လံာ်စကၤရယၤ 3:8 - Sgaw Karen Common Bible

⁸ ပှၤလုၢ်တၢ်အခိၣ်အဒိၣ်ကတၢၢ်စီၤယိၤၡူဧၢ, ဒိကနၣ်တက့ၢ်. အတံၤသကိးကဒဲကဒဲပှၤလုၢ်တၢ်အခိၣ်တဖၣ်, သုဝဲလၢအမ့ၢ်တၢ်ပနီၣ်အဂ့ၤတမံၤလၢခါဆူညါအဂီၢ်သ့ၣ်ဧၢ, ဒိကနၣ်တက့ၢ်. ယကလီၣ်ဖျါထီၣ်ယခ့ယပှၤ, လၢအဘၣ်တၢ်ကိးအီၤလၢတၢ်အဒ့န့ၣ်လီၤ.

လံာ်စကၤရယၤ 3:8 Iomraidhean Croise

စံးထီၣ်ပတြၢၤ 71:7

ယတၢ်အိၣ်မူမ့ၢ်တ့ၢ်တၢ်အဒိအတဲာ် တမံၤလၢ ပှၤအါဂၤအဂီၢ်, မ့ၢ်လၢနမ့ၢ်တ့ၢ် ပှၤဒီဒၣ်အိၣ်ဖှိၤယၤလၢ အဂံၢ်ဆူၣ်ဘါဆူၣ်အဃိလီၤ.

လံာ်ယၡါယၤ 11:1

အစီၤလိၣ်စီၤပၤအတၢ်လီၤစၢၤလီၤသွဲၣ်လၢစီၤဒၤဝံးန့ၣ်လီၤ ဂာ်ဒ်သ့ၣ်တထံးလၢအဘၣ်တၢ်ကူာ်လီၤကွံာ်အီၤအသိးလီၤ. ဘၣ်ဆၣ်ဒီး, ဒ်သ့ၣ်ဒ့အသီတဖၣ်ဟဲဒိးပဒုၣ်ထီၣ်ဝဲလၢသ့ၣ်ခိၣ် ဆၢၣ်အလိၤအသိးန့ၣ်, စီၤပၤအသီတဂၤကဟဲအိၣ်ထီၣ်ဝဲလၢစီၤဒၤ ဝံးအစၢၤအသွဲၣ်တဖၣ်အကျါန့ၣ်လီၤ.

လံာ်ယၡါယၤ 20:3

ဖဲဝ့ၢ်အၤစဒိာ်ဘၣ်တၢ်ဒုးန့ၢ်အီၤဝံၤဒီး, ယွၤစံးဝဲဒၣ်, “ယခ့ယပှၤစီၤယၡါယၤဟးဝ့ၤဝီၤတ့ၢ်အိၣ်ဘ့ၣ်ဆ့အိၣ်ဘ့ၣ်ခီၣ် သၢနံၣ်လံလီၤ. အဝဲအံၤမ့ၢ်တၢ်ပနီၣ်တခါလၢတၢ်ကမၤအသး ဒီးကီၢ်အဲၤကူပတူးဒီးကီၢ်ကူၤၡးလီၤ.

လံာ်ယၡါယၤ 4:2

တၢ်ဆၢကတီၢ်ဟဲဝဲဖဲယွၤကပျဲတၢ်မုၢ်တၢ်ဘိဒီးသ့ၣ်ကိးထံးဒဲး လၢကီၢ်ပူၤကဒိၣ်ထီၣ်ဒီးဃံလၤဝဲလီၤ. ကယဲၢ်ပှၤအံၣ်စရ့လးဖိခဲလၢာ်လၢအမူဒံးတဖၣ်ကသူၣ်မုာ်သးခုဝဲ ဒီးပာ်ကဖၢလၢအသးလၢဟီၣ်ခိၣ်ဟ့ၣ်ထီၣ်ဝဲအတၤသူတၤသၣ် တဖၣ်အဃိလီၤ.

လံာ်ယၡါယၤ 42:1

ယွၤစံးဝဲ, “အအံၤမ့ၢ်ယခ့ယပှၤလၢယဟ့ၣ်ဂံၢ်ဟ့ၣ်ဘါအီၤ, ပှၤတဂၤလၢယဃုထၢအီၤဒီးဘၣ်သူၣ်ဘၣ်သးယၤဒိၣ်မးန့ၣ်လီၤ. ယမၤပှဲၤအီၤဒီးယသးဒၣ်ယဲ, ဒီးအဝဲကဟဲစိာ်တၢ်စံၣ်ညီၣ်တီဆူ ပှၤကိးကလုာ်ဒဲးလီၤ.

လံာ်ယၡါယၤ 49:3

အဝဲစံးဘၣ်ယၤ, “နမ့ၢ်ယခ့ယပှၤကီၢ်အံၣ်စရ့လးလီၤ. လၢနၤအဃိဒီး, ပှၤဂီၢ်မုၢ်ကစံးထီၣ်ပတြၢၤယၤလီၤ.”

လံာ်ယၡါယၤ 49:5

တချုးလၢယအိၣ်ဖျဲၣ်ထီၣ်ဒံးဘၣ်န့ၣ်, ယွၤဃုထၢပာ်ထီၣ်ယၤလီၤ. အဝဲဒုးကဲထီၣ်ယၤလၢအခ့အပှၤလၢကဟဲက့ၤစိာ်က့ၤအပှၤဂီၢ်မုၢ်, လၢယကဟဲက့ၤစိာ်က့ၤအံၣ်စရ့လးအပှၤဂီၢ်မုၢ်လၢ အလီၤပြံလီၤပြါတဖၣ်န့ၣ်လီၤ. ယွၤဟ့ၣ်ယၤတၢ်လၤတၢ်ကပီၤလီၤ. အဝဲဒၣ်မ့ၢ်ယတၢ်ဂံၢ်တၢ်ဘါအဂံၢ်ထံးလီၤ.

လံာ်ယၡါယၤ 52:13

ယွၤစံးဝဲ, “ယခ့ယပှၤကမၤန့ၢ်မၤနၢၤတၢ်လၢအတၢ်မၤအပူၤ, ဒီးအဝဲဒၣ်ကဘၣ်တၢ်မၤလၤကပီၤအီၤဒိၣ်ဒိၣ်ကလဲာ်ဒီးပာ်အီၤလၢ တၢ်စိတၢ်ကမီၤကိးမံၤဒဲးအဖီခိၣ်လီၤ.

လံာ်ယၡါယၤ 53:11

ဖဲတၢ်တူၢ်တၢ်နးတၢ်ဖှီၣ်အတၢ်အိၣ်မူတခါဝံၤအလီၢ်ခံန့ၣ်, အဝဲကအိၣ်ဒီးတၢ်သူၣ်ခုသးခုကဒီးတဘျီလီၤ. ကသ့ၣ်ညါဝဲလၢအတူၢ်တ့ၢ်တၢ်န့ၣ်တမ့ၢ်တၢ်ကလီ ကလီဘၣ်န့ၣ်လီၤ. ယခ့ယပှၤလၢအတီဒီးယၤ, လၢယဘၣ်ယသးလၢအီၤတဂၤ, ကဝံထီၣ်ယိးထီၣ်တၢ်စံၣ်ညီၣ်လၢပှၤအါဂၤအဂီၢ်, ဒီးလၢအဝဲဒၣ်အဃိယကပျၢ်အဝဲသ့ၣ်အတၢ်ကမၣ်လီၤ.

လံာ်ယၡါယၤ 53:2

မ့ၢ်တၢ်ဘၣ်ယွၤအသးလၢအခ့အပှၤကဒိၣ်ထီၣ် ဒ်သ့ၣ်တထံးစဲၤလီၤအဂံၢ်လၢဟီၣ်ခိၣ်ဃ့ထီအပူၤအသိးန့ၣ်လီၤ. အသူးအသ့ၣ်မ့ၢ်ဂ့ၤ, အတၢ်ဃံတၢ်လၤမ့ၢ်ဂ့ၤ လၢပကပာ်သူၣ်ပာ်သးအီၤအဂီၢ်န့ၣ် တအိၣ်ဘၣ်နီတမံၤဘၣ်. တအိၣ်ဘၣ်ဒီးတၢ်နီတမံၤလၢအလီၤထုးသူၣ်ထုးသး, ဒီးတၢ်လၢအကထုးန့ၢ်ပှၤဆူအအိၣ်တအိၣ် နီတမံၤဘၣ်.

လံာ်ယၡါယၤ 8:18

ကွၢ်ကွၢ်, ယအိၣ်ဒီးဖိတဖၣ်လၢယွၤဟ့ၣ်လီၤတ့ၢ်ယၤလီၤ. ယွၤ, သ့တၢ်လၢာ်ကစၢ်, လၢအလီၢ်ပစိာ်အိၣ်လၢကစၢၢ်စံ ယိၣ်အလိၤ, ဆှၢလီၤတ့ၢ်န့ၢ်ပှၤတၢ်ကစီၣ်အမူတဖၣ်ဆူအံၣ်စရ့လး အပှၤဂီၢ်မုၢ်အအိၣ်လီၤ.

လံာ်ယံးရမံယၤ 23:5

ယွၤစံးဝဲဒၣ်, “တၢ်ဆၢကတီၢ်တုၤဃီၤဝဲလၢယကဃုထၢပှၤအတီ အလိၤတဂၤလၢအလီၤစၢၤလၢစီၤဒၤဝံး, ဒ်စီၤပၤတဂၤအသိးန့ၣ် လီၤ. စီၤပၤအံၤကပၢတၢ်လၢတၢ်ကူၣ်သ့အပူၤဒီးမၤတၢ်လၢ အဘၣ်ဒီးတၢ်စံၣ်ညီၣ်တီအပူၤ, သကုၤထံကီၢ်ဒီဘ့ၣ်န့ၣ်လီၤ.

လံာ်ယံးရမံယၤ 33:15

ဖဲတၢ်ဆၢကတီၢ်အဝဲန့ၣ်, ယကဃုထၢပှၤအတီအလိၤတဂၤလၢ အလီၤစၢၤလၢ စီၤဒၤဝံးဒ်စီၤပၤတဂၤအသိးန့ၣ်လီၤ. စီၤပၤအဝဲန့ၣ်ကမၤတၢ်လၢ အဘၣ်ဒီးတီဝဲလိၤဝဲ, လၢကီၢ်ဒီဘ့ၣ်ညါအပူၤန့ၣ်လီၤ.

လံာ်ယဃ့းစက့လး 12:11

တဲဘၣ်အဝဲသ့ၣ်လၢ, တၢ်လၢနမၤတ့ၢ်န့ၣ်, မ့ၢ်တၢ်ပနီၣ်တမံၤလၢတၢ် လၢယဟဲဘၣ်အဝဲသ့ၣ်အဂီၢ်န့ၣ်တက့ၢ်. အဝဲသ့ၣ်ကကဲထီၣ်ပှၤဘၣ်ဃ့ၢ်ကွံာ်ဆူထံဂၤကီၢ်ဂၤတဖၣ်ဒီးပှၤလၢ အဘၣ်တၢ်ဖီၣ်န့ၢ်အီၤတဖၣ်န့ၣ်လီၤ.

လံာ်ယဃ့းစက့လး 12:6

ပျဲအဝဲသ့ၣ်ကွၢ်နဝံထီၣ်ယိးထီၣ်နတၢ်ဘိၣ်လၢနဖံဘၣ်ခိၣ်အလိၤ ဒီးနတၢ်ဟးထီၣ်ကွံာ်ဆူတၢ်ခံးကျါအိၣ်ဒီးနမဲာ်ချံတဖၣ်ဘၣ်တၢ် ကးဘၢအီၤ, ဒ်သိးနကလဲၤဆူလဲၣ်န့ၣ်နထံၣ်ဘၣ်သုတသ့တဂ့ၤန့ၣ် တက့ၢ်. တၢ်လၢနမၤအီၤအံၤကမ့ၢ်တၢ်ဟ့ၣ်ပလီၢ်တမံၤလၢပှၤ အံၣ်စရ့လးဖိတဖၣ်အဂီၢ်န့ၣ်လီၤ.”

လံာ်ယဃ့းစက့လး 24:24

အန့ၣ်ဒီဲး, ယကကဲထီၣ်တၢ်ပနီၣ်တမံၤလၢသုဂီၢ်န့ၣ်လီၤ. သုကမၤတၢ်ခဲလၢာ်လၢယမၤတ့ၢ်အီၤန့ၣ်လီၤ. ယွၤစံးဝဲဒၣ်လၢ, ဖဲတၢ်တဖၣ်အံၤမၤအသးန့ၣ်, သုကသ့ၣ်ညါလၢအဝဲမ့ၢ်ယွၤ, ပၢဘၣ်တၢ်ခဲလၢာ်ကစၢ်န့ၣ်လီၤ.”

လံာ်ယဃ့းစက့လး 34:29

ယကဟ့ၣ်အဝဲသ့ၣ်စံာ်ပျီတဖၣ်လၢအအိၣ်ဒီးဟီၣ်ခိၣ်ညၣ်ထ့ၣ်လၢ အဂ့ၤဒီးမၤကတၢၢ်ကွံာ်တၢ်သၣ်ဝံၤလီၤဒိလၢကီၢ်ပူၤန့ၣ်လီၤ. ပှၤကလုာ်အဂၤတဖၣ်တကတိၤဆဲးအဲးလၢၤဘၣ်အဝဲသ့ၣ်နီတဘျီ လၢၤဘၣ်.

လံာ်ယဃ့းစက့လး 37:24

စီၤပၤတဂၤလၢအလီၤဂာ်ဒီးယခ့ယပှၤစီၤဒၤဝံးကမ့ၢ်အဝဲသ့ၣ် အစီၤပၤန့ၣ်လီၤ. အဝဲသ့ၣ်ကအိၣ်ဃူအိၣ်ဖိးလၢ ပှၤပၢတၢ်တဂၤဃီအဖီလာ်ဒီးကစူၢ်ယတၢ်ဘူၣ်တၢ်ဘါအတၢ် သိၣ်တၢ်သီတဖၣ်လၢတၢ်သးတီအပူၤန့ၣ်လီၤ.

လံာ်စကၤရယၤ 6:12

တဲဘၣ်အီၤလၢသ့တၢ်လၢာ်ယွၤစံးဝဲလၢ, ပှၤကညီလၢအဘၣ်တၢ်ကိးအီၤလၢတၢ်အဒ့တဂၤန့ၣ်ကဘီၣ်ထီၣ် ညီထီၣ်ဝဲဖဲအအိၣ်ဝဲအလီၢ်, ဒီးကဘှီထီၣ်ကဒါက့ၤယွၤအတၢ်လုၢ်ဟံၣ်လီၤ.

လံာ်လူၤကၣ် 1:78

ပကစၢ်ယွၤမ့ၢ်ပှၤလၢ အသူၣ်ကညီၤသးကညီၤတၢ်လီၤ. အဝဲဒၣ်ကပျဲတၢ်အုၣ်က့ၤခီၣ်က့ၤအမုၢ်ဆ့ၣ်ဟဲဝါထီၣ် လၢပဖီခိၣ်ကပြုၢ်ကပြီၤ,