လံာ်စကၤရယၤ 3:7 - Sgaw Karen Common Bible

⁷ သ့တၢ်လၢာ်အယွၤစံးဒ်အံၤ, “နမ့ၢ်စူၢ်ယတၢ်သိၣ်တၢ်သီ တဖၣ်ဒီးမၤမူဒါတဖၣ်လၢယဟ့ၣ်လီၤနၤန့ၣ်ဒီး, နကပၢဆှၢဘၣ်ဒံးယတၢ်လုၢ်ဟံၣ်ဒီးအဂၢၤတဖၣ်, ဒီးယကဒိကနၣ်နတၢ်ထုကဖၣ်ဒ်ယဒိကနၣ်က လူးတဖၣ်လၢအအိၣ်လၢယမဲာ်ညါအတၢ်ထုကဖၣ်အသိးန့ၣ်လီၤ.

လံာ်စကၤရယၤ 3:7 Iomraidhean Croise

လံာ်တၢ်ကဲထီၣ်အခီၣ်ထံး 26:5

ယကဆိၣ်ဂ့ၤနၤလီၤ. အဂ့ၢ်ဒ်အံၤ, စီၤအၤဘြၤဟၣ်စူၢ်ယကလုၢ်ဒီး ဟံးဃာ်ကယဲၢ်ယတၢ်သိၣ်တၢ်သီဒီးယတၢ်မၤလိာ်တဖၣ်အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 2:3

ဒီးမၤတၢ်လၢယွၤ, နကစၢ်ယွၤမၤလိာ်နၤလၢနကဘၣ်မၤန့ၣ်တက့ၢ်. စူၢ်ကယဲၢ်အဝဲအတၢ်ဘူၣ်ထီၣ်ဘါထီၣ်အတၢ်သိၣ်တၢ်သီဒီးအတၢ်မၤလိာ် တဖၣ်လၢအအိၣ်ကွဲးအသးလၢစီၤမိၤၡ့အတၢ်သိၣ်တၢ်သီအလံာ်ပူၤဒ် သိးဖဲနလဲၤတၢ်တပူၤလၢ်လၢ်န့ၣ်, နကဘီၣ်ထီၣ်ညီထီၣ်လၢကယဲၢ်တၢ်လၢနမၤခဲလၢာ်အပူၤန့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 3:14

ဒီးနမ့ၢ်စူၢ်ယၤဒီးတိၢ်န့ၢ်ယတၢ်သိၣ်တၢ်သီတဖၣ်ဒီးယတၢ်မၤလိာ် တဖၣ်ဒ်နပၢ်စီၤဒၤဝံးမၤတ့ၢ်ဝဲအသိးန့ၣ်ဒီး, ယကဒုးအိၣ်ကၢအိၣ်ခိးနၤလီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 23:32

အဝဲသ့ၣ်ဘၣ်တၢ်ဟ့ၣ်မူဟ့ၣ်ဒါအီၤလၢကအံးထွဲကွၢ်ထွဲယွၤအဒဲ စီဆှံလၢယွၤအိၣ်ဝဲ, ဒီးယွၤအတၢ်လုၢ်ဟံၣ်, ဒီးကဘၣ်မၤစၢၤအဝဲသ့ၣ်အဘူးအတံၢ်တဖၣ်, ပှၤလုၢ်တၢ်အခိၣ်တဖၣ်လၢအဟဲလီၤစၢၤလီၤသွဲၣ်လၢစီၤအၤဟရိၣ်လၢ တၢ်ဘူၣ်တၢ်ဘါလၢတၢ်လုၢ်ဟံၣ်ပူၤန့ၣ်လီၤ.

လံာ်ယၡါယၤ 62:9

မ့မ့ၢ်သုဝဲလၢအဖှံလီၤတ့ၢ်ဒီးကူးက့ၤတ့ၢ် ဘုဧိၤဟုဧိၤတဖၣ် ကအီၣ်ဘၣ်ကိၣ်ဒီးစံးထီၣ်ပတြၢၤယွၤလီၤ. သုဝဲလၢအအံးထွဲကွၢ်ထွဲဒီးထၢဖှိၣ်က့ၤစပံးသၣ်တဖၣ် ကအီစပံးထံလၢယတၢ်လုၢ်ဟံၣ်အဂၢၤတဖၣ် အပူၤန့ၣ်လီၤ.

လံာ်ယဃ့းစက့လး 44:8

အဝဲသ့ၣ်တဟံးန့ၢ်ဘၣ်မူဒါလၢတၢ်ဘူၣ်တၢ်ဘါအလုၢ်အလၢ်စီဆှံ တဖၣ်လၢယတၢ်လုၢ်ဟံၣ်ပူၤအဂီၢ်ဘၣ်. အခိၣ်တလိာ်အဝဲသ့ၣ် ပာ်လီၤမူဒါလၢပှၤတခီဘီမုၢ်ဖိတဖၣ်အစုပူၤန့ၣ်လီၤ.

လံာ်ယဃ့းစက့လး 48:11

တၢ်လီၢ်ကဝီၤစီဆှံအံၤန့ၣ်ကဘၣ်မ့ၢ်ဝဲဒၣ်ပှၤလုၢ်တၢ်အခိၣ်တဖၣ် လၢအလီၤစၢၤလီၤသွဲၣ်လၢစီၤစၤဒိးအဂီၢ်န့ၣ်လီၤ. အဝဲသ့ၣ် တဖၣ်မၤတ့ၢ်ယတၢ်မၤလၢတၢ်သူၣ်တီသးတီအပူၤဒီးတမၤဃုာ် သကိးတၢ်ကမၣ်ဒီးပှၤအံၣ်စရ့လးဖိအဂၤတဖၣ်ဒ်ပှၤအဂၤတဖၣ် လၢလ့ၤဝံအဒူၣ်အပူၤမၤတ့ၢ်ဝဲအသိးန့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 10:3

တုၤနုၤတစု, စီၤမိၤၡ့စံးဘၣ်စီၤအၤဟရိၣ်, “အအံၤမ့ၢ်တၢ်လၢယွၤကတိၤတၢ်ဒီးစံး, ကယဲၢ်ပှၤခဲလၢာ်လၢအမၤယတၢ်မၤန့ၣ်ကဘၣ်ယူးယီၣ်ပာ်ကဲယတၢ်စီတၢ်ဆှံလီၤ. ဒီးယကလီၣ်ဖျါထီၣ်ယလၤကပီၤဆူယပှၤဂီၢ်မုၢ်အအိၣ်လီၤ.” မ့မ့ၢ်စီၤအၤဟရိၣ်အိၣ်ဘှီၣ်ကလာ်ဝဲဒၣ်လီၤ.

လံာ်တၢ်ဘူၣ်ထီၣ်ဘါထီၣ် 8:35

သုကဘၣ်အိၣ်လၢတၢ်ဘူၣ်ထီၣ်ဘါထီၣ်ယွၤအကျဲစၢၤနွံနံၤနွံနၤ, ဒီးမၤတၢ်လၢယွၤမၤလိာ်ဝဲန့ၣ်လီၤ. သုမ့ၢ်တမၤဘၣ်တၢ်န့ၣ်ဒီးသုကသံလီၤ. တၢ်အံၤမ့ၢ်တၢ်လၢယွၤမၤလိာ်ယၤန့ၣ်လီၤ.”

လံာ်စကၤရယၤ 3:6

အန့ၣ်ဝံၤဒီးယွၤအကလူးတဲဘၣ်စီၤယိၤၡူလၢ,

လံာ်စကၤရယၤ 4:14

တုၤနုၤတစုအဝဲစံးဝဲဒၣ်, “အဝဲသ့ၣ်တဖၣ်အံၤမ့ၢ်ပှၤခံဂၤလၢကစၢ်ယွၤဃုထၢတ့ၢ်လံအီၤ ဒီးဖှူတ့ၢ်လံအီၤလၢကမၤအဝဲဒၣ်, လၢအမ့ၢ်ဟီၣ်ခိၣ်ဒီဘ့ၣ်အယွၤ, အတၢ်န့ၣ်လီၤ.”

လံာ်စကၤရယၤ 6:15

ပှၤတဖၣ်လၢအအိၣ်ဖးယံၤန့ၣ်ကဟဲဒီး မၤတၢ်လၢတၢ်ဘှီထီၣ်ကဒါက့ၤယွၤအတၢ်လုၢ်ဟံၣ်အဂီၢ်လီၤ. ဒီးဖဲတၢ်ဘှီထီၣ်ကဒါက့ၤအီၤန့ၣ်, သုကသ့ၣ်ညါလၢသ့တၢ်လၢာ်ယွၤမၢလီၤယၤဆူသုအိၣ်လီၤ. တၢ်အံၤခဲလၢာ်ကမၤအသးဖဲလၢသုစူၢ်ယွၤ, သုကစၢ်ယွၤအ ကလုၢ်လၢလၢပှဲၤပှဲၤအခါန့ၣ်လီၤ.”

လံာ်စကၤရယၤ 6:5

အဝဲစံးဆၢယၤ, “တၢ်တဖၣ်အံၤမ့ၢ်ကလံၤလွံၢ်ကျိၤလၢအဟဲဝဲဒၣ် လၢဟီၣ်ခိၣ်ဒီဘ့ၣ်အယွၤအအိၣ်လီၤ.”

လံာ်မးသဲ 19:28

ယ့ၣ်ၡူးစံးဘၣ်အဝဲသ့ၣ်, “နာ်ယၤတက့ၢ်. လၢစိၤအသီအပူၤ, ဖဲပှၤကညီဖိခွါကဆ့ၣ်နီၤလၢအလီၢ်ပစိာ်လၢအအိၣ်ဒီး အလၤကပီၤအဖီခိၣ်န့ၣ်, သုဝဲလၢအပိာ်တ့ၢ်ယခံတဖၣ်, သုကဆ့ၣ်နီၤလၢလီၢ်ပစိာ်တဆံခံဖျၢၣ်အဖီခိၣ်, ဒီးပၢဘၣ်ပှၤအံၣ်စရ့လးဖိတဆံခံဒူၣ်န့ၣ်လီၤ.

လံာ်လူၤကၣ် 22:30

သုကအီၣ်တၢ်အီတၢ်လၢယစီၢ်နီၤခိၣ်လၢယဘီယမုၢ်အပူၤ, ဒီးသုကဆ့ၣ်နီၤလၢလီၢ်ပစိာ်အဖီခိၣ်ဒ်သိးသုကပၢပှၤ အံၣ်စရ့လးဖိတဆံခံဒူၣ်န့ၣ်လီၤ.

လံာ်ယိၤဟၣ် 14:2

လၢယပၢ်အဟံၣ်ပူၤန့ၣ်, ဒၢးအိၣ်ဝဲအါဖျၢၣ်လီၤ. ယကလဲၤကတဲာ်ကတီၤတၢ်လီၢ်လၢသုဂီၢ်လီၤ. တၢ်အံၤမ့တမ့ၢ်ဘၣ်န့ၣ်, ယတစံးဘၣ်တဲဘၣ်သုဘၣ်.

လံာ်လီၣ်ဖျါ 3:21

ပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်အီၤတၢ်ခွဲးတၢ်ယာ်လၢအကဆ့ၣ်နီၤလၢယကပၤလၢ ယလီၢ်ပစိာ်အလိၤ, ဒ်ယမၤနၢၤတ့ၢ်လံတၢ်ဒီးဆ့ၣ်နီၤဘၣ်ယဲခဲ ကနံၣ်အံၤ, လၢယပၢ်အကပၤ, လၢအဝဲဒၣ်အလီၢ်ပစိာ်အလိၤ အသိးန့ၣ်လီၤ.