လံာ်စကၤရယၤ 6:11 - Sgaw Karen Common Bible

¹¹ မၤကဲထီၣ်ခိၣ်သလုးတဖျၢၣ်လၢစ့ဒီးထူလၢအဝဲသ့ၣ်တဖၣ် ဟ့ၣ်တ့ၢ်ဒီးဒုးကုာ်ထီၣ်အီၤလၢစီၤယိၤစါဒးအဖိခွါ, ပှၤလုၢ်တၢ်အခိၣ်အဒိၣ်ကတၢၢ်စီၤယိၤၡူအခိၣ်လိၤတက့ၢ်.

လံာ်စကၤရယၤ 6:11 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:30

လၢပှၤဧၣ်မိၣ်ဖိတဖၣ်အကစၢ်တၢ်ဂီၤမိလးအခိၣ်လိၤန့ၣ်စီၤဒၤဝံး ဟံးန့ၢ်ခိၣ်သလုးထူတဖျၢၣ်, လၢအဃၢလီၤတယၢၢ်တကံကၢ်လၢအအိၣ်ဒီးတၢ်မျၢ်တဖျၢၣ်လၢအလိၤန့ၣ်လီၤ. စီၤဒၤဝံးဟံးန့ၢ်တၢ်မျၢ်တဖျၢၣ်န့ၣ်ဒီးထီထီၣ်အီၤလၢအခိၣ် သလုးဒၣ်ဝဲအလိၤန့ၣ်လီၤ. အဝဲဟံးန့ၢ်စ့ၢ်ကီးတၢ်ဂုာ်န့ၢ်အါအါဂီၢ်ဂီၢ်လၢဝ့ၢ်ပူၤန့ၣ်,

လံာ်စီၤဧ့စြၤ 10:18

အအံၤမ့ၢ်တၢ်ကွဲးနီၣ်ဘၣ်ထွဲဒီးပှၤပိာ်ခွါတဖၣ်လၢအအိၣ်ဒီး အမါပှၤတခီဘီမုၢ်ဖိတဖၣ်န့ၣ်လီၤ. ပှၤလုၢ်တၢ်အခိၣ်တဖၣ်, ဘၣ်တၢ်ကွဲးနီၣ်အီၤဒ်အဒူၣ်ထၢတဖၣ်ဟဲဝဲန့ၣ်လီၤ. လၢစီၤယိၤၡူဒီးအဒီပုၢ်ဝဲၢ်ခွါတဖၣ်အဒူၣ်ထၢပူၤန့ၣ်, စီၤယိၤစဒးအဖိခွါတဖၣ်လၢအမ့ၢ်ဝဲ, စီၤမၤစ့ယၤ, စီၤအလၤဧစၢ်, စီၤယၤရံာ်ဒီးစီၤကဒါလယၤန့ၣ်လီၤ.

လံာ်စီၤဧ့စြၤ 3:2

ဒီးစီၤယိၤစါဒးအဖိခွါစီၤယိၤၡူ, အပှၤလုၢ်တၢ်အခိၣ်သကိး သကိးဒီးအီၤတဖၣ်, ဒီးစီၤၡၤလတံၤအ့လးအဖိခွါစီၤစရူၤဘၤဘ့လး, ဃုာ်ဒီးအဝဲအဘူးအတံၢ်တဖၣ်, ဘှီထီၣ်ကဒါက့ၤပှၤအံၣ်စရ့လးဖိ အကစၢ်ယွၤအတၢ်လုၢ်လီၢ်, ဒ်သိးအဝဲသ့ၣ်ဆိၣ်ကဲၤထီၣ်တၢ်လုၢ်တၢ်ပာ် တဖၣ်လၢအဖီခိၣ်ဒ်တၢ်သိၣ်လိသီလိလၢအဘၣ်တၢ်ကွဲးလီၤအီၤလၢ ကစၢ်ယွၤအပှၤကညီစီၤမိၤၡ့အလံာ်တၢ်သိၣ်တၢ်သီအပူၤအသိးကသ့န့ၣ်လီၤ.

စံးထီၣ်ပတြၢၤ 21:3

နသဂၢၢ်အီၤအိၣ်ဒီးတၢ်ဆိၣ်ဂ့ၤလီၤဆီတဖၣ် ဒီးနပာ်ခိၣ်သလုးထူလၢအခိၣ်လိၤလီၤ.

လံာ်တၢ်ဟးထီၣ်ကွံာ် 29:6

ပာ်ထီၣ်ခိၣ်ဖၢၣ်လၢအဝဲအလိၤဒီးလၢခိၣ်ဖၢၣ်အလိၤန့ၣ်စၢထီၣ်တၢ် ပာ်စီဆှံသးအပနီၣ် ‘တၢ်ပာ်စီဆှံဆူယွၤ’ န့ၣ်တက့ၢ်.

လံာ်တၢ်ဟးထီၣ်ကွံာ် 39:30

အဝဲသ့ၣ်မၤတၢ်ကယၢကယဲလၢထူစီ, ဒ်အမ့ၢ်တၢ်အပနီၣ်စီဆှံ, လၢတၢ်ပာ်စီဆှံသးအဂီၢ်ဒီးလၢအလိၤန့ၣ်စိးပျၤကွဲးလီၤဝဲ, တၢ်ပာ်စီဆှံထီၣ်အီၤဆူယွၤအအိၣ်’ န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 3:11

ဝ့ၢ်စံယိၣ်အဖိမုၣ်သ့ၣ်ဧၢ, ဟဲဒီးကွၢ်စီၤပၤၡလိၤမိၤတက့ၢ်. အဝဲအိၣ်ဒီးခိၣ်သလုးလၢအမိၢ်ဒုးကုာ်ထီၣ်အီၤလၢအခိၣ်လိၤ, ဖဲအဒိးတ့ဒိးဖျီအသးအနံၤ, အမုၢ်နံၤလၢအပှဲၤဒီးတၢ်သူၣ်ခုသးခုဒီးတၢ်သူၣ်ဖှံသးညီ န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:9

ဒီးကုာ်ထီၣ်ခိၣ်ဖျီၣ်လၢအခိၣ်, ဒီးလၢခိၣ်ဖျီၣ်အမဲာ်ညါန့ၣ်ကယၢကယဲဝဲလၢထူကဘျၣ်ဒ်အမ့ၢ်တၢ် ပာ်စီဆှံသးအတၢ်ပနီၣ်ဒ်ယွၤမၤလိာ်စီၤမိၤၡ့အသိးန့ၣ်လီၤ.

လံာ်ဃးကဲ 1:1

ဖဲစီၤဒၤရယါဝ့ၣ်ကဲကီၢ်ပၤရၣ်အစီၤပၤဖးဒိၣ်ခံနံၣ်တနံၣ်အပူၤအတ့ၤ, လၢလါဃုလါတလါထီၣ်တသီအနံၤန့ၣ်, ယွၤကတိၤတ့ၢ်တၢ်ခီဖျိဝံဃးကဲလီၤ. တၢ်ကစီၣ်န့ၣ်, မ့ၢ်လၢကီၢ်ယူဒၤအပဒိၣ်ဖးဒိၣ်စီၤၡၤလတံၤအ့လး အဖိခွါစီၤစရူၤဘၤဘ့လး, ဒီးလၢပှၤလုၢ်တၢ်အခိၣ်အဒိၣ်ကတၢၢ်, စီၤယိၤစါဒးအဖိခွါစီၤယိၤရူအဂီၢ်န့ၣ်လီၤ.

လံာ်ဃးကဲ 1:14

ယွၤထိၣ်ဂဲၤတ့ၢ်ပှၤကိးဂၤဒဲး, ကီၢ်ယူဒၤအပဒိၣ်ဖးဒိၣ်စီၤစရူၤဘၤဘ့လး, ပှၤလုၢ်တၢ်အခိၣ်အဒိၣ်ကတၢၢ်စီၤယိၤရူဒီးပှၤဂီၢ်မုၢ်ခဲလၢာ်လၢ အဟဲက့ၤကဒါက့ၤလၢတၢ်မၢကဲကုၢ်အပူၤအသး, ဒ်သိးကမၤတၢ်လၢတၢ်လုၢ်ဟံၣ်န့ၣ်လီၤ. အဝဲသ့ၣ်စးထီၣ်မၤတ့ၢ်တၢ်လၢယွၤသ့တၢ်လၢာ်ကစၢ်, အဝဲသ့ၣ်အကစၢ်ယွၤအတၢ်လုၢ်ဟံၣ်,

လံာ်ဃးကဲ 2:4

ဘၣ်ဆၣ်ခဲအံၤသးဟးဂီၤနီတဂၤတဂ့ၤ. မၤတၢ်တက့ၢ်. အဂ့ၢ်ဒ်အံၤ, ယအိၣ်ဒီးသုလီၤ.

လံာ်စကၤရယၤ 3:1

လၢတၢ်ထံၣ်လၢညါခီအဂၤတမံၤအပူၤန့ၣ်, ယွၤဒုးနဲၣ်ယၤလၢပှၤလုၢ်တၢ်အခိၣ်အဒိၣ်ကတၢၢ်စီၤယိၤၡူဆၢထၢၣ် လၢယွၤအကလူးအမဲာ်ညါလီၤ. ဖဲန့ၣ်မုၣ်ကီၤလံၢ်ဆၢထၢၣ်ဖဲ စီၤယိၤၡူအကပၤ, ဒီးအိၣ်ကတဲာ်ကတီၤအသးဒ်သိးကလိာ်ကွီၢ်ထီဒါအီၤန့ၣ်လီၤ.

လံာ်စကၤရယၤ 3:5

အဝဲမၢပှၤမၤစၢၤအီၤတဖၣ် လၢကဒုးဖၢၣ်ထီၣ်စီၤယိၤၡူအခိၣ်လၢခိၣ်ဖၢၣ်အကဆှီတဘ့ၣ်လီၤ. အဝဲသ့ၣ်မၤဝဲဒ်န့ၣ်, ဒီးဒုးကူထီၣ်သိးထီၣ်အီၤလၢတၢ်ကူတၢ် သိးအသီတဖၣ်ဖဲယွၤအကလူးဆၢထၢၣ်ဝဲဒၣ်ဖဲန့ၣ်အခါလီၤ.

လံာ်စကၤရယၤ 6:14

ခိၣ်သလုးန့ၣ်ကမ့ၢ်တၢ်သ့ၣ်နီၣ်ထီၣ်တမံၤလၢယွၤအတၢ် လုၢ်ဟံၣ်အပူၤ, လၢတၢ်မၤလၤမၤကပီၤစီၤဃ့လဒဲၤ, စီၤတိၤဘံယၤ, စီၤယဒၤယၤ, ဒီးစီၤယိၤၡံယၤတဖၣ်အဂီၢ်လီၤ.

ဧ့ၤဘြံၤ 2:9

မ့မ့ၢ်ပထံၣ်ယ့ၣ်ၡူး, လၢအဘၣ်တၢ်ပာ်အလီၢ်ဖုၣ်န့ၢ်ကလူးတဖၣ် တစိၢ်တလီၢ်, ဒ်သိးခီဖျိကစၢ်ယွၤအဘျုးအဖှိၣ်န့ၣ်အဝဲကဘၣ် သံဝဲလၢပှၤကိးဂၤဒဲးအဂီၢ်လီၤ. ပထံၣ်အီၤခဲအံၤဘၣ်တၢ်ကုာ်ထီၣ်အီၤလၢတၢ်လၤကပီၤဒီး တၢ်ကဟုကညီၢ်လၢအဝဲတူၢ်သံအသးအဃိလီၤ.

လံာ်လီၣ်ဖျါ 19:12

အဝဲအမဲာ်ချံတဖၣ်လီၤဂာ်ဒီးမ့ၣ်အူလၣ်, ဒီးအဝဲဒၣ်ကၢၢ်ခိၣ်သလုးအါဖျၢၣ်လၢအခိၣ်လိၤလီၤ. အဝဲအိၣ်ဒီးအမံၤတဖျၢၣ်အိၣ်ကွဲးအသးလၢအလိၤ, ဘၣ်ဆၣ်ဒီးထဲအဝဲဒၣ်တဂၤဧိၤသ့ၣ်ညါမံၤအဝဲ အံၤလီၤ. ပှၤဂၤတသ့ၣ်ညါနီတဂၤဘၣ်.

လံာ်လီၣ်ဖျါ 6:2

ယကွၢ်ဒီးကသ့ၣ်ဝါအိၣ်ဝဲတဒုလီၤ. ပှၤလၢအဒိးအီၤတဂၤစိာ်ဃာ်ချံၣ် တဆိဒီးအဝဲဘၣ်တၢ်ဟ့ၣ်အီၤလၢခိၣ်သလုးတဖျၢၣ်လီၤ. အဝဲဒၣ်ဒိးထီၣ်ကသ့ၣ်ဒ်ပှၤဒုးန့ၢ်ထံဧိၤကီၢ်ဧိၤတဂၤလၢ အသါကလဲၤဒုးန့ၢ်ထံဧိၤကီၢ်ဧိၤအသိးန့ၣ်လီၤ.