၤဃီလၢကစၢ်ယွၤ အဂီၢ်, ဒီးသုမ့ၢ်ကစၢ်ယွၤအစံာ်လီၢ်ပှဲၤလီၢ်န့ၣ်လီၤ. သုမ့ၢ်စ့ၢ်ကီးကစၢ်ယွၤအတၢ်သူၣ်ထီၣ်လီၤ.

ဧ့ၤဘြံၤ 10:12

မ့မ့ၢ်ခရံာ်လုၢ်ထီၣ်တၢ်လုၢ်တမံၤလၢတၢ်လုၢ်တၢ်ဒဲးဘးအဂီၢ်, တၢ်လုၢ်တမံၤလၢအဒုးကဲထီၣ်တၢ်ဘျုးလီၤထူလီၤယိာ်, ဝံၤဒီးဆ့ၣ်နီၤဝဲလၢ ကစၢ်ယွၤအစုထွဲတခီလီၤ.

ဧ့ၤဘြံၤ 7:24

ဘၣ်ဆၣ်ဒီးယ့ၣ်ၡူးမ့ၢ် ပှၤလုၢ်တၢ်အခိၣ်အဂၢၢ်အကျၢၤ, လၢအမူဝဲလီၤထူလီၤယိာ်အဃိလီၤ.

ဧ့ၤဘြံၤ 7:4

အဝဲဒိၣ်ဝဲမုၢ်ဝဲဆံးအါလဲၣ်န့ၣ်သုသ့ၣ်ညါသ့ဝဲလီၤ. ပပၢ်ဖးဒိၣ်စီၤအၤဘြၤဟၣ်ဟ့ၣ်အီၤလၢတၢ်ခဲလၢာ်လၢ အဒိးန့ၢ်ဝဲလၢတၢ်ဒုးပျီပူၤအပူတဆံတပူန့ၣ်လီၤ.

ဧ့ၤဘြံၤ 8:3

ပှၤလုၢ်တၢ်အခိၣ်အဒိၣ်ကတၢၢ်ကိးဂၤဒဲးဘၣ်တၢ်ဃုထၢပာ် လီၤအီၤလၢအကလုၢ်ထီၣ်တၢ်မၤဘူၣ်ဒီးတၢ်လုၢ်တၢ်ပာ်တဖၣ် အဂီၢ်န့ၣ်လီၤ. လၢတၢ်န့ၣ်အဃိ, အလီၢ်အိၣ်ဝဲလၢပှၤလုၢ်တၢ်အခိၣ်အဒိၣ်ကတၢၢ်အံၤစ့ၢ် ကီးကအိၣ်ဒီးတၢ်လၢအကလုၢ်ထီၣ်ဝဲတမံၤမံၤန့ၣ်လီၤ.