လံာ်စကၤရယၤ 4:14 - Sgaw Karen Common Bible

¹⁴ တုၤနုၤတစုအဝဲစံးဝဲဒၣ်, “အဝဲသ့ၣ်တဖၣ်အံၤမ့ၢ်ပှၤခံဂၤလၢကစၢ်ယွၤဃုထၢတ့ၢ်လံအီၤ ဒီးဖှူတ့ၢ်လံအီၤလၢကမၤအဝဲဒၣ်, လၢအမ့ၢ်ဟီၣ်ခိၣ်ဒီဘ့ၣ်အယွၤ, အတၢ်န့ၣ်လီၤ.”

လံာ်စကၤရယၤ 4:14 Iomraidhean Croise

လံာ်စီၤပၤအခီၣ်ထံးတဘ့ၣ် 17:1

ဝံတဂၤလၢအမံၤမ့ၢ်စီၤအ့ၤလံယၤ, လၢဝ့ၢ်တံးၡဘး, ကီၢ်ကံးလဧးအပူၤန့ၣ်စံးဘၣ်စီၤပၤအၤဃာ်, “လၢယွၤ, ကီၢ်အံၣ်စရ့လးအကစၢ်ယွၤလၢအမူဝဲလၢယမၤအတၢ်တဂၤ အမံၤအပူၤန့ၣ်, ယတဲဘၣ်နၤလၢမ့တမ့ၢ်လၢယစံးတၢ်တမံၤမံၤဒံးဘၣ်န့ၣ်, ပစီၤထံမ့ၢ်ဂ့ၤတၢ်စူၤထံမ့ၢ်ဂ့ၤတအိၣ်ဘၣ်နီတစဲးလၢဆူညါ ခံနံၣ်မ့တမ့ၢ်သၢနံၣ်အတီၢ်ပူၤဘၣ်လီၤ.”

လံာ်စီၤဧ့စြၤ 5:2

တုၤစီၤၡၤလတံၤအ့လးအဖိခွါစီၤစရူၤဘၤဘ့လးဒီးစီၤယိၤ စါဒးအဖိခွါစီၤယိၤၡူနၢ်ဟူအဝဲသ့ၣ်အတၢ်ကစီၣ်တဖၣ်န့ၣ်, အဝဲသ့ၣ်စးထီၣ်သူၣ်ထီၣ်ကဒါက့ၤတၢ်လုၢ်ဟံၣ်လၢဝ့ၢ်ယရူၤရှလ့ၣ်အ ပူၤ, ဒီးဝံခံဂၤအံၤမၤစၢၤအဝဲသ့ၣ်န့ၣ်လီၤ.

စံးထီၣ်ပတြၢၤ 110:4

ယွၤမၤတၢ်အၢၣ်လီၤသမှံၤသပှၢ်တမံၤဒီး တထုးက့ၤဘၣ်ဝဲဘၣ်. “နကမ့ၢ်ပှၤလုၢ်တၢ်အခိၣ်တဂၤလီၤထူလီၤယိာ်, လၢစီၤမၤလကံစဒ့းအပှၤလုၢ်တၢ်အခိၣ်အလုၢ်အလၢ်အပူၤန့ၣ်လီၤ.”

စံးထီၣ်ပတြၢၤ 2:6

အဝဲစံးဝဲ, “ယပာ်ထီၣ်ယစီၤပၤလၢ ယကစၢၢ်စီဆှံစံယိၣ်အလိၤလံ.”

စံးထီၣ်ပတြၢၤ 89:20

ယထံၣ်န့ၢ်ယခ့ယပှၤစီၤဒၤဝံး, ယဖှူအီၤလၢယသိစီဆှံ,

လံာ်တၢ်ဟးထီၣ်ကွံာ် 29:7

အန့ၣ်ဝံၤဒီးဟံးန့ၢ်သိဖှူတၢ်, ဒီးလူလီၤလၢအခိၣ်လိၤဒီးဖှူ အီၤတက့ၢ်.

လံာ်တၢ်ဟးထီၣ်ကွံာ် 40:15

အန့ၣ်ဝံၤဒီးဖှူအဝဲသ့ၣ်ဒ်နဖှူအပၢ်အသိးဒ်သိးအဝဲသ့ၣ်မၤယတၢ် မၤဒ်ပှၤလုၢ်တၢ်အခိၣ်တဖၣ်အသိးကသ့ဝဲန့ၣ်တက့ၢ်. တၢ်အံၤမ့ၢ်ဒ်သိးကဒုးကဲထီၣ်အဝဲသ့ၣ်လၢပှၤလုၢ်တၢ်အခိၣ်တဖၣ် ဆူညါထီဘိအဂီၢ်န့ၣ်တက့ၢ်.

လံာ်ယၡါယၤ 5:1

ဖဲယသးဝံၣ်န့ၢ်နၤတၢ်သးဝံၣ်အံၤ, ယတံၤသကိးဒီးအစပံးလီၢ် အတၢ်သးဝံၣ်တယုၢ်အံၤန့ၣ်, ဒိကနၣ်တက့ၢ်. ယတံၤသကိးအိၣ်ဒီးအစပံးလီၢ်တလီၢ်လၢအအိၣ်လၢကစၢၢ်ဖိ လၢဟီၣ်ခိၣ်ညၣ်ထ့ၣ်ဂ့ၤဒိၣ်မးအဒီခိၣ်လီၤ.

လံာ်ယၡါယၤ 54:5

နတၢ်ဘၣ်တ့အကစၢ်ကလီၤဂာ်ဒ် ဝၤတဂၤအသိးလၢနဂီၢ်လီၤ. အဝဲအမံၤမ့ၢ်ဝဲယွၤသ့တၢ်လၢာ်န့ၣ်လီၤ. ကီၢ်အံၣ်စရ့လးအကစၢ်ယွၤစီဆှံကအုၣ်က့ၤခီၣ်က့ၤနၤလီၤ. အဝဲမ့ၢ်ပှၤပၢဟီၣ်ခိၣ်ဒီဘ့ၣ်န့ၣ်လီၤ.

လံာ်ယံးရမံယၤ 49:19

ဒ်ခ့ယုၢ်တဒုဟဲဟးထီၣ်လၢ သ့ၣ်ပှၢ်လၢ အတီၣ် လၢအအိၣ်လၢထံကျိယၢ်ဒ့ၣ်အသရ့ၤဆူ တၢ်အီၣ်ဆၣ်လီၢ် လါဟ့အပူၤအသိးန့ၣ်, ယကဟဲဒီး ဒုးဃ့ၢ်ကွံာ်ပှၤအဒိၣ်ဖိ တဖၣ်သတူၢ်ကလာ်လၢ အထံကီၢ်ဒၣ်ဝဲန့ၣ်လီၤ. အန့ၣ်ဝံၤဒီး ခိၣ်နၢ်လၢယဃုထၢအီၤန့ၣ်ကပၢပှၤကလုာ်န့ၣ်လီၤ. မ့ၢ်မတၤထိၣ်သတြီၤအသးဒီးယၤကသ့လဲၣ်. မ့ၢ်မတၤ, တၤယၤကဘူၣ်တဂၤလဲၣ်. မ့ၢ်မတၤလၢအပၢတၢ်ဒီး ထီဒါယၤကသ့တဂၤလဲၣ်.

လံာ်တၢ်ဘူၣ်ထီၣ်ဘါထီၣ် 8:12

ဒီးပာ်စုစီၤအၤဟရိၣ်ခီဖျိတၢ်လူလီၤသိဖှူတၢ်တနီၤလၢအခိၣ်လိၤန့ၣ်လီၤ.

လံာ်မံကၤ 4:13

ယွၤစံးဝဲဒၣ်, “ဝ့ၢ်ယရူၤၡလ့ၣ်အပှၤဂီၢ်မုၢ်ဧၢ, လဲၤဒီးစံၣ်ညီၣ်သုဒုၣ်သု ဒါတဖၣ်တက့ၢ်. ယကဒုးဆူၣ်ထီၣ်သုဒ်ထးတဖၣ်ဂီၤဖံးတဒုလၢ အအိၣ်ဒီးအနၢၤ, အခီၣ်မ့ၣ်မ့ၢ်တိၤဘီတဖၣ်အသိးလီၤ. သုကမၤလီၤကလဲကွံာ်ပှၤအါကလုာ်ဒီးတၢ်ထူးတၢ်တီၤလၢအဝဲသ့ၣ်မၤ န့ၢ်ဝဲခီဖျိတၢ်ဂုာ်ဆူၣ်ပျီဆူၣ်န့ၣ်သုကဘၣ်ဟ့ၣ်ထီၣ်ဆူယၤ, ဟီၣ်ခိၣ်ဒီဘ့ၣ်အကစၢ်လီၤ.”

လံာ်စကၤရယၤ 6:13

အဝဲမ့ၢ်ပှၤတဂၤလၢကဘှီထီၣ်တၢ်လုၢ်ဟံၣ်န့ၣ်, ဒီးဒိးန့ၢ်တၢ်လၤကပီၤဒ်အကြၢးဒီးစီၤပၤတဂၤအသိး, ဒီးအဝဲကပၢအပှၤဂီၢ်မုၢ်န့ၣ်လီၤ. ပှၤလုၢ်တၢ်အခိၣ်တဂၤကဆၢထၢၣ်ဖဲအလီၢ်ပစိာ်ကပၤ, ဒီးအဝဲသ့ၣ်ကမၤသကိးတၢ်လၢတၢ်ဃူတၢ်ဖိးဒီးတၢ် ဘၣ်လိာ်ဖိးဒ့အပူၤလီၤ.

လံာ်စကၤရယၤ 6:5

အဝဲစံးဆၢယၤ, “တၢ်တဖၣ်အံၤမ့ၢ်ကလံၤလွံၢ်ကျိၤလၢအဟဲဝဲဒၣ် လၢဟီၣ်ခိၣ်ဒီဘ့ၣ်အယွၤအအိၣ်လီၤ.”

လံာ်လူၤကၣ် 1:19

“ယဲဒၣ်အံၤယမ့ၢ်ကၤဘြံၤအ့လးလီၤ,” ကလူးစံးဆၢအီၤ, “ယဆၢထၢၣ်လၢယွၤအမဲာ်ညါဒီးအဝဲဒၣ် ဆှၢလီၤယၤဒ်သိးယကကတိၤတၢ်ဒီးနၤဒီးစံးဘၣ်တဲဘၣ်နၤ လၢတၢ်သးခုကစီၣ်တမံၤအံၤန့ၣ်လီၤ.

လံာ်သိၣ်လီၤသီလီၤတၢ် 10:8

ဖဲကစၢၢ်န့ၣ်, ယွၤဃုထၢပာ်လီၤပှၤတဖၣ်လၢလ့ၤဝံအဒူၣ်အပူၤဒ် သိးကဟံးန့ၢ်မူဒါလၢတၢ်အံးထွဲကွၢ်ထွဲတၢ်အၢၣ်လီၤအီလီၤ အတလါစီဆှံအဂီၢ်, လၢကမၤအတၢ်မၤဒ်ပှၤလုၢ်တၢ်အခိၣ်တဖၣ်ဒီးဒ်သိးအကကိးထီၣ်တၢ် ဆိၣ်ဂ့ၤလၢယွၤအမံၤအဂီၢ်န့ၣ်လီၤ. ဒီးတၢ်တဖၣ်အံၤမ့ၢ်ဒံးဒၣ်အဝဲသ့ၣ်အမူအဒါတဖၣ်န့ၣ်လီၤ.

လံာ်စီၤယိၤၡူ 3:11

ဖဲဟီၣ်ခိၣ်ဒီဘ့ၣ်အကစၢ်အတၢ်အၢၣ်လီၤအီလီၤအတလါလဲၤခီဂာ်ထံ ကျိယၢ်ဒ့ၣ်လၢသုမဲာ်ညါအဆၢကတီၢ်န့ၣ်လီၤ.

လံာ်စီၤယိၤၡူ 3:13

ဒီးဖဲပှၤလုၢ်တၢ်အခိၣ် တဖၣ်လၢအစိာ်ဟီၣ်ခိၣ်ဒီဘ့ၣ်အယွၤအတၢ်အၢၣ်လီၤအီလီၤအတလါ, ဒီးယီၢ်လီၤထံစှၤခါန့ၣ်ဒီး, ယၢ်ဒ့ၣ်အထံလၢအယွၤလီၤကအိၣ်ပတုာ်ဝဲဒီးထံလၢအဟဲလီၤလၢထး ခီကအိၣ်ပတုာ်ဝဲဒီးအိၣ်ဖှိၣ်စိထီၣ်န့ၣ်လီၤ.”

လံာ်လီၣ်ဖျါ 11:4

ပှၤအုၣ်အသးခံဂၤန့ၣ်မ့ၢ်သ့ၣ်စၤယံးခံထူၣ်ဒီးမ့ၣ်အူဒၢခံဖျၢၣ်လၢ အအိၣ်ဆၢထၢၣ်ဖဲဟီၣ်ခိၣ်အကစၢ်အမဲာ်ညါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:1

တုၤနုၤတစုစီၤၡမူၤအ့လးဟံးန့ၢ်သ့ၣ်စၤယံးအသိတကိဒီးလူ လီၤအီၤလၢစီၤစီလူးအခိၣ်လိၤဒီးနၢမူအီၤလီၤ. ဒီးစံးဝဲဒၣ်, “ယွၤဖှူနၤဒ်အပှၤဂီၢ်မုၢ်ကီၢ်အံၣ်စရ့လးအပှၤပၢတၢ်တဂၤ အသိးန့ၣ်လီၤ. နကဘၣ်ပၢအဝဲအပှၤဂီၢ်မုၢ်ဒီးဒီဒၣ်အိၣ်ပှိၤအီၤလၢ ကယဲၢ်အဒုၣ်အဒါတဖၣ်ခဲလၢာ်လီၤ. ဒီးအဝဲအံၤမ့ၢ်တၢ်အုၣ်အသးတမံၤလၢယွၤဃုထၢတ့ၢ်နၤ, လၢနကကဲထီၣ်ပှၤပၢဘၣ်အပှၤဂီၢ်မုၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:1

ယွၤစံးဘၣ်စီၤၡမူၤအ့လး, “မ့ၢ်နကသးအုးလၢစီၤစီလူးအဃိ ဆူညါဆံးယံာ်လဲၣ်. ယညိကွံာ်တ့ၢ်အီၤဒ်ကီၢ်အံၣ်စရ့လး အစီၤပၤတဂၤအသိးလံ. မ့မ့ၢ်ခဲကနံၣ်အံၤဟံးန့ၢ်သ့ၣ်စၤယံးအသိတနီၤဒီးလဲၤဆူ ဝ့ၢ်ဘ့ၤသလ့ဃ့ၣ်ဆူပှၤတဂၤလၢအမံၤမ့ၢ် စီၤယံးၡဲအအိၣ်တက့ၢ်. အဂ့ၢ်ဒ်အံၤ, ယဃုထၢတ့ၢ်အဖိခွါတဖၣ်အကျါတဂၤလၢအကကဲထီၣ်စီၤပၤလီၤ.”