လံာ်စကၤရယၤ 4:10 - Sgaw Karen Common Bible

¹⁰ အဝဲသ့ၣ်အသးဟးဂီၤဝဲမ့ၢ်လၢတၢ်လဲၤထီၣ်လဲၤထီမၤအသးထဲ တဆံးတက့ၢ်အဃိန့ၣ်လီၤ. ဘၣ်ဆၣ်ဒီးအဝဲသ့ၣ်ကထံၣ်ဘၣ်စီၤစရူၤဘၤ ဘ့လးဘှီထီၣ်ဒံးတၢ်လုၢ်ဟံၣ်န့ၣ်, ဒီးအဝဲသ့ၣ်ကသူၣ်ဖှံသးညီ ဝဲလီၤ. ကလူးန့ၣ်စံးဘၣ်ယၤ, “မ့ၣ်အူဒၢနွံဖျၢၣ်န့ၣ်မ့ၢ်ယွၤအမဲာ်ချံ နွံဖျၢၣ်လၢအထံၣ်တၢ်လၢဟီၣ်ခိၣ်ဒီဘ့ၣ်ညါန့ၣ်လီၤ.”

လံာ်စကၤရယၤ 4:10 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 16:9

ယွၤကွၢ်ထံကွၢ်ဆးတၢ်လၢဟီၣ်ခိၣ်ဒီဘ့ၣ်ညါအဖီခိၣ်, ဒ်သိးအကဟ့ၣ်ဂံၢ်ဟ့ၣ်ဘါပှၤတဖၣ်လၢအအိၣ်ဒီးတၢ်သးတီဒီးအီၤ န့ၣ်လီၤ. နမၤတ့ၢ်လံတၢ်ဒ်ပှၤအမၢးတဂၤဒီးစးထီၣ်ခဲအံၤန့ၣ်နကဘၣ်ဒုး တၢ်ယၤတၢ်ထီဘိန့ၣ်လီၤ.”

လံာ်စီၤယိၤဘး 8:7

တၢ်ထူးတၢ်တီၤခဲလၢာ်လၢအလီၤမၢ်ကွံာ်ဒီးနၤတဖၣ်န့ၣ်တမ့ၢ် လၢၤတၢ်နီတမံၤဘၣ်, ဖဲနထိၣ်သတြီၤအီၤဒီးတၢ်လၢကစၢ် ယွၤကဟ့ၣ်နၤလၢခံန့ၣ်လီၤ.

စံးထီၣ်ပတြၢၤ 33:14

ဖဲအဆ့ၣ်နီၤပၢတၢ်အလီၢ်န့ၣ် ကွၢ်လီၤဝဲပှၤအိၣ်လၢဟီၣ်ခိၣ်ချၢခဲလၢာ်န့ၣ်လီၤ.

တၢ်ကတိၤဒိ. 15:3

ယွၤထံၣ်တၢ်မၤအသးလၢတၢ်အလီၢ်ကိးပူၤဒဲးလီၤ. ဒီးမ့ၢ်ပမၤတၢ်ဂ့ၤဧါ, တၢ်အၢဧါန့ၣ်, အဝဲခိးကွၢ်ပှၤန့ၣ်လီၤ.

တၢ်ကတိၤဒိ. 4:18

ကျဲလၢပှၤတီပှၤလိၤပိာ်ဝဲန့ၣ်လီၤဂာ်ဒ်မုၢ်ဟဲထီၣ်ဒီးကပီၤ ဒံးယံာ်ဒံးဂ့ၤထီၣ်တုၤလၢမုၢ်ထူၣ်အသိးန့ၣ်လီၤ.

လံာ်ယၡါယၤ 66:11

သုကမုာ်လၤသးခုဘၣ်လၢအတၢ်ဘီၣ်ထီၣ်ညီထီၣ်အဃိ, ဒ်ဖိသၣ်တဂၤလၢအအီအမိၢ်အနုၢ်ထံအသိးန့ၣ်လီၤ.

လံာ်ယၡါယၤ 66:14

ဖဲသုထံၣ်ဘၣ်တၢ်အံၤမၤအသးဒီး, သုကသူၣ်ဖှံသးညီဝဲလီၤ. တၢ်အံၤကဒုးဆူၣ်ထီၣ်သုဂံၢ် သုဘါဒီးဒုးအိၣ်ဆူၣ်အိၣ်ချ့သုလီၤ. အန့ၣ်ဒီးသုကသ့ၣ်ညါလၢယၤ, ယွၤအံၤ, မၤစၢၤပှၤတဖၣ်လၢအစူၢ်ယၤ, ဒီးယဒုးနဲၣ်ယတၢ်သးဒိၣ် ထီၣ်ထီဒါယဒုၣ်ယဒါတဖၣ်န့ၣ်လီၤ.”

လံာ်ယံးရမံယၤ 16:17

ယထံၣ်တၢ်ခဲလၢာ်လၢအဝဲသ့ၣ်မၤဝဲလီၤ. တၢ်တအိၣ်သဒၢလၢယမဲာ်ညါနီတမံၤဘၣ်. အဝဲသ့ၣ်အတၢ်ဒဲးဘးတဖၣ်အိၣ်သဒၢ လၢယမဲာ်အတၢ်ထံၣ်တန့ၢ်ဘၣ်.

လံာ်ယဃ့းစက့လး 1:14

တၢ်ဘၣ်တ့တဖၣ်အကစၢ်ဒၣ်ဝဲဃ့ၢ်သဘျိၣ်ဆူန့ၣ်ဆူအံၤချ့ဝဲဒ်လီ ဝၢ်ဒံးအသိးန့ၣ်လီၤ.

လံာ်ဟိၤၡ့ 6:3

မ်ပကဂုာ်ကျဲးစၢးသ့ၣ်ညါသကိးယွၤန့ၣ်တက့ၢ်. အဝဲကဟဲဆူပအိၣ်သပှၢ်ကတၢၢ်ဒ်မုၢ်ဟဲထီၣ်သီတဖၣ်အသိး, သပှၢ်ကတၢၢ်ဒ်တၢ်ယီၤထီၣ်သီအမူခိၣ်ထံမၤဘၣ်စီၣ်ဟီၣ်ခိၣ် အသိးန့ၣ်လီၤ.

လံာ်ဧၤမိၣ် 7:2

လၢယတၢ်ထံၣ်လၢညါခီအပူၤယထံၣ်တ့ၢ်ဒွဲၣ်တဖၣ်အီၣ်လၢာ်ကွံာ်ကယဲၢ် တၢ်အသံကစဲာ်ကိးမံၤဒဲးလၢကီၢ်ပူၤန့ၣ်လီၤ. တုၤနုၤတစုယစံး, တၢ်စိတၢ်ကမီၤခဲလၢာ်အယွၤဧၢ, ပျၢ်နပှၤဂီၢ်မုၢ်အတၢ်ကမၣ်တက့ၢ်. အဝဲသ့ၣ်မူဒံးဝဲကသ့ဒ်လဲၣ်. အဝဲသ့ၣ်မ့ၢ်ပှၤအဆံးဒီးအဂံၢ်စၢ်ဘါစၢ်ဒိၣ်မးလီၤ.

လံာ်ဧၤမိၣ် 7:5

တုၤနုၤတစုယစံး, ဆိတ့ၢ်လၢ်တက့ၢ်, တၢ်စိတၢ်ကမီၤခဲလၢာ်အယွၤဧၢ, နပှၤဂီၢ်မုၢ်မူဒံးဝဲကသ့ဒ်လဲၣ်. အဝဲသ့ၣ်မ့ၢ်ပှၤအဆံးဒီးပှၤအဂံၢ်စၢ်ဘါစၢ်ဒိၣ်မးလီၤ.

လံာ်ဃးကဲ 2:3

“မ့ၢ်ပှၤအိၣ်လၢသုကျါတဂၤဂၤလၢအသ့ၣ်နီၣ် ထီၣ်ဒံးတၢ်လုၢ်ဟံၣ်န့ၣ်အတၢ်ဃံဒိၣ်လၤဒိၣ်အိၣ်ဒ်လဲၣ်န့ၣ်ဧါ. ခဲအံၤသုကွၢ်အီၤမၤသးဒ်လဲၣ်. ကအိၣ်ဖျါဒ်တမ့ၢ်ဘၣ်တၢ်နီ တမံၤအသိးန့ၣ်လီၤ.

လံာ်စကၤရယၤ 3:9

ယပာ်လီၤလၢၢ်တဖျၢၣ်လၢအအိၣ်ဒီးအမဲာ်သၣ်နွံကပၤလၢစီၤယိၤၡူ အမဲာ်ညါလီၤ. ယကစိးပျၤတၢ်ကွဲးတမံၤလၢအလိၤ, ဒီးလၢတနံၤဃီအတီၢ်ပူၤန့ၣ်ယကစိာ် ကွံာ်ကီၢ်အံၤအတၢ်ဒဲးဘးန့ၣ်လီၤ.

လံာ်စကၤရယၤ 9:1

အအံၤမ့ၢ်ယွၤအတၢ်ကစီၣ်လီၤ. အဝဲခါလီၤအကလုၢ်လၢတၢ်စံၣ်ညီၣ်ကီၢ်ဃၤဒြး, ဒီးဝ့ၢ်ဒၤမ့းစ့းအဂီၢ်လီၤ. တမ့ၢ်ထဲလၢကီၢ်အံၣ်စရ့လးအဒူၣ်တဖၣ်ဧိၤဘၣ် ဃးဒီးယွၤဘၣ်. မ့မ့ၢ်စူၤရံအဝ့ၢ်ခိၣ်ဘၣ်ဃးစ့ၢ်ကီးဒီးယွၤလီၤ.

လံာ်လူၤကၣ် 15:32

ဘၣ်ဆၣ်, ပဂ့ၤအိၣ်ဒီးတၢ်အီၣ်တၢ်အီအမူးဒီးသူၣ်ခုသးခုလီၤ. အဂ့ၢ်ဒ်အံၤ, နပုၢ်သံတ့ၢ်ဝဲ, မ့မ့ၢ်ခဲကနံၣ်အံၤအဝဲဒၣ်မူဝဲလီၤ. အဝဲဒၣ်လီၤမၢ်တ့ၢ်, ဘၣ်ဆၣ်ဒီးခဲကနံၣ်အံၤဘၣ်တၢ်ထံၣ်န့ၢ်က့ၤလံအီၤလံ.’ ”

လံာ်လီၣ်ဖျါ 5:6

တုၤနုၤတစုယထံၣ်သိဖိတဒုဆၢထၢၣ်လၢလီၢ်ပစိာ်အခၢၣ်သး, ဘၣ်တၢ်ကဝီၤဃာ်အီၤလၢတၢ်အသးသမူအိၣ်လွံၢ်ဒုဒီးပှၤ သူၣ်က့သးပှၢ်တဖၣ်န့ၣ်လီၤ. အိၣ်ဖျါလၢသိဖိတဒုန့ၣ်ဘၣ် တၢ်မၤသံအီၤလီၤ. အဝဲအိၣ်ဒီးအနၢၤနွံဘိဒီးအမဲာ်ချံနွံတိၣ်, လၢအမ့ၢ်ဝဲကစၢ်ယွၤအသးနွံဖျၢၣ်, လၢအဘၣ်တၢ်ဆှၢလီၤတ့ၢ်အီၤသကုၤဟီၣ်ခိၣ်ဒီဘ့ၣ်ညါန့ၣ်လီၤ.

လံာ်လီၣ်ဖျါ 8:2

တုၤနုၤတစု, ယထံၣ်ကလူးနွံဂၤလၢအအိၣ်ဆၢထၢၣ်လၢ ကစၢ်ယွၤအမဲာ်ညါ, ဒီးအဝဲသ့ၣ်ဘၣ်တၢ်ဟ့ၣ်အီၤလၢကွဲၤနွံ ဖျၢၣ်လီၤ.