လံာ်စကၤရယၤ 5:3 - Sgaw Karen Common Bible

³ အန့ၣ်ဒီးကလူးန့ၣ်စံးဘၣ်ယၤ, “လၢလံာ်ထူလိၤန့ၣ်, တၢ်ဆိၣ်အၢလၢကလီၤဘၣ်ထံကီၢ်ဒီတဘ့ၣ်န့ၣ်အိၣ် ကွဲးလီၤအသးလီၤ. လၢလံာ်ထူတကပၤန့ၣ်, တၢ်ကွဲးအသးစံးဝဲလၢကယဲၢ်တၢ်ဘျၣ်တဂၤလၢ် လၢ်န့ၣ်, ကဘၣ်တၢ်မၤဟးဂီၤကွံာ်အီၤလၢထံကီၢ်အပူၤ, ဒီးလၢအဂၤတကပၤန့ၣ်, တၢ်ကွဲးအသးစံးဝဲလၢပှၤလၢအကတိၤကဘျံး ကဘျၣ်တၢ်လၢတၢ်ဆိၣ်လီၤသးအပူၤတဂၤလၢ်လၢ်န့ၣ်, တၢ်ကမၤဟးဂီၤကွံာ်အီၤစ့ၢ်ကီးလီၤ.

လံာ်စကၤရယၤ 5:3 Iomraidhean Croise

လံာ်တၢ်ဟးထီၣ်ကွံာ် 20:15

ဟုၣ်တၢ်တဂ့ၤ.

တၢ်ကတိၤဒိ. 29:24

ပှၤလၢအဒီတံၤဒီသကိးဒီးပှၤဟုၣ်တၢ်ဖိန့ၣ်, သးဟ့လီၤအသးဒၣ်ဝဲလီၤ. အဝဲမ့ၢ်တဲတၢ်မ့ၢ်တၢ်တီလၢကွီၢ်ဘျီၣ်ဒီး, ကဘၣ်တၢ်စံၣ်ညီၣ်အီၤလီၤ. ဒီးအဝဲမ့ၢ်တတဲတၢ်မ့ၢ်တၢ်တီဘၣ်ဒီး, ယွၤကဆိၣ်အၢအီၤလီၤ.

တၢ်ကတိၤဒိ. 3:33

ယွၤပာ်ဖှိၣ်တၢ်ဆိၣ်အၢတမံၤလၢပှၤတတီတလိၤအဟံၣ်တဖၣ်အဖီခိၣ် လီၤ. မ့မ့ၢ်ဆိၣ်ဂ့ၤပှၤအတီအလိၤတဖၣ်အတၢ်အိၣ်တၢ်ဆိးအလီၢ်န့ၣ်လီၤ.

တၢ်ကတိၤဒိ. 30:9

ယတၢ်အီၣ်မ့ၢ်အါကဲၣ်ဆိးဒီး, ယကစံးဘၣ်ဖုးလၢယတလိၣ်ဘၣ်နၤ န့ၣ်လီၤ. ဘၣ်ဆၣ်ယမ့ၢ်ဖှီၣ်ဒီး, ယကဟုၣ်ဘၣ်ဖုးတၢ်ဒီးဒုးလီၤဘၣ် တၢ်မဲာ်ဆှးလၢယကစၢ်ယွၤန့ၣ်လီၤ.

လံာ်ယၡါယၤ 24:6

သတးဒီး, ကစၢ်ယွၤခါလီၤတ့ၢ်တၢ်ဆိၣ်အၢတမံၤလၢဟီၣ်ခိၣ် ချၢလီၤ. အပှၤဂီၢ်မုၢ်တဖၣ်န့ၣ်ဟ့ၣ်တၢ်အပှ့ၤလၢတၢ်လၢ အဝဲသ့ၣ်မၤတ့ၢ်ဝဲအဂီၢ်လီၤ. ပှၤအိၣ်မူတ့ၢ်တဖၣ်စှၤလီၤစှၤလီၤ ဝဲလီၤ.

လံာ်ယၡါယၤ 43:28

ဒီးနပှၤပၢတၢ်တဖၣ်မၤတရီတပါယလီၢ်စီဆှံလီၤ. လၢတၢ်န့ၣ်အဃိ, ယဟဲစိာ်တ့ၢ်တၢ်ဟးဂီၤလၢ ကီၢ်အံၣ်စရ့လးအဖီခိၣ် ဒီးယပျဲယပှၤဂီၢ်မုၢ်ဒၣ်ယဲဘၣ်တၢ်မၤအီၤ တရီတပါလီၤ.”

လံာ်ယၡါယၤ 48:1

ကီၢ်အံၣ်စရ့လးအပှၤဂီၢ်မုၢ်, သုဝဲလၢအဟဲလီၤစၢၤလၢ စီၤယူဒၤသ့ၣ်ဧၢ, ဒိကနၣ်တၢ်အံၤတက့ၢ်. သုဆိၣ်တၢ်လၢယွၤအမံၤ ဒီးစံးလၢသုကဘူၣ်ထီၣ်ဘါထီၣ် ကီၢ်အံၣ်စရ့လးအကစၢ်ယွၤလီၤ. ဘၣ်ဆၣ်ဒီးသုတမၤအီၤဒ်သုကတိၤတၢ် အသိးန့ၣ်ဘၣ်.

လံာ်ယံးရမံယၤ 23:10

အဂ့ၢ်ဒ်အံၤ, ကီၢ်အံၤပှဲၤဝဲဒီးပှၤဂီၢ်မုၢ်လၢအသးတတီဒီးယွၤန့ၣ်လီၤ. အဝဲသ့ၣ်အိၣ်မူတၢ်အိၣ်မူအအၢအသီဒီးသူကမၣ်အစိကမီၤန့ၣ်လီၤ. မ့ၢ်လၢယွၤအတၢ်ဆိၣ်အၢအဃိန့ၣ်, ထံကီၢ်သူၣ်အုးသးအုး ဒီးတၢ်အီၣ်ဆၣ်အလီၢ်တဖၣ်ဃ့ထီကွံာ်ဝဲန့ၣ်လီၤ.

လံာ်ယံးရမံယၤ 26:6

သုမ့ၢ်တစူၢ်ဒံးဒၣ်တၢ်ဆူညါန့ၣ်, ယကမၤယွၤအတၢ်လုၢ်ဟံၣ် အံၤ ဒ်ယမၤတ့ၢ်ဝ့ၢ်ၡံလိၣ်အသိး, ဒီးပှၤကလုာ်လၢဟီၣ်ခိၣ်ချၢခဲလၢာ် ကသူဝ့ၢ်အံၤ အမံၤဒ်တၢ်ဆိၣ်အၢတမံၤအသိးန့ၣ်လီၤ.”

လံာ်ယံးရမံယၤ 5:2

သုမ့ၢ်စံးလၢသုဘူၣ်ထီၣ်ဘါထီၣ်ယွၤဒၣ်လဲာ်န့ၣ်, မ့ၢ်ဒၣ်သုကတိၤတၢ်ကလီကလီန့ၣ်လီၤ.

လံာ်ယံးရမံယၤ 7:9

သုဟုၣ်တၢ်, မၤသံတၢ်, မၤကမၣ်မုၣ်ကမၣ်ခွါ, သုလီတၢ်လၢတၢ်ဆိၣ်လီၤသးအပူၤ, သုလုၢ်ထီၣ်ပာ်ထီၣ်တၢ်ဆူဘဧၤလး, ဒီးဘူၣ်ထီၣ်ဘါထီၣ်ကစၢ်တဖၣ်လၢ သုတသ့ၣ်ညါတ့ၢ်ဘၣ်အီၤလၢညါန့ၣ်လီၤ.

လံာ်ယဃ့းစက့လး 2:9

ယထံၣ်ဘၣ်စုတခီယူာ်ဃီၤအသးဆူယအိၣ်, ဒီးဟံးဃာ်လံာ်ထူ တထူလီၤ.

လံာ်ဒၤနံးယ့လး 9:11

ပှၤအံၣ်စရ့လးဖိခဲလၢာ်လုၣ်သ့ၣ်ခါပတာ်လံနတၢ်သိၣ်တၢ် သီတဖၣ်ဒီးဂ့ၢ်လိာ်ဝဲဒ်သိးအသုတဒိကနၣ်ဘၣ်တၢ်လၢနကတိၤတ့ၢ် တဖၣ်တဂ့ၤန့ၣ်လီၤ. ပမၤတ့ၢ်တၢ်ဒဲးဘးထီဒါနၤလီၤ. မၤသးဒ်န့ၣ်ဒီးနဒုးလီၤဘၣ်ပှၤလၢတၢ်ဆိၣ်အၢဒ်အဘၣ်တၢ်ကွဲး တ့ၢ်အသးလၢနခ့နပှၤစီၤမိၤၡ့အတၢ်သိၣ်တၢ်သီအပူၤအသိးန့ၣ်လီၤ.

လံာ်ဟိၤၡ့ 4:2

အဝဲသ့ၣ်မၤတၢ်အၢၣ်လီၤတဖၣ်ဒီးမၤဟးဂီၤကွံာ်ဝဲလီၤ. အဝဲသ့ၣ်လီတၢ်, မၤသံတၢ်, ဟုၣ်တၢ်ဒီးမၤတၢ်မၤကမၣ်မုၣ် ကမၣ်ခွါအတၢ်မၤန့ၣ်လီၤ. တၢ်လုၢ်သ့ၣ်ခါပတာ်တၢ်သိၣ်တၢ်သီဒီးတၢ်မၤသရူးကမၣ်သ့ၣ်တဖၣ်အါ ထီၣ်ဝဲဒီး, ပှၤမၤသံလိာ်သးတဂၤဝံၤတဂၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:11

သုတဟုၣ်တၢ်တဂ့ၤ, ဒီးသုတလီတၢ်တဂ့ၤ, ဒီးသုတကတိၤကဘျံးကဘျၣ်လိာ်သုသးတဂ့ၤ.

လံာ်တၢ်ဘူၣ်ထီၣ်ဘါထီၣ် 19:12

တၢ်အၢၣ်လီၤအီလီၤလၢသုမၤလၢပှဲၤအီၤတန့ၢ်န့ၣ်အၢၣ်လီၤအီ လီၤလၢယမံၤအပူၤတဂ့ၤ. တၢ်န့ၣ်မ့ၢ်တၢ်မၤမဲာ်ဆှးယမံၤန့ၣ်လီၤ. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်ဧၤမိၣ် 3:10

ပှၤသ့ၣ်တဖၣ်အံၤမၤပှဲၤအဟံၣ်အဃီဒီးတၢ်တဖၣ်လၢအမၤန့ၢ်ဝဲတၢ်မၤ ဆူၣ်မၤနၢၤဒီးတၢ်ဂုာ်ဆူၣ်ပျီဆူၣ်န့ၣ်လီၤ. ကဘၣ်အိၣ်မူတီတီလိၤလိၤဒ်လဲၣ်ဒၣ်လဲာ်န့ၣ်တသ့ၣ်ညါဝဲဘၣ်.

လံာ်စကၤရယၤ 5:4

သ့တၢ်လၢာ်ယွၤစံးဝဲလၢအဝဲကဆှၢလီၤတၢ်ဆိၣ် အၢအံၤဒီးတၢ်ဆိၣ်အၢအံၤကလီၤဘၣ်ကယဲၢ်တၢ်ဘျၣ်ကိး ဂၤဒဲးအဟံၣ်ဒီးကယဲၢ်ပှၤလၢအကတိၤကဘျံးကဘျၣ် တၢ်လၢတၢ်ဆိၣ်လီၤသးအပူၤအဟံၣ်န့ၣ်လီၤ. တၢ်ဆိၣ်အၢန့ၣ်, ကအိၣ်ဆိးလၢအဝဲသ့ၣ်အဟံၣ်တဖၣ်အပူၤဒီးပာ်လီၤတဲာ်အဝဲ သ့ၣ်လၢတၢ်ဟးဂီၤအပူၤန့ၣ်လီၤ.”

လံာ်စကၤရယၤ 8:17

ကူၣ်ကျဲၤတၢ်မၤဆါလိာ်သးတဂၤဒီးတဂၤအကျဲတဖၣ်တဂ့ၤ. ဟ့ၣ်တၢ်အုၣ်သးကဘျံးကဘျၣ်လၢတၢ်ဆိၣ်လီၤသုသးအပူၤတဂ့ၤ, ယသးဟ့တၢ်လီတၢ်ဝ့ၤ, တၢ်စံၣ်ညီၣ်တီ, ဒီးတၢ်စုဆူၣ်ခီၣ်တကးန့ၣ်လီၤ.”

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

လံာ်မၤလကံ 4:6

အဝဲကပာ်ဖှိၣ်က့ၤပၢ်ဒီးဖိတဖၣ်တပူၤဃီကဒီးန့ၣ်လီၤ. မ့တမ့ၢ်ဘၣ်ဒီးယကဘၣ်ဟဲဒီးမၤဟးဂီၤကွံာ်သုထံဧိၤကီၢ်ဧိၤ န့ၣ်လီၤ.”

လံာ်မးသဲ 25:41

တုၤနုၤတစု, စီၤပၤကစံးဘၣ်ပှၤအိၣ်လၢအစုစ့ၣ်တဖၣ်ဒ်အံၤ, ‘ဟးဖးဒီးယၤတက့ၢ်. ပှၤလၢအဘၣ်ကစၢ်ယွၤအတၢ်ဆိၣ်အၢသ့ၣ်ဧၢ, လဲၤနုာ်ဆူမ့ၣ်အူလၢအတလီၤပံာ်ဘၣ်နီတဘျီဘၣ်, လၢအဘၣ်တၢ်ကတဲာ်ကတီၤပာ်စၢၤလၢမုၣ်ကီၤလံၢ်ဒီးအကလူးတဖၣ် အဂီၢ်, အပူၤန့ၣ်တက့ၢ်.

လံာ်လူၤကၣ် 21:35

အဂ့ၢ်ဒ်အံၤကဟဲတုၤအိၣ်ပှၤခဲလၢာ်လၢဟီၣ်ခိၣ်ဒီဘ့ၣ်ညါဒ်ထုအသိးလီၤ.

အ့းဖ့းစူး 4:28

ပှၤလၢအဟုၣ်တ့ၢ်တၢ်တဖၣ်ကဘၣ်ဆိကတီၢ်အတၢ်ဟုၣ် တၢ်, ဒီးစးထီၣ်ဖံးအီၣ်မၤအီၣ်တၢ်ဒ်သိးအကလုၢ်အီၣ်အသး သမူလၢတၢ်တီတၢ်လိၤအပူၤ, ဒီးဒ်သိးအဟ့ၣ်မၤစၢၤပှၤဖှီၣ်ဖိယာ်ဖိကသ့ဝဲအဂီၢ်န့ၣ်လီၤ.

၁ တံၤမသ့း 1:9

ပကဘၣ်သ့ၣ်နီၣ်ထီၣ်က့ၤလၢတၢ်သိၣ်တၢ်သီတဖၣ်ဘၣ်တၢ် ဒုးအိၣ်ထီၣ်အီၤတမ့ၢ်လၢပှၤအဂ့ၤအဝါတဖၣ်အဂီၢ်ဘၣ်. မ့မ့ၢ်တခီ, မ့ၢ်လၢပှၤမၤကမၣ်တၢ်သိၣ်တၢ်သီတဖၣ်, ပှၤအၢပှၤသီတဖၣ်, ပှၤတယူးတယီၣ်ယွၤဒီးမၤတၢ်ဒဲးဘးတဖၣ်, ပှၤလၢအတၢ် အဲၣ်ထူအဲၣ်ယွၤမ့ၢ်ဂ့ၤ, တၢ်အိၣ်မူလၢသူၣ်လၢသးမ့ၢ်ဂ့ၤ တအိၣ်ဘၣ်တဖၣ်, ပှၤလၢအမၤသံအပၢ်မ့တမ့ၢ်အမိၢ် တဖၣ်, ပှၤလၢအမၤသံပှၤကညီတဖၣ်,

ယၤကိာ် 5:12

ယဒီပုၢ်ဝဲၢ်သ့ၣ်ဧၢ, လၢတၢ်ခဲလၢာ်အဖီခိၣ်တဘၣ်သူတၢ်ဆိၣ်လီၤ သုသးဖဲသုအၢၣ်လီၤတၢ်တမံၤမံၤအခါန့ၣ်တဂ့ၤ. တဘၣ်ဆိၣ်လီၤသုသးလၢမူခိၣ်မ့တမ့ၢ်ဟီၣ်ခိၣ်, မ့တမ့ၢ်တၢ်အဂၤတမံၤမံၤအမဲာ်ညါန့ၣ်တဂ့ၤ. တၢ်မ့မ့ၢ်ဘၣ်နၤဒီးစံး “မ့ၢ်” ဒီးတၢ်မ့တမ့ၢ်ဘၣ်နၤဒီးစံး “တမ့ၢ်ဘၣ်” န့ၣ်တက့ၢ်. အန့ၣ်ဒီးကစၢ်ယွၤအတၢ်စံၣ်ညီၣ်တလီၤဘၣ်သုန့ၣ်ဘၣ်လီၤ.

ယၤကိာ် 5:4

ပှၤလၢအမၤတၢ်လၢသုစံာ်ပျီပူၤတဖၣ်န့ၣ်, သုတဟ့ၣ်အီၤအဘူး အလဲဘၣ်. ဒိကနၣ်အဝဲသ့ၣ်အတၢ်ကဒူးကဒ့ၣ်တဖၣ်တက့ၢ်. ပှၤလၢအထၢဖှိၣ်ပာ်ဖှိၣ်သုဘုတဖၣ်အတၢ်ကိးပသူထီၣ်န့ၣ်, တုၤဃီၤလၢခဲအံၤဒိကနၣ်ယၤတက့ၢ်. ယွၤ, တၢ်သုးမုၢ်ဂီၢ်မုၢ်အကစၢ်အနၢ်ပူၤန့ၣ်လံ.

လံာ်စီၤယိၤၡူ 9:20

မ့ၢ်လၢပဆိၣ်လီၤပသးလံအဃိပဘၣ်ပျဲအိၣ်မူအဝဲသ့ၣ်န့ၣ်လီၤ. ပမ့ၢ်တမၤဒ်န့ၣ်ဘၣ်ဒီး, ကစၢ်ယွၤအတၢ်သးဒိၣ်ကလီၤဘၣ်ပှၤလီၤ.”

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”

လံာ်လီၣ်ဖျါ 22:15

မ့မ့ၢ်, ဖဲဝ့ၢ်အချၢန့ၣ်, ပှၤလၢအဘၣ်တၢ်ဘိးဃၣ်အီၤဆူတၢ် အၢတၢ်သီတဖၣ်, ဒီးပှၤသ့ၣ်တဖၣ်လၢအဟိၣ်တၢ်ယီတၢ်, ပှၤမၤကမၣ်မုၣ်ကမၣ်ခွါဒီးပှၤမၤသံမၤဝီတၢ်တဖၣ်, ပှၤလၢအဘါတၢ်ဂီၤတၢ်ဖီၣ်တဖၣ်ဒီးပှၤသ့ၣ်တဖၣ်လၢ အလီတၢ်, လၢတၢ်စံးတၢ်ကတိၤ, ဒီးတၢ်ဖံးတၢ်မၤခံမံၤလၢာ်န့ၣ်, အိၣ်ဝဲဒၣ်လီၤ.