လံာ်စကၤရယၤ 5:6 - Sgaw Karen Common Bible

⁶ ယသံကွၢ်, “တၢ်န့ၣ်မ့ၢ်တၢ်မနုၤလဲၣ်.” အဝဲစံးဆၢယၤ, “တၢ်န့ၣ်မ့ၢ်ဃၤတဖျၢၣ်လၢအပာ်ဖျါထီၣ်ကီၢ်ဒီဘ့ၣ်ညါ အတၢ်ဒဲးဘးအခီပညီန့ၣ်လီၤ.”

လံာ်စကၤရယၤ 5:6 Iomraidhean Croise

လံာ်တၢ်ဘူၣ်ထီၣ်ဘါထီၣ် 19:36

သုဘၣ်အိၣ်ဒီးနီၣ်ထိၣ်အတီအလိၤ, စီၤပီၢ်အတီအလိၤဒီးနီၣ်ဃီၣ်အတီအလိၤလီၤ. ယဲဒၣ်အံၤယမ့ၢ်ယွၤ, သုကစၢ်ယွၤလၢအထုးထီၣ်သုလၢကီၢ်အဲၤကူပတူးအပူၤန့ၣ်လီၤ.

လံာ်ဧၤမိၣ် 8:4

ကနၣ်တၢ်အံၤတက့ၢ်, သုဝဲပှၤလၢအယီၢ်တံၢ်ပှၤလိၣ်ဘၣ်တၢ်မၤ စၢၤဒီးကျဲးစၢးမၤဟးဂီၤကွံာ်ပှၤဖှီၣ်ဖိယာ်ဖိလၢကီၢ်ပူၤသ့ၣ်ဧၢ,

လံာ်ဧၤမိၣ် 8:5

သုစံးလီၤသုသး, လၢပကဆါဘၣ်ပဘုဧိၤဟုဧိၤအဂီၢ်န့ၣ် ပခိးတုၤမုၢ်နံၤစီဆှံတဖၣ်လၢာ်ကွံာ်တကဲလၢၤဘၣ်. ဒီးလၢပကဆါဘၣ်ကဒီးပတၢ်အဂီၢ်ဆံးယံာ်မး မုၢ်အိၣ်ဘှံးနံၤကလဲၤပူၤကွံာ်လဲၣ်. အန့ၣ်တစုပကမၤအါထီၣ်တၢ်အပှ့ၤ, သူနီၣ်ဃီၣ်လီတၢ်, စီၤပီၢ်တတီလၢပ ကလီန့ၢ်ပှၤပှ့ၤတၢ်ဖိသ့ၣ်တဖၣ်န့ၣ်လီၤ.

လံာ်ဧၤမိၣ် 8:6

ဒီးပဆါဘုကၠူၣ်လၢတဂီာ်တသီၣ်ဘၣ်လၢအပှ့ၤအါအါကသ့ဝဲ, ပကဃုထံၣ်ပှၤဖှီၣ်ဖိယာ်ဖိလၢအလိးက့ၤအကမၢ်ထဲကဟ့ၣ်ဝဲ အခီၣ်ဖံးတစူၣ်အပှ့ၤဒၣ်လဲာ်တန့ၢ်ဘၣ်, ဒီးပကပှ့ၤအီၤဒ်ကုၢ်တဂၤအသိးန့ၣ်လီၤ.

လံာ်မံကၤ 6:10

ပှၤအၢပှၤသီအဟံၣ်တဖၣ်အိၣ်ဒီးတၢ်လုၢ်ဒိၣ်ပှ့ၤ ဒိၣ်တဖၣ်လၢအမၤန့ၢ်ဝဲလၢတၢ်တတီတလိၤအပူၤလီၤ. အဝဲသ့ၣ်သူနီၣ်ဃီၣ်လီတဖၣ်, လၢယသးဟ့အီၤတမံၤန့ၣ်လီၤ.

လံာ်စဖါနယၤ 1:9

ယကစံၣ်ညီၣ်ကယဲၢ်ပှၤလၢအဘူၣ်ထီၣ်ဘါထီၣ် တၢ်ဒ်ပှၤဘါတၢ်ဂီၤတၢ်ဖီၣ်တဖၣ်အသိး, ဒီးပှၤလၢအဟုၣ်တၢ်ဒီးမၤသံတၢ်ဒ်သိးအကမၤပှဲၤအကစၢ်အဟံၣ်လၢ အတၢ်ဂုာ်န့ၢ်တဖၣ်န့ၣ်လီၤ.”

လံာ်စကၤရယၤ 5:7

ဃၤန့ၣ်အိၣ်ဒီးအခိၣ်ကၢၢ်တခါလၢအဘၣ်တၢ်မၤအီၤလၢစၢၢ်လီၤ. ဖဲယကွၢ်တၢ်အခါန့ၣ်, တၢ်အခိၣ်ကၢၢ်ဘၣ်တၢ်အိးထီၣ်အီၤဒီးလၢဃၤ အပူၤန့ၣ်, ပိာ်မုၣ်တဂၤဆ့ၣ်နီၤဝဲလီၤ.