လံာ်စကၤရယၤ 3:2 - Sgaw Karen Common Bible

² ယွၤအကလူးစံးဘၣ်မုၣ်ကီၤလံၢ်, “မုၣ်ကီၤလံၢ်ဧၢ, မ်ယွၤသိၣ်ဃီၣ်နၤတက့ၢ်. မ်ယွၤလၢအအဲၣ်ဝ့ၢ်ယရူၤၡလ့ၣ်သိၣ်ဃီၣ်နၤတက့ၢ်. ပှၤတဂၤအံၤမ့ၢ်သ့ၣ်မုၣ်ခံတဘိလၢအဘၣ်တၢ်ထုးထီၣ်ကွံာ်အီၤလၢ မ့ၣ်အူပူၤလီၤ.”

လံာ်စကၤရယၤ 3:2 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 6:5

စးထီၣ်လၢယထုးထီၣ်ကွံာ်ယပှၤဂီၢ်မုၢ်လၢကီၢ်အဲၤကူပတူးအပူၤ တုၤလီၤခဲအံၤန့ၣ်, ယတဃုထၢတ့ၢ်ဝ့ၢ်လၢကီၢ်အံၣ်စရ့လးအပူၤနီတဖျၢၣ်, ဒ်တၢ်လီၢ်လၢတၢ်ကသူၣ်ထီၣ်တၢ်လုၢ်ဟံၣ်တဖျၢၣ်လၢတၢ်ကဘူၣ်ထီၣ်ဘါ ထီၣ်ယၤအဂီၢ်, ဒီးယတဃုထၢတ့ၢ်ပှၤနီတဂၤလၢကဆှၢယပှၤဂီၢ်မုၢ်, ပှၤအံၣ်စရ့လးဖိတဖၣ်န့ၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 6:6

ဘၣ်ဆၣ်ဒီး, ခဲကနံၣ်အံၤယဃုထၢလံဝ့ၢ်ယရူၤၡလ့ၣ်ဒ်တၢ်လီၢ်လၢ ယကဘၣ်တၢ်ဘူၣ်ထီၣ်ဘါထီၣ်ယၤအဂီၢ်, ဒီးနဲဒၣ်, စီၤဒၤဝံးဒ်ပှၤလၢကပၢယပှၤဂီၢ်မုၢ်န့ၣ်လီၤ.”

စံးထီၣ်ပတြၢၤ 109:31

အဂ့ၢ်ဒ်အံၤ, အဝဲဂဲၤဆၢထၢၣ်လၢ ပှၤလိၣ်ဘၣ်တၢ်မၤစၢၤအစုထွဲ ဒ်သိးကအုၣ်က့ၤခီၣ်က့ၤအီၤလၢ ပှၤလၢအစံၣ်ညီၣ်အီၤဆူတၢ်သံအဂီၢ်န့ၣ်လီၤ.

လံာ်ယၡါယၤ 7:4

စံးဘၣ်တဲဘၣ်အီၤလၢကစီၣ်မဲာ်စီၣ်နါ, ကပာ်အသးဂၢၢ်ဂၢၢ်, ဒီးအသုတပျံၤတၢ်ဒီးအသးသုတတံာ်တာ်တဂ့ၤ အဂီၢ်တက့ၢ်. စီၤပၤရစံၣ်ဒီးအပှၤစူၤရံဖိတဖၣ်, ဒီးစီၤပၤပ့ကးအတၢ်သးထီၣ်န့ၣ်တလီၤဘၣ်ယိာ်ဘၣ်ဘီထဲသိးဒီးမ့ၣ် အူခံ, ခံဘိအတၢ်ခုၣ်ထီၣ်ဘၣ်လီၤ.

လံာ်ဒၤနံးယ့လး 12:1

မူခိၣ်ကလူးလၢအသိးဆ့ဖှီဝါကဆှၣ်စံးဝဲ, “အကတီၢ်ဖဲန့ၣ် မူခိၣ်ကလူးဖးဒိၣ်မံၤက့လး, ပှၤလၢအပၢၤဃးနပှၤဂီၢ်မုၢ်က အိၣ်ဖျါထီၣ်ဝဲလီၤ. ဒီးဖဲန့ၣ်တၢ်ကီတၢ်ခဲတဖၣ် အကတီၢ်ကတုၤဝဲ, တၢ်ကီတၢ်ခဲအနးကတၢၢ် လၢအတမၤတ့ၢ်အသးဒံးဘၣ်, စးထီၣ်လၢပှၤတကလုာ်ကဲ ထီၣ်ဝဲတုၤမုၢ်တနံၤန့ၣ်လီၤ. ဘၣ်ဆၣ်ဒီးအကတီၢ်ဖဲန့ၣ်န့ၣ်, နပှၤဂီၢ်မုၢ်ကဘၣ်တၢ်မၤပူၤဖျဲးအီၤ, ကယဲၢ်ပှၤလၢအမံၤအိၣ်ကွဲးအသး လၢကစၢ်ယွၤအလံာ်ပူၤန့ၣ်ကတုၤလၢတၢ်အုၣ်က့ၤခီၣ်က့ၤန့ၣ်လီၤ.

လံာ်ဧၤမိၣ် 4:11

ယမၤဟးဂီၤကွံာ်တ့ၢ်သုတနီၤနီၤဒ်ယမၤဟးဂီၤတ့ၢ်ဝ့ၢ်စဒိၣ် ဒီးဝ့ၢ်ဂမိရၤအသိးလီၤ. ဒီးသုဝဲလၢအမူတ့ၢ်တဖၣ်န့ၣ်လီၤဂာ်ဒ်သ့ၣ်မုၣ်ခံလၢတၢ်ထုး ထီၣ်ကွံာ်အီၤလၢမ့ၣ်အူအပူၤအသိးန့ၣ်လီၤ. ဘၣ်ဆၣ်ဒီးသုတဟဲက့ၤကဒါက့ၤဆူယအိၣ်ဘၣ်. ယွၤစံးဝဲဒၣ်.

လံာ်စကၤရယၤ 1:17

ကလူးန့ၣ်တဲဘၣ်စ့ၢ်ကီးယၤလၢယကတဲဖျါထီၣ်တၢ်ဒ်အံၤ, “သ့တၢ်လၢာ်ယွၤစံးဝဲလၢ, အဝ့ၢ်တဖၣ်ကဘီၣ်ထီၣ်ညီထီၣ်ကဒီးတဘျီ, ဒီးအဝဲကမၤစၢၤကဒီးဝ့ၢ်ယရူၤရှလ့ၣ်တဘျီဒီးတဲဖျါလၢဝ့ၢ်ယရူၤရှလ့ၣ် မ့ၢ်အဝ့ၢ်န့ၣ်လီၤ.”

လံာ်စကၤရယၤ 2:12

ကီၢ်ယူဒၤကမ့ၢ်ကဒီးယွၤအတၢ်လီၢ်လီၤဆီလၢအကီၢ်စီဆှံအပူၤ, ဒီးဝ့ၢ်ယရူၤၡလ့ၣ်ကမ့ၢ်ဝ့ၢ်လၢအဝဲအဲၣ်ဝဲအဒိၣ်ကတၢၢ်လီၤ.

လံာ်မၢ်ကူး 1:25

ဘၣ်ဆၣ်ယ့ၣ်ၡူးဒူအလိၤဒီးစံး, “အိၣ်ဘှီၣ်ဒီးဟးထီၣ်ကွံာ်လၢပှၤတဂၤအံၤအပူၤတက့ၢ်.”

လံာ်မၢ်ကူး 9:25

တုၤမ့ၢ်ယ့ၣ်ၡူးထံၣ်ဘၣ်ပှၤဂီၢ်မုၢ်တဖၣ်ဟဲဆီၣ်သနံးအသးဘူး ဒီးအဝဲအိၣ်တၢ်အလီၢ်န့ၣ်, အဝဲဒူတၢ်နါအလိၤဒီးစံးဘၣ်အီၤ, “တၢ်နါလၢအဒုးတအၢပှၤနၢ်ဒီး မၤအုးအးပှၤတဒုဧၢ, ယမၤလိာ်နၤ, ဟးထီၣ်ကွံာ်လၢဖိသၣ်အံၤအအိၣ်တက့ၢ်. ဒီးတဘၣ်ဟဲဒိးလၢၤအီၤနီတစုတဂ့ၤ.”

လံာ်လူၤကၣ် 22:32

ဘၣ်ဆၣ်ဒီးယဃ့ဘါထုကဖၣ်တ့ၢ်ယဲလၢနဂီၢ်, စီၤၡံမိၣ်ဧၢ, ဒ်သိးနတၢ်စူၢ်တၢ်နာ်သုတဟးဂီၤတဂ့ၤအဂီၢ်လီၤ. ဒီးဖဲနဃၣ်ကဒါက့ၤနသးဆူယအိၣ်န့ၣ်, နကဘၣ်ဟ့ၣ်ဂံၢ်ဟ့ၣ်ဘါနဒီပုၢ်ဝဲၢ်တဖၣ်လီၤ.”

လံာ်လူၤကၣ် 4:35

ယ့ၣ်ၡူးခါလီၤအကလုၢ်ဒီးစံးဘၣ်တၢ်နါန့ၣ်, “အိၣ်ဘှီၣ်ကလာ်ဒီးဟးထီၣ်ကွံာ်လၢပှၤတဂၤန့ၣ်အပူၤတက့ၢ်.” တၢ်နါကွံာ်လီၤပှၤတဂၤန့ၣ်လၢအဝဲသ့ၣ်တဖၣ်အမဲာ်ညါ ဒီးဟးထီၣ်ကွံာ်လၢအဝဲဒၣ်အပူၤ, တအိၣ်ဒီးတၢ်မၤဘၣ်ဒိဘၣ်ထံးအီၤနီတမံၤဘၣ်.

လံာ်လူၤကၣ် 9:42

ဖဲပိာ်ခွါဖိသၣ်ဟဲဝဲအဖၢမုၢ်န့ၣ်, တၢ်နါမၤလီၤဃံၤအီၤလၢဟီၣ်ခိၣ်လိၤဒီးဒုးပျုၢ်ထိးအီၤလီၤ. ယ့ၣ်ၡူးဒူတၢ်နါအလိၤ, မၤဘျါက့ၤပိာ်ခွါဖိသၣ်, ဒီးဟ့ၣ်က့ၤအီၤဆူအပၢ်အအိၣ်လီၤ.

လံာ်ယိၤဟၣ် 13:18

ယတကတိၤတၢ်လၢသုဝဲခဲလၢာ်အဂ့ၢ်ဘၣ်. ယသ့ၣ်ညါပှၤလၢ ယဃုထၢအီၤတဖၣ်လီၤ. ဘၣ်ဆၣ်တၢ်ကွဲးအသးကဘၣ် လၢထီၣ်ပှဲၤထီၣ်လၢအစံးဝဲ, ‘ပှၤလၢအအီၣ်တၢ်ဒီးယၤတဂၤ န့ၣ်ထီဒါယၤလီၤ’ (စံး. ၄၁:၉).

ရိမ့ၤ 16:20

ဒီးကစၢ်ယွၤလၢအမ့ၢ်ပတၢ်ဃူတၢ်ဖိးအဂံၢ်ထံးတဂၤအံၤ, တယံာ်ဘၣ်ဒီးကမၤသဘှံးကွံာ်မုၣ်ကီၤလံၢ်လၢသုခီၣ်အဖီလာ်န့ၣ် လီၤ. မ်ပကစၢ်ယ့ၣ်ၡူးခရံာ်အဘျုးအဖှိၣ်အိၣ်ဒီးသုတက့ၢ်.

ရိမ့ၤ 8:33

မ့ၢ်မတၤကပာ်တၢ်ကမၣ်လၢပှၤလၢကစၢ်ယွၤဃုထၢအီၤ တဖၣ်အလိၤန့ၣ်လဲၣ်. ကစၢ်ယွၤအနီၢ်ကစၢ်ဒၣ်ဝဲမ့ၢ်ပှၤလၢ အပာ်တီပာ်လိၤအဝဲသ့ၣ်န့ၣ်လီၤ.

၁ ယိၤဟၣ် 3:8

မတၤတဂၤဂ့ၤတဂၤဂ့ၤလၢအမၤဒံးတၢ်ဒဲးဘးန့ၣ်, ဘၣ်ဃးဒီးမုၣ်ကီၤလံၢ်, မ့ၢ်လၢမုၣ်ကီၤလံၢ်မၤတ့ၢ်တၢ်ဒဲးဘးလၢအခီၣ်ထံးလံၤလံၤ အဃိန့ၣ်လီၤ. ကစၢ်ယွၤအဖိခွါလီၣ်ဖျါထီၣ်အသးလၢ တၢ်ဂ့ၢ်အဝဲအံၤအဂီၢ်, ဒ်သိးအကမၤဟးဂီၤကွံာ်တၢ်လၢ မုၣ်ကီၤလံၢ်မၤတ့ၢ်ဝဲတဖၣ်အဂီၢ်န့ၣ်လီၤ.

ယူဒၤ 1:23

အုၣ်က့ၤခီၣ်က့ၤပှၤဂၤတဖၣ်ခီဖျိတၢ်ထုးထီၣ်ကွံာ်အဝဲသ့ၣ် လၢမ့ၣ်အူပူၤန့ၣ်တက့ၢ်. ဒီးပှၤအဂၤတဖၣ်န့ၣ်ဒုးနဲၣ်တၢ်သးကညီၤဃါဃုာ်ဒီးတၢ်ပျံၤတၢ်ဖုး, ဒီးသးဟ့ဒၣ်လဲာ်အဝဲသ့ၣ်အကူအသိးလၢ အဘၣ်တၢ်မၤဘၣ်အၢဘၣ်သီအီၤလၢအဝဲသ့ၣ်အနီၢ်ခိတၢ်ဒဲးဘး တဖၣ်န့ၣ်တက့ၢ်.

ယူဒၤ 1:9

ကလူးအခိၣ်မံၤက့လးဒၣ်လဲာ်တမၤတၢ်အံၤဘၣ်. လၢအတၢ်အ့ၣ်လိာ်အသးဒီးမုၣ်ကီၤလံၢ်အပူၤ, ဖဲအဝဲသ့ၣ်ကတိၤဂ့ၢ်လိာ်တၢ်ဘၣ်ဃးဒီးမတၤ ကဟံးန့ၢ်စီၤမိၤၡ့အစိၣ်အဂ့ၢ်န့ၣ်, မံၤက့လးကတိၤဒုၣ်ဒွဲၣ်စံးအၢမုၣ်ကီၤလံၢ်တဘူၣ်ဘၣ်. မ့မ့ၢ်တခီစံးဝဲ, “မ်ကစၢ်သိၣ်ဃီၣ်နၤတက့ၢ်.”

လံာ်လီၣ်ဖျါ 17:14

အဝဲသ့ၣ်ကဒုးတၢ်ထီဒါသိဖိတဒုန့ၣ်, ဘၣ်ဆၣ်သိဖိအဝဲန့ၣ်, ဃုာ်ဒီးအပျဲၢ်အဘီၣ်လၢအဘၣ်တၢ်ကိးအီၤ, တၢ်ဃုထၢအီၤ, ဒီးအသးတီဝဲတဖၣ်, ကမၤနၢၤအဝဲသ့ၣ်, မ့ၢ်လၢအဝဲဒၣ်မ့ၢ်ကစၢ်တဖၣ်အကစၢ်ဒီးစီၤပၤတဖၣ်အစီၤပၤ အဃိန့ၣ်လီၤ.”